ᕉᒪᒥᐅᓄᑦ 3:28 - ᐊᒡᓔᑦ ᐃᑦᔪᕐᖕᓁᑦᑐᑦ

²⁸ ᐅᖃᐅᓯᖃᕐᐳᒍᑦ ᐃᓄᒃ ᐸᓯᔭᒃᓴᐅᔪᓐᓃᕐᑎᑕᐅᖕᒪᑦ ᐅᒃᐱᕐᓂᕐᒥᒍᑦ, ᐱᖁᔭᓂᒃ ᒪᓕᖕᓂᕐᒥᓅᖏᑦᑐᖅ.

ᕉᒪᒥᐅᓄᑦ 3:28 Iomraidhean Croise

ᔪᐊᓇᓯᐅᑉ ᐊᒡᓚᖏᑦ 5:24

“ᓱᓕᔪᒥᒃ ᐅᖃᐅᑎᕙᑦᓯ, ᐅᖃᐅᓯᓐᓂᒃ ᑐᓴᕐᑐᖅ ᐅᒃᐱᕆᓗᒍᓗ ᑎᓕᔨᒐ, ᑖᓐᓇ ᐃᓅᓯᖃᕐᐳᖅ ᓄᖑᓱᐃᑦᑐᒥᒃ; ᐃᖅᑲᕐᑐᕐᑕᐅᑦᔮᓇᓂᓗ, ᑐᖁᒥᓪᓕ ᓄᒃᑎᕐᓯᒪᓕᕐᐳᖅ ᐃᓅᓯᕐᒧᑦ.

ᔪᐊᓇᓯᐅᑉ ᐊᒡᓚᖏᑦ 6:40

ᑕᒪᑦᔭ ᐊᑖᑕᒪ ᐱᔪᒪᔭᖓ, ᐃᕐᓂᖓᓂᒃ ᑕᑯᔪᓕᒫᑦ ᐅᒃᐱᓕᕐᓗᑎᒡᓗ ᑖᑦᓱᒧᖓ ᐃᓅᓯᕐᒥᒃ ᓄᖑᓱᐃᑦᑐᒥᒃ ᐱᖃᖁᓪᓗᒋᑦ; ᐅᕙᖓᓗ ᐆᒻᒪᕐᑎᑦᓱᒫᕐᐸᕋ ᐅᓪᓗᐃᑦ ᑭᖑᓪᓕᕐᐹᖓᓐᓂ.”

ᕉᒪᒥᐅᓄᑦ 3:26

ᑍᒤᓕᐅᓚᐅᕐᐳᖅ ᓈᒻᒪᓈᕐᑐᒥᒃ ᐃᖅᑲᕐᑐᐃᓂᓂ ᓴᖅᑭᑎᑦᓱᒪᓪᓗᒍ, ᐸᓯᔭᒃᓴᐅᔪᓐᓃᕐᑎᑦᓯᓪᓗᓂᓗ ᐅᒃᐱᓕᕐᑐᒥᒃ ᔩᓱᓯᒧᑦ.

ᕉᒪᒥᐅᓄᑦ 4:5

ᐃᓄᒡᓕ ᐅᒃᐱᕐᑐᖅ ᐱᓇᓱᐊᕐᓂᕐᒥᓄᑦ ᐱᓇᓂ; ᑕᑎᖃᕐᓗᓂᓗ ᒎᑎᒥᒃ ᐱᐅᖏᑦᑐᓕᔪᓂᒃ ᐸᓯᔭᒃᓴᐅᔪᓐᓃᕐᑎᑦᓯᔪᒥᒃ, ᐅᒃᐱᕐᓂᕐᒥᓄᑦ ᐃᓗᐊᕐᑑᓂᕋᕐᑕᐅᕗᖅ.

ᕉᒪᒥᐅᓄᑦ 5:1

ᑍᒤᒻᒪᓪᓕ ᒫᓐᓇ ᒎᑎᒧᑦ ᐸᓯᔭᒃᓴᐅᖏᓐᓂᕋᕐᑕᐅᔪᒍᑦ ᐅᒃᐱᕐᓂᒃᑯᑦ, ᒎᑎᒧᑦ ᐃᓱᒫᓘᑎᖃᕈᓐᓃᕐᐳᒍ ᐊᑕᓂᑦᑎᒍᑦ ᔩᓱᓯ ᙭ᔅᑑᓯᒃᑯᑦ.

ᕉᒪᒥᐅᓄᑦ 8:3

ᒎᑎ ᐱᓂᐊᕐᓯᒪᖕᒪᑦ ᐱᖁᔧᑦ ᐊᔪᕐᑕᖓᓂᒃ, ᑎᒥᐅᑉ ᐃᓕᖅᑯᓯᖓᓄᑦ ᓴᓐᖐᓕᑎᑕᐅᓯᒪᔪᓂᒃ, ᐃᕐᓂᓂ ᓇᖕᒥᓂᓂ ᑎᓕᓚᐅᕐᒪᒍ ᐃᓄᒃ ᐊᔪᕐᓂᓕᒃ ᐊᑦᔨᒋᓕᕐᓗᒍ ᐊᔪᕐᓂᒧᑦ ᑐᓂᕐᕈᑎᒃᓴᐅᖁᓪᓗᒍ, ᑍᒤᒻᒪᑦ ᐃᒋᑕᒃᓴᓐᖑᕐᑎᓚᐅᕐᐹ ᐃᓅᑉ ᐊᔪᕐᓂᖓ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:11

ᐃᓚᓯ ᐃᓚᖏᑦ ᑍᒤᑦᑑᓚᐅᕆᕗᑦ. ᐊᔪᕐᓂᕐᒥᓪᓕ ᓴᓗᒻᒪᕐᑕᐅᓯᒪᓕᕐᐳᓯ, ᐃᑦᔪᕐᓁᑎᑕᐅᓪᓗᓯ, ᐸᓯᔭᒃᓴᐅᔪᓐᓃᕐᑎᑕᐅᕗᓯ ᐊᑕᓂᑦᑎᓐᓄᑦ ᔩᓱᓯ ᙭ᔅᑑᓯᒧᑦ ᒎᑎᑦᑕᓗ ᐊᓂᕐᓂᖓᓄᑦ.

ᒐᓔᑎᐊᒥᐅᓄᑦ 2:16

ᖃᐅᔨᒪᕗᒍᓪᓕ ᐃᓄᒃ ᓈᒻᒪᒃᓯᑎᑕᐅᖕᒪᑦ ᐱᖁᔧᑦ ᐱᓂᐊᖁᔭᖏᑎᒎᖏᑦᑐᖅ ᐅᒃᐱᕐᓂᖅᑲᕐᓂᑯᓪᓕ ᔩᓱᓯ ᙭ᔅᑑᓯᒧᑦ. ᐅᕙᒍᑦᑕᐅᖅ ᔩᓱᓯ ᙭ᔅᑑᓯᒧᑦ ᐅᒃᐱᓕᕐᓯᒪᒐᑦᑕ, ᐸᓯᔭᒃᓴᐅᔪᓐᓃᕐᑎᑕᐅᓪᓗᑕ ᐅᒃᐱᕐᓂᑦᑎᒍᑦ ᙭ᔅᑑᓯᒧᑦ, ᐱᖁᔭᓂᒃ ᒪᓕᑦᓯᐊᕐᓂᕐᒨᖏᑦᑐᖅ, ᐱᖁᔧᑦ ᒪᓕᒃᑕᐅᑦᓯᐊᕐᓂᖏᑎᒍᑦ ᐸᓯᔭᒃᓴᐅᔪᓐᓃᕐᑐᖃᕈᓐᓇᖏᒻᒪᑦ.

ᒐᓔᑎᐊᒥᐅᓄᑦ 3:24

ᑕᕝᕙ ᐱᖁᔭᑦ ᐅᕙᑦᑎᓐᓂᒃ ᐊᐅᓚᑦᓯᓚᐅᕐᐳᑦ ᙭ᔅᑑᓯ ᑎᑭᓚᐅᕐᑎᓐᓇᒍ, ᐅᒃᐱᕐᓂᒃᑯᑦ ᐸᓯᔭᒃᓴᐅᔪᓐᓃᕈᓐᓇᖁᓪᓗᑕ.

ᒐᓔᑎᐊᒥᐅᓄᑦ 3:8

ᐊᒡᓔᑦ, ᓯᕗᓂᒃᓴᒥᒃ ᓇᓗᓁᕐᓯᓚᐅᕐᒪᑕ ᔫᑎᐅᖏᑦᑐᑦ ᒎᑎᐅᑉ ᐸᓯᔭᒃᓴᐅᔪᓐᓃᕐᑎᑦᓱᒫᕐᒪᒋᑦ ᐅᒃᐱᕐᓂᖏᑎᒍᑦ, ᑍᒤᒻᒪᑦ ᐂᑉᕋᕼᐋᒻ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᕐᕕᐅᔭᕇᕐᓂᕐᐳᖅ ᓯᕗᓂᖓᒍᑦ, ᐃᒫᒃ, “ᐃᕝᕕᑦ ᐊᖅᑯᑎᒋᓗᑎᑦ ᐃᓅᖃᑎᒌᒡᔪᐊᓕᒫᑦ ᓮᒻᒪᕐᑎᑕᐅᔪᒫᕐᐳᑦ.”

ᐃᐱᓯᒥᐅᓄᑦ 2:9

ᐱᓂᐊᕐᓂᒃᑯᑦ ᐃᒻᒥᓂᒃ ᐱᓯᒪᔪᖃᖏᒻᒪᑦ, ᑍᒤᒻᒪᑦ ᓇᓪᓕᐊᓪᓘᓐᓃᑦ ᐱᐅᔪᕆᑦᔪᑎᖃᕈᓐᓇᓐᖏᓚᖅ ᑕᒪᑐᒥᖓ.

ᐱᓕᐱᒥᐅᓄᑦ 3:9

ᑖᑦᓱᒥᖓᓗ ᐃᓅᖃᑎᖃᑦᓯᐊᕈᓐᓇᖁᓪᓗᖓ, ᐅᕙᓐᓂᑦ ᐱᔪᒥᒃ ᐱᖁᔭᓂᒃ ᒪᓕᖕᓂᒃᑯᑦ ᓇᓛᒎᓐᓂᖃᕋᓱᐊᖁᓇᖓ, ᓇᓛᒎᕐᓂᕐᒥᒡᓕ ᐱᑎᑕᐅᕗᖓ ᐅᒃᐱᕐᓂᑯᑦ ᙭ᔅᑑᓯᒥ, ᑕᒪᓐᓇ ᓇᓛᒎᕐᓂᖅ ᒎᑎᒥᑦ ᐱᔪᖅ ᑐᓐᖓᕕᖃᕐᒪᑦ ᐅᒃᐱᕐᓂᒥᒃ;

ᑍᑑᓯᒧᑦ 3:7

ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᓈᒻᒪᒋᔭᐅᓕᖁᓪᓗᑕ ᒎᑎᒧᑦ ᑭᖑᕐᖑᑦᔨᔪᓐᓇᖁᓪᓗᑕᓗ ᐱᐅᓕᔭᐅᓂᕐᒥᒃ ᓂᕆᐅᖕᓂᕐᑖᕆᓯᒪᔭᑦᑎᒃᓂᒃ.

ᔧᒥᓯᐅᑉ ᐊᒡᓚᖏᑦ 2:18

ᐅᖃᕐᑐᖃᕋᔭᕐᐸᑦ, “ᐅᒃᐱᕐᓂᖃᕐᐳᑎᑦ, ᐅᕙᖓᓕ ᐱᓂᐊᕐᓂᖃᕐᐳᖓ.” ᐅᒃᐱᕐᓂᕐᒥᒃᓕ ᐱᓂᐊᕐᓂᕐᒥᒃ ᐃᓚᖃᖏᑦᑐᒥᒃ ᑕᑯᑎᓚᐅᓐᖓ, ᐅᒃᐱᕐᓂᓐᓂᒃᑕᐅᖅ ᑕᑯᑎᓐᓂᐊᕋᒃᑭᑦ ᐱᓂᐊᕐᓂᒃᑯᑦ.

ᔧᒥᓯᐅᑉ ᐊᒡᓚᖏᑦ 2:20

ᓯᓔᑦᑐᑎᑦ ᑕᑯᑎᑕᐅᔪᒪᕖ ᐅᒃᐱᕐᓂᐅᑉ ᐱᓂᐊᕐᓂᕐᒥᒃ ᐃᓚᖃᖏᑦᑑᑉ ᐊᑑᑎᖃᖏᓐᓂᖓᓂᒃ?

ᔧᒥᓯᐅᑉ ᐊᒡᓚᖏᑦ 2:24

ᑕᕝᕙ ᑐᑭᓯᕗᓯ ᐃᓄᒃ ᐃᓗᐊᕐᓯᑎᑕᐅᖕᒪᑦ ᐱᓂᐊᕐᓂᕐᒥᒍᑦ ᐅᒃᐱᕐᓂᒃᑯᑐᐃᓐᓇᐅᖏᑦᑐᖅ.