ᕉᒪᒥᐅᓄᑦ 2:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᓯᑎᔪᐊᓘᓂᕐᓄᑦ ᐆᒻᒪᑎᒃᑯᓪᓗ ᖃᕿᐊᓕᕈᒪᖏᓐᓂᕐᓄᑦ ᐃᓕᖕᓂᒃ ᖁᒥᐅᑎᒋᓕᕐᐳᑎᑦ ᐅᓪᓗᒧᑦ ᒎᑎᐅᑉ ᓂᓐᖓᒡᕕᒃᓴᖓᓄᑦ ᐃᖅᑲᕐᑐᐃᓂᖓ ᓈᒻᒪᓈᑦᓯᐊᕐᑐᖅ ᓴᖅᑭᑉᐸᑦ.

ᕉᒪᒥᐅᓄᑦ 2:5 Iomraidhean Croise

ᑯᕉᓂᑲ ᐂᑉᐸᖏᑦ 30:8

ᒫᓐᓇ ᓯᑎᔫᒐᓱᐊᕐᑍᓕᒋᑦᓯ ᓯᕗᓕᑦᓯᑐᑦ, ᐃᓕᑦᓯᓐᓂᒡᓕ ᑐᓂᓕᕆᑦᓯ ᐊᑕᓂᕐᒧᑦ, ᐃᑎᕐᓗᓯᓗ ᐃᑦᔪᕐᓁᑦᑐᕕᖁᑎᖓᓄᑦ, ᑖᑦᓱᒪ ᐃᑦᔪᕐᓁᑎᓚᐅᕐᑕᖓᓄᑦ ᐃᓱᖃᖏᑦᑐᒧᑦ, ᐊᑕᓂᕐᓗ ᒎᑎᓯ ᐱᔨᑦᓯᓕᕐᓯᐅᒃ, ᑖᑦᓱᒪ ᓂᓐᖓᐅᓯᖓᓄᑦ ᓯᕘᕋᓇᕐᑐᒧᑦ ᕿᒪᒃᑕᐅᖁᓪᓗᓯ.

ᑯᕉᓂᑲ ᐂᑉᐸᖏᑦ 36:13

ᑖᓐᓇᑦᑕᐅᖅ ᐊᑭᕋᕐᑐᓕᓚᐅᕐᐳᖅ ᐊᖓᔪᖅᑳᕐᔪᐊᒥᒃ ᓂᐱᑯᓁᓴᒥᒃ, ᑖᑦᓱᒪ ᐊᖏᒻᒪᕆᒃᑎᓗᓂᐅᒃ ᐅᖃᕕᒃᑎᓚᐅᕐᑎᓪᓗᓂᐅᒃ ᒎᑎᒃᑯᑦ ᓈᓚᑦᓯᐊᕐᓂᐊᕐᓂᕋᕐᓗᓂ; ᐃᒻᒥᓂᒃ ᐅᓗᕆᐊᑦᑍᑦᑑᑎᓪᓗᓂ ᐆᒻᒪᑎᓂ ᓯᑎᔪᕈᕐᑎᓪᓗᒍ ᓵᑦᑐᒪᓚᐅᓐᖏᓚᖅ ᐊᑕᓂᕐᒧᑦ, ᐃᓴᕆᐊᓕᒥᐅᑦ ᒎᑎᖓᓄᑦ.

ᔫᐱᐅᑉ ᐊᒡᓚᖏᑦ 21:30

ᐃᓄᒃ ᐱᐅᖏᑦᑐᓕᔪᖅ ᐊᓯᕈᕐᑕᐅᓇᕐᑐᒧᑦ ᑎᑭᑕᐅᖏᑉᐸᑦ, ᓂᓐᖓᐅᓯᐅᔪᒫᕐᑑᑉ ᐅᓪᓗᖓᓂ ᓴᐳᑎᔭᐅᔪᓐᓇᕋᔭᕐᐹ?

ᐃᓐᖏᕈᑎᑦ 110:5

ᐊᑕᓂᖅ ᑕᓕᕐᐱᖕᓃᑉᐳᖅ; ᐊᖓᔪᖅᑳᕐᔪᐊᑦ ᓯᖁᒥᑦᓱᒫᕐᐰᑦ ᓂᓐᖓᖕᓂᖓᑕ ᐅᓪᓗᖏᓐᓂ.

ᐃᓐᖏᕈᑎᑦ 95:8

ᐆᒻᒪᑎᓯ ᓯᑎᔫᑎᓐᓂᐊᕋᓯᒋᒃ, ᑍᑦᓱᒪᓂᑐᑦ ᓄᓇᒥ ᒥᕆᐸᒥ ᓯᑎᔫᑎᑦᓯᓚᐅᕐᑐᑎᑐᑦ, ᒫᓴᒥ ᑍᒤᓕᐅᓚᐅᕐᒪᑕ ᐱᕈᕐᑐᖃᖏᑦᑐᒥ.

ᒨᓯᓯ ᐂᑉᐸᖏᑦ 14:17

ᐄᑦᔨᑉᑎᒥᐅᓪᓗ ᐆᒻᒪᑎᖏᑦ ᓯᑎᔫᑎᓐᓂᐊᕐᐸᒃᑲ ᒪᓕᒃᓴᕐᓂᐊᕐᐳᓪᓗ ᑖᒃᑯᓂᖓ. ᐅᐱᒋᔭᐅᑦᔪᑎᑖᕐᓂᐊᕐᐳᖓᓗ ᓵᓚᖃᕐᓂᓐᓂᒃ ᐊᖓᔪᖅᑳᕐᔪᐊᒥᒃ, ᐅᓇᑕᕐᑐᒃᓴᖁᑎᖏᓐᓂᒡᓗ, ᕿᒧᒃᓯᐅᑎᖁᑎᖏᓐᓃᑦᑐᓕᒫᓂᒃ.

ᒨᓯᓯ ᐂᑉᐸᖏᑦ 32:34

ᒫᓐᓇᓕ ᐅᑎᓕᕆᑦ, ᐃᓄᐃᓪᓗ ᑕᓯᐅᕆᐊᕐᑐᓕᒃᑭᑦ ᑕᕝᕗᖓ ᐃᓕᖕᓄᑦ ᐅᖃᐅᑎᒋᓯᒪᔭᓐᓄᑦ. ᑕᑯᒋᓪᓗ ᐂᖏᓕᖁᑎᒐ ᓯᕗᓂᑦᓯᓐᓄᑦ ᑎᓕᓂᐊᕐᐸᕋ, ᑭᓯᐊᓂᓕ ᖃᖓᑐᐃᓐᓇᖅ ᓱᒋᐊᕐᓯᕕᒃᓴᕋ ᓇᓪᓕᐅᑎᒃᐸᑦ ᐃᓄᐃᑦ ᑖᒃᑯᐊ ᓱᒋᐊᕈᒫᕐᐸᒃᑲ ᐊᔪᕐᑐᓕᓯᒪᓂᖏᑦ ᒪᓕᒡᓗᒋᑦ.”

ᒨᓯᓯ ᐂᑉᐸᖏᑦ 8:15

ᐰᕉᓕ ᖃᐅᔨᓕᕋᒥ ᓈᕌᔩᑦ ᑐᖁᓂᖏᓐᓂᒃ, ᐆᒻᒪᑎᓂ ᓯᑎᔫᑎᓕᓚᐅᕆᕚ, ᑖᒃᑯᓂᖓᓗ ᓈᓚᒍᓐᓃᕆᓪᓗᓂ; ᓲᕐᓗ ᐊᑕᓂᐅᑉ ᐅᖃᐅᓯᕆᓚᐅᕐᒪᒍ ᑍᒤᓐᓂᐊᕐᓂᕋᕐᓗᓂᐅᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:18

ᐃᓄᐃᑦ ᑍᒤᑦᑐᑦ ᓇᖕᒥᓂᖅ ᐊᔪᓕᕐᕕᒃᓴᒥᖕᓂᒃ ᓴᓇᖕᒪᑕ, ᐃᓅᓯᕐᒥᖕᓂ ᐅᐸᓗᐃᔭᐅᑦᔪᑎᒃᓴᒥᖕᓂᒃ ᐋᖅᑭᒃᓱᐃᓪᓗᑎᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:4

ᐊᒃᓗᐃᓐᓂᖅ ᓴᐳᑦᔨᓯᒪᔪᓐᓇᓐᖏᓚᖅ ᓂᓐᖓᖕᓂᐅᑉ ᐅᓪᓗᖓᓂ, ᐃᓱᐊᕐᓂᕐᓕ ᓴᐳᑦᔨᔪᓐᓇᕐᐳᖅ ᑐᖁᒥᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:14

ᖁᕕᐊᓱᑦᓮᓐᓇᕐᐳᖅ ᐊᖑᑦ ᐊᑕᓂᕐᒥᒃ ᓯᕘᕋᔪᖅ, ᑖᓐᓇᓕ ᐆᒻᒪᑎᒥᓂᒃ ᓯᑎᑎᑦᓯᔪᖅ ᑲᑕᒍᒫᕐᐳᖅ ᐱᕐᕈᓗᐊᕿᓂᕐᒧᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:1

ᓇᓪᓕᐊᑦ ᐋᖅᑭᒋᐊᕐᑕᐅᖃᑦᑕᕐᑐᖅ, ᓯᑎᓇᓱᐊᕈᓂ, ᑕᕝᕔᓐᓇᖅ ᐊᓯᕈᕐᑕᐅᔪᒫᕐᐳᖅ ᐋᖅᑭᒋᐊᕐᑕᐅᕕᖃᕈᓐᓃᕐᓗᓂ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 12:14

ᒎᑎᐅᑉ ᑕᒤᑕ ᐱᓂᐊᕐᓃᑦ ᐃᖅᑲᕐᑐᐃᕕᖕᒧᑦ ᐱᑎᑦᓱᒫᕐᒪᒋᑦ, ᐃᔨᕐᓯᒪᔪᓪᓗ ᐊᒡᓛᑦ, ᐱᐅᔫᒐᓗᐊᕐᐸᑕ ᐱᐅᖏᑦᑑᒐᓗᐊᕐᐸᑕᓘᓐᓃᑦ.

ᐂᓮᐊᓯᐅᑉ ᐊᒡᓚᖏᑦ 48:4

ᖃᐅᔨᒪᒐᒪ ᓯᑎᔫᒐᑦᓯ, ᖁᖓᓯᓯᓗ ᓄᑭᖏᑦ ᓴᕕᕋᔭᐅᓪᓗᑎᒃ, ᖃᐅᓯᓗ ᑲᓐᓄᔭᐅᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 40:3

ᒫᓐᓇ ᐊᑕᓂᐅᑉ ᓇᓪᓕᐅᑎᑎᓯᒪᓕᕐᐹ, ᓲᕐᓗ ᐅᖃᐅᓯᕆᖃᑦᑕᓚᐅᕐᑕᖓᑐᑦ ᑍᒤᓕᕐᐳᖅ, ᑕᒪᓐᓇᓗ ᑍᒤᑉᐳᖅ ᐃᓅᖃᑎᒌᖑᓪᓗᓯ ᐊᔪᕐᑐᓕᓚᐅᕋᑦᓯ ᐊᑕᓂᕐᒥᒃ ᓈᓚᖏᓐᓂᕐᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 11:19

ᓄᑖᒥᒃ ᐆᒻᒪᑎᑖᕐᑎᑦᓱᒫᕐᐸᒃᑲ, ᐊᓂᕐᓂᕐᒥᒡᓗ ᓄᑖᒥᒃ ᐃᓗᒻᒥᕐᑎᓪᓗᒋᑦ; ᐆᒻᒪᑎᖏᓪᓗ ᐅᔭᕋᒃᑎᑐᑦ ᓯᑎᔪᑦ ᐲᕐᓗᒋᑦ ᑎᒥᖏᓐᓂᑦ ᐆᒻᒪᑎᑖᕐᑎᑦᓱᒫᕐᐸᒃᑲ ᐊᕿᑦᑐᒥᒃ ᓈᓚᒍᓐᓇᕐᑐᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 3:7

ᐃᓴᕆᐊᓕᐅᓪᓕ ᑭᖑᕚᖏᑦ ᐃᓕᖕᓂᒃ ᓈᓚᖕᓂᐊᓐᖏᓚᑦ; ᐅᕙᓐᓂᒃ ᓈᓚᒍᒪᖏᒻᒪᑕ; ᐃᓴᕆᐊᓕᐅᑦ ᑭᖑᕚᖏᑦ ᐱᔭᕐᓂᖏᑦᑑᕗᑦ ᓯᑎᔪᒥᒡᓗ ᐆᒻᒪᑎᖃᕐᓗᑎᒃ.

ᑖᓂᐊᓕᐅᑉ ᐊᒡᓚᖏᑦ 5:20

ᐊᔪᖏᓐᓇᓱᒋᓕᕐᒪᓪᓕ ᐱᐅᔪᕆᓂᕐᒧᓪᓗ ᓯᑎᔫᓕᕐᒪᑦ, ᐊᖓᔪᖅᑳᕐᔪᐊᑉ ᐃᒃᓯᕙᐅᑕᖓᓂᑦ ᐲᕐᑕᐅᓚᐅᕐᐳᖅ ᐱᐅᒋᔭᐅᓂᖓᓗ ᓄᖑᓚᐅᕐᐳᖅ.

ᕼᐆᓯᐊᑉ ᐊᒡᓚᖏᑦ 13:12

“ᐃᕗᕅᒥᐅᑉ ᐱᐅᖏᑦᑐᓕᓂᖏᑦ ᕿᓚᒃᓱᕐᑕᐅᓯᒪᕗᑦ, ᐊᔪᕐᓂᖏᓪᓗ ᑐᖅᑯᕐᑕᐅᓯᒪᓪᓗᑎᒃ ᐃᓕᔭᐅᓯᒪᕗᑦ.

ᐂᒨᓯᐅᑉ ᐊᒡᓚᖏᑦ 3:10

“ᐱᓂᐊᕐᓂᕐᒥᒃ ᐃᓱᐊᕐᑐᒥᒃ ᖃᐅᔨᒪᖏᒻᒪᑕ.” ᐊᑕᓂᖅ ᐅᖃᕐᐳᖅ, “ᑖᒃᑯᐊ ᑲᑉᐱᐊᓱᒃᑎᑦᓯᓂᒃᑯᑦ ᑎᒡᓕᒐᕐᓂᒃᑯᓪᓗ ᐱᓯᒪᔭᒥᖕᓂᒃ ᑐᖅᑯᕐᑎᕆᓯᒪᕗᑦ ᕿᒫᕕᖕᒥᖕᓂ.”

ᕉᒪᒥᐅᓄᑦ 1:18

ᒎᑎᐅᑉ ᓂᓐᖓᐅᓯᖓ ᕿᓚᖕᒥᑦ ᓴᖅᑭᑎᑕᐅᖕᒪᑦ ᒎᑎᖃᖏᑦᑐᓕᒫᓄᑦ ᐃᓄᐃᓪᓗ ᐱᐅᖏᑐᓕᐅᕐᓂᖏᓐᓄᑦ ᓱᓕᓂᕐᒥᒃ ᐊᒡᕕᐊᕐᓯᔪᓄᑦ ᐱᐅᖏᑦᑐᓕᐅᕐᓂᕐᒥᖕᓄᑦ.

ᕉᒪᒥᐅᓄᑦ 11:25

ᒪᑐᒥᖓ ᓇᓗᓇᕐᑐᒥᒃ ᑐᑭᓯᖁᕙᑦᓯ, ᐅᒃᐱᕐᑑᖃᑎᒃᑳ, ᐃᓕᑦᓯᓐᓂᒃ ᓯᓚᑐᓇᓱᒋᖁᓇᓯ: ᐃᓴᕆᐊᓕᒥᐅᑦ ᓯᑎᑎᑕᐅᓂᖓ ᓄᖑᔪᒫᕐᒪᑦ ᔫᑎᐅᖏᑦᑐᑦ ᒎᑎᒧᐊᕐᑐᑦ ᐅᓄᕐᓂᖏᑦ ᓈᒻᒪᓕᕐᐸᑕ,

ᕉᒪᒥᐅᓄᑦ 9:22

ᒎᑎᐅᑉ ᓂᓐᖓᖕᓂᓂ ᑕᑯᔭᐅᖁᒐᒥᐅᒃ ᐱᔪᓐᓇᕐᓂᓂᓗ ᖃᐅᔨᔭᐅᖁᒐᒥᐅᒃ, ᐃᓗᓕᖅᑯᑎᓕᐊᖑᓯᒪᔪᑦ ᐊᑯᓂ ᕿᓄᐃᓵᕈᑎᒋᕔᑦ ᓂᓐᖓᖕᓂᖓᓄᑦ ᐊᓯᕈᕐᑕᐅᔪᒃᓴᐅᓪᓗᑎᒃ ᓴᓇᔭᐅᓯᒪᔪᑦ,

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:10

ᑕᒪᑦᑕ ᓴᖅᑭᑦᑕᕆᐊᖃᕈᒫᕋᑦᑕ ᙭ᔅᑑᓯᐅᑉ ᐃᖅᑲᕐᑐᐃᕕᖓᑕ ᓵᖓᓂ, ᑕᒪᕐᒥᒃ ᐊᑐᓂᑦ ᐱᓂᐊᕐᕕᐅᖁᓪᓗᒋᑦ ᑎᒥᒦᓪᓗᑎᒃ ᐊᑐᓚᐅᕐᑕᖏᑦ ᒪᓕᒡᓗᒋᑦ, ᐱᐅᔪᒥᒃ ᐱᐅᖏᑦᑐᒥᒡᓘᓐᓃᑦ.

ᒨᓯᓯ ᑕᓪᓕᒪᖏᑦ 2:30

“ᕼᐃᓴᐸᓂᒥᓕ ᐊᖓᔪᖅᑳᕐᔪᐊᖅ ᓮᕼᐆᓂ ᓄᓇᒥᒍᑦ ᐊᖅᑯᓵᖁᔨᓚᐅᓐᖏᓚᖅ ᐅᕙᑦᑎᓐᓂᒃ. ᐊᑕᓂᐅᑉ ᒎᑎᑦᓯ ᐊᖓᔪᖅᑳᕐᔪᐊᑉ ᐆᒻᒪᑎᖓ ᓯᑎᔫᑎᓚᐅᕐᒪᒍ ᓈᒻᒪᒃᓴᖏᑦᑑᑎᑦᓱᓂᐅᒡᓗ, ᓵᓚᖃᕈᓐᓇᖁᓪᓗᑕ ᓄᓇᖁᑎᖓᓗ ᓄᓇᖁᑎᑖᕆᓗᒍ, ᒫᓐᓇ ᓱᓕ ᑖᓐᓇ ᓇᔪᕐᐸᕗᑦ.

ᒨᓯᓯ ᑕᓪᓕᒪᖏᑦ 32:34

ᐊᑕᓂᐅᑉ ᐃᖅᑲᐅᒪᕔᑦ ᐊᑭᕋᕐᑐᑎᖏᑦ ᐅᑕᖅᑭᓪᓗᓂ ᐱᕕᒃᓴᒥᒃ ᓈᒻᒪᓇᕐᑐᒥᒃ ᓱᒋᐊᕐᓯᕕᒃᓴᒥᓂᒃ ᑖᒃᑯᓂᖓ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:5

ᑕᒪᓐᓇ ᓇᓗᓁᕐᓯᕗᖅ ᒎᑎᐅᑉ ᓇᓛᒎᑦᓯᐊᕐᑐᒥᒃ ᐃᖅᑲᕐᑐᐃᓂᖓᓂᒃ, ᑕᒪᑐᒨᓇ ᒎᑎᐅᑉ ᐊᑕᓂᐅᕕᖓᓄᑦ ᐱᔪᓐᓇᕐᓯᑎᑕᐅᓛᕋᑦᓯ, ᐊᒃᓱᕈᕐᑎᑕᐅᑦᔪᑎᒋᔭᑦᓯᓐᓄᑦ.

ᐄᑉᕈᐃᓄᑦ 3:13

ᖃᐅᑕᒫᓪᓕ ᐃᓕᑦᓯᓐᓄᑦ ᐃᑲᔪᕐᑎᒌᓕᕆᑦᓯ, ᐅᓇ ᐅᖃᐅᓯᐅᓂᖓᓂ, “ᐅᓪᓗᒥ,” ᓇᓪᓕᑦᓯᓐᓂᒃ ᓯᑎᔫᑎᑕᐅᔪᖃᖁᓇᒍ ᐊᔪᕐᓂᐅᑉ ᑕᒻᒪᕐᑎᑦᓯᓂᖓᓄᑦ.

ᐄᑉᕈᐃᓄᑦ 3:15

ᑕᕝᕙ ᐃᒫᒃ ᐅᖃᕐᓯᒪᕗᖅ, “ᐅᓪᓗᒥ ᓂᐱᖓ ᑐᓴᕈᑦᓯᐅᒃ, ᐱᔭᕐᓂᖏᑦᑑᒐᓱᐊᕐᑍᓕᒋᑦᓯ ᐊᑭᕋᕐᑐᓚᐅᕐᑐᑎᑐᑦ.”

ᐄᑉᕈᐃᓄᑦ 4:7

ᓱᓕᓕ ᐱᕕᒃᓴᖃᕐᑎᑦᓯᒃᑲᓐᓂᓚᐅᕐᐳᖅ ᐅᓪᓘᑉ ᐊᓯᐊᓂᒃ ᑍᔭᐅᔪᒥᒃ “ᐅᓪᓗᒥ,” ᐅᖃᓚᐅᕐᐳᖅ ᑍᕕᑎᒃᑯᑦ ᐊᑯᓂᐅᓕᕐᑎᓪᓗᒍ, ᐅᖃᐅᓯᐅᔭᕇᕐᓯᒪᔪᖅ: “ᐅᓪᓗᒥ ᓂᐱᖓ ᑐᓴᕈᑦᓯᐅᒃ, ᐱᔭᕐᓂᖏᑦᑑᒐᓱᐊᕐᑍᓕᒋᑦᓯ.”

ᔧᒥᓯᐅᑉ ᐊᒡᓚᖏᑦ 5:3

ᒎᓗᓯ ᓯᐅᓪᕕᕆᓯᓗ ᒪᓐᖏᕐᑐᕆᕗᑦ, ᒪᓐᖏᕐᑐᕆᓂᖏᓪᓗ ᓇᓗᓁᒃᑯᑕᐅᓂᐊᕐᐳᑦ ᐱᒋᐊᕐᑕᐅᑦᔪᑎᒃᓴᑦᓯᓐᓄᑦ ᑎᒥᓯᓗ ᓂᕆᔭᐅᔪᒫᕐᐳᖅ ᐃᑯᒪᐅᑉ ᓄᖒᑦᓯᓂᖓᑐᑦ. ᑕᒪᑦᔭ ᑲᑎᕐᓱᕐᓯᒪᔭᓯ ᐊᔪᕐᓴᖏᑦᔪᑎᒋᓯᒋᒃ ᐅᓪᓗᐃᑦ ᑭᖑᓪᓕᖏᓐᓂ.

ᔮᓱᐊᑉ ᐊᒡᓚᖏᑦ 11:20

ᐊᑕᓂᐅᑉ ᐅᓇᑕᕈᒪᑎᓚᐅᕐᐰᑦ ᐃᓴᕆᐊᓕᒥᐅᓂᒃ, ᑐᖁᑕᐅᖁᓪᓗᒋᑦ ᐊᓯᕈᕐᑕᐅᖁᓪᓗᒋᓪᓗ ᓄᖑᑕᐅᓗᑎᒃ, ᑕᒪᓐᓇ ᐊᑕᓂᐅᑉ ᑎᓕᓯᑦᔪᑎᒋᓚᐅᕐᒪᒍ ᒨᓯᓯᒧᑦ.

ᐲᑦᑐᕉᓯ ᐂᑉᐸᖏᑦ 2:9

ᑕᕝᕙ ᐊᑕᓂᐅᑉ ᓴᐳᑎᔪᓐᓇᕐᐰᑦ ᒎᑎᒧᑦ ᐅᒃᐱᕐᑐᑦ ᐆᒃᑐᕐᑕᐅᓂᖏᓐᓂᑦ, ᐱᐅᖏᑦᑐᒥᒃ ᐃᓕᖅᑯᓯᖃᕋᓱᐊᕐᑐᑦ ᓱᒋᐊᕐᑕᐅᓂᕐᒦᑎᓐᓂᐊᕐᐰᑦ ᐃᖅᑲᕐᑐᕐᑕᐅᕕᐅᑉ ᐅᓪᓗᖓ ᓈᒻᒪᒃᓯᑦᓯᐊᕆᓗᒍ;

ᐲᑦᑐᕉᓯ ᐂᑉᐸᖏᑦ 3:7

ᐅᖃᐅᓯᕐᒧᑦ ᓱᓕ ᑖᑦᓱᒧᖓᑦᓮᓐᓇᖅ ᕿᓚᒡᓗ ᓄᓇᕐᔪᐊᕐᓗ ᒫᓐᓇ ᓴᖅᑭᔮᕐᑑᒃ ᐃᑯᐊᓪᓚᒃᑐᒃᓴᓕᐊᕆᔭᐅᓯᒪᕘᒃ, ᐅᓪᓗᒧᑦ ᐅᑕᖅᑭᑎᑕᐅᓪᓗᑎᒃ ᐃᖅᑲᕐᑐᕐᑕᐅᕕᖕᒧᑦ ᒎᑎᖃᖏᑦᑐᓪᓗ ᓄᖑᑎᑕᐅᓂᕆᓚᕐᑕᖓᓐᓄᑦ.

ᔫᑎᐅᑉ ᐊᒡᓚᖏᑦ 1:6

ᐂᖏᓖᓪᓗ ᐱᔪᓐᓇᕐᓂᕐᒥᓃᖏᓐᓇᓚᐅᓐᖏᓚᑦ ᐃᓂᒋᔭᒥᖕᓂᒡᓗ ᕿᒤᓚᐅᕐᐳᑦ ᑖᑦᓱᒧᖓᓗ ᕿᓚᒃᑕᐅᓚᐅᕐᐳᑦ ᓴᕕᕋᔭᖕᓄᑦ ᐃᓱᖃᖏᑦᑐᒧᑦ ᕿᓚᒃᓯᒪᓂᐊᓕᕐᓗᑎᒃ ᑖᕐᑐᕐᔪᐊᕐᒥ ᐊᒃᐸᓯᖕᓂᕐᐹᒥ ᑕᕝᕙᓂᓗ ᐅᑕᖅᑭᑎᑕᐅᕗᑦ ᐅᓪᓗᕐᔪᐊᕐᒧᑦ ᐃᖅᑲᕐᑐᐃᓂᐅᓛᕐᑐᒧ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:21

ᖃᕿᐊᓕᕐᕕᒃᓴᖃᕐᑎᓚᐅᕋᓗᐊᕐᐸᕋ, ᑭᓯᐊᓂᓕ ᓄᓕᐊᕐᓂᒃᑯᑦ ᐊᑐᕐᓂᕐᓗᖕᓂᕐᒥᑦ ᖃᕿᐊᓕᕈᒪᓚᐅᓐᖏᓚᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 6:17

ᓂᓐᖓᖕᓂᕐᔪᐊᖓᑕ ᑲᑉᐱᐊᓇᕐᓂᖓ ᓇᓪᓕᐅᑎᖕᒪᑦ, ᑭᓇᓗ ᑖᑦᓱᒧᖓ ᓵᓐᖓᓗᓂ ᓇᖏᕈᓐᓇᕐᐹ?”

ᓴᒧᐃᓕ ᓯᕗᓪᓖᑦ 6:6

ᓱᖕᒪᑦ ᐆᒻᒪᑎᓯ ᓯᑎᔫᒋᐊᖃᕐᐸᑦ, ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑎᑐᑦ ᐰᕉᑐᑦ ᐄᑦᔨᑉᑎᒥᐅᑎᑐᓪᓗ ᐆᒻᒪᑎᖏᑦ ᓯᑎᔫᓚᐅᕐᓂᖏᑎᑐᑦ? ᐱᓐᖑᐊᕆᑐᐃᓐᓇᓕᓚᐅᕐᒪᒋᑦ, ᐃᓄᖁᑎᖏᓐᓂᒃ ᐊᐅᓚᕐᑎᑦᓯᓚᐅᕐᑎᓐᓇᒋᑦ, ᑕᕝᕙ ᐊᐅᓪᓚᕈᓇᕐᓯᑎᑦᓯᓚᐅᕐᐳᑦ.