ᕉᒪᒥᐅᓄᑦ 2:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐊᓯᖏᓪᓕ ᐃᒻᒥᖕᓂᑐᐊᖅ ᐃᓱᒪᒋᓪᓗᑎᒃ ᐱᓇᓱᐊᕐᑐᑦ ᓱᓕᓂᕐᒥᒡᓗ ᓈᓚᖏᑦᑐᑦ, ᐊᔪᕐᓂᕐᒥᒃ ᒪᓕᖔᕐᓗᑎᒃ, ᑖᒃᑯᐊ ᓂᓐᖓᒡᕕᐅᓂᕐᒧᑦ ᓱᒋᐊᕐᑕᐅᓂᕐᒧᓪᓗ ᑎᑭᑦᓱᒫᕐᐳᑦ.

ᕉᒪᒥᐅᓄᑦ 2:8 Iomraidhean Croise

ᑯᕉᓂᑲ ᐂᑉᐸᖏᑦ 6:23

ᑐᓴᓚᐅᒃᑭᑦ ᕿᓚᖕᒥᑦ, ᐱᓂᐊᕐᕕᒋᓗᒋᓪᓗ, ᐱᔨᑎᓪᓗ ᐋᖅᑭᒃᓱᕐᓗᖏᑦ, ᐊᔪᕐᑐᓕᔪᖅ ᐊᑭᓂᐊᕐᑕᐅᖁᓪᓗᒍ ᐃᒻᒥᓂᒃ ᓂᐊᖁᒥᓄᑦ ᐃᓕᔭᒥᓂᒃ, ᐃᓱᐊᕐᑐᓕᔪᕐᓗ ᐃᓱᐊᕐᑐᓕᓂᕐᒥᓄᑦ ᐱᓇᓱᐊᕐᕕᐅᖁᓪᓗᒍ ᐊᑭᓕᕐᑕᐅᓗᓂ.

ᔫᐱᐅᑉ ᐊᒡᓚᖏᑦ 24:13

ᐃᓄᒃᑕᖃᕆᕗᖅ ᖃᐅᒪᔪᒥᒃ ᐊᑭᕋᕐᑐᕐᑐᓂᒃ, ᐃᓅᓯᕆᔭᐅᖁᔭᐅᔪᒥᒡᓗ ᖃᐅᔨᒪᖏᑦᑐᓂᒃ, ᐊᖅᑯᑎᐅᖁᔭᐅᔪᒦᖏᑦᑐᓂᒡᓗ.

ᐃᓐᖏᕈᑎᑦ 90:11

ᑭᓇ ᓂᓐᖓᖕᓂᕕᑦ ᓲᖑᓂᖓᓂᒃ ᖃᐅᔨᔪᓐᓇᕐᐸ? ᑭᓇᓗ ᓂᓐᖓᐅᒪᓂᕐᓂᒃ ᓯᕘᕋᒋᔭᖃᕈᓐᓇᕐᐹ?

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:23

ᐃᓱᐊᕐᑐᑦ ᐱᔪᒪᔭᖃᕐᐳᑦ ᐱᐅᔪᓂᒃ, ᐱᐅᖏᑦᑐᓪᓕ ᓂᕆᐅᒋᔭᒃᓴᑐᐊᖃᕐᐳᑦ ᓂᓐᖓᐅᒪᓂᕐᒥᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:10

ᓵᓚᖃᕋᓱᐊᕐᓂᕐᒧᑦ ᓈᓚᖏᑦᑐᖅ ᐂᕙᓂᕐᒥᒃ ᓴᖅᑭᑎᑦᓯᕗᖅ, ᐅᖃᐅᑦᔪᕐᑕᐅᑦᔪᑎᒥᓂᒡᓕ ᓈᓚᒃᑐᖅ ᓯᓚᑐᔫᕗᖅ.

ᐂᓮᐊᓯᐅᑉ ᐊᒡᓚᖏᑦ 50:10

ᓇᓪᓕᓯ ᐊᑕᓂᕐᒥᒃ ᐃᓕᕋᒋᔭᖃᕐᐹ? ᓈᓚᒡᓗᓂᓗ ᐱᔨᖓᑕ ᓂᐱᖓᓂᒃ, ᓇᓪᓕᐊᑦ ᑖᕐᑐᒥ ᐃᓅᔪᖅ ᖃᐅᒪᔪᕐᓯᐅᖏᑦᑐᖅ, ᑖᓐᓇ ᑕᑎᖃᓕᕐᓕ ᐊᑕᓂᐅᑉ ᐊᑎᖓᓂᒃ ᒎᑎᒥᓂᒡᓗ ᑕᑎᖃᕐᓗᓂ.

ᔨᕆᒤᐊᐅᑉ ᐊᒡᓚᖏᑦ 34:18

ᐊᖏᖃᑎᒌᒍᑎᓕᐊᕆᓚᐅᕐᑕᓐᓂᒃ ᒪᓕᖏᑦᑐᑦ ᓈᓚᖏᑦᑐᓪᓗ ᐊᖏᖃᑎᒌᖕᓂᐅᑉ ᒪᓕᒐᒃᓴᕐᑕᖏᓐᓂᒃ ᐋᖅᑭᓚᐅᕐᑕᑦᑎᓐᓂᒃ ᓵᓐᓂ, ᐃᒻᒧᒃᓯᐅᒐᐅᑉ ᓄᕐᕋᖓᓂᒃ ᒪᕐᕉᓕᓗᒍ ᐊᕕᒃᓯᑦᔪᓯᖓᑦᑎᑐᑦ ᐱᓂᐊᕐᐸᒃᑲ ᒪᕐᕉᓕᓗᒋᓪᓗ ᓇᑲᒌᕈᒃᑭᑦ ᐊᑯᓐᓂᖓᒍᑦ ᐱᓱᖕᓂᐊᕐᐳᖓ.

ᐃᓯᑭᐊᓕᐅᑉ ᐊᒡᓚᖏᑦ 22:31

ᑍᒤᒻᒪᑦ ᓂᓐᖓᒡᕕᒋᓯᒪᓕᕐᐸᒃᑲ; ᓄᖑᓯᒪᓕᕐᐸᒃᑲᓗ ᓂᓐᖓᐅᓯᕐᒪ ᐃᑯᒪᖓᓄᑦ; ᐱᓂᐊᕐᓂᕆᓯᒪᔭᖏᑦ ᐊᑭᓕᕐᓗᒋᑦ, ᐊᑕᓂᖅ ᒎᑎ ᐅᖃᕐᐳᖅ.”

ᓇᕼᐅᒥᐅᑉ ᐊᒡᓚᖏᑦ 1:6

ᓂᓐᖓᓕᕐᐸᑦ, ᑭᓇ ᐊᓐᓇᒍᓐᓇᕋᔭᕐᐹ? ᑭᓇᓗ ᐊᓐᓇᒍᓐᓇᕐᐹ ᓂᓐᖓᐅᒪᕕᒡᔪᐊᕐᓂᖓᓂᑦ? ᑖᑦᓱᒪ ᓂᓐᖓᐅᒪᓂᖓ ᐃᑯᒪᔪᑐᑦ ᑍᒤᑦᑐᖅ ᓈᕕᑕᐅᕗᖅ; ᑕᕝᕙ ᐅᔭᕅᑦ ᓯᖃᓪᓕᕗᑦ ᑖᑦᓱᒪ ᓵᖓᓂ.

ᕉᒪᒥᐅᓄᑦ 1:18

ᒎᑎᐅᑉ ᓂᓐᖓᐅᓯᖓ ᕿᓚᖕᒥᑦ ᓴᖅᑭᑎᑕᐅᖕᒪᑦ ᒎᑎᖃᖏᑦᑐᓕᒫᓄᑦ ᐃᓄᐃᓪᓗ ᐱᐅᖏᑐᓕᐅᕐᓂᖏᓐᓄᑦ ᓱᓕᓂᕐᒥᒃ ᐊᒡᕕᐊᕐᓯᔪᓄᑦ ᐱᐅᖏᑦᑐᓕᐅᕐᓂᕐᒥᖕᓄᑦ.

ᕉᒪᒥᐅᓄᑦ 10:16

ᑕᒪᕐᒥᒡᓕ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᓈᓚᒃᑐᐃᓐᓇᐅᓐᖏᓚᑦ; ᐂᓮᐊᓯ ᐅᖃᕐᒪᑦ, “ᐊᑕᓃᖅ, ᑭᐊ ᐅᖅᑳᐅᓯᕆᔭᕗᑦ ᐅᒃᐱᕆᕔᑦ?”

ᕉᒪᒥᐅᓄᑦ 15:18

ᐅᖃᐅᓯᖃᕐᓂᐊᓐᖏᓚᖓ ᙭ᔅᑑᓯᐅᑉ ᐅᕙᒃᑯᑦ ᐱᓇᓱᐊᕐᓯᒪᔭᖓᑕ ᐊᓯᐊᓂᒃ ᔫᑎᐅᖏᑦᑐᑦ ᓈᓚᓕᖁᓪᓗᒋᑦ ᒎᑎᒥᒃ, ᐅᖃᐅᓯᒃᑯᑦ ᐱᓂᐊᕐᓂᒃᑯᓪᓗ.

ᕉᒪᒥᐅᓄᑦ 6:17

ᒎᑎ ᖁᔭᒋᔭᐅᓕ, ᐊᔪᕐᓂᕐᒧᑦ ᑭᒡᒐᐅᓚᐅᕐᑐᓯ ᓈᓚᑦᓯᐊᓕᕐᓯᒪᒐᑦᓯ ᐊᔪᐃᓐᓇᕐᓗᓯ ᐊᔪᕆᕐᑐᐃᑦᔪᑕᐅᓚᐅᕐᑐᓂᒃ ᐃᓕᑦᓯᓐᓄᑦ.

ᕉᒪᒥᐅᓄᑦ 9:22

ᒎᑎᐅᑉ ᓂᓐᖓᖕᓂᓂ ᑕᑯᔭᐅᖁᒐᒥᐅᒃ ᐱᔪᓐᓇᕐᓂᓂᓗ ᖃᐅᔨᔭᐅᖁᒐᒥᐅᒃ, ᐃᓗᓕᖅᑯᑎᓕᐊᖑᓯᒪᔪᑦ ᐊᑯᓂ ᕿᓄᐃᓵᕈᑎᒋᕔᑦ ᓂᓐᖓᖕᓂᖓᓄᑦ ᐊᓯᕈᕐᑕᐅᔪᒃᓴᐅᓪᓗᑎᒃ ᓴᓇᔭᐅᓯᒪᔪᑦ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 11:16

ᑕᒪᑐᒪᓕ ᒥᒃᓵᓄᑦ ᐊᑭᕋᕐᑐᕐᑐᖃᕐᐸᑦ, ᐅᖃᕈᓐᓇᕐᐳᖓ ᒎᑎᐅᑉ ᐃᓚᒌᒃᑐᖁᑎᖏᑦ ᐅᕙᒍᓪᓗ ᑍᒤᑦᑐᓂᒃ ᐱᐅᓯᖃᓐᖏᓚᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:20

ᓯᕘᕋᒐᒪ ᐃᓱᒪᒋᔭᑦᑐᑦ ᑕᑯᓂᐊᕋᓱᒋᖏᓪᓗᓯ, ᐃᓱᒪᒋᔭᑦᓯᑐᓪᓗ ᑕᑯᔭᐅᓂᐊᕋᓱᒋᓇᖓ ᐃᓕᑦᓯᓐᓄ; ᓯᕘᕋᕗᖓ ᐂᕙᓂᖃᕐᓂᐊᕋᓱᒋᓪᓗᒍ ᐱᓂᕐᓴᐅᔪᒪᔪᖃᕐᓂᐊᕋᓱᒋᓪᓗᒍᓗ, ᓂᓐᖓᐅᒪᓂᕐᑕᖃᕐᓂᐊᕋᓱᒋᕙᕋ, ᓇᖕᒥᓂᕐᓯᐅᕐᓂᕐᑕᖃᕐᓂᐊᕋᓱᒋᓪᓗᒍ, ᐅᖃᕐᓂᕐᓘᑎᓂᖃᕐᓂᐊᕋᓱᒋᕙᕋ ᑎᕐᓕᐊᖃᑦᑕᐅᑎᓂᕐᑕᖃᕐᓂᐊᕋᓱᒋᓪᓗᒍᓗ, ᐃᒻᒥᓂᒃ ᓂᕐᑑᑎᓂᕐᑕᖃᕐᓂᐊᕋᓱᒋᕙᕋ, ᐋᖅᑭᒃᓯᒪᑦᓯᐊᖏᓐᓂᕐᑕᖃᕐᓂᐊᕋᓱᒋᓪᓗᒍᓗ.

ᒐᓔᑎᐊᒥᐅᓄᑦ 5:20

ᒎᑎᓐᖑᐊᖃᕐᓂᖅ, ᐊᖓᒃᑰᓇᓱᐊᕐᓂᖅ, ᐊᑭᕋᕐᑐᕐᑎᒌᖕᓂᖅ, ᐂᕙᖃᑦᑕᐅᑎᓂᖅ, ᐱᔪᑑᔪᒪᓂᖅ, ᓂᓐᖓᐅᒪᓂᖅ, ᐊᖏᖃᑎᒌᒍᓐᓇᖏᓐᓂᖅ, ᑕᐱᕇᓕᓪᓗᑎᒃ ᐊᕕᒃᑐᕐᓂᖅ;

ᐱᓕᐱᒥᐅᓄᑦ 1:17

ᐃᓚᖏᑕᓕ ᙭ᔅᑑᓯ ᐊᔪᕆᕐᑐᐃᑦᔪᑎᒋᕚᑦ ᓱᓕᓪᓚᕆᒐᑎᒃ, ᓇᖕᒥᓂᕐᓯᐅᕐᓂᕐᒧᑦ ᐱᑦᔪᑎᖃᕐᓗᑎᒃ, ᐅᕙᓐᓂᒃ ᐅᖁᒤᒃᓴᕐᑎᑦᓯᒃᑲᓐᓂᕈᒪᓪᓗᑎᒃ ᑎᒍᔭᐅᓯᒪᕕᖕᒦᑎᓪᓗᖓ.

ᐱᓕᐱᒥᐅᓄᑦ 2:3

ᐱᓇᓱᐊᕐᓂᐊᕋᓯ ᓇᖕᒥᓂᕐᓯᐅᕐᓂᕐᒥᒃ ᐅᕝᕙᓗ ᐊᔪᖏᓐᓂᕐᓴᐅᓇᓱᒋᓂᕐᒥᒃ, ᐱᐅᔪᕆᖏᓐᓂᕐᒧᓪᓕ ᐃᓅᖃᑎᑦᓯ ᐃᓕᑦᓯᓐᓂᑦ ᐱᐅᓂᕐᓴᐅᓂᖏᓐᓂᒃ ᐃᓱᒪᖃᕆᑦᓯ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:8

ᐃᑯᒪᒧᑦ ᐃᑯᐊᓚᔪᒧᑦ, ᓱᒋᐊᕈᒫᕐᐰᑦ ᒎᑎᒥᒃ ᖃᐅᔨᒪᖏᑦᑐᑦ ᐅᖃᐅᓯᕐᓂᒡᓗ ᑐᓴᕈᒥᓇᕐᑐᓂᒃ ᐊᑕᓂᑦᑎᓐᓂᒃ ᔩᓱᓯᒥᒃ ᓈᓚᓚᐅᖏᑦᑐᑦ.

ᑍᑑᓯᒧᑦ 3:9

ᓱᓕᓂᕐᓴᐅᖃᑦᑕᐅᑎᓇᓱᖕᓃᓪᓕ ᓈᒻᒪᖏᑦᑐᑦ ᐊᑐᕐᓂᐊᕐᓇᒋᑦ, ᓯᕗᓕᕕᓂᑦᑕ ᑭᖑᕚᕆᒃᐸᓪᓕᐊᓂᖏᓐᓂᒃ ᖃᐅᔨᓇᓱᐊᕐᓂᑦ, ᐂᕙᓃᑦ, ᐊᑭᕋᕐᑑᑎᓃᓪᓗ ᐱᖁᔧᑦ ᐱᓪᓗᒋᑦ, ᑕᒪᒃᑯᐊ ᐊᑑᑎᖃᖏᒻᒪᑕ ᐱᕙᓪᓕᕐᓇᕐᑐᖃᕋᑎᒡᓗ.

ᐄᑉᕈᐃᓄᑦ 10:27

ᓯᕘᕋᓇᕐᑐᕐᔪᐊᒥᒡᓕ ᓯᕗᓂᒃᓴᖃᓕᕐᐳᒍᑦ ᐃᖅᑲᕐᑐᕐᑕᐅᕕᖕᒥᒃ, ᐃᑯᒪᒥᒡᓗ ᑲᑉᐱᐊᓇᕐᑐᕐᔪᐊᒥᒃ ᐊᓯᕈᐃᓂᐊᕐᑐᒥᒃ ᐊᑭᕋᕐᑐᕐᑐᓂᒃ.

ᐄᑉᕈᐃᓄᑦ 11:8

ᐅᒃᐱᕐᓂᑯᑦ ᐂᑉᕋᕼᐋᒻ ᓈᓚᓚᐅᕐᐳᖅ ᐊᐅᓪᓚᖁᔭᐅᓕᕋᒥ ᓄᓇᒃᓴᒧᑦ ᑭᖑᕐᖑᑎᔭᒃᓴᒥᓄᑦ; ᐊᐅᓪᓚᓚᐅᕐᐳᖅ ᓇᒧᓐᖓᐅᓂᐊᕐᓂᕐᒥᓂᒃ ᖃᐅᔨᒪᖏᒃᑲᓗᐊᕐᓗᓂ.

ᐄᑉᕈᐃᓄᑦ 5:9

ᓈᒻᒪᒃᓯᑎᑕᐅᑦᓯᐊᕋᒥᓕ ᐱᐅᓕᔭᐅᕕᒃᓴᐅᓕᕐᐳᖅ ᐃᓱᖃᖏᑦᑐᒧᑦ ᓈᓚᒃᑎᒋᔭᓕᒫᒥᓄᑦ,

ᔧᒥᓯᐅᑉ ᐊᒡᓚᖏᑦ 3:14

ᐆᒻᒪᑎᑦᓯᒍᑦ ᐊᓐᓂᕈᑦᔨᓂᕐᒥᒃ ᐱᔪᑑᔪᒪᓂᕐᒥᒡᓗ ᐱᖃᕈᑦᓯ, ᓂᕐᑑᑎᓂᐊᕋᓯ ᓴᒡᓗᖁᓇᓯ ᓱᓕᔪᒧᑦ.

ᔧᒥᓯᐅᑉ ᐊᒡᓚᖏᑦ 3:16

ᓯᖕᓇᓂᖅ ᓇᖕᒥᓂᕐᓯᐅᕐᓂᕐᓘᓐᓃᑦ ᐱᑕᖃᕐᐸᑦ, ᐋᖅᑭᑦᑎᐊᕐᓯᒪᖏᓐᓂᖃᕐᓂᐊᕐᐳᖅ ᐱᐅᖏᑦᑐᐊᓗᖕᓂᒃᓗ ᐱᓂᐊᕐᓂᕐᑕᖃᕐᓗᓂ

ᐲᑦᑐᕉᓯ ᓯᕗᓪᓖᑦ 3:1

ᑍᒫᒃᑕᐅᖅ ᐊᕐᓇᐅᔪᓯ, ᐅᐃᑦᓯᓐᓄᑦ ᑐᓂᓯᒪᑦᓯᐊᕆᑦᓯ, ᐃᓚᖏᑦ ᒎᑎᐅᑉ ᐅᖃᐅᓯᖏᓐᓂᒃ ᐅᒃᐱᖏᑦᑐᑦ, ᐅᒃᐱᓕᖁᓪᓗᒋᑦ ᐅᐃᓖᑦ ᐃᓕᖅᑯᓯᖏᑦ ᐱᑦᔪᑎᒋᓗᒋᑦ ᐅᖃᓪᓚᖕᓂᒃᑯᑐᐃᓐᓇᐅᖏᑦᑐᖅ,

ᐲᑦᑐᕉᓯ ᓯᕗᓪᓖᑦ 4:17

ᒫᓐᓇ ᐃᖅᑲᕐᑐᕐᑕᐅᓂᖅ ᐱᒋᐊᕐᒪᑦ ᒎᑎᐅᑉ ᐃᓄᖁᑎᖏᓐᓂᑦ; ᐅᕙᑦᑎᓐᓂᓪᓗ ᐱᒋᐊᕐᓂᖃᕐᐸᑦ, ᖃᓄᕐᓕ ᒎᑎᐅᑉ ᐅᖃᐅᓯᖏᓐᓂᒃ ᑐᓴᕈᒥᓇᕐᑐᖁᑎᖏᓐᓂᑦ ᓈᓚᒍᒪᖏᑦᑐᑦ ᐃᓱᓕᑉᕕᖃᓛᕐᐸᑦ?

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:10

ᑖᓐᓇᑦᑕᐅᖅ ᐃᒥᕐᑐᒃᓴᐅᕗᖅ ᐅᐂᓂᒥᒃ ᒎᑎᐅᑉ ᓂᓐᖓᐅᓯᖓᓂᒃ ᐃᒪᓕᖕᒥᒃ, ᑯᕕᔭᐅᓯᒪᔪᒥᒃ ᓴᓐᖐᓕᒋᐊᕐᓯᒪᖏᑦᑐᒥᒃ ᒎᑎᐅᑉ ᓂᓐᖓᐅᓯᖓᑕ ᖃᓪᓗᑎᖓᓄᑦ, ᐋᓐᓂᐊᑎᑕᐅᔪᒫᕐᐳᖅ ᐃᑯᒪᒧᑦ ᐳᔪᕐᒧᓪᓗ ᐃᑯᐊᓪᓚᕆᒃᑐᒧᑦ ᖃᒃᑭᓐᓇᕐᑐᒧᑦ ᐂᖏᓖᑦ ᐃᑦᔪᕐᓁᑦᑐᑦ ᓄᕐᕋᐅᔭᐅᓪᓗ ᓵᖓᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:19

ᐃᒡᓗᒐᓴᒡᔪᐊᓪᓗ ᐊᕕᒃᐳᑦ ᐱᖓᓲᓕᓪᓗᑎᒃ, ᐃᓅᖃᑎᒌᒡᔪᐊᓪᓗ ᐃᒡᓗᒐᓴᒡᔪᐊᖏᑦ ᓯᖁᑦᑎᕐᐳᑦ, ᒎᑎᐅᓪᓗ ᐃᖅᑲᐅᒪᕚ ᐹᐱᓘᓂ ᐊᖏᔪᕐᔪᐊᖅ, ᑕᕝᕙ ᐃᒤᕐᓯᑎᑉᐹ ᖃᓪᓗᑎᒥᒃ ᓂᓐᖓᖕᓂᕐᔪᐊᖓᓂᒃ ᐃᒪᓕᖕᒥᒃ.