ᕉᒪᒥᐅᓄᑦ 2:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᐊᓯᖕᓂᒃ ᐊᔪᕆᕐᑐᐃᕙᒃᑲᕕᑦ, ᐃᓕᖕᓂᒡᓕ ᐊᔪᕆᕐᑐᕈᓐᓇᓐᖏᓚᑏᑦ? ᑎᒡᓕᒋᐊᖃᖏᓐᓂᕐᒥᒃ ᐊᔪᕆᕐᑐᐃᕙᒃᑐᑎᑦ, ᓇᖕᒥᓂᕐᓗ ᑎᒡᓕᖃᑦᑕᕐᐲᑦ?

ᕉᒪᒥᐅᓄᑦ 2:21 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 42:20

ᐅᓄᕐᑐᓂᒃ ᑕᑯᓯᒪᓕᕋᓗᐊᕐᓗᓯ ᐅᑦᔨᕈᓱᓚᐅᓐᖏᓚᓯ, ᓯᐅᑎᖃᕋᓗᐊᕐᓗᓯ ᑐᓵᔪᓂᒃ ᑐᓵᖏᑦᑐᑎᑐᑦ ᑐᑭᓯᔪᓐᓇᓐᖏᓚᓯ.

ᐂᓮᐊᓯᐅᑉ ᐊᒡᓚᖏᑦ 56:11

ᕿᒻᒥᑎᑐᑦ ᐊᕿᐊᕈᖅᑯᕐᑐᔪᑎᑐᑦ ᑍᒤᑉᐳᑦ; ᐊᕿᐊᑦᑐᕈᓐᓇᕋᑎᒃ ᓈᒻᒪᒃᓯᔪᓐᓇᓐᖏᓚᑦ. ᐰᕐᓯᔨᐅᕗᓪᓗ ᑐᑭᓯᓂᖃᖏᑦᑐᑦ; ᓇᖕᒥᓂᖅ ᐊᑐᕈᒪᔭᑐᐃᓐᓇᕐᒥᖕᓄᑦ ᓴᖑᔭᑦᑐᑦ; ᓇᖕᒥᓂᕐᓗ ᐱᔪᓐᓇᕐᓯᑦᔪᑎᒃᓴᒥᖕᓂᒃ ᐃᓱᒪᒋᔭᑐᐊᖃᕐᐳᑦ, ᐃᓘᓐᓇᑦᓯᐊᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 22:27

ᐊᖓᔪᖅᑳᖁᑎᖏᑦ ᐊᒪᕈᕐᑎᑐᑦ ᐆᒪᔪᕐᑕᒥᖕᓂᒃ ᐊᓕᒃᑐᐃᔪᑎᑐᑦ ᑍᒤᑉᐳᑦ, ᐃᓄᐊᖃᑦᑕᕐᐳᑦ, ᓈᒻᒪᓈᖏᑦᑐᒃᑯᑦ ᐊᒃᓗᐃᓕᓇᓱᐊᕐᐳᑦ ᑐᖁᑦᓯᕙᒃᓗᑎᒃ.

ᒤᑲᐅᑉ ᐊᒡᓚᖏᑦ 3:11

ᓯᕗᓕᕐᑎᐅᔪᑦ ᐃᖅᑲᕐᑐᐃᖕᒪᑕ ᐊᑭᓕᕐᑕᐅᔪᒪᓂᒃᑯᑦ ᑭᓯᐊᓂ, ᑐᓂᕐᕈᓯᕐᑎᑦᓯᔩᓪᓗ ᐱᖁᔭᓂᒃ ᐃᓕᓮᕙᖕᒪᑕ ᐊᑭᓕᕐᑕᐅᓪᓗᑎᒃ ᑭᓯᐊᓂ, ᓇᓚᐅᑦᑍᔩᓪᓗ ᓇᓚᐅᑦᑍᖕᒪᑕ ᑮᓇᐅᔭᒧᑦ ᑭᓯᐊᓂ, ᐃᓘᓐᓇᑎᒃ ᐊᑕᓂᕐᒧᑦ ᐃᓚᒋᔭᐅᓂᕋᕐᒪᑕ ᐅᖃᕐᐸᖕᒪᑕᓗ, ‘ᐊᑕᓂᐅᑉ ᐃᓚᒋᕚᑎᒍᑦ, ᑲᑉᐱᐊᓇᕐᑐᒧᑦ ᑎᑭᑕᐅᓂᐊᓐᖏᓚᒍᑦ.’

ᒫᑎᐅᓯᐅᑉ ᐊᒡᓚᖏᑦ 21:13

ᐅᖃᐅᑎᓪᓗᒋᑦ, “ᒎᑎᐅᑉ ᐅᖃᐅᓯᖏᓐᓂ ᐅᖃᕐᓯᒪᕗᖅ; ‘ᐃᒡᓗᒐ ᑍᔭᐅᔭᕆᐊᕐᐳᖅ ᑐᒃᓯᐊᕐᕕᖕᒥᒃ’; ᐃᓕᑦᓯᓕ ᑎᒡᓕᒃᑎᓄᑦ ᐃᔨᕐᓯᒪᕕᐅᑎᑉᐸᓯ!”

ᓘᑲᓯᐅᑉ ᐊᒡᓚᖏᑦ 11:46

ᔩᓱᓯᐅᑉ ᑭᐅᕚ, “ᐃᓕᑦᓯᓐᓄᑦ ᑲᑉᐱᐊᓐᓇᒦᒃ ᐃᓕᑦᓯ ᐱᖁᔭᓂᒃ ᐃᓕᓮᔨᐅᔪᓯ! ᐃᓄᐃᑦ ᐅᖁᒤᑦᑐᐊᓗᖕᓂᒃ ᐊᒡᔭᕐᓯᑎᓐᓇᓱᐊᕋᑦᓯᐅᒃ ᐊᒡᔭᒐᒃᓴᐅᖏᑦᑐᓂᒃ, ᓇᖕᒥᓂᕐᓗ ᒥᑭᔪᑯᓗᖕᒥᒡᓘᓐᓃᑦ ᐊᒡᔭᕋᓱᐊᕐᑕᖏᓐᓂᒃ ᐃᑲᔪᕋᓱᐊᕋᓯᐅᒃ.

ᓘᑲᓯᐅᑉ ᐊᒡᓚᖏᑦ 12:47

“ᐱᔨ ᐊᖓᔪᖅᑳᒥ ᐱᖁᔭᖓᓂᒃ ᖃᐅᔨᒪᔪᖅ, ᐅᐸᓗᖕᒊᔭᕋᓂᓗ ᐱᓂᐊᓚᐅᖏᑦᑐᖅ ᐱᖁᔭᖓᓂᒃ, ᓱᒋᐊᕐᑕᐅᔪᒫᕐᐳᖅ ᓂᑲᒋᔭᐅᖏᓪᓗᓂ ᑏᒐᕐᑐᕐᑕᐅᔪᒫᕐᐳᖅ.

ᓘᑲᓯᐅᑉ ᐊᒡᓚᖏᑦ 19:22

ᐊᖓᔪᖅᑳᖓᑕ ᑭᐅᕚ, ‘ᐃᖅᑲᕐᑐᕐᓂᐊᕐᐸᒋᑦ ᐅᖃᐅᓯᕐᑎᑦ ᒪᓕᒡᓗᒋᑦ, ᐱᔨᑦᓯᐊᕙᐅᖏᑦᑐᑎᑦ! ᖃᐅᔨᒪᒐᕕᑦ ᓂᑲᒍᓱᖃᖏᑦᑐᖓ, ᐃᓕᓚᐅᖏᑕᒃᑲᓗ ᑎᒍᒐᒃᑭᑦ, ᑲᓐᖓᕐᓲᑎᒋᓚᐅᓐᖏᑕᒃᑲᓗ ᑲᑎᕐᓱᕋᒃᑭᑦ.

ᓘᑲᓯᐅᑉ ᐊᒡᓚᖏᑦ 4:23

ᔩᓱᓯᐅᑉ ᐅᖃᐅᑎᕔᑦ, “ᓇᓗᓇᓐᖏᓚᖅ ᐃᒫᒃ ᐅᖃᐅᓯᑐᖃᕐᒥᒃ ᐅᖃᐅᑎᔪᒪᓂᐊᕋᑦᓯᓐᖓ, ‘ᐋᓐᓂᐊᓯᐅᕐᑏ ᐃᓕᖕᓂᒃ ᐋᖅᑭᓚᐅᕆᑦ; ᑐᓴᕐᓯᒪᔭᑦᑎᓐᓂᒃ ᑲᐲᕐᓂᐊᒥ ᐱᓂᐊᕐᓂᕆᓚᐅᕐᑕᕐᓂᒃ, ᐅᕙᓂ ᓈᓴᕇᑎᒥ ᐱᓇᓱᐊᓚᐅᕆᑦᑕᐅᖅ.’”

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:27

ᑎᒥᒐᓕ ᐅᖁᒤᒃᓴᕐᑎᓪᓗᒍ, ᐅᕙᓐᓄᑦ ᓯᐊᓛᖑᑎᑉᐸᕋ ᐊᓯᓐᓂᒃ ᐊᔪᕆᑦᑐᐃᓚᐅᕐᑎᓪᓗᖓ, ᓵᓚᒃᓴᐅᑎᒃᓴᒥᒃ ᐱᔪᓐᓁᓪᓕᑎᑕᐅᔪᒪᓇᖓ.

ᒐᓔᑎᐊᒥᐅᓄᑦ 6:13

ᑭᐱᔭᐅᓯᒪᔫᒐᓗᐊᑦ ᐱᖁᔭᓂᒃ ᓈᓚᒃᐸᖏᒻᒥᖕᒪᑕ; ᑭᐱᔭᐅᓯᒪᖁᕚᓯᓗ ᓂᕐᑐᕐᓇᐅᑎᖃᕈᒪᓪᓗᑎᒃ ᑭᐱᔭᐅᓂᐅᑉ ᐊᑐᕐᑕᐅᔭᕆᐊᖃᕐᓂᖓᓂᒃ ᐊᑐᕐᑎᑦᓯᓂᕐᒥᖕᓂᒃ ᐃᓕᑦᓯᓐᓂᒃ.