ᕉᒪᒥᐅᓄᑦ 3:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᒫᓐᓇ ᖃᐅᔨᒪᕗᒍᑦ ᐱᖁᔧᑦ ᐅᖃᐅᑦᔨᖕᒪᑕ ᐱᖁᔭᖃᕐᑐᓄᑦ, ᐃᓄᓕᒫᑦ ᑭᐅᑦᔪᑎᒃᓴᖃᖁᓇᒋᑦ, ᓯᓚᕐᔪᐊᕐᒥᐅᓕᒫᑦ ᐃᖅᑲᕐᑐᕐᑕᐅᓕᕐᐸᑕ ᒎᑎᒧᑦ.

ᕉᒪᒥᐅᓄᑦ 3:19 Iomraidhean Croise

ᔫᐱᐅᑉ ᐊᒡᓚᖏᑦ 5:16

ᑕᕝᕙ ᐊᒃᓱᔪᖅ ᓂᕆᐅᒋᔭᒃᓴᖃᕐᐳᖅ, ᐊᑦᔨᒌᒃᑎᑦᓯᖏᑦᑐᕐᓗ ᓂᐸᖏᕐᑎᓪᓗᒍ.

ᐃᓐᖏᕈᑎᑦ 107:42

ᐃᓱᐊᕐᑐᓕᔪᑦ ᑕᕝᕙ ᑕᒪᑐᒥᖓ ᑕᑯᓂᐊᕐᐳᑦ ᖁᕕᐊᓱᖕᓂᐊᕐᓗᑎᒡᓗ, ᐱᐅᖏᑦᑐᓕᒫᓪᓗ ᓂᐸᖏᕐᑎᑕᐅᓂᐊᕐᐳᑦ.

ᐃᓐᖏᕈᑎᑦ 63:11

ᐊᖓᔪᖅᑳᕐᔪᐊᕐᓕ ᖁᕕᐊᓱᒍᒫᕐᐳᖅ ᒎᑎᒥ; ᒎᑎᒥᒡᓗ ᐊᖏᕈᑎᖃᕐᑐᓕᒫᑦ ᑖᑦᓱᒥᖓ ᓂᕐᑐᓕᕈᒫᕐᐳᑦ, ᓴᒡᓗᑐᔪᑦ ᖃᓂᖏᑦ ᓂᐸᖏᕐᑎᑕᐅᔪᒫᕐᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 16:63

ᐱᓂᐊᕐᓂᕆᖃᑦᑕᓚᐅᕐᑕᓯᓐᓂᒃ ᐃᖅᑬᒍᑦᓯ ᐅᖃᐅᓯᕆᔭᕆᐊᖏᓪᓘᓐᓃᑦ ᑲᓐᖑᓇᓗᐊᓕᕈᒫᕐᐳᑦ, ᐃᓱᒪᒋᔪᓐᓁᕐᕕᒋᒍᑦᓯ ᑕᒻᒪᕈᑎᒋᓯᒪᔭᓕᒫᑦᓯᓐᓂᒃ. ᐊᑕᓂᖅ ᒎᑎ ᐅᖃᕐᐳᖅ.”

ᔪᐊᓇᓯᐅᑉ ᐊᒡᓚᖏᑦ 15:25

ᑕᒪᓐᓇᓕ ᑍᒤᑉᐳᖅ ᐱᖁᔭᖏᓐᓂ ᐅᖃᕐᓯᒪᔪᑦ ᓇᓚᐅᑦᓯᖁᓪᓗᒋᑦ ᐃᒤᓕᔪᑦ: ‘ᐱᑦᔪᑎᒃᓴᖃᕋᑎᒃ ᐆᒥᒋᕚᖓ.’

ᔪᐊᓇᓯᐅᑉ ᐊᒡᓚᖏᑦ 8:9

ᑕᒪᑐᒥᖓᓕ ᑐᓴᕋᒥᒃ, ᕿᒪᕉᑎᓕᕐᐳᑦ, ᐊᑕᐅᓯᐅᓈᕐᑎᕐᓗᑎᒃ, ᐃᓄᑐᖃᐅᓛᓂᑦ ᐱᒋᐊᖅᑳᕐᓗᑎᒃ. ᔩᓱᓯᓗ ᕿᒪᒃᑕᐅᕗᖅ ᐃᓄᑑᓕᕐᓗᓂ, ᐊᕐᓇᕐᓗ ᓇᖏᕐᑐᖅ ᐱᖃᑎᑐᐊᕆᓕᕐᐹ.

ᕉᒪᒥᐅᓄᑦ 1:20

ᑍᒪᓐᖓᓂᑦ ᓯᓚᕐᔪᐊᑉ ᐱᓐᖑᕐᑎᑕᐅᓂᖓᓂᑦ, ᒎᑎᐅᑉ ᑕᑯᒃᓴᐅᓇᓂ ᐱᔪᓐᓇᕐᓂᖏᑦ, ᐊᔪᒐᖃᖏᓐᓂᖓᓗ ᐃᓱᖃᖏᑦᑐᖅ, ᒎᑎᐅᓂᖓᑕᓗ ᐃᓕᖅᑯᓯᖓ, ᓇᓗᓇᖏᑦᓯᐊᕐᓗᑎᒃ ᑕᑯᒃᓴᐅᖕᒪᑕ, ᑐᑭᓯᔭᐅᔪᓐᓇᕐᐳᓪᓗ ᓴᓇᓯᒪᔭᖏᑎᒍᑦ ᓇᓗᓁᕐᑕᐅᖕᒪᑕ. ᑍᒤᒻᒪᑦ ᐸᓯᔭᒃᓴᐅᖏᑦᔪᑎᒃᓴᖃᕈᓐᓃᕐᐳᑦ.

ᕉᒪᒥᐅᓄᑦ 3:2

ᑕᒤᑎᒍᑦ ᐊᑐᕐᓂᖃᕐᐳᖅ. ᓯᕗᓪᓕᕐᒥᒃ ᒎᑎᐅᑉ ᐅᖃᐅᓯᓪᓚᕆᖏᓐᓂᒃ ᑐᓂᓯᕕᐅᓯᒪᕗᑦ.

ᕉᒪᒥᐅᓄᑦ 3:23

ᐊᑦᔨᒌᖏᑦᑐᖃᖏᒻᒪᑦ ᐃᓘᓐᓇᑦᓯᐊᑎᒃ ᐊᔪᕐᑐᓕᓯᒪᖕᒪᑕ ᒎᑎᐅᓪᓗ ᓂᕐᑐᕐᓇᕐᓂᕐᔪᐊᖓᓄᑦ ᑎᑭᐅᑎᔪᓐᓁᓪᓕᓪᓗᑎᒃ,

ᕉᒪᒥᐅᓄᑦ 3:4

ᑍᒤᒐᔭᓐᖏᓚᖅ! ᒎᑎ ᓱᓕᔫᕗᖅ ᐃᓄᐃᑦ ᓴᒡᓗᑐᔫᑎᓪᓗᒋᑦ, ᐃᒫᒃ ᑎᑎᕋᕐᓯᒪᖕᒪᑦ, “ᓱᓕᓃᑦ ᓇᓗᓁᕐᑕᐅᓕ ᐅᖃᐅᓯᒃᑯᑦ, ᐃᖅᑲᕐᑐᕐᑕᐅᓕᕈᕕᑦ ᓵᓚᖃᖁᓪᓗᑎᑦ.”

ᕉᒪᒥᐅᓄᑦ 3:9

ᖃᓄᕐᓕ ᑍᒪ; ᔫᑎᐅᔪᒍᑦ ᐱᐅᓂᕐᓴᐅᕕᑖ? ᑍᒤᓐᖏᓚᖅ! ᐅᖃᕇᓚᐅᕐᐳᖓ ᔫᑎᓪᓗ ᒍᕇᑭᓪᓗ ᐊᑦᔨᒌᖕᓂᕋᕐᓗᒋᑦ ᐊᔪᕐᓂᒧᑦ ᓵᓚᐅᓯᒪᔪᐃᓐᓇᐅᖕᒪᑕ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:29

ᓇᓪᓕᐊᑦ ᑖᑦᓱᒪ ᓵᖓᓂ ᐃᒻᒥᓂᒃ ᓂᕐᑐᕈᑎᒃᓴᖃᖁᓇᒍ.

ᒐᓔᑎᐊᒥᐅᓄᑦ 3:10

ᐱᖁᔧᓪᓕ ᒪᓕᑦᓯᐊᕐᑕᐅᔭᕆᐊᖃᕐᓂᖏᓐᓂᒃ ᑕᑎᖃᕐᓗᑎᒃ ᐃᓅᔪᑦ ᐃᓅᓯᖃᕐᐳᑦ ᒎᑎᒧᑦ ᓇᕐᕈᒋᔭᐅᔪᒦᑦᑐᒥᒃ; ᑎᑎᕋᕐᓯᒪᔪᖃᕐᒪᑦ, “ᐱᖁᔧᑦ ᒪᓕᒃᑕᐅᖁᔭᖏᓐᓂᒃ ᑎᑎᕋᕐᓯᒪᔪᓂᒃ ᒪᓕᑦᓯᐊᕈᓐᓇᖏᑦᑐᑦ ᑕᒪᕐᒥᒃ ᒎᑎᒧᑦ ᓇᕐᕈᓇᕐᑐᒦᑉᐳᑦ.”

ᒐᓔᑎᐊᒥᐅᓄᑦ 4:21

ᐊᐱᕆᓚᐅᕐᓚᑦᓯ ᐱᖁᔭᓄᑦ ᐊᐅᓚᑕᐅᔪᒪᔪᓯ, ᐱᖁᔧᑦ ᑐᓴᕐᓯᒪᖏᓐᓇᑦᓯᐅᒃ?

ᒐᓔᑎᐊᒥᐅᓄᑦ 4:5

ᐱᖁᔭᓄᑦ ᐊᐅᓚᑕᐅᔪᑦ ᐱᐅᓕᔪᒪᓪᓗᒋᑦ, ᑎᒍᐊᕐᑖᖑᓗᑕ ᕿᑐᕐᖓᕐᑖᕆᔭᐅᖁᓪᓗᑕ.

ᒐᓔᑎᐊᒥᐅᓄᑦ 5:18

ᐊᓂᕐᓂᕐᒧᓪᓕ ᑕᓯᐅᕐᑕᐅᒍᑦᓯ ᐱᖁᔭᓄᑦ ᑕᑉᕙ ᐊᐅᓚᑕᐅᑐᐃᓐᓇᕐᓂᐊᖏᓚᓯ.

ᓴᒧᐃᓕ ᓯᕗᓪᓖᑦ 2:9

ᓴᐳᑎᓯᒪᓂᐊᕐᐰᑦ ᓱᖁᓯᔪᐃᑦᑐᖁᑎᖏᑕ ᐃᓅᓯᖏᑦ, ᐱᐅᖏᑦᑐᓪᓕ ᐊᓯᐅᕗᑦ ᑖᕐᑐᕐᔪᐊᕐᒥ; ᐃᓄᒃ ᐱᔪᓐᓇᕐᓂᕐᒥᓄᑦ ᓵᓚᖃᕐᓂᐊᓐᖏᓚᖅ.