10 ᑎᑎᕋᕐᓯᒪᖕᒪᑦ: “ᐱᐅᔪᒥᒃ ᐱᓇᓱᐊᕐᑐᖃᓐᖏᓚᖅ, ᐊᑕᐅᓯᕐᒥᒡᓘᓐᓃᑦ;
ᑭᓇ ᓴᓗᒪᔪᒥᒃ ᓴᖅᑭᑎᑦᓯᔪᓐᓇᕐᐹ ᓴᓗᒪᖏᑦᑐᒥᑦ? ᐃᓄᓕᒫᑦ ᐃᑦᔪᕐᓁᑦᑐᖃᖏᒻᒪᑕ.
ᐃᓄᒃ ᓇᓪᓕᐊᑦ ᐊᔪᕐᓂᖃᖏᑦᓯᐊᕈᓐᓇᕐᐸ? ᐅᕝᕙᓗ ᐊᕐᓇᒥᑦ ᐃᕐᓂᐊᖑᓯᒪᔪᖅ ᖃᓄᖅ ᐃᓱᐊᕐᑑᔪᓐᓇᕐᐸ?
ᐃᓄᒃ ᐱᐅᖏᑦᑐᓕᓂᕐᒥᒃ ᐃᒥᖃᑦᑕᕐᐳᖅ ᐃᒥᐅᔮᕐᑎᓪᓗᒍ, ᐄᓛᒃ, ᐃᓄᒃ ᓇᕐᕈᓇᕐᑐᐊᓘᕗᖅ; ᓱᓇᐅᖏᑦᓯᐊᕐᓗᓂᓗ.
ᖃᓄᕐᓕ ᐃᓄᒃ ᒎᑎᐅᑉ ᓵᖓᓂ ᐃᓱᐊᕐᓂᕋᕐᑕᐅᔪᓐᓇᕐᐹ? ᖃᓄᕐᓗ ᐊᕐᓇᒧᑦ ᐃᕐᓂᐊᖑᓯᒪᔪᖅ ᐃᑦᔪᕐᓁᑦᑑᔪᓐᓇᕐᐹ?
ᐱᔩᑦ ᐃᖅᑲᕐᑐᕐᓂᐊᕐᓇᒍ; ᓵᖕᓂ ᐃᓄᐃᑦ ᐃᓅᔪᑦ ᐸᓯᔭᒃᓴᐅᖏᑦᑐᖃᖏᒻᒪᑕ.
“ᐱᖁᔭᓄᑦ ᐃᓕᓐᓂᐊᕐᑎᑦᓯᓂᕐᓄᓪᓗ! ᑕᒪᒃᑯᓂᖓ ᐅᖃᐅᓯᕐᓂᒃ ᐅᖃᓪᓚᖏᒃᑯᑎᒃ, ᑕᕝᕙ ᑍᒤᒃᑲᔭᕐᐳᑦ ᖃᐅᒪᓂᕐᒥᒃ ᐱᑕᖃᖏᓐᓇᒥᒃ.”
ᐆᒻᒪᑎᓕ ᐅᐃᕖᓐᓂᕐᐹᖑᕗᖅ ᓱᓇᓕᒫᓂᑦ, ᐱᐅᖏᑦᑐᕐᔪᐊᖑᓪᓗᓂᓗ; ᑭᐊᓕ ᑐᑭᓯᔪᓐᓇᕐᐸᐅᒃ?
ᐃᓅᑉ ᐆᒻᒪᑎᖓᓂᑦ ᐃᓱᒤᑦ ᐱᐅᖏᑦᑐᑦ ᓴᖅᑭᑉᐳᑦ, ᐱᔮᕆᓗᓂ ᑐᖁᑦᓯᓂᖅ, ᓄᓕᐊᕇᖕᓂᕐᒥᒃ ᐊᓯᓐᓂᐊᕐᓂᖅ, ᑲᑎᑎᑕᐅᓯᒪᖃᑎᒋᓐᖏᑕᒥᒃ ᐃᓐᓇᖓᖃᑎᖃᕐᓂᖅ; ᑎᒡᓕᖕᓂᖅ, ᐃᓅᖃᑎᒥᒃ ᓴᒡᓗᑎᖃᕐᓂᖅ, ᐅᖃᐅᑎᖃᕐᓗᖕᓂᖅ.
ᔩᓱᓯᐅᑉ ᐅᖃᐅᑎᕚ, “ᓱᖕᒪᑦ ᐱᐅᓂᕋᕐᐱᖓ? ᐱᐅᔪᖃᓐᖏᓚᖅ ᒎᑎ ᑭᓯᒥ ᐱᐅᔪᑑᕗᖅ.
ᑎᑎᕋᕐᓯᒪᖕᒪᑦ, “ᒎᑎᐅᑉ ᑐᓂᓯᕕᒋᕔᑦ ᐊᓂᕐᓂᕐᒥᒃ ᐋᖓᔮᕐᑐᑐᑦ ᑍᒤᓐᓇᕐᑐᒥᒃ, ᐃᔨᒥᖕᓄᑦ ᑕᑯᖁᓇᒋᑦ ᓯᐅᑎᒥᖕᓄᓪᓗ ᑐᓴᖁᓇᒋᑦ, ᐅᓪᓗᒥᒧᑦ ᑎᑭᓪᓗᒍ.”
ᑐᑭᓯᔪᖃᓐᖏᓚᖅ, ᒎᑎᒥᒡᓘᓐᓃᑦ ᕿᓂᕐᑐᖃᓐᖏᓚᖅ.
ᐊᑦᔨᒌᖏᑦᑐᖃᖏᒻᒪᑦ ᐃᓘᓐᓇᑦᓯᐊᑎᒃ ᐊᔪᕐᑐᓕᓯᒪᖕᒪᑕ ᒎᑎᐅᓪᓗ ᓂᕐᑐᕐᓇᕐᓂᕐᔪᐊᖓᓄᑦ ᑎᑭᐅᑎᔪᓐᓁᓪᓕᓪᓗᑎᒃ,
ᑍᒤᒐᔭᓐᖏᓚᖅ! ᒎᑎ ᓱᓕᔫᕗᖅ ᐃᓄᐃᑦ ᓴᒡᓗᑐᔫᑎᓪᓗᒋᑦ, ᐃᒫᒃ ᑎᑎᕋᕐᓯᒪᖕᒪᑦ, “ᓱᓕᓃᑦ ᓇᓗᓁᕐᑕᐅᓕ ᐅᖃᐅᓯᒃᑯᑦ, ᐃᖅᑲᕐᑐᕐᑕᐅᓕᕈᕕᑦ ᓵᓚᖃᖁᓪᓗᑎᑦ.”
ᓇᖕᒥᓂᕐᑕᐅᖅ ᐅᕙᒍᑦ ᓯᓔᑦᑑᕙᓚᐅᕐᒥᒐᑦᑕ ᓈᓚᐃᓐᓇᕐᐸᒐᑕᓗ, ᑕᒻᒪᕐᓯᒪᓪᓗᑕᓗ, ᐃᒃᖠᒎᕐᓂᕐᓄᑦ ᖃᓄᑐᐃᓐᓇᕐᓄᑦ ᐊᐅᓚᑕᐅᓪᓗᑕ ᓱᓇᑐᐃᓐᓇᕐᓂᒡᓗ ᖁᕕᐊᓲᑎᖃᕐᓗᑕ, ᐃᓅᓯᕗᓪᓗ ᐊᑐᓚᐅᕐᐸᕗᑦ ᐅᒋᐊᓐᖑᓂᕐᒧᑦ ᐊᓐᓂᕈᑦᔨᓂᕐᒧᓪᓗ, ᐊᓯᑦᑎᓐᓂᒃ ᐆᒥᓱᒃᐸᒃᓗᑕ ᐆᒥᒋᔭᐅᕙᒃᓗᑕᓗ ᐊᓯᑦᑎᓐᓄᑦ;
ᐊᒡᓚᒃᓯᒪᖕᒪᑦ, “ᐃᑦᔪᕐᓁᑦᑕᕆᐊᖃᕐᐳᓯ, ᐃᑦᔪᕐᓁᑦᑑᒐᒪ.”
ᓯᕘᕋᓂᕐᒧᓪᓕ ᓯᕗᒧᒍᓐᓃᕐᑐᑦ, ᐅᒃᐱᖏᑦᑐᑦ, ᐃᒃᓯᒎᕐᓂᕐᒧᑦ ᓱᕈᕐᑎᕐᓯᒪᔪᑦ, ᐃᓄᐊᕐᑏᑦ, ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐊᖓᒃᑰᓇᓱᐊᕐᑏᑦ, ᒎᑎᐅᓐᖑᐊᓖᑦ, ᓴᒡᓗᑐᔪᓪᓗ, ᑖᒃᑯᐊ ᐃᓂᖃᕈᒫᕐᐳᑦ ᑕᓯᕐᒥ ᐃᑯᒪᕐᔪᐊᕐᒥ ᐃᒃᑭᕆᒃᑐᕐᔪᐊᕐᒧᑦ ᓲᓪᕕᒧᑦ ᐃᑯᒪᔪᒧᑦ, ᑕᒪᓐᓇ ᑕᕝᕙ ᑐᖂᑉ ᐂᑉᐸᖓ.”
ᐃᒡᓗᒐᓴᒡᔪᐊᓪᓕ ᓯᓚᑖᓃᑉᐳᑦ ᕿᒻᒦᑦ ᐊᖓᒃᑰᓇᓱᐊᕐᑐᓪᓗ ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐃᓄᐊᕐᑏᓪᓗ, ᒎᑎᓐᖑᐊᓖᓪᓗ, ᓴᒡᓗᑐᔪᓪᓗ ᐅᖃᐅᓯᕐᒥᒃᑎᒍᑦ ᐱᓂᐊᕐᓂᕐᒥᒃᑎᒍᓪᓗ.
