ᕉᒪᒥᐅᓄᑦ 4:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᑍᒤᒻᒪᑦ ᒎᑎᐅᑉ ᐊᖏᕈᑖ ᐅᒃᐱᕐᓂᕐᒥᒃ ᑐᓐᖓᕕᖃᕐᐳᖅ, ᓇᓗᓁᕐᓯᒪᑦᓯᐊᖁᓪᓗᒍ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᑭᓯᐊᓂ ᐱᔭᐅᔪᓐᓇᕐᓂᖓᓂᒃ ᐂᑉᕋᕼᐋᒻ ᑭᖑᕚᓕᒫᖏᓐᓄᑦ, ᐱᖁᔭᓂᒃ ᒪᓕᒃᑐᓄᑦ ᑖᒃᑯᓄᖓᑑᖏᑦᑐᖅ ᐊᓯᖏᓐᓄᓪᓗᑦᑕᐅᖅ ᐂᑉᕋᕼᐋᒻᑐᑦ ᐅᒃᐱᕐᓂᖃᕐᑐᓄᑦ: ᐂᑉᕋᕼᐋᒻ ᑕᒪᑦᑕ ᐊᑖᑕᒋᒐᑦᑎᒍ,

ᕉᒪᒥᐅᓄᑦ 4:16 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 51:2

ᐂᑉᕋᕼᐋᒻ ᓯᕗᓕᕕᓂᓯ ᐃᖅᑲᕐᓯᐅᒃ, ᓵᕋᓗ ᐊᓂᕕᒋᓯᒪᔭᓯ; ᐂᑉᕋᕼᐋᒻ ᐊᑕᐅᓯᑐᐊᖑᑎᓪᓗᒍ ᕾᖁᓚᐅᕐᐸᕋ, ᓮᒻᒪᕐᑎᓪᓗᒍᓗ ᐃᓄᒋᐊᒃᓯᑎᓚᐅᕐᐸᕋ.

ᓘᑲᓯᐅᑉ ᐊᒡᓚᖏᑦ 19:9

ᔩᓱᓯᐅᑉ ᐅᖃᐅᑎᕙ, “ᐅᓪᓗᒥ ᐱᐅᓕᔭᐅᓂᖅ ᐃᒡᓗᒧᑦ ᐅᕗᖓ ᑎᑭᑉᐳᖅ, ᐅᓇᑦᑕᐅᖅ ᐂᑉᕋᕼᐋᒻ ᑭᖑᕚᕆᖕᒪᒍ.

ᕉᒪᒥᐅᓄᑦ 15:8

ᐅᖃᐅᑎᕙᑦᓯ ᙭ᔅᑑᓯ ᐱᔨᓐᖑᓚᐅᕐᒪᑦ ᔫᑎᓄᑦ ᑭᐱᓯᒪᔪᓄᑦ ᒎᑎᐅᑉ ᓱᓕᑦᓯᐊᕐᓂᖓ ᓴᖅᑭᑎᑕᐅᖁᓪᓗᒍ, ᓯᕗᓕᕕᓂᖏᓐᓄᑦ ᐊᖏᕈᑎᒋᓯᒪᔭᖓᑕ ᑲᔪᓯᑎᑕᐅᓂᖓᒍᑦ.

ᕉᒪᒥᐅᓄᑦ 3:22

ᒎᑎᒧᑦ ᓈᒻᒪᒋᔭᐅᓕᕐᓂᖅ ᐱᔭᒃᓴᐅᕗᖅ ᐅᒃᐱᕐᑐᓕᒫᓄᑦ, ᐅᒃᐱᕐᓂᒃᑯᑦ ᔩᓱᓯ ᙭ᔅᑑᓯᒧᑦ.

ᕉᒪᒥᐅᓄᑦ 3:30

ᒎᑎ ᐊᑕᐅᓯᐅᖕᒪᑦ; ᑭᐱᔭᐅᓯᒪᔪᑦ ᐸᓯᔭᒃᓴᐅᔪᓐᓃᕐᑎᓚᐅᕐᐰᑦ ᐅᒃᐱᕐᓂᒃᑯᑦ ᑭᐱᔭᐅᓯᒪᖏᑦᑐᑦᑕᐅᖅ ᐅᒃᐱᕐᓂᒃᑯᑦ ᑕᒪᑐᒧᖓᑦᓮᓐᓇᖅ ᐸᓯᔭᒃᓴᐅᔪᓐᓃᕐᑎᑕᐅᒋᕗᑦ.

ᕉᒪᒥᐅᓄᑦ 4:11

ᑭᐱᔭᐅᓂᖓᓕ ᓇᓗᓁᒃᑯᑕᐅᓚᐅᕐᐳᖅ ᓇᓗᓁᕐᓯᑦᔪᑕᐅᓪᓗᓂᓗ ᐃᓗᐊᕐᑑᓂᕋᕐᑕᐅᖕᒪᑦ ᐅᒃᐱᕐᓂᖅ ᐱᑦᔪᑎᒋᓪᓗᒍ, ᑭᐱᔭᐅᓚᐅᕋᓂ ᓱᓕ ᐱᓚᐅᕐᑕᒥᓄᑦ ᑕᒤᓐᓄᑦ ᐅᒃᐱᕐᑐᓄᑦ ᐊᑖᑕᒋᔭᐅᖁᓪᓗᒍ ᑭᐱᔭᐅᓯᒪᖏᑦᑑᒐᓗᐊᓄᑦ ᐃᓗᐊᕐᑑᓂᕋᕐᑕᐅᓂᕐᒥᒃ ᐱᖃᑕᐅᖁᓪᓗᒋᑦ.

ᕉᒪᒥᐅᓄᑦ 5:1

ᑍᒤᒻᒪᓪᓕ ᒫᓐᓇ ᒎᑎᒧᑦ ᐸᓯᔭᒃᓴᐅᖏᓐᓂᕋᕐᑕᐅᔪᒍᑦ ᐅᒃᐱᕐᓂᒃᑯᑦ, ᒎᑎᒧᑦ ᐃᓱᒫᓘᑎᖃᕈᓐᓃᕐᐳᒍ ᐊᑕᓂᑦᑎᒍᑦ ᔩᓱᓯ ᙭ᔅᑑᓯᒃᑯᑦ.

ᕉᒪᒥᐅᓄᑦ 9:8

ᐅᓇ ᑐᑭᓕᒃ ᑎᒥᒃᑯᑦ ᑭᖑᕚᖑᔪᑑᖏᑦᑐᑦ ᒎᑎᐅᑉ ᕿᑐᕐᖓᕆᖕᒪᒋᑦ; ᐊᖏᕐᓯᒪᓂᒃᑯᓪᓕ ᕿᑐᕐᖓᐅᔪᑦ ᐂᑉᕋᕼᐋᒻᒧᑦ ᑭᖑᕚᖑᓂᕋᕐᑕᐅᖕᒪᑕ.

ᒐᓔᑎᐊᒥᐅᓄᑦ 3:14

ᑕᕝᕙ ᙭ᔅᑑᓯ ᔩᓱᓯᒃᑯᑦ ᐂᑉᕋᕼᐋᒻ ᓮᒻᒪᕐᑎᑕᐅᓯᒪᓂᖓ ᔫᑎᐅᖏᑦᑐᓄᑦᑕᐅᖅ ᐱᔭᐅᔪᓐᓇᕐᓯᖁᓪᓗᒍ, ᐅᕙᒍᑦᑕᐅᖅ ᐅᒃᐱᕐᓂᑦᑎᒍᑦ ᒎᑎᐅᑉ ᐊᖏᕈᑎᒋᓯᒪᔭᖓᓂᒃ ᐊᓂᕐᓂᕐᒥᒃ ᐱᑎᑕᐅᖁᓪᓗᑕ.

ᒐᓔᑎᐊᒥᐅᓄᑦ 3:16

ᑍᒫᒃ ᒎᑎ ᐊᖏᕐᓯᒪᕗᖅ ᐂᑉᕋᕼᐋᒻᒧᑦ ᑭᖑᕚᖓᓄᓪᓗ. ᐅᖃᕐᓯᒪᖏᒻᒪᑦ, “ᑭᖑᕚᖏᓐᓄᑦ,” ᐅᓄᕐᑐᓄᑦ ᑐᑭᖃᕐᓗᓂ; ᑭᓯᐊᓂᓕ ᐅᖃᖔᕐᐳᖅ “ᑭᖑᕚᖓᓄᑦ,” ᐊᑕᐅᓯᕐᒥᒃ ᐅᖃᐅᓯᖃᕐᓗᓂ, ᓇᓗᓇᓐᖏᓚᖅ ᙭ᔅᑑᓯᒥᒃ ᐅᖃᕐᓯᒪᖕᒪᑕ.

ᒐᓔᑎᐊᒥᐅᓄᑦ 3:22

ᐊᒡᓔᑦ ᓇᓗᓁᕐᓯᕗᑦ, ᐃᓘᓐᓇᑎᒃ ᐊᔪᕐᓂᕐᒧᑦ ᐱᑎᑕᐅᓯᒪᓂᖏᓐᓂᒃ, ᑍᒤᒻᒪᑦ ᐊᖏᕈᑕᐅᓯᒪᔪᖅ ᑐᓐᖓᕕᖃᕐᑐᖅ ᐅᒃᐱᕐᓂᒃᑯᑦ ᔩᓱᓯ ᙭ᔅᑑᓯᒧᑦ ᑐᓂᔭᐅᔪᓐᓇᖁᓪᓗᒍ ᐅᒃᐱᕐᑐᓄᑦ.

ᐃᐱᓯᒥᐅᓄᑦ 2:5

ᐅᒃᐱᕐᓂᕐᒥ ᑐᖁᖓᑎᓪᓗᑕ ᐱᐅᖏᑦᑐᓕᓂᕐᒧᑦ, ᐆᒻᒪᕐᑎᓚᐅᕐᐹᑎᒍᑦ ᒪᑭᑎᓪᓗᑕᓗ ᙭ᔅᑑᓯ ᐃᓚᒋᓪᓗᒍ, ᑕᕝᕙ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᐱᐅᓕᔭᐅᓯᒪᕗᓯ.

ᐃᐱᓯᒥᐅᓄᑦ 2:8

ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᐱᐅᓕᔭᐅᓯᒪᒐᑦᓯ ᐅᒃᐱᕐᓂᒃᑯᑦ; ᑕᒪᓐᓇᓗ ᐃᓕᑦᓯᓐᓂᒃ ᐱᓯᒪᓐᖏᓚᓯ, ᒎᑎᐅᓪᓕ ᑐᓂᕐᕈᑎᒋᕚ ᐊᑭᖃᖏᑦᑐᖅ.

ᑍᑑᓯᒧᑦ 3:7

ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᓈᒻᒪᒋᔭᐅᓕᖁᓪᓗᑕ ᒎᑎᒧᑦ ᑭᖑᕐᖑᑦᔨᔪᓐᓇᖁᓪᓗᑕᓗ ᐱᐅᓕᔭᐅᓂᕐᒥᒃ ᓂᕆᐅᖕᓂᕐᑖᕆᓯᒪᔭᑦᑎᒃᓂᒃ.

ᐲᑦᑐᕉᓯ ᐂᑉᐸᖏᑦ 1:10

ᑍᒤᒻᒪᑦ ᐅᒃᐱᖃᑎᒃᑲ, ᐊᒃᓱᕈᒃᑲᓐᓂᕆᐊᖃᕐᐳᓯ ᕾᖁᔭᐅᓯᒪᓂᓯ ᓂᕈᐊᕐᑕᐅᓯᒪᓂᓯᓗ ᑲᔪᓯᑎᓐᓇᓱᐊᕐᓗᒋᑦ, ᑍᒤᒃᑯᑦᓯ ᐅᒃᐱᕐᓂᕐᒥᑦ ᑲᑕᖕᓂᐊᓐᖏᒻᒪᕆᒃᐳᓯ;