ᕉᒪᒥᐅᓄᑦ 2:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᕿᓄᐃᓵᕐᓗᑎᒡᓕ ᐱᐅᔪᒥᒃ ᐱᓇᓱᐊᕐᑐᑦ, ᓂᕐᑐᕐᑕᐅᓂᕐᒥᒃ ᕿᓂᕐᑐᑦ, ᐅᐱᒋᔭᐅᓂᕐᒥᒡᓗ, ᑐᖁᓱᐃᑦᑑᓂᕐᒥᒡᓗ, ᑖᑦᓱᒪ ᑐᓂᓯᕕᒋᔪᒫᕐᐰᑦ ᐃᓅᓯᕐᒥᒃ ᓄᖑᓱᐃᑦᑐᒥᒃ;

ᕉᒪᒥᐅᓄᑦ 2:7 Iomraidhean Croise

ᔫᐱᐅᑉ ᐊᒡᓚᖏᑦ 17:9

ᐃᓱᐊᕐᑐᓕᔪᕐᓕ ᐱᓇᓱᐊᕐᓂᕐᒥᓂᒃ ᑲᔪᓯᑦᓯᐊᕐᐳᖅ, ᓈᒻᒪᖏᑦᑐᒥᒡᓗ ᐱᓇᓱᐊᕐᓯᒪᖏᑦᑐᖅ ᓲᖑᓯᕙᓪᓕᐊᑐᐃᓐᓇᕐᓂᐊᕐᐳᖅ.

ᐃᓐᖏᕈᑎᑦ 27:14

ᐊᑕᓂᖅ ᐅᑕᖅᑭᒍᒃ; ᑯᒃᓴᓱᖏᓪᓗᑎᑦ, ᑕᕝᕙ ᐆᒻᒪᑏᑦ ᓴᓐᖏᓂᕐᒥᒃ ᑐᓂᓯᕕᒋᓂᐊᕐᐹ; ᐅᖃᕐᐳᖓ, ᐊᑕᓂᖅ ᐊᑏ ᐅᑕᖅᑭᒍᒃ!

ᐃᓐᖏᕈᑎᑦ 37:3

ᐊᑕᓂᖅ ᑕᑎᒋᒍᒃ, ᐱᐅᔪᓂᒡᓗ ᐱᓂᐊᕐᓗᑎᑦ; ᓄᓇᒥ ᐃᓂᖃᕐᑎᓪᓗᑎᑦ ᑲᑉᐱᐊᓇᖏᑦᑐᒥ ᐃᓅᖁᓪᓗᑎᑦ ᓱᖁᓯᔪᐃᑦᑑᓂᖓᓂ.

ᐃᓐᖏᕈᑎᑦ 37:34

ᐊᑕᓂᖅ ᐅᑕᖅᑭᒍᒃ, ᐊᖅᑯᑎᖓᓃᑦᓮᓐᓇᕐᓗᑎᓪᓗ, ᑕᕝᕙ ᐊᖏᔪᕈᕐᑎᓐᓂᐊᕐᐹᑎᑦ ᓄᓇᒥᒃ ᑭᖑᕐᖑᑦᔨᑎᓐᓂᐊᕐᒪᑎᑦ. ᑕᑯᔪᒫᕐᐳᑎᓪᓗ ᐱᐅᖏᑦᑐᓕᔪᑦ ᐃᓚᒋᔭᐅᔪᓐᓁᕐᑎᑕᐅᑎᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 18:17

ᐱᐅᖏᑦᑐᓕᓂᕐᒥᒃ ᐃᓅᓯᖃᕈᒪᖏᓪᓗᓂ, ᐊᑐᕐᑎᑕᒥᓂᒡᓗ ᑮᓇᐅᔭᓕᐅᕐᕕᖃᕋᓱᒃᐸᖏᓪᓗᓂ ᐃᓚᒋᐊᕐᓯᖃᑦᑕᖏᓪᓗᓂᓗ, ᐱᖁᔭᓐᓂᒡᓗ ᐊᑐᑦᓯᐊᕐᓗᓂ, ᒪᓕᒐᒃᓴᐅᖁᔭᓐᓂᒡᓗ ᐊᑐᑦᓯᐊᕐᓗᓂ; ᑖᓐᓇ ᑐᖁᔪᒫᓐᖏᓚᖅ ᐊᑖᑕᖓᑕ ᐊᔪᕐᑐᓕᓯᒪᓂᖓᓄᑦ; ᐃᓅᔪᒫᕐᐳᕐᓕ ᖁᓚᕐᓇᖏᑦᑐᒥᒃ.

ᒫᑎᐅᓯᐅᑉ ᐊᒡᓚᖏᑦ 25:46

ᑖᒃᑯᐊ ᓱᒋᐊᕐᑕᐅᕕᖕᒧᑦ ᓄᖑᓱᐃᑦᑐᒧᑦ ᐱᑎᑕᐅᔪᒫᕐᐳᑦ, ᐃᓗᐊᕐᑐᓪᓕ ᐃᓅᓯᕐᒧᑦ ᓄᖑᓱᐃᑦᑐᒧᑦ ᐱᑎᑕᐅᓕᕐᑎᓪᓗᒋᑦ.”

ᓘᑲᓯᐅᑉ ᐊᒡᓚᖏᑦ 21:19

ᕿᓄᐃᓵᕐᓂᑦᓯᓐᓄᑦ ᑭᓯᐊᓂ ᐃᓕᑦᓯᓐᓂᒃ ᐱᐅᓕᔪᒫᕐᐳᓯ.”

ᓘᑲᓯᐅᑉ ᐊᒡᓚᖏᑦ 8:15

ᐱᕈᕐᓯᐊᒃᓴᓪᓕ ᓄᓇᒧᑦ ᐃᑦᔪᑦᓯᐊᕆᒃᑐᒧᑦ ᑲᑕᒃᑐᑦ, ᐃᒤᑦᑐᓂᒃ ᑐᑭᖃᕐᐳᑦ, ᐅᖃᐅᓯᕐᓂᒃ ᑐᓴᕐᑐᑦ, ᐱᓯᒤᓐᓇᕐᓗᒋᑦ ᓈᓚᑦᓯᐊᕐᓂᒃᑯᑦ ᐆᒻᒪᑎᒥᒍᑦ, ᓱᕐᕋᔪᐃᑦᑑᓪᓗᑎᒃ ᐱᕈᕐᕕᐅᓚᐅᖏᓐᓂᕐᒥᖕᓂ ᕿᓄᐃᓵᕐᓂᒃᑯᑦ.”

ᔪᐊᓇᓯᐅᑉ ᐊᒡᓚᖏᑦ 4:36

ᓇᑲᑎᕆᔪᕐᓕ ᐊᑭᓕᕐᑕᐅᓂᐊᕐᐳᖅ, ᑲᑎᕐᓱᐃᓪᓗᓂ ᐱᕈᕐᑐᓂᒃ ᐃᓅᓯᕐᒧᑦ ᓄᖑᓱᐃᑦᑐᒧᑦ; ᑕᕝᕙ ᑲᓐᖓᕐᓱᐃᔪᖅ ᑲᑎᕐᓱᐃᔪᕐᓗ ᑍᒫᒃ ᖁᕕᐊᓱᖃᑎᒌᖕᓂᐊᕐᐳᒃ.

ᔪᐊᓇᓯᐅᑉ ᐊᒡᓚᖏᑦ 5:44

ᖃᓄᖅ ᐅᒃᐱᕈᓐᓇᕐᐱᓰ? ᐃᓅᖃᑎᑦᓯᓐᓄᑦ ᓂᕐᑐᕐᑕᐅᔪᒪᓂᕐᒥᒃ ᐱᓇᓱᐊᖃᑦᑕᕐᓗᓯ ᒎᑎᒧᓪᓗ ᓂᕐᑐᕐᑕᐅᓂᒃᓴᑐᐊᖅ ᕿᓂᕐᓇᒍ.

ᕉᒪᒥᐅᓄᑦ 2:10

ᒎᑎᐅᑉ ᓂᕐᑐᕐᓇᕐᓂᖃᕐᑎᑦᓱᒫᕐᐰᑦ ᐱᐅᔪᒥᒃ ᐱᓇᓱᐊᕐᑐᑦ ᐅᐱᒋᔭᐅᓗᑎᒡᓗ, ᓮᒻᒪᕐᑎᑕᐅᓗᑎᒡᓗ, ᔫᑎᑦ ᓯᕗᓪᓕᐅᓗᑎᒃ ᒍᕇᑭᓄᓪᓗ.

ᕉᒪᒥᐅᓄᑦ 6:23

ᐊᔪᕐᓂᐅᑉ ᐊᑭᓕᐅᑖ ᑕᕝᕙ ᑐᖁ, ᒎᑎᐅᓪᓕ ᑐᓂᕐᕈᑖ ᐊᑭᖃᖏᑦᑐᖅ ᑕᕝᕙ ᐃᓅᓯᖅ ᓄᖑᓱᐃᑦᑐᖅ ᙭ᔅᑑᓯ ᔩᓱᓯᒥ ᐊᑕᓂᑦᑎᓐᓂ.

ᕉᒪᒥᐅᓄᑦ 8:18

ᐃᓱᒪᒋᒐᒃᑯ ᐅᖁᒤᑦᑐᒦᓐᓃᑦ ᒫᓐᓇ ᐊᑐᕐᑕᐅᔪᑦ ᐊᑦᔨᐅᑎᑕᒃᓴᐅᖏᒻᒪᑕ ᐱᓐᓇᕐᓇᕐᑐᕐᔪᐊᒧᑦ ᓴᖅᑭᑎᑕᐅᔪᒫᕐᑐᒧᑦ ᐅᕙᑦᑎᓐᓄᑦ.

ᕉᒪᒥᐅᓄᑦ 9:23

ᓂᕐᑐᕐᓇᕐᓂᕐᔪᐊᖓᑕ ᐊᒥᒐᖏᑦᑐᐊᓘᓂᖓ ᓇᓗᓁᕐᑕᐅᖁᓪᓗᒍ ᓂᑲᒋᔭᐅᔭᕆᐊᓕᖕᓄᑦ, ᐅᐸᓗᖕᒊᕈᑎᒋᓯᒪᔭᒥᓄᑦ ᓯᕗᓂᖓᒍᑦ ᓂᕐᑐᕐᓇᕐᓯᑎᑕᐅᓚᖁᓪᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:42

ᑍᒤᑦᓱᒫᕐᐳᑦᑕᐅᖅ ᑐᖁᖓᔪᑦ ᒪᑭᓕᕈᑎᒃ. ᑎᒥ ᐃᓕᔭᐅᕗᖅ ᓄᓇᒧᑦ ᐱᑐᖄᓘᓕᓱᖑᓪᓗᓂ, ᒪᑭᓕᕈᓂ ᐱᑐᖃᕈᕈᓁᓕᔪᒫᕐᐳᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:50

ᓇᓗᓁᕐᓯᕕᒋᕙᑦᓯ ᐃᓚᒃᑳ, ᑎᒥ ᐊᐅᖃᕐᑐᖅ ᑭᖑᕐᖑᑦᔨᔪᓐᓇᖏᒻᒪᑦ ᒎᑎᐅᑉ ᐊᑕᓂᐅᕕᖓᓂᒃ, ᓱᕈᔭᑦᑐᕐᓗ ᑭᖑᕐᖑᑦᔨᔪᓐᓇᖏᓐᓂᕗᖅ ᓱᕈᕈᓐᓇᖏᑦᑐᒥᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:58

ᑍᒤᒻᒪᑦ ᐃᓚᒃᑳ, ᓱᕐᕋᔪᐃᑦᑑᓗᓯ ᓇᖏᕆᑦᓯ, ᓱᓇᑐᐃᓐᓇᕐᒧᑦ ᐊᐅᓚᑕᐅᓕᕐᑍᓕᓗᓯ, ᐃᓕᑦᓯᓐᓂᒃ ᑍᒪᓐᖓᑦ ᑐᓂᓯᒪᓗᓯ ᐊᑕᓂᐅᑉ ᐱᓇᓱᐊᕐᓂᖓᓄᑦ, ᖃᐅᔨᒪᒐᑦᓯ ᐱᓇᓱᐊᕐᓂᓯ ᐊᑕᓂᕐᒥ ᑕᒪᐅᖓᑐᐃᓐᓈᕐᑐᖃᕐᓂᐊᖏᒻᒪᑕ.

ᒐᓔᑎᐊᒥᐅᓄᑦ 6:9

ᑍᒤᒻᒪᑦ ᐱᐅᔪᒥᒃ ᐱᓇᓱᐊᕐᓂᕆᔭᕗᑦ ᐃᕿᐊᓐᖒᑎᑦᑍᓕᓚᕗᑦ; ᓄᖅᑲᐅᑎᖏᒃᑯᑦᑎᒍ, ᑕᕝᕙ ᑲᑎᕐᓱᓕᕈᒫᕐᐸᕗᑦ ᑲᓐᖓᕐᓲᑎᒋᓯᒪᔭᕗᑦ.

ᐃᐱᓯᒥᐅᓄᑦ 6:24

ᒎᑎᐅᓪᓗ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᐃᓚᒋᔭᐅᓕᑦ, ᐊᑕᓂᕐᒥᒃ ᔩᓱᓯ ᙭ᔅᑑᓯᒥᒃ ᓇᒡᓕᒋᔭᖃᕐᑐᑦ, ᑲᔪᓯᑦᓯᐊᕐᑐᒥᒡᓗ ᐅᖓᒋᔭᖃᕐᑐᑦ ᑖᑦᓱᒥᖓ.

ᑯᓘᓯᐊᒥᐅᓄᑦ 1:27

ᒎᑎᐅᑉ ᑕᒪᓐᓇ ᐃᔨᕐᓯᒪᔪᖅ ᖃᐅᔨᔭᐅᑎᑦᓱᒪᓚᐅᕐᐹ ᔫᑎᐅᖏᑦᑐᓄᑦ ᐊᒥᒐᖏᑦᑐᕐᔪᐊᖅ ᓂᕐᑐᕐᓇᕐᑐᕐᔪᐊᕐᓗ ᐃᔨᕐᓯᒪᓚᐅᕐᑐᖅ ᐃᓄᓕᒫᓄᑦ, ᑕᕝᕙ ᙭ᔅᑑᓯ ᐃᓗᑦᓯᓐᓃᑦᑐᖅ, ᓂᕆᐅᒍᑎᒃᓴᐅᖁᓪᓗᒍ ᐱᓐᓇᕐᓇᕐᑐᕐᔪᐊᒥᒃ.

ᑎᒧᑎᒧᑦ ᓯᕗᓪᓖᑦ 1:17

ᐊᖓᔪᖅᑳᕐᔪᐊᖑᔪᖅ ᐃᓱᖃᖏᑦᑐᒧᑦ, ᑐᖁᓱᐃᑦᑐᖅ, ᑕᑯᒃᓴᐅᖏᑦᑐᖅ, ᒎᑎᑑᔪᖅ, ᑖᓐᓇ ᐅᐱᒋᔭᐅᓕ ᓂᕐᑐᕐᓇᕐᓯᑎᑕᐅᓗᓂᓗ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᐋᒥᓐ.

ᑎᒧᑎᒧᑦ ᐂᑉᐸᖏᑦ 1:10

ᒫᓐᓇᓕ ᑕᒪᓐᓇ ᓴᖅᑭᑎᑕᐅᓯᒪᕗᖅ ᐱᐅᓕᔨᑦᑕ ᙭ᔅᑑᓯ ᔩᓱᓯᐅᑉ ᑎᑭᓯᒪᓂᖓᒍᑦ, ᑐᖂᑉ ᐱᔪᓐᓇᕐᓂᖓ ᐊᑐᕈᓐᓁᕐᑎᓪᓗᒍ ᐃᓅᓯᕐᒥᒃ ᓴᖅᑭᑎᑦᓯᕕᒋᕚᑎᒍᑦ ᖃᐅᒪᔪᒧᑦ ᐅᖃᐅᓰᑦ ᑐᓴᕈᒥᓇᕐᑐᑦ ᐊᖅᑯᑎᒋᓪᓗᒋᑦ.

ᐄᑉᕈᐃᓄᑦ 2:7

ᑖᓐᓇ ᐂᖏᓕᓂᑦ ᐃᓱᒪᓇᖏᓂᕐᓴᐅᑎᓚᐅᕐᐸᑦ, ᐱᓐᓇᕐᓇᕐᓂᕐᔪᐊᒥᒡᓗ ᐅᐱᒋᔭᐅᓂᕐᒥᒡᓗ ᓂᐊᖂᓯᕐᓗᒍ.

ᐄᑉᕈᐃᓄᑦ 6:12

ᐃᓕᑦᓯᓐᓂᒃ ᐃᕿᐊᓱᓕᖁᔨᓐᖏᓚᒍᑦ, ᒪᓕᖁᕙᑦᓯᓕ ᐅᒃᐱᕐᓗᑎᒃ ᕿᓄᐃᓵᓚᐅᕐᑐᓄᑦ ᐊᖏᕈᑕᐅᓯᒪᔪᓂᒡᓗ ᐱᑎᑕᐅᓚᐅᕐᑐᓄᑦ.

ᐄᑉᕈᐃᓄᑦ 6:15

ᐂᑉᕋᕼᐊᒻᓗ ᕿᓄᐃᓵᓚᐅᕐᓗᓂ, ᐊᖏᕈᑕᐅᓯᒪᔪᒥᒃ ᐱᑎᑕᐅᓚᐅᕐᐳᖅ.

ᔪᐊᓇᓯ ᓯᕗᓪᓖᑦ 2:25

ᑕᒪᓐᓇ ᑕᕝᕙ ᑐᓂᓂᐊᕐᓂᕋᕐᓯᒪᔭᖓ ᐅᕙᑦᑎᓐᓄᑦ ᐃᓅᓯᖅ ᓄᖑᓱᐃᑦᑐᖅ.