ᕉᒪᒥᐅᓄᑦ 4:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐂᑉᕋᕼᐋᒻ ᑭᖑᕚᖏᓪᓗ ᒎᑎᐅᑉ ᐊᖏᕐᕕᒋᓚᐅᕐᐰᑦ, ᓯᓚᕐᔪᐊᕐᒥᒃ ᐱᒃᓴᖃᕐᑎᓐᓂᐊᕐᓂᕋᕐᓗᒋᑦ ᐱᖁᔭᓂᒃ ᓈᓚᑦᓯᐊᕐᓂᕐᒥᖕᓄᑦ ᐱᑦᔪᑎᖃᕋᑎᒃ ᐃᓗᐊᕐᑑᓂᕋᕐᑕᐅᓂᕐᒥᒍᓪᓕ ᐅᒃᐱᕐᓂᕐᒥᖕᓄᑦ.

ᕉᒪᒥᐅᓄᑦ 4:13 Iomraidhean Croise

ᒨᓯᓯ ᓯᕗᓪᓖᑦ 12:3

ᓮᒻᒪᕐᑎᑦᓱᒫᕐᐸᒃᑲ ᐃᓕᖕᓂᒃ ᓮᒻᒪᕐᑎᑦᓯᔪᑦ; ᓇᕐᕈᓇᕐᑎᑦᓯᔪᑦ ᓇᕐᕈᓇᕐᓯᑎᑦᓱᒫᕐᐸᒃᑲ; ᐊᖅᑯᑎᒋᓗᑎᓪᓗ ᐃᓚᒌᓕᒫᑦ ᓄᓇᕐᔪᐊᕐᒥ ᓮᒻᒪᕐᑎᑕᐅᔪᒫᕐᐳᑦ.”

ᒨᓯᓯ ᓯᕗᓪᓖᑦ 17:16

ᓮᒻᒪᕐᑎᓐᓂᐊᕐᐸᕋ, ᓱᓕᓗ ᑖᑦᓱᒨᓇ ᐃᕐᓂᕐᑖᕐᑎᑦᓱᒫᕐᐸᒋᑦ; ᓮᒻᒪᕐᑎᓐᓂᐊᕋᒃᑯ, ᐃᓅᖃᑎᒌᒡᔪᐊᓄᓪᓗ ᐊᓈᓇᒋᔭᐅᔪᒫᕐᐳᖅ; ᐃᓄᐃᓪᓗ ᐊᖓᔪᖅᑳᕐᔪᐊᖏᑦ ᑖᑦᓱᒪᓐᖓᑦ ᐱᔪᒫᕐᐳᑦ.

ᒨᓯᓯ ᓯᕗᓪᓖᑦ 28:14

ᑭᖑᕚᑎᑦ ᓄᓇᒥ ᐳᔪᕋᕐᑎᑐᑦ ᐅᓄᕐᑎᒋᔪᒫᕐᐳᑦ, ᓄᓇᖁᑎᖏᓪᓗ ᐅᖓᓯᒃᑐᓄᑦ ᑎᑭᐅᒪᔪᒫᕐᐳᑦ; ᐸᐅᖓ ᐅᓄᖓᓗ ᓯᑭᓂᐅᑉ ᓄᐃᕕᐊᑕ ᓇᓛᓄᑦ ᓂᐱᕕᐊᑕᓗ ᓇᓛᓄᑦ; ᐃᕝᕕᓪᓗ ᑭᖑᕚᑎᓪᓗ ᐊᖅᑯᑎᒋᓗᒋᑦ ᐃᓅᖃᑎᒋᒡᔪᐊᑦ ᓄᓇᕐᔪᐊᕐᒦᑦᑐᑦ ᓮᒻᒪᕐᑎᑕᐅᔪᒫᕐᐳᑦ.

ᒨᓯᓯ ᓯᕗᓪᓖᑦ 49:10

ᐊᖓᔪᖅᑳᕐᔪᐊᑉ ᐱᔪᓐᓇᐅᑎᖓᑕ ᓇᓗᓁᒃᑯᑕᖓ ᔫᑕᒥᑦ ᕿᒪᕉᑎᓂᐊᓐᖏᓚᖅ, ᐊᐅᓚᑦᓯᔨᐅᓪᓗ ᐊᔭᐅᑉᐱᐊᖓ ᐃᑎᒐᖏᑕ ᐊᑯᕐᖓᓐᓂᑦ ᐲᕐᑕᐅᓂᐊᖏᓐᓂᕗᖅ, ᐊᖓᔪᖅᑳᕐᔪᐊᖅ ᐱᖁᑎᓕᒃ ᑎᑭᓚᐅᖅᑳᕐᑎᓐᓇᒍ; ᑖᓐᓇ ᐃᓄᖕᓄᑦ ᐅᐱᒋᔭᐅᔪᒫᕐᐳᖅ ᓈᓚᒃᑕᐅᔪᒫᕐᓗᓂᓗ.

ᐃᓐᖏᕈᑎᑦ 2:8

ᑐᒃᓯᕋᕐᕕᒋᓐᖓ, ᑕᕝᕙ ᐃᓅᖃᑎᒌᒡᔪᐊᑦ ᐱᑖᕆᔭᐅᑎᑦᓱᒪᕙᒃᑲ ᐃᓕᖕᓄᑦ, ᓯᓚᕐᔫᓪᓗ ᐃᓱᖏᑦ ᐃᓕᖕᓄᑦ ᐱᒋᔭᐅᑎᑦᓱᒪᕙᒃᑲ.

ᐃᓐᖏᕈᑎᑦ 72:11

ᐊᖓᔪᖅᑳᕐᔪᐊᓕᒫᑦ ᓵᖓᓂ ᐹᒻᒪᒃᑎᕈᒫᕐᐳᑦ, ᐃᓅᖃᑎᒌᒡᔪᐊᓕᒫᓪᓗ ᐱᔨᑦᓯᕈᒫᕐᐹᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 13:32

ᐅᕙᒍᓪᓗ ᐅᕙᓃᑉᐳᒍᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᑐᓴᕐᑎᑕᐅᖁᓪᓗᓯ, ᓯᕗᓕᕕᓂᑦᑎᓐᓄᑦ ᒎᑎᐅᑉ ᐱᓂᐊᕐᓂᕋᕐᓯᒪᔭᖓᓂᒃ,

ᕉᒪᒥᐅᓄᑦ 4:12

ᐊᑖᑕᒋᔭᐅᒋᕗᕐᓗ ᑭᐱᔭᐅᓯᒪᔪᓄᑦ ᑭᐱᔭᐅᓯᒪᓂᖏᑦ ᐱᑦᔪᑎᒋᓇᒋᑦ ᐅᒃᐱᕐᓂᒥᒍᓪᓕ ᐂᑉᕋᕼᐋᒻᑐᑦ ᓯᕗᓕᕕᓂᑦᑎᑐᑦ ᑭᐱᔭᐅᓚᐅᖅᑳᕋᓂ ᐃᓅᓯᕆᓚᐅᕐᑕᖓᓂᒃ ᒪᓕᖕᓂᖏᓐᓄᑦ.

ᕉᒪᒥᐅᓄᑦ 9:8

ᐅᓇ ᑐᑭᓕᒃ ᑎᒥᒃᑯᑦ ᑭᖑᕚᖑᔪᑑᖏᑦᑐᑦ ᒎᑎᐅᑉ ᕿᑐᕐᖓᕆᖕᒪᒋᑦ; ᐊᖏᕐᓯᒪᓂᒃᑯᓪᓕ ᕿᑐᕐᖓᐅᔪᑦ ᐂᑉᕋᕼᐋᒻᒧᑦ ᑭᖑᕚᖑᓂᕋᕐᑕᐅᖕᒪᑕ.

ᒐᓔᑎᐊᒥᐅᓄᑦ 3:29

ᑕᕝᕙ ᙭ᔅᑑᓯᒥᐅᑕᐅᒍᕕᑦ, ᐂᑉᕋᕼᐋᒻᒧᑦ ᑭᖑᕚᕆᔭᐅᓕᕐᐳᑎᑦ, ᐊᖏᕈᑕᐅᓯᒪᔪᒥᒡᓗ ᑭᖑᕐᖑᑦᔨᖃᑕᐅᔪᒫᓕᕐᐳᑎᑦ.

ᐄᑉᕈᐃᓄᑦ 11:7

ᐅᒃᐱᕐᓂᑯᑦ ᓄᐊ, ᒎᑎᒧᑦ ᖃᐅᔨᑎᑕᐅᓕᕋᒥ ᓯᕗᓂᒃᓴᒥᒃ ᓱᓕ ᑕᑯᒃᓴᐅᖏᑦᑐᓂᒃ, ᒎᑎᒥᒃ ᓈᓚᒡᓗᓂ ᐅᒥᐊᕐᔪᐊᕐᒥᒃ ᓴᓇᓚᐅᕐᐳᖅ ᐃᒡᓗᒥᐅᖃᑎᖏᑕ ᐱᐅᓕᔭᐅᕕᒃᓴᖓᓂᒃ; ᑕᒪᑐᒨᓇᓗ ᓯᓚᕐᔪᐊᕐᒥᐅᑦ ᐃᖅᑲᕐᑐᕐᐰᑦ ᑭᖑᕐᖑᑦᔨᑎᑕᐅᓪᓗᓂᓗ ᐃᓗᐊᕐᓯᑎᑕᐅᓂᕐᒥᒃ ᐅᒃᐱᕐᓂᒥᑦ ᐱᔪᒥᒃ.

ᐄᑉᕈᐃᓄᑦ 7:6

ᑖᓐᓇᓕ ᒥᓪᑭᓯᑎ, ᓕᕔᑎᒃᑯᑦ ᑭᖑᕚᖏᓐᓂᑦ ᐱᓯᒪᓐᖏᓚᖅ, ᑎᒍᓯᓚᐅᕐᐳᕐᓕ ᐂᑉᕋᕼᐋᒻ ᑕᓪᓕᒪᐅᔪᕐᑐᐃᕈᑎᖏᓐᓂᒃ ᓮᒻᒪᕐᑎᓪᓗᓂᐅᒡᓗ ᑖᓐᓇ ᐊᖏᕐᕕᐅᓯᒪᔪᖅ ᒎᑎᒧᑦ.