ᕉᒪᒥᐅᓄᑦ 2:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᑭᐱᔭᐅᓂᖅ ᐊᑐᕐᓇᕐᑑᕗᖅ ᐱᖁᔭᑦ ᒪᓕᑦᓯᐊᕈᕕᒋᑦ; ᐱᖁᔭᓂᒡᓕ ᓱᕅᒍᕕᑦ, ᑭᐱᔭᐅᓯᒪᖏᑦᑐᑎᑐᑦ ᑍᒤᓕᕐᐳᑎ.

ᕉᒪᒥᐅᓄᑦ 2:25 Iomraidhean Croise

ᔨᕆᒤᐊᐅᑉ ᐊᒡᓚᖏᑦ 4:4

ᐊᑕᓂᕐᒧᑦ ᑐᓂᓕᕆᑦᓯ, ᐆᒻᒪᑎᓯᓗ ᑐᓂᓗᒋᑦ ᐃᓕᑦᓯ ᐃᓄᖁᑎᒋᔭᐅᔪᓯ ᔫᑕᒥ ᔨᕉᓴᓕᒥᓗ, ᑐᓂᓂᐊᖏᒃᑯᑦᓯ ᓂᓐᖓᖕᓂᕋ ᐃᑯᐊᓚᔪᑎᑐᑦ ᑍᒤᓐᓂᐊᕐᐳᖅ ᐱᐅᖏᑦᑐᓂᒃ ᐱᓂᐊᕐᓯᒪᓂᓯ ᐱᓪᓗᒋᑦ, ᑭᓇᒧᓐᓘᓐᓃᑦ ᖃᒥᑕᐅᔪᓐᓇᕐᓂᐊᓐᖏᓚᖅ.”

ᐋᐴᓯᑕᓖᑦ ᐱᓂᐊᕐᓂᖏᑦ 7:51

ᓯᑎᐹᓇᓯ ᓱᓕ ᐅᖃᕐᐳᖅ, “ᓯᑎᔪᐊᓘᔪᓯ, ᑐᓴᕈᓐᓇᖏᑦᑐᐊᓘᓪᓗᓯ ᓈᓚᒍᓐᓇᖏᑦᑐᐊᓘᕗᓯ ᒎᑎᖃᖏᑦᑐᑎᑐᑦ, ᑍᒪᓐᖓᑦ ᐊᑭᕋᕐᑐᕐᑐᓯ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᓯᕗᓕᕕᓂᑦᓯᑐᑦ.

ᕉᒪᒥᐅᓄᑦ 2:13

ᐱᖁᔭᓂᒃ ᑐᓴᑐᐃᓐᓇᕐᑐᑦ ᓈᒻᒪᒃᓯᑎᑕᐅᖏᒻᒪᑕ ᒎᑎᐅᑉ ᓵᖓᓂ, ᐱᖁᔭᓂᒡᓕ ᒪᓕᑦᓯᐊᕐᑐᑦ ᓈᒻᒪᖕᓂᕋᕐᑕᐅᔪᒫᕐᐳᑦ.

ᕉᒪᒥᐅᓄᑦ 2:23

ᒎᑎᒥᑦ ᐱᖁᔭᖃᕐᑎᑕᐅᓂᕐᒥᒃ ᓂᕐᑐᕈᑎᖃᕐᑐᑎᑦ, ᒎᑎ ᓇᕐᕈᓇᕐᑎᖃᑦᑕᕐᐱᐅᒃ ᐱᖁᔭᓂᒃ ᓱᕅᖃᑦᑕᕐᓂᕐᓄᑦ?

ᕉᒪᒥᐅᓄᑦ 2:26

ᑭᐱᔭᐅᓯᒪᖏᑦᑐᑦ ᐱᖁᔭᓂᒃ ᒪᓕᒃᐸᑕ, ᑭᐱᔭᐅᓯᒪᔪᑎᑐᑦ ᐃᓱᒪᒋᔭᐅᒐᔭᓐᖏᓛᑦ?

ᕉᒪᒥᐅᓄᑦ 2:27

ᑎᒥᒥᒍᑦ ᑭᐱᔭᐅᓯᒪᖏᑦᑐᑦ ᐱᖁᔭᓂᒃ ᒪᓕᑦᓯᐊᕈᑎᒃ ᑖᒃᑯᓇᓐᖓᑦ ᐃᒋᑕᒃᓴᓐᖑᕐᑎᑕᐅᔪᒫᕐᐳᓯ ᐱᖁᔭᓂᒃ ᓱᕅᒍᑦᓯ ᐱᖁᔧᑦ ᑎᑎᕋᕐᓯᒪᔪᑦ ᐱᓯᒪᒐᓗᐊᕐᓗᒋᒃ ᑭᐱᔭᐅᓯᒪᓗᓯᓗ.

ᕉᒪᒥᐅᓄᑦ 2:28

ᐃᓄᒃ ᔫᑎᓪᓚᕆᐅᖏᒻᒪᑦ ᑕᑯᒃᓴᐅᓂᑐᐃᓐᓇᕐᒥᒍᑦ, ᑭᐱᔭᐅᓂᕐᑕᐅᖅ ᑕᑯᒃᓴᐅᓂᒃᑯᑐᐃᓐᓈᐅᓐᖏᓚᖅ ᑎᒥᒃᑰᖓᑐᐃᓐᓇᕌᓂᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:19

ᑭᐱᔭᐅᓯᒪᓂᖅ ᐊᑐᓐᖏᓚᖅ ᑭᐱᔭᐅᓯᒪᖏᓐᓂᕐᓗ ᐊᑐᖏᓐᓂᕗᖅ, ᒎᑎᐅᓪᓕ ᐱᖁᔭᖏᓐᓂᒃ ᓈᓚᖕᓂᖅ ᐊᑐᕐᑐᑑᕗᖅ.

ᒐᓔᑎᐊᒥᐅᓄᑦ 6:13

ᑭᐱᔭᐅᓯᒪᔫᒐᓗᐊᑦ ᐱᖁᔭᓂᒃ ᓈᓚᒃᐸᖏᒻᒥᖕᒪᑕ; ᑭᐱᔭᐅᓯᒪᖁᕚᓯᓗ ᓂᕐᑐᕐᓇᐅᑎᖃᕈᒪᓪᓗᑎᒃ ᑭᐱᔭᐅᓂᐅᑉ ᐊᑐᕐᑕᐅᔭᕆᐊᖃᕐᓂᖓᓂᒃ ᐊᑐᕐᑎᑦᓯᓂᕐᒥᖕᓂᒃ ᐃᓕᑦᓯᓐᓂᒃ.

ᒐᓔᑎᐊᒥᐅᓄᑦ 6:15

ᑭᐱᓯᒪᒐᓗᐊᕐᐸᑕ ᑭᐱᓯᒪᖏᒃᑲᓗᐊᕐᐸᑕᓘᓐᓃᑦ ᐊᑐᓐᖏᓚᖅ; ᓄᑖᓐᖑᕐᑎᑕᐅᓂᕐᓕ ᐊᑐᕐᑐᑑᕗᖅ.

ᒨᓯᓯ ᑕᓪᓕᒪᖏᑦ 30:6

ᐊᑕᓂᐅᓪᓗ ᒎᑎᑦᓯ ᑐᓂᓯᕕᒋᔪᒫᕐᐹᓯ ᑭᖑᕚᓯᓗ ᐃᓚᒋᓗᒋᑦ ᐆᒻᒪᑎᒥᒃ ᓈᓚᒍᓐᓇᕐᑐᒥᒃ, ᑖᑦᓱᒥᖓ ᐅᖓᒻᒪᕆᓕᖁᓪᓗᓯ ᐆᒻᒪᑎᑦᓯᓐᓄᑦ ᐊᑕᖏᕐᑐᒧᑦ ᑕᕐᓂᑦᓯᓐᓄᓪᓗ ᐊᑕᖏᕐᑐᒧᑦ, ᑕᒫᓂᓗ ᓄᓇᒋᔭᑦᓯᓐᓂ ᓄᓇᑖᒃᑲᓐᓂᓕᖁᓪᓗᓯ.