ᕉᒪᒥᐅᓄᑦ 3:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᑍᒤᒻᒪᑦ ᒎᑎᐅᑉ ᓵᖓᓂ ᓈᒻᒪᒋᔭᐅᔪᓐᓇᕐᑐᖃᕐᓂᐊᓐᖏᓚᖅ ᐱᖁᔭᓂᒃ ᒪᓕᖕᓂᒃᑯᑦ, ᐱᖁᔭᑎᒍᑦ ᖃᐅᔨᑎᑕᐅᒐᑦᑕ ᐊᔪᕐᓂᕐᒥᒃ.

ᕉᒪᒥᐅᓄᑦ 3:20 Iomraidhean Croise

ᔫᐱᐅᑉ ᐊᒡᓚᖏᑦ 15:15

ᑕᑯᒋᑦ ᒎᑎᐅᑉ ᐂᖏᓕᖁᑎᓂ ᐊᒡᓛᑦ ᑕᑎᒋᔪᓐᓇᓚᐅᓐᖏᓔᑦ, ᐊᒡᓛᑦ ᑖᑦᓱᒪ ᓵᖓᓂ ᕿᓔᑦ ᐃᑦᔪᕐᓁᑦᑑᓚᐅᖏᒻᒪᑕ.

ᐃᓐᖏᕈᑎᑦ 130:3

ᐊᑕᓃᖅ, ᐊᔪᕐᑐᓕᓂᑦᑎᓐᓂᒃ ᑎᑎᕋᕐᓯᒪᒐᔭᕈᕕᑦ, ᐊᑕᓃᖅ, ᑭᓈ ᓇᖏᕈᓐᓇᕋᔭᕐᐹ?

ᐃᓐᖏᕈᑎᑦ 143:2

ᐱᔩᑦ ᐃᖅᑲᕐᑐᕐᓂᐊᕐᓇᒍ; ᓵᖕᓂ ᐃᓄᐃᑦ ᐃᓅᔪᑦ ᐸᓯᔭᒃᓴᐅᖏᑦᑐᖃᖏᒻᒪᑕ.

ᐋᐴᓯᑕᓖᑦ ᐱᓂᐊᕐᓂᖏᑦ 13:39

ᑖᑦᓱᒨᓇ ᑕᒪᕐᒥᑦᓯᐊᑦ ᐅᒃᐱᕐᑐᑦ ᕿᓚᕈᑦᔮᕐᑕᐅᕗᑦ ᕿᓚᒃᓱᕐᑕᐅᕕᒋᓯᒪᔭᓕᒫᒥᖕᓂᑦ, ᒨᓯᓯᐅᑉ ᐱᖁᔭᖏᑎᒍᑦ ᕿᓚᕈᑦᔮᕐᑕᐅᕕᒋᔪᓐᓇᓐᖏᑕᒥᖕᓂᑦ.

ᕉᒪᒥᐅᓄᑦ 2:13

ᐱᖁᔭᓂᒃ ᑐᓴᑐᐃᓐᓇᕐᑐᑦ ᓈᒻᒪᒃᓯᑎᑕᐅᖏᒻᒪᑕ ᒎᑎᐅᑉ ᓵᖓᓂ, ᐱᖁᔭᓂᒡᓕ ᒪᓕᑦᓯᐊᕐᑐᑦ ᓈᒻᒪᖕᓂᕋᕐᑕᐅᔪᒫᕐᐳᑦ.

ᕉᒪᒥᐅᓄᑦ 3:28

ᐅᖃᐅᓯᖃᕐᐳᒍᑦ ᐃᓄᒃ ᐸᓯᔭᒃᓴᐅᔪᓐᓃᕐᑎᑕᐅᖕᒪᑦ ᐅᒃᐱᕐᓂᕐᒥᒍᑦ, ᐱᖁᔭᓂᒃ ᒪᓕᖕᓂᕐᒥᓅᖏᑦᑐᖅ.

ᕉᒪᒥᐅᓄᑦ 4:13

ᐂᑉᕋᕼᐋᒻ ᑭᖑᕚᖏᓪᓗ ᒎᑎᐅᑉ ᐊᖏᕐᕕᒋᓚᐅᕐᐰᑦ, ᓯᓚᕐᔪᐊᕐᒥᒃ ᐱᒃᓴᖃᕐᑎᓐᓂᐊᕐᓂᕋᕐᓗᒋᑦ ᐱᖁᔭᓂᒃ ᓈᓚᑦᓯᐊᕐᓂᕐᒥᖕᓄᑦ ᐱᑦᔪᑎᖃᕋᑎᒃ ᐃᓗᐊᕐᑑᓂᕋᕐᑕᐅᓂᕐᒥᒍᓪᓕ ᐅᒃᐱᕐᓂᕐᒥᖕᓄᑦ.

ᕉᒪᒥᐅᓄᑦ 4:15

ᐱᖁᔧᑦ ᓈᓚᒃᑕᐅᖏᑉᐸᑕ ᒎᑎᐅᑉ ᓂᓐᖓᐅᓯᖓᓂᒃ ᓴᖅᑭᑎᑦᓯᖕᒪᑕ, ᐱᖁᔭᖃᖏᑦᑐᓂᓕ ᐱᖁᔭᓂᒃ ᓈᓚᖏᓐᓂᕐᑕᖃᓐᖏᓚᖅ.

ᕉᒪᒥᐅᓄᑦ 5:13

ᐊᔪᕐᓂᖅ ᓯᓚᕐᔪᐊᕐᒦᓚᐅᕐᐳᖅ ᐱᖁᔭᖃᓚᐅᖅᑳᕐᑎᓐᓇᒍ, ᐱᖁᔭᖃᖏᑦᑐᓂᓪᓕ ᐊᔪᕐᓂᖅ ᐃᓱᒪᒋᔭᐅᓐᖏᓚᖅ.

ᕉᒪᒥᐅᓄᑦ 5:20

ᐱᖁᔭᖅ ᓴᖅᑭᑎᑕᐅᓚᐅᕐᐳᖅ ᐊᔪᕐᑐᓕᓂᐅᑉ ᐊᖏᔪᓂᖓ ᓇᓗᓁᕐᑕᐅᒃᑲᓐᓂᖁᓪᓗᒍ; ᐊᔪᕐᑐᓕᓂᕐᓕ ᐊᖏᒡᓕᖕᒪᑦ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐊᖏᓂᕐᓴᒥᒃ ᐱᓇᓱᐊᓕᓚᐅᕐᐳᖅ.

ᕉᒪᒥᐅᓄᑦ 7:11

ᐊᔪᕐᓂᖅ ᐱᖁᔭᒃᑯᑦ ᐱᕕᒃᓴᒥᓂᒃ ᓇᓂᓯᒐᒥ, ᐅᐃᕕᕆᕚᖓ, ᑖᑦᓱᒨᓇᓗ ᐱᖁᔭᒃᑯᑦ ᑐᖁᑕᐅᓪᓗᖓ.

ᕉᒪᒥᐅᓄᑦ 9:32

ᓱᖕᒪᑦ ᐃᓗᐊᕐᓯᑎᑕᐅᓚᐅᓐᖏᓚᑦ? ᐅᒃᐱᕐᓂᑯᑦ ᕿᓂᓚᐅᖏᒻᒪᑕ, ᐱᓂᐊᕐᓂᒃᑯᓪᓕ ᕿᓂᓚᐅᕐᒪᑕ. ᑍᒤᒻᒪᑦ ᐹᓪᓚᓚᐅᕐᐳᑦ ᐅᔭᕋᖕᒧᑦ ᓈᑎᑕᐅᓪᓗᑎᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:56

ᑐᖂᑉ ᐊᓐᓂᐊᑎᑦᓯᓂᖓ ᐱᔪᓐᓇᐅᑎᖃᕐᒪᑦ ᐊᔪᕐᓂᕐᒥᒃ, ᐊᔪᕐᓂᕐᓗ ᐱᔪᓐᓇᐅᑎᑖᕐᒪᑦ ᐱᖁᔭᓂᑦ,

ᒐᓔᑎᐊᒥᐅᓄᑦ 2:16

ᖃᐅᔨᒪᕗᒍᓪᓕ ᐃᓄᒃ ᓈᒻᒪᒃᓯᑎᑕᐅᖕᒪᑦ ᐱᖁᔧᑦ ᐱᓂᐊᖁᔭᖏᑎᒎᖏᑦᑐᖅ ᐅᒃᐱᕐᓂᖅᑲᕐᓂᑯᓪᓕ ᔩᓱᓯ ᙭ᔅᑑᓯᒧᑦ. ᐅᕙᒍᑦᑕᐅᖅ ᔩᓱᓯ ᙭ᔅᑑᓯᒧᑦ ᐅᒃᐱᓕᕐᓯᒪᒐᑦᑕ, ᐸᓯᔭᒃᓴᐅᔪᓐᓃᕐᑎᑕᐅᓪᓗᑕ ᐅᒃᐱᕐᓂᑦᑎᒍᑦ ᙭ᔅᑑᓯᒧᑦ, ᐱᖁᔭᓂᒃ ᒪᓕᑦᓯᐊᕐᓂᕐᒨᖏᑦᑐᖅ, ᐱᖁᔧᑦ ᒪᓕᒃᑕᐅᑦᓯᐊᕐᓂᖏᑎᒍᑦ ᐸᓯᔭᒃᓴᐅᔪᓐᓃᕐᑐᖃᕈᓐᓇᖏᒻᒪᑦ.

ᒐᓔᑎᐊᒥᐅᓄᑦ 2:19

ᐱᖁᔧᑦ ᒪᓕᒡᓗᒋᑦ ᑐᖁᕗᖓ ᐱᖁᔭᓄᑦ ᑐᖁᑕᐅᓪᓗᖓ, ᒎᑎᒥ ᐃᓅᔪᓐᓇᕐᓯᖁᓪᓗᖓ. ᙭ᔅᑑᓯ ᑭᑭᐊᒃᑐᕐᑕᐅᖃᑎᒋᒐᒃᑯ;

ᒐᓔᑎᐊᒥᐅᓄᑦ 5:4

ᐱᖁᔭᓂᒃ ᒪᓕᑦᓯᐊᕐᓂᒃᑯᑦ ᒎᑎᒧᑦ ᐸᓯᔭᒃᓴᐅᔪᓐᓃᕋᓱᖕᓂᐊᕈᑦᓯ; ᑕᕝᕙ ᙭ᔅᑑᓯᒥᒃ ᐊᕕᑦᑎᕗᓯ, ᒎᑎᐅᓪᓗ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᓯᓚᑖᓃᓕᕐᐳᓯ.

ᐄᑉᕈᐃᓄᑦ 7:19

(ᐱᖁᔭᑦ ᓈᒻᒪᒃᓯᑎᑦᓯᔪᓐᓇᖏᒻᒪᑕ), ᓂᕆᐅᒃᕕᒃᓴᖃᑦᓯᐊᕐᓇᕐᓂᕐᓴᒥᒡᓕ ᐱᕕᒃᓴᕐᑖᕐᑎᑕᐅᓯᒪᕗᒍᑦ, ᑕᒪᑐᒨᓇᓗ ᒎᑎᒧᑦ ᖃᓂᒡᓕᑎᑕᐅᓪᓗᑕ.