ᕉᒪᒥᐅᓄᑦ 4:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑍᕕᑎᑦᑕᐅᖅ ᐅᖃᕆᕗᖅ ᑍᒫᑦᓮᓐᓇᖅ, ᐃᓄᒃ ᖁᕕᐊᓱᒍᑎᒃᓴᖃᕐᓂᕋᕐᓗᒍ ᒎᑎᒧᑦ ᐃᓗᐊᕐᑑᓂᕋᕐᑕᐅᔪᖅ, ᐱᓂᐊᑦᓯᐊᕐᓂᕐᒧᑦ ᐱᑦᔪᑎᖃᕋᓂ:

ᕉᒪᒥᐅᓄᑦ 4:6 Iomraidhean Croise

ᐃᓐᖏᕈᑎᑦ 112:1

ᐊᑕᓂᖅ ᓂᕐᑐᕐᑕᐅᓕ! ᑐᓱᓐᓇᕐᐳᖅ ᐃᓄᒃ ᐊᑕᓂᕐᒥᒃ ᓯᕘᕋᔪᖅ, ᑖᑦᓱᒪᓗ ᐱᖁᔭᖏᓐᓂᒃ ᖁᕕᐊᒋᔭᖃᕐᑐᖅ.

ᐂᓮᐊᓯᐅᑉ ᐊᒡᓚᖏᑦ 54:17

ᐅᓇᑕᐅᑏᑦ ᐃᓕᑦᓯᓐᓄᑦ ᐊᑐᕐᑕᐅᓇᓱᒃᑐᑦ ᐊᑑᑎᖃᕈᒫᓐᖏᓚᑦ, ᐅᖃᐅᓯᒃᓮᕈᑎᔪᒫᕐᐸᓯ ᐅᖃᓕᒫᑦ ᐃᓕᑦᓯᓐᓂᒃ ᐊᑭᕋᕐᑐᕋᓱᒃᑐᑦ ᐃᖅᑲᕐᑐᐃᕕᖕᓂ, ᑕᒪᓐᓇ ᑕᕝᕙ ᐊᑕᓂᐅᑉ ᐱᔨᖏᑕ ᐱᒋᔪᒫᕐᑕᖓᑦ ᓴᐳᑦᔭᐅᓂᕆᔪᒫᕐᑕᖓᓪᓗ ᐅᕙᓐᓂᑦ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 22:6

“‘ᐃᒫᒃ ᐊᑕᓂᖅ ᐅᖃᕐᒪᑦ ᔫᑕᐅᑉ ᐊᖓᔪᖅᑳᕐᔪᐊᖓᑕ ᐃᒡᓗᖓᓃᑦᑐᓄᑦ: ᑕᑯᒥᓇᕋᓗᐊᕐᐳᑎᑦ ᒋᓕᐊᑎᐅᑉ ᓄᓇᖓᑎᑐᑦ, ᓕᐸᓇᓂᐅᓪᓗ ᖃᖅᑲᖏᑎᑐᑦ, ᓱᓇᖃᔪᐃᑦᑑᑉ ᓄᓇᖓᑐᑦ ᑍᒤᑦᑐᓐᖑᕐᑎᑦᓱᒫᕐᐸᑦᓯ, ᓄᓇᓕᖃᖏᑦᑐᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 33:16

ᑍᒃᑯᓇᓂ ᐅᓪᓗᓂ ᔫᑕᒥᐅᑦ ᐱᐅᓕᔭᐅᔪᒫᕐᐳᑦ, ᔨᕉᓴᓕᒥᐅᓪᓗ ᐃᓕᒪᓱᖏᓪᓗᑎᒃ ᐃᓅᔪᒫᕐᐳᑦ ᑍᔭᐅᔪᒫᕐᐳᓪᓗ ‘ᐊᑕᓂᖅ ᐃᓱᐊᕐᓯᑦᔪᑎᒋᕙᕗᑦ.’

ᑖᓂᐊᓕᐅᑉ ᐊᒡᓚᖏᑦ 9:24

“ᓇᓪᓕᐅᓐᓃᑦ 70 7ᐃᕐᑐᕐᓗᒋᑦ ᐅᖃᐅᓯᐅᕗᑦ ᐃᓄᖁᑎᖕᓄᑦ ᐃᒡᓗᒐᓴᖁᑎᖕᓄᓪᓗ ᐃᑦᔪᕐᓁᑦᑐᓄᑦ ᐱᐅᖏᑦᑐᓕᓂᖏᑕ ᓱᒋᐊᕐᑕᐅᓂᖏᑕ ᐃᓱᓕᕝᕕᒃᓴᖏᑦ, ᐊᔪᕐᑐᓕᓂᖅ ᐃᓱᓕᖁᓪᓗᒍ, ᐱᐅᖏᑦᑐᓕᓂᐅᑉ ᓴᓗᒻᒪᕐᑎᑕᐅᕕᒃᓴᖓᓄᑦ, ᐃᓱᐊᕐᑐᓕᓂᖅ ᐃᓱᖃᖏᑦᑐᒧᑦ ᐃᖏᕐᕋᓕᖁᓪᓗᒍ, ᑕᑯᑎᑕᐅᓂᖅ ᓇᓚᐅᑦᑍᓂᕐᓗ ᓇᕿᑦᔪᓯᕐᓗᒍ ᐃᑦᔪᕐᓁᓐᓂᕐᐹᕐᓗ ᐅᕐᓱᒧᑦ ᒥᖑᐊᕐᓗᒍ.

ᒫᑎᐅᓯᐅᑉ ᐊᒡᓚᖏᑦ 25:19

“ᑕᒪᑐᒪ ᑭᖑᓂᖓᒍᑦ ᐊᑯᓂ ᓂᐸᒪᓚᐅᕐᓗᓂ ᐱᔩᑦ ᐊᖓᔪᖅᑳᖓᑦ ᐅᑎᕐᐳᖅ, ᑮᓇᐅᔭᖏᓐᓂᒃ ᖃᐅᔨᓴᖃᑎᒋᓕᕐᐰᑦ.

ᕉᒪᒥᐅᓄᑦ 1:17

ᐅᖃᐅᓯᕐᑎᒍᑦ ᑐᓴᕈᒥᓇᕐᑐᑎᒍᑦ ᒎᑎᒧᑦ ᓈᒻᒪᒋᔭᐅᓕᕐᓂᖅ ᓴᖅᑭᑎᑕᐅᖕᒪᑦ ᐅᒃᐱᕐᓂᑯᑦ; ᐃᒫᒃ ᑎᑎᕋᕐᓯᒪᔪᖃᕐᒪᑦ, “ᐃᓗᐊᕐᑐᓕᔪᖅ ᐃᓅᔪᒫᕐᐳᖅ ᐅᒃᐱᕐᓂᕐᒥᓄᑦ.”

ᕉᒪᒥᐅᓄᑦ 3:27

ᖃᓄᕐᓕ ᓂᕐᑐᕐᓇᐅᑎᒃᓴᖃᕐᐱᑖ? ᓂᕐᑐᕐᓇᐅᑎᒃᓴᖃᓐᖏᓚᒍᑦ. ᓱᓇ ᐱᑦᔪᑎᒋᓪᓗᒍ? ᐱᖁᔭᓂᒃ ᒪᓕᒋᐊᖃᕐᓂᖅ ᐱᑦᔪᑎᒋᓪᓗᒍ ᐅᖃᐅᓯᐅᓐᖏᓛᖅ? ᑍᒤᓐᖏᓚᖅ, ᐅᒃᐱᕐᓂᖅ ᐱᑦᔪᑎᒋᓪᓗᒍ.

ᕉᒪᒥᐅᓄᑦ 4:11

ᑭᐱᔭᐅᓂᖓᓕ ᓇᓗᓁᒃᑯᑕᐅᓚᐅᕐᐳᖅ ᓇᓗᓁᕐᓯᑦᔪᑕᐅᓪᓗᓂᓗ ᐃᓗᐊᕐᑑᓂᕋᕐᑕᐅᖕᒪᑦ ᐅᒃᐱᕐᓂᖅ ᐱᑦᔪᑎᒋᓪᓗᒍ, ᑭᐱᔭᐅᓚᐅᕋᓂ ᓱᓕ ᐱᓚᐅᕐᑕᒥᓄᑦ ᑕᒤᓐᓄᑦ ᐅᒃᐱᕐᑐᓄᑦ ᐊᑖᑕᒋᔭᐅᖁᓪᓗᒍ ᑭᐱᔭᐅᓯᒪᖏᑦᑑᒐᓗᐊᓄᑦ ᐃᓗᐊᕐᑑᓂᕋᕐᑕᐅᓂᕐᒥᒃ ᐱᖃᑕᐅᖁᓪᓗᒋᑦ.

ᕉᒪᒥᐅᓄᑦ 4:24

ᐅᕙᒍᓪᓕᑦᑕᐅᖅ ᐱᑦᔪᑎᒋᓪᓗᑕ. ᒎᑎᒧᑦ ᐃᓗᐊᕐᑑᓂᕋᕐᑕᐅᖁᓪᓗᑕ ᑖᑦᓱᒧᖓ ᐅᒃᐱᕐᑐᒍᑦ ᑐᖁᒥᑦ ᒪᑭᑎᑦᓯᓯᒪᓂᖓᓂᒃ ᐊᑕᓂᑦᑎᓐᓂᒃ ᔩᓱᓯᒥᒃ,

ᕉᒪᒥᐅᓄᑦ 4:5

ᐃᓄᒡᓕ ᐅᒃᐱᕐᑐᖅ ᐱᓇᓱᐊᕐᓂᕐᒥᓄᑦ ᐱᓇᓂ; ᑕᑎᖃᕐᓗᓂᓗ ᒎᑎᒥᒃ ᐱᐅᖏᑦᑐᓕᔪᓂᒃ ᐸᓯᔭᒃᓴᐅᔪᓐᓃᕐᑎᑦᓯᔪᒥᒃ, ᐅᒃᐱᕐᓂᕐᒥᓄᑦ ᐃᓗᐊᕐᑑᓂᕋᕐᑕᐅᕗᖅ.

ᕉᒪᒥᐅᓄᑦ 4:7

“ᓮᒪᓇᕐᑐᒦᐳᑦ ᑍᒃᑯᐊ ᐱᐅᖏᑦᑐᓕᓂᖏᓐᓂᒃ ᐃᓱᒪᒋᔪᓐᓁᕐᕕᐅᔪᑦ, ᐊᔪᕐᓂᖏᓪᓗ ᐃᓱᒪᓇᕈᓐᓃᕐᑎᑕᐅᔪᑦ;

ᕉᒪᒥᐅᓄᑦ 4:9

ᖁᕕᐊᓱᒍᑎᒃᓴᖃᕐᓂᖅ ᑕᒪᓐᓇ ᑍᕕᑎᐅᑉ ᐅᖃᐅᓯᕆᔭᖓ ᑭᐱᔭᐅᓯᒪᔪᓄᑐᐊᖅ ᑐᕌᖓᕚ ᐅᕝᕙᓗ ᑭᐱᔭᐅᓯᒪᖏᑦᑐᓄᑦ ᑐᕌᖓᒋᕚ? ᐃᒫᒃ ᐅᖃᕋᑦᑕ ᐂᑉᕋᕼᐋᒻ ᐅᒃᐱᕐᓂᒃᑯᑦ ᐃᓗᐊᕐᓯᑎᑕᐅᓂᕋᑕᐅᓚᐅᕐᐳᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:30

ᑖᑦᓱᒨᓇᓕ ᑭᓯᐊᓂ ᙭ᔅᑑᓯ ᔩᓱᓯᒦᒃᑲᑦᓯ, ᒎᑎᐅᓪᓗ ᐅᕙᑦᑎᓐᓄᑦ ᙭ᔅᑑᓯ ᓯᓚᑐᓂᓐᖑᕐᑎᑉᐹ, ᑖᑦᓱᒨᓇᓗ ᐃᓗᐊᕐᑐᓕᔪᓐᖑᕐᑎᑉᐹᑎᒍᑦ, ᐃᑦᔪᕐᓁᑦᑐᓐᖑᕐᑎᓪᓗᑕᓗ, ᐱᐅᓕᔭᐅᑦᔪᑎᒋᓪᓗᑎᒍᓗ;

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:21

ᐊᔪᕐᑐᓕᓂᕐᒥᒃ ᖃᐅᔨᓚᐅᕐᓯᒪᖏᑦᑐᖅ ᒎᑎᐅᑉ ᐊᔪᕐᑐᓕᔪᓐᖑᕐᑎᓚᐅᕐᐹ ᐱᑦᔪᑎᒋᓪᓗᑕ, ᐅᕙᒍᑦ ᑖᑦᓱᒨᓇ ᒎᑎᒧᑦ ᐃᓗᐊᕐᑐᓐᖑᕐᑎᑕᐅᖁᓪᓗᑕ.

ᒐᓔᑎᐊᒥᐅᓄᑦ 3:14

ᑕᕝᕙ ᙭ᔅᑑᓯ ᔩᓱᓯᒃᑯᑦ ᐂᑉᕋᕼᐋᒻ ᓮᒻᒪᕐᑎᑕᐅᓯᒪᓂᖓ ᔫᑎᐅᖏᑦᑐᓄᑦᑕᐅᖅ ᐱᔭᐅᔪᓐᓇᕐᓯᖁᓪᓗᒍ, ᐅᕙᒍᑦᑕᐅᖅ ᐅᒃᐱᕐᓂᑦᑎᒍᑦ ᒎᑎᐅᑉ ᐊᖏᕈᑎᒋᓯᒪᔭᖓᓂᒃ ᐊᓂᕐᓂᕐᒥᒃ ᐱᑎᑕᐅᖁᓪᓗᑕ.

ᒐᓔᑎᐊᒥᐅᓄᑦ 4:15

ᓇᐅᒡᓕ ᐃᑲᔪᕈᒪᓂᕆᓚᐅᕐᑕᓯ? ᐅᕙᖓᓕ ᐅᖃᐅᑎᔪᓐᓇᕐᐸᑦᓯ ᐃᒫᒃ; ᐊᒡᓛᑦ ᐃᔨᓯ ᐱᕈᓐᓇᕈᑦᓯᐅᒃ ᐲᕐᓗᒋᑦ, ᐅᕙᓐᓄᑦ ᑐᓂᔪᒪᓚᐅᕋᓗᐊᕐᐸᓯ.

ᐃᐱᓯᒥᐅᓄᑦ 1:3

ᓂᕐᑐᕐᑕᐅᓕ ᒎᑎ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐊᑖᑕᖓ! ᑖᑦᓱᒪ ᙭ᔅᑑᓯᒥ ᐊᓂᕐᓂᒃᑯᑦ ᓮᒻᒪᕐᑎᑕᐅᔪᑕᐅᔪᓐᓇᕐᑐᓂ ᑕᒤᓐᓂᒃ ᐱᑎᓚᐅᕐᐹᑎᒍᑦ, ᕿᓚᖕᒥᐅᑍᑦ ᓇᔪᕐᑕᖏᓐᓂᒃ ᙭ᔅᑑᓯᒥᐅᑕᐅᓂᑦᑎᓐᓄᑦ.

ᒨᓯᓯ ᑕᓪᓕᒪᖏᑦ 33:29

ᐃᓴᕆᐊᓕᒥᐅᖑᔪᓯ, ᖁᕕᐊᓱᒃᑐᒃᓴᐅᕗᓯ! ᐊᑦᔨᖃᓐᖏᓚᓯ, ᐊᑕᓂᕐᒧᑦ ᐱᐅᓕᔭᐅᓯᒪᔪᓂᒃ. ᑖᓐᓇ ᓴᐴᓗᑕᕆᒐᑦᓯᐅᒃ ᐃᑲᔪᕐᑎᒋᓪᓗᒍ, ᓴᕕᒡᔪᐊᕆᓪᓗᒍᓗ ᓵᓚᖃᐅᑎᒋᓪᓗᒍ! ᐊᑭᕋᓯ ᐃᓕᑦᓯᓐᓄᑦ ᕾᕙᖕᓂᐊᕐᐳᑦ ᐃᓚᓐᓂᕐᓴᕐᓗᑎᒃ; ᐃᓕᑦᓯᓕ ᑐᒃᓯᐊᕐᕕᖏᑦ ᐳᕐᑐᔪᒦᑦᑐᑦ ᑐᓪᓕᕋᕐᓂᐊᕐᐸᓯ.”

ᐱᓕᐱᒥᐅᓄᑦ 3:9

ᑖᑦᓱᒥᖓᓗ ᐃᓅᖃᑎᖃᑦᓯᐊᕈᓐᓇᖁᓪᓗᖓ, ᐅᕙᓐᓂᑦ ᐱᔪᒥᒃ ᐱᖁᔭᓂᒃ ᒪᓕᖕᓂᒃᑯᑦ ᓇᓛᒎᓐᓂᖃᕋᓱᐊᖁᓇᖓ, ᓇᓛᒎᕐᓂᕐᒥᒡᓕ ᐱᑎᑕᐅᕗᖓ ᐅᒃᐱᕐᓂᑯᑦ ᙭ᔅᑑᓯᒥ, ᑕᒪᓐᓇ ᓇᓛᒎᕐᓂᖅ ᒎᑎᒥᑦ ᐱᔪᖅ ᑐᓐᖓᕕᖃᕐᒪᑦ ᐅᒃᐱᕐᓂᒥᒃ;

ᑎᒧᑎᒧᑦ ᐂᑉᐸᖏᑦ 1:9

ᑖᑦᓱᒪ ᐱᐅᓕᓚᐅᕐᒪᑎᒍᑦ ᕾᖁᓪᓗᑕᓗ ᕾᖁᔨᓂᕐᒧᑦ ᐃᑦᔪᕐᓁᑦᑐᒧᑦ, ᐱᓇᓱᐊᕈᓐᓇᕐᓂᕗᑦ ᐱᑦᔪᑎᒋᓇᒋᑦ ᐱᓇᓱᐊᕈᒪᔭᓂᓕ ᐱᑦᔪᑎᒋᓪᓗᒍ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᑐᓂᕐᕈᑎᒋᓯᒪᔭᖓ ᙭ᔅᑑᓯ ᔩᓱᓯᒃᑯᑦ ᓱᓇᓕᒫᑦ ᐱᒋᐊᓚᐅᖅᑳᕐᑎᓐᓇᒋᑦ.

ᔧᒥᓯᐅᑉ ᐊᒡᓚᖏᑦ 2:18

ᐅᖃᕐᑐᖃᕋᔭᕐᐸᑦ, “ᐅᒃᐱᕐᓂᖃᕐᐳᑎᑦ, ᐅᕙᖓᓕ ᐱᓂᐊᕐᓂᖃᕐᐳᖓ.” ᐅᒃᐱᕐᓂᕐᒥᒃᓕ ᐱᓂᐊᕐᓂᕐᒥᒃ ᐃᓚᖃᖏᑦᑐᒥᒃ ᑕᑯᑎᓚᐅᓐᖓ, ᐅᒃᐱᕐᓂᓐᓂᒃᑕᐅᖅ ᑕᑯᑎᓐᓂᐊᕋᒃᑭᑦ ᐱᓂᐊᕐᓂᒃᑯᑦ.

ᐲᑦᑐᕉᓯ ᐂᑉᐸᖏᑦ 1:1

ᓮᒨᓂ ᐲᑦᑐᕉᓯᒥᑦ, ᐱᔨᒋᔭᐅᓪᓗᓂ ᐋᐴᓯᑕᓕᐅᔪᒥᑦ ᔩᓱᓯ ᙭ᔅᑑᓯᒧᑦ, ᐱᑖᕐᓯᒪᔪᓄᑦ ᐅᒃᐱᕐᓂᕐᒥᒃ ᐱᕕᐊᕐᓇᕐᑐᒥᒃ ᐅᕙᑦᑎᑐᑦ ᒎᑎᑦᑕ ᐃᓗᐊᕐᑐᓐᖑᕐᑎᑦᓯᓂᖓᓄᑦ ᐱᐅᓕᔨᑦᑎᒍᓪᓗ ᔩᓱᓯ ᙭ᔅᑑᓯᒃᑯᑦ: