6 ᑖᑦᓱᒪ ᐊᑭᓕᕈᒫᕐᒪᒋᑦ ᐃᓄᓕᒫᑦ ᐊᑐᓂᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ.
ᑖᑦᓱᒪ ᐃᓄᒃ ᐱᓂᐊᕐᓂᖓ ᒪᓕᒡᓗᒍ ᐊᑭᓕᖃᑦᑕᕐᐹ, ᐱᓇᓱᐊᕐᕕᒋᖃᑦᑕᕐᐹᓗ ᐃᓅᓯᖓ ᒪᓕᒡᓗᒍ.
ᐊᑕᓃᖅ ᐃᕝᕕᓪᓗ, ᓇᒡᓕᖕᓂᖅ ᓱᖁᓯᔪᐃᑦᑐᖅ ᐱᒋᕙᑦ. ᑐᓂᓯᕙᒃᐳᑎᓪᓗ ᐊᑐᓂᑦ ᐱᓂᐊᕐᓂᖏᑦ ᒪᓕᒡᓗᒋᑦ.
ᒫᓐᓇᓕ ᐅᑎᓕᕆᑦ, ᐃᓄᐃᓪᓗ ᑕᓯᐅᕆᐊᕐᑐᓕᒃᑭᑦ ᑕᕝᕗᖓ ᐃᓕᖕᓄᑦ ᐅᖃᐅᑎᒋᓯᒪᔭᓐᓄᑦ. ᑕᑯᒋᓪᓗ ᐂᖏᓕᖁᑎᒐ ᓯᕗᓂᑦᓯᓐᓄᑦ ᑎᓕᓂᐊᕐᐸᕋ, ᑭᓯᐊᓂᓕ ᖃᖓᑐᐃᓐᓇᖅ ᓱᒋᐊᕐᓯᕕᒃᓴᕋ ᓇᓪᓕᐅᑎᒃᐸᑦ ᐃᓄᐃᑦ ᑖᒃᑯᐊ ᓱᒋᐊᕈᒫᕐᐸᒃᑲ ᐊᔪᕐᑐᓕᓯᒪᓂᖏᑦ ᒪᓕᒡᓗᒋᑦ.”
ᐃᒫᒃ ᐅᖃᕈᕕᑦ, “ᑕᒪᑐᒥᖓ ᖃᐅᔨᒪᖏᑦᓯᐊᓚᐅᕐᑐᒍᑦ,” ᐆᒻᒪᑎᓂᒃ ᖃᐅᔨᓴᕐᑑᑉ ᑕᒪᓐᓇ ᐃᓱᒪᒋᓐᖏᓚᐅᒃ? ᑕᕐᓂᕐᓂᒃ ᑲᒪᔨᐅᑉ ᖃᐅᔨᒪᓐᖏᓚᐅᒃ? ᐱᑎᑦᓯᓂᐊᓐᖏᓚᕐᓘ ᐃᓄᖕᓄᑦ ᐊᑐᓂᑦ ᐱᓂᐊᕐᓂᖏᑦ ᒪᓕᒡᓗᒌᑦ?
ᐃᓱᒪᒥᒃᑎᒍᑦ ᐋᖅᑭᒃᓱᐃᖕᒪᑕ ᑲᑉᐱᐊᓱᒃᑎᑦᓯᔪᒪᓂᕐᒥᒃ, ᖃᓂᖏᓪᓗ ᐅᖃᐅᓯᖃᕐᓗᑎᒃ ᐊᑲᐅᖏᑦᑐᓕᐅᕈᒪᓂᕐᒥᒃ.
ᐱᓯᒃᑖᕐᑐᑐᑦ ᑭᓇᒃᑯᑐᐃᓐᓇᕐᓂᒃ ᐃᑭᓕᕐᑐᐃᔪᑐᑦ ᑍᒤᑉᐳᖅ, ᓯᓔᑦᑐᒥᒃ ᐃᖅᑲᓁᔭᕐᑎᓯᔪᑐᑦ ᐱᐅᖏᑦᑐᓕᔪᒥᒃᓗ ᐊᑭᓕᕐᑐᐃᔪᑐᑦ.
ᐆᒻᒪᑎᑯᑦ ᐃᓱᒪᓚᐅᕐᐳᖓ, “ᒎᑎᐅᑉ ᐃᖅᑲᕐᑐᐃᕕᖕᒧᑦ ᕾᑎᑦᓱᒫᕐᐰᑦ ᐱᐅᔪᑦ ᐱᐅᖏᑦᑐᓕᔪᓪᓗ, ᓇᓪᓕᐅᓐᓂᖃᕐᒪᑦ ᐱᑦᔪᑎᒃᓴᖃᕐᑐᓄᑦ ᓱᓇᑐᐃᓐᓇᕐᓄᑦ ᓴᓇᓯᒪᔪᓄᓪᓗ.”
ᐅᕙᖓ ᐊᑕᓂᖅ ᖃᐅᔨᓴᕈᓐᓇᕐᐳᖓ, ᐃᓅᑉ ᐆᒻᒪᑎᖓᓂᒃ ᐃᓱᒪᖓᓂᒡᓗ, ᑐᓂᓯᔪᓐᓇᕐᓗᖓᓗ ᐃᓅᑉ ᐱᓂᐊᕐᓂᖏᑦ ᒪᓕᒡᓗᒋᑦ, ᐱᓂᐊᕐᓂᖏᑕ ᐱᕈᕐᑎᑕᖏᓐᓂᒃ.”
ᐃᓱᒪᒋᔭᑎᑦ ᐊᖏᔪᕐᔪᐊᖑᖕᒪᑕ ᐱᓂᐊᕐᓂᕐᑎᓪᓗ ᐊᔪᒐᖃᖏᑦᑐᕐᔪᐊᖑᓪᓗᑎᒃ; ᐃᓄᐃᓪᓗ ᐱᓂᐊᕐᓂᓕᒫᖏᑦ ᑕᑯᓐᓇᕋᕕᒋᑦ, ᐃᓄᐃᓪᓗ ᐱᐅᓯᖏᑦ ᒪᓕᒡᓗᒋᑦ ᐱᔭᕆᐊᖃᓕᕐᑕᖏᓐᓂᒃ ᐱᑎᑦᓯᕙᒃᑲᕕᑦ, ᐊᑭᓕᕐᐸᒃᓗᒋᓪᓗ ᐱᓂᐊᕐᓂᖏᑦ ᒪᓕᒡᓗᒋᑦ.
ᑕᕐᓂᖅ ᐊᔪᕐᑐᓕᔪᖅ ᑭᓯᒥ ᑐᖁᔪᒃᓴᐅᕗᖅ. ᐃᕐᓂᖓᓕ ᐸᓯᔭᒃᓴᐅᑦᔪᑎᖃᕐᑐᒃᓴᐅᓐᖏᓚᖅ ᐊᑖᑕᖓᑕ ᐊᔪᕐᑐᓕᓯᒪᓂᖓᓄᑦ, ᐅᕝᕙᓘᓐᓃᑦ ᐊᑖᑕᐅᔪᖅ ᐃᕐᓂᖓᑕ ᐊᔪᕐᑐᓕᓯᒪᓂᖓᓄᑦ ᐸᓯᔭᒃᓴᐅᑦᔪᑎᖃᕐᑐᒃᓴᐅᖏᓐᓂᕗᖅ; ᓈᒻᒪᓈᕐᑐᒥᒃ ᐃᓅᓯᖃᕐᑐᖅ ᓈᒻᒪᓈᕐᑐᒥᒃ ᐃᒻᒥᓄᑐᐊᖅ ᐊᑭᓕᕐᑕᐅᔪᒫᕐᐳᖅ, ᐱᐅᖏᑦᑐᓕᔪᕐᓗ ᐱᐅᖏᑦᑐᓕᓂᕐᒥᓄᑦ ᐃᒻᒥᓄᑐᐊᖅ ᐊᑭᓕᕐᑕᐅᑦᔪᒫᕆᕗᖅ.
“ᑍᒤᒻᒪᑦ ᐃᓴᕆᐊᓕᒥᐅᑦ ᑭᖑᕚᖑᖃᑎᒌᑦ ᐅᖃᐅᑎᕙᑦᓯ, ᐃᓕᑦᓯ ᐊᑐᓂᑦ ᐃᓕᖅᑯᓯᓯ ᒪᓕᒡᓗᒋᑦ ᐃᖅᑲᕐᑐᕐᓂᐊᕐᐸᑦᓯ, ᐊᑕᓂᖅ ᒎᑎ ᐅᖃᕐᐳᖅ. ᓵᒋᐊᕆᑦᓯ ᐱᐅᖏᑦᑐᓕᓂᓯ ᕿᒪᒡᓗᒋᑦ, ᐊᔪᕐᑐᓕᓂᕐᒧᑦ ᑐᖁᔪᒃᓴᓐᖑᖁᓇᓯ.
ᓯᐊᒻᒪᕐᑎᓚᐅᕐᐸᒃᑲ ᐃᓅᖃᑎᒌᒡᔪᐊᓄᑦ, ᓄᓇᓕᒡᔪᐊᓂᓗ ᓄᓇᑖᕐᑎᓪᓗᒋᑦ; ᐃᓕᖅᑯᓯᖏᑦ ᐱᓂᐊᕐᓂᖏᓪᓗ ᒪᓕᒡᓗᒋᑦ ᓵᓐᖓᓕᓚᐅᕐᐸᒃᑲ.
ᐃᓅᑉ ᐃᕐᓂᖓ ᑎᑭᑦᓱᒫᕐᒪᑦ ᐂᖏᓖᖁᑎᓂ ᐃᓚᒋᓗᒋᑦ ᐊᑖᑕᖓᑕ ᓂᕐᑐᕐᓇᕐᓂᕐᔪᐊᖓᓂᑦ, ᑕᕝᕙᓂ ᐊᑐᓂᑦ ᐊᑭᓕᕈᒫᕐᐰᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ.
ᐅᒃᐱᕐᓂᕆᔧᑦ, ᒎᑎᒧᑦ ᐃᓕᖕᓄᓪᓗ ᑭᓯᐊᓂ ᑍᒤᓕᖓᔪᒃᓴᐅᕗᖅ; ᓮᒪᓇᕐᑐᒦᐳᖅ ᐃᓄᒃ ᐸᓯᔭᒃᓴᓐᖑᕐᑎᖏᑦᑐᖅ ᐃᒻᒥᓂᒃ ᓈᒻᒪᒋᔭᒥᒍᑦ.
ᐱᕈᕐᓯᐊᒃᓴᒥᒃ ᑲᓐᖓᕐᓱᐃᔪᖅ, ᐃᒥᕐᒥᒡᓗ ᑯᕕᓯᔪᖅ ᐊᑦᔨᒌᒃᐴᒃ, ᐊᑐᓂᓪᓗ ᐊᑭᓕᕐᑕᐅᔪᒫᕐᐴᒃ ᐱᓇᓱᐊᕐᓂᖏᒃ ᒪᓕᒡᓗᒋᒃ.
ᑍᒤᒻᒪᑦ ᐃᖅᑲᕐᑐᐃᓂᐊᕋᓯ ᐃᖅᑲᕐᑐᐃᕕᒃ ᓇᓪᓕᐅᑎᖏᓐᓂᖓᓂ, ᐊᑕᓂᐅᑉ ᑎᑭᑦᓱᒫᕐᓂᖓᓂᒃ ᐅᑕᖅᑭᓕᕆᑦᓯ, ᑖᓐᓇ ᖃᐅᒪᔪᒧᑦ ᓴᖅᑭᑎᑦᓯᔪᒫᕐᒪᑦ ᒫᓐᓇ ᑖᕐᑐᒥ ᐃᔨᕐᓯᒪᔪᓂᒃ ᐃᓄᐃᓪᓗ ᐃᓗᒥᖕᓂ ᐃᓱᒪᒋᕙᒃᑕᖏᑦ ᓴᖅᑭᑎᑦᓱᒫᕐᐰᑦ. ᑕᕝᕙ ᐃᓄᓕᒫᑦ ᐊᑐᓂᑦ ᒎᑎᒧᑦ ᓈᒻᒪᒋᔭᐅᖕᒪᖔᕐᒥᒃ ᖃᐅᔨᑎᑕᐅᔪᒫᕐᐳᑦ.
ᑍᒤᒻᒪᑦ ᑲᒪᓇᖏᓐᓂᕗᖅ ᓵᑖᓇᓯᐅᑉ ᐱᔨᖏᑦ ᐃᓗᐊᕐᑐᑎᑐᑦ ᐱᔨᒋᔭᐅᓐᖑᐊᕈᓐᓇᕆᐊᖏᑦ. ᐱᓂᐊᕐᓂᖏᑦ ᒪᓕᒡᓗᒋᑦ ᐃᓱᐊᓂ ᐱᓇᓱᐊᕐᕕᐅᔪᒫᕐᐳᑦ.
ᑕᒪᑦᑕ ᓴᖅᑭᑦᑕᕆᐊᖃᕈᒫᕋᑦᑕ ᙭ᔅᑑᓯᐅᑉ ᐃᖅᑲᕐᑐᐃᕕᖓᑕ ᓵᖓᓂ, ᑕᒪᕐᒥᒃ ᐊᑐᓂᑦ ᐱᓂᐊᕐᕕᐅᖁᓪᓗᒋᑦ ᑎᒥᒦᓪᓗᑎᒃ ᐊᑐᓚᐅᕐᑕᖏᑦ ᒪᓕᒡᓗᒋᑦ, ᐱᐅᔪᒥᒃ ᐱᐅᖏᑦᑐᒥᒡᓘᓐᓃᑦ.
ᐊᓕᒃᓵᓐᑐᕆᐅᓪᓗ ᑲᓐᓄᔭᒃᓴᓂᒃ ᓴᓇᕙᒃᑑᑉ ᓈᒻᒪᖏᑦᑐᐊᓗᖕᒥᒃ ᐱᓂᐊᕐᕕᒋᓯᒪᕚᖓ; ᐊᑕᓂᐅᓪᓕ ᐱᓂᐊᕐᕕᒋᔪᒫᕐᐹ ᐱᓂᐊᕐᓯᒪᔭᖏᑦ ᒪᓕᒡᓗᒋᑦ.
ᕿᑐᕐᖓᖏᓪᓗ ᑐᖁᖃᓯᐅᑎᓂᐊᕐᐸᒃᑲ. ᐅᒃᐱᕐᑑᖃᑎᒌᓕᒫᑦ ᖃᐅᔨᖁᓪᓗᒋᑦ ᐅᕙᖓᐅᒐᒪ ᖃᐅᔨᒪᔪᑐᐊᖅ ᐃᓄᐃᑦ ᐃᓱᒪᖏᓐᓂᒃ ᐆᒻᒪᒻᒥᐅᑕᖏᓐᓂᒡᓗ, ᐊᑐᓂᓪᓗ ᐱᓂᐊᕐᕕᒋᔪᒫᕐᐸᑦᓯ ᐱᓂᐊᕐᓂᓯ ᒪᓕᒡᓗᒋᑦ.
ᑐᖁᓯᒪᔪᓪᓗ ᑕᑯᒋᕙᒃᑲ, ᐊᖏᔪᑦ ᒥᑭᔪᓪᓗ, ᐃᒃᓯᕙᐅᑕᕐᔪᐊᑉ ᓵᖓᓂ ᓇᖏᕐᑐᑦ, ᑎᑎᕋᕐᕕᒃᓮᓪᓗ ᒪᒃᐱᕐᑕᐅᕗᑦ. ᐊᓯᖏᓪᓗ ᐊᑎᖃᕐᕖᑦ ᒪᒃᐱᕐᑕᐅᒋᕗᑦ, ᑖᒃᑯᐊ ᐊᑎᖃᕐᕖᑦ ᐃᓅᓯᕾᓐᓇᕐᓇᕐᑐᑦ. ᑐᖁᓯᒪᔪᓪᓗ ᐊᑐᓂᑦ ᐃᖅᑲᕐᑐᕐᑕᐅᓕᕐᐳᑦ ᐱᓂᐊᕐᓂᕆᓯᒪᔭᖏᑦ ᒪᓕᒡᓗᒋᑦ, ᑎᑎᕋᕐᕕᒃᓴᓂ ᑎᑎᕋᕐᑕᐅᓯᒪᔪᑦ.
ᔩᓱᓯᓗ ᐅᖃᕐᐳᖅ, “ᑕᑯᒋᑦ, ᐊᑯᓂᐅᖏᑦᑐᖅ ᕾᓂᐊᕐᐳᖓ, ᐊᑭᓕᐅᑎᒃᓴᕋ ᓇᒃᓴᕐᓗᒍ, ᐱᓂᐊᕐᓂᖏᑦ ᒪᓕᒡᓗᒋᑦ ᐊᑭᓕᕐᑕᐅᖁᓪᓗᒋᑦ.
