ᕉᒪᒥᐅᓄᑦ 4:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐱᖁᔧᑦ ᓈᓚᒃᑕᐅᖏᑉᐸᑕ ᒎᑎᐅᑉ ᓂᓐᖓᐅᓯᖓᓂᒃ ᓴᖅᑭᑎᑦᓯᖕᒪᑕ, ᐱᖁᔭᖃᖏᑦᑐᓂᓕ ᐱᖁᔭᓂᒃ ᓈᓚᖏᓐᓂᕐᑕᖃᓐᖏᓚᖅ.

ᕉᒪᒥᐅᓄᑦ 4:15 Iomraidhean Croise

ᐊᑕᓃᑦ ᐂᑉᐸᖏᑦ 22:13

“ᐊᑕᓂᕐᒥᒃ ᖃᐅᔨᒋᐊᕈᑦᔭᐅᔪᒪᓕᕐᐳᖓ ᐃᓄᖏᓪᓗ ᐱᓪᓗᒋᑦ, ᔫᑕᒥᐅᓪᓗ ᐱᑦᔪᑎᒋᓪᓗᒋᑦ, ᐊᒡᓔᑦ ᑖᒃᑯᐊ ᓇᓂᔭᐅᔪᕕᓃᑦ ᐊᔪᕆᕐᑐᐃᑦᔪᑎᒋᔭᖏᓐᓂᒃ; ᐊᑕᓂᐅᑉ ᐊᖏᔪᒥᒃ ᓂᓐᖓᒡᕕᒋᓯᒪᕚᑎᒍᑦ ᓯᕗᓕᑦᑕ ᑖᒃᑯᐊ ᐊᒡᓔᑦ ᐊᔪᕆᕐᑐᐃᑦᔪᑎᒋᔭᖏᑦ ᒪᓕᓚᐅᖏᒻᒪᑦᔪᒃ, ᐱᓂᐊᕐᓂᖃᓚᐅᕋᑎᒡᓗ ᑎᑎᕋᕐᓯᒪᔪᑦ ᒪᓕᒡᓗᒋᑦ.”

ᔨᕆᒤᐊᐅᑉ ᐊᒡᓚᖏᑦ 4:8

ᐆᒪᔪᑦ ᒥᖅᑯᕕᓂᖏᓐᓂᒃ ᓴᓇᓯᒪᔪᓂᒃ ᐊᓐᓄᕌᓕᕆᑦᓯ, ᐅᒡᒍᐊᕐᓂᕐᒧᑦ ᕿᐊᔪᐊᓘᓕᕆᑦᓯ, ᐊᑕᓂᐅᑉ ᓂᓐᖓᕕᒃᔪᐊᕐᓂᖓᑕ ᑐᓄᓐᓂᐊᕈᓐᓃᕐᒪᓯ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:22

ᓇᓪᓕᐅᓐᓂᕐᓯᐅᕐᑐᖃᕐᑎᓪᓗᒍ ᓂᕆᕕᒃᔪᐊᕆᐊᕐᑐᖁᔨᔪᖃᕐᐸᖕᒪᑦ ᑲᑉᐱᐊᓇᕐᑐᒥᒃ ᐅᖓᓗᔭᐅᑎᓚᐅᕐᐸᕐᒪ, ᐅᓪᓗᕐᒥ ᐊᑕᓂᐅᑉ ᓂᓐᖓᕕᒃᔪᐊᕐᕕᐊᓂ ᕿᒫᔪᖃᕈᓐᓇᕐᓂᐊᓐᖏᓚᖅ ᐃᓅᔪᖃᕈᓐᓇᕐᓂᐊᕋᓂᓗ, ᕿᑐᕐᖓᒃᑲ ᐱᕈᕐᑎᓚᐅᕐᑕᒃᑲ ᓇᒡᓕᒋᓪᓗᒋᑦ ᑐᖁᑕᐅᑎᑉᐰᑦ.

ᐃᓯᑭᐊᓕᐅᑉ ᐊᒡᓚᖏᑦ 7:19

ᓯᐅᓪᕕᕆᖁᑎᑎᒃ ᐊᖅᑯᒻᒧᑦ ᐃᒋᐅᖅᑲᕈᒫᕐᐰᑦ, ᒎᓗᖁᑎᑎᒡᓗ ᓴᓂᕐᑎᑐᑦ ᑍᒤᓕᕈᒫᕐᐰᑦ; ᓯᐅᓪᕕᕆᓄᑦ ᒎᓗᓄᓪᓗ ᓴᐳᑎᔭᐅᔪᓐᓇᕈᒫᓐᖏᓚᑦ ᐊᑕᓂᐅᑉ ᓂᓐᖓᐅᓯᖓᑕ ᐅᓪᓗᖓᓄᑦ ᑎᑭᑕᐅᒍᑎᒃ; ᑕᒪᒃᑯᓄᖓ ᑳᒍᓐᓃᕐᑎᑕᐅᔪᓐᓇᕈᒫᓐᖏᓚᑦ ᐊᕿᐊᑦᑐᕐᑎᑕᐅᔪᓐᓇᕋᑎᒡᓗ. ᑕᒪᒃᑯᓄᖓ ᐊᔪᕐᑐᓕᑎᑕᐅᕙᓚᐅᕐᓂᖏᑦ ᐊᒡᕕᐊᕈᑕᐅᓕᕐᒪᑕ.

ᔨᐸᓁᐊᐅᑉ ᐊᒡᓚᖏᑦ 1:18

ᓯᐅᓪᕕᕆᖁᑎᖏᑕ ᒎᓗᖁᑎᖏᑕᓘᓐᓃᑦ ᐱᐅᓕᔭᐅᔪᓐᓇᕈᒫᓐᖏᓔᑦ ᐊᑕᓂᐅᑉ ᓂᓐᖓᐅᓯᖓᑕ ᐅᓪᓗᖓᓂ. ᓄᓇᕐᔪᐊᓕᒫᖅ ᓄᖑᑕᐅᔪᒫᕐᐳᖅ ᓯᒡᒐᑦᔨᓂᕐᒥᓄᑦ ᓂᓐᖓᐅᒪᓂᖓᑕ ᐃᑯᐊᓚᓂᖓᓄᑦ; ᑲᑉᐱᐊᓇᒃᑲᓐᓂᕐᕕᖃᖏᑦᑐᒧᑦ ᑕᕝᕔᓐᓇᖅ ᓄᖑᑦᓱᒫᕐᐰᑦ ᓄᓇᕐᔪᐊᕐᒥᐅᓕᒫᑦ.

ᒨᓯᓯ ᓯᑕᒪᖏᑦ 32:14

ᑕᑯᒋᑦ, ᓯᕗᓕᕕᓂᑦᓯᓐᓂᒃ ᒪᓕᓕᕐᑐᓯ, ᐃᓄᐃᑦ ᐊᔪᕐᑐᓕᔪᑦ, ᐊᖏᒡᓕᑎᑦᓯᒃᑲᓐᓂᕐᓗᓯ ᐊᑕᓂᐅᑉ ᓂᓐᖓᐅᒪᓂᖓᓂᒃ ᐃᓴᕆᐊᓕᒥᐅᓄᑦ.

ᔪᐊᓇᓯᐅᑉ ᐊᒡᓚᖏᑦ 15:22

ᑎᑭᓚᐅᖏᒃᑯᒪ ᐅᖃᐅᑎᔭᕐᑐᕐᓗᒋᑦ, ᐊᔪᕐᓂᖃᕋᔭᓐᖏᓚᑦ; ᒫᓐᓇᓕ ᐸᓯᔭᒃᓴᐅᔪᓐᓃᕈᓐᓇᓐᖏᓚᑦ ᐊᔪᕐᓂᕐᒥᖕᓄᑦ.

ᔪᐊᓇᓯᐅᑉ ᐊᒡᓚᖏᑦ 3:36

ᓇᓪᓕᐊᑦ ᑖᑦᓱᒪ ᐃᕐᓂᖓᓄᑦ ᐅᒃᐱᕐᑐᖅ ᐃᓅᓯᕐᒥᒃ ᓄᖑᓱᐃᑦᑐᒥᒃ ᐱᖃᕐᐳᖅ; ᓇᓪᓕᐊᓪᓕ ᑖᑦᓱᒪ ᐃᕐᓂᖓᓂᒃ ᐃᓚᓕᐅᕐᓯᖏᑦᑐᖅ ᐃᓅᓯᕐᒥᒃ ᑕᑯᓂᐊᓐᖏᓚᖅ, ᒎᑎᐅᓪᓕ ᓂᓐᖓᐅᓯᖓᑕ ᖁᓚᖏᐊᖏᓐᓇᕐᐹ.

ᕉᒪᒥᐅᓄᑦ 1:17

ᐅᖃᐅᓯᕐᑎᒍᑦ ᑐᓴᕈᒥᓇᕐᑐᑎᒍᑦ ᒎᑎᒧᑦ ᓈᒻᒪᒋᔭᐅᓕᕐᓂᖅ ᓴᖅᑭᑎᑕᐅᖕᒪᑦ ᐅᒃᐱᕐᓂᑯᑦ; ᐃᒫᒃ ᑎᑎᕋᕐᓯᒪᔪᖃᕐᒪᑦ, “ᐃᓗᐊᕐᑐᓕᔪᖅ ᐃᓅᔪᒫᕐᐳᖅ ᐅᒃᐱᕐᓂᕐᒥᓄᑦ.”

ᕉᒪᒥᐅᓄᑦ 5:13

ᐊᔪᕐᓂᖅ ᓯᓚᕐᔪᐊᕐᒦᓚᐅᕐᐳᖅ ᐱᖁᔭᖃᓚᐅᖅᑳᕐᑎᓐᓇᒍ, ᐱᖁᔭᖃᖏᑦᑐᓂᓪᓕ ᐊᔪᕐᓂᖅ ᐃᓱᒪᒋᔭᐅᓐᖏᓚᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:56

ᑐᖂᑉ ᐊᓐᓂᐊᑎᑦᓯᓂᖓ ᐱᔪᓐᓇᐅᑎᖃᕐᒪᑦ ᐊᔪᕐᓂᕐᒥᒃ, ᐊᔪᕐᓂᕐᓗ ᐱᔪᓐᓇᐅᑎᑖᕐᒪᑦ ᐱᖁᔭᓂᑦ,

ᒐᓔᑎᐊᒥᐅᓄᑦ 3:10

ᐱᖁᔧᓪᓕ ᒪᓕᑦᓯᐊᕐᑕᐅᔭᕆᐊᖃᕐᓂᖏᓐᓂᒃ ᑕᑎᖃᕐᓗᑎᒃ ᐃᓅᔪᑦ ᐃᓅᓯᖃᕐᐳᑦ ᒎᑎᒧᑦ ᓇᕐᕈᒋᔭᐅᔪᒦᑦᑐᒥᒃ; ᑎᑎᕋᕐᓯᒪᔪᖃᕐᒪᑦ, “ᐱᖁᔧᑦ ᒪᓕᒃᑕᐅᖁᔭᖏᓐᓂᒃ ᑎᑎᕋᕐᓯᒪᔪᓂᒃ ᒪᓕᑦᓯᐊᕈᓐᓇᖏᑦᑐᑦ ᑕᒪᕐᒥᒃ ᒎᑎᒧᑦ ᓇᕐᕈᓇᕐᑐᒦᑉᐳᑦ.”

ᒐᓔᑎᐊᒥᐅᓄᑦ 3:19

ᓱᖕᒪᓪᓕ ᐱᖁᔭᕐᑕᖃᕐᐸ? ᑖᒃᑯᐊᓕ ᐃᓚᓕᐅᑦᔭᐅᓯᒪᕗᑦ ᐱᐅᖏᑦᑐᓕᓂᖅ ᖃᐅᔨᒪᔭᐅᖁᓪᓗᒍ, ᑐᓂᑦᔪᑕᐅᓯᒪᓂᖏᑦ ᐊᑑᑎᒃᓴᖃᓚᐅᕐᐳᑦ ᐂᑉᕋᕼᐋᒻ ᑭᖑᕚᒃᓴᖓ ᑎᑭᖏᓐᓂᖓᓂ ᑖᑦᓱᒧᖓ ᐊᖏᕈᑕᐅᓯᒪᔪᖅ ᑐᕌᖓᖕᒪᑦ; ᐱᖁᔧᑦ ᑐᓂᔭᐅᓚᐅᕐᐳᑦ ᐂᖏᓕᒃᑯᑦ ᐃᓄᒃ ᐊᖅᑯᓯᐅᑎᔭᐅᓪᓗᓂ ᑐᓂᔭᐅᓪᓗᑎᒃ.

ᐃᐱᓯᒥᐅᓄᑦ 5:6

ᑭᓇᒃᑯᑐᐃᓐᓇᕐᓄᑦ ᓯᓔᕐᕆᔭᐅᓂᐊᕋᓯ ᐅᖃᐅᓯᕐᓄᑦ ᓱᓕᖏᑦᑐᓄᑦ, ᑍᒤᑦᑐᑦ ᐱᓪᓗᒋᑦ ᒎᑎᐅᑉ ᓂᓐᖓᐅᓯᖓ ᑎᑭᓐᓂᐊᕐᒪᑦ ᑖᑦᓱᒥᖓ ᓈᓚᖏᑦᑐᓄᑦ.

ᑯᓘᓯᐊᒥᐅᓄᑦ 3:6

ᑕᒪᒃᑯᐊ ᐱᓪᓗᒋᑦ ᒎᑎᐅᑉ ᓂᓐᖓᐅᓯᖓ ᑎᑭᑦᓱᒫᕐᒪᑦ ᒎᑎᒥᒃ ᓈᓚᖏᑦᑐᓄᑦ.

ᔪᐊᓇᓯ ᓯᕗᓪᓖᑦ 3:4

ᑕᒪᕐᒥᒃ ᐊᔪᕐᑐᓕᓂᕐᒥ ᐃᓅᔪᑦ ᐱᖁᔭᖃᖏᓐᓂᕐᒥᒃᑕᐅᖅ ᐃᓕᖅᑯᓯᖃᕆᕗᑦ, ᐊᔪᕐᓂᖅ ᐱᖁᔭᖃᖏᓐᓂᐅᖕᒪᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:15

ᖃᓂᖓᓂᓪᓗ ᐊᓂᔪᖃᕐᐳᖅ ᓴᕕᒡᔪᐊᒥᒃ ᐃᐱᒃᑐᒥᒃ ᑖᑦᓱᒧᖓ ᐃᓅᖃᑎᒌᒡᔪᐊᑦ ᓵᓚᒋᔪᒫᕐᐰᑦ, ᐊᐅᓚᓐᓂᐊᕐᐰᓪᓗ ᐊᔭᐅᑉᐱᐊᒧᑦ ᓴᕕᕋᔭᖕᒧᑦ; ᑐᓪᓕᕋᕐᓗᒋᓪᓗ ᐅᐂᓃᑦ ᐃᑦᑏᔭᕐᓂᐊᕐᐰᑦ ᐃᑦᑏᔧᕕᖕᒦᑦᑐᑦ ᑕᒪᑦᔭ ᒎᑎᐅᑉ ᐊᔪᒐᖃᖏᑦᑑᑉ ᓂᓐᖓᐅᓯᕐᔪᐊᖓᑕ ᐃᑦᓯᖓ.