ᕉᒪᒥᐅᓄᑦ 16:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᑖᒃᑯᐊᒃ ᐃᓅᓯᕐᒥᖕᓂ ᑲᑉᐱᐊᓇᕐᑐᒃᑰᓚᐅᕐᒪᑎᒃ ᐅᕙᖓ ᐱᑦᔪᑎᒋᓪᓗᖓ, ᐅᕙᖓᑑᖏᑦᑐᖅ ᐅᒃᐱᕐᑑᖃᑎᒌᓪᓗᑦᑕᐅᖅ ᔫᑎᐅᖏᑦᑐᑦ ᑖᒃᑯᖕᓂᖓ ᖁᔭᓕᖃᑎᒌᒃᐳᒍᑦ;

ᕉᒪᒥᐅᓄᑦ 16:4 Iomraidhean Croise

ᓴᒧᐃᓕ ᐂᑉᐸᖏᑦ 22:41

ᐊᑭᕋᕐᑐᕐᑎᒃᑲ ᕿᒫᑎᑉᐸᑎᑦ ᐅᕙᓐᓂᒃ, ᐊᓯᕈᕐᐸᒃᑲᓗ ᐅᕙᓐᓂᒃ ᐆᒥᓱᒃᑐᑦ.

ᒤᑲᐅᑉ ᐊᒡᓚᖏᑦ 2:3

ᑍᒤᒻᒪᑦ ᐊᑕᓂᖅ ᐅᖃᕐᐳᖅ: “ᑕᑯᒋᑦ, ᐅᖁᒤᒃᓴᕐᓇᕐᑐᓂᒃ ᐋᖅᑭᒃᓱᐃᕗᖓ ᐃᓄᖕᓄᑦ ᑖᒃᑯᓄᖓ, ᐃᒻᒥᖕᓂᒡᓗ ᓴᐳᑎᔪᓐᓇᕐᓂᐊᓐᖏᓚᑦ; ᐱᐅᔪᕆᓗᑎᒡᓗ ᐱᓱᖃᑦᑕᕐᓂᐊᕈᓐᓁᕐᐳᑦ, ᐅᖁᒤᓐᓇᕐᑐᖅ ᑕᒪᓐᓇ ᓇᓪᓕᐅᑎᓂᐊᓕᕐᒪᑦ.

ᔪᐊᓇᓯᐅᑉ ᐊᒡᓚᖏᑦ 15:13

ᓇᒡᓕᒍᓱᖕᓂᕐᓴᐅᔪᖃᓐᖏᓚᖅ ᐃᒤᑦᑐᒥᒃ, ᐃᓅᓯᕐᒥᓂᒃ ᑐᓂᓯᔪᒥᒃ ᐃᓚᓐᓇᕆᔭᓂ ᐱᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 15:26

ᑖᒃᑯᐊᒃ ᐃᓅᓯᕐᒥᖕᓂᒃ ᐊᓐᓂᕈᓱᓚᐅᓐᖏᒻᒪᑎᒃ ᐊᑕᓂᕐᒥᒃ ᔩᓱᓯ ᙭ᔅᑑᓯᒥᒃ ᐱᔨᑦᓯᕈᒪᓪᓗᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 15:41

ᐸᐅᓗᓯ ᓯᕆᐊᒃᑰᕐᐳᖅ ᓯᓕᓯᐊᒃᑯᓪᓗ, ᐅᒃᐱᕐᑑᖃᑎᒌᑦ ᐱᕙᓪᓕᕐᑎᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 16:5

ᑕᕝᕙ ᐅᒃᐱᕐᑑᖃᑎᒌᑦ ᐱᕙᓪᓕᕐᑎᑕᐅᕗᑦ ᐅᒃᐱᕐᓂᕐᒥ, ᖃᐅᑕᒫᑦ ᐅᓄᕐᓯᕙᓪᓕᐊᓪᓗᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 9:31

ᑍᑦᓱᒪᓂ ᐅᒃᐱᕐᑑᖃᑎᒌᑦ ᔫᑎᐊᒥ ᒐᓕᓕᐊᒥᓗ ᓴᒥᐊᕆᐊᒥᓗ ᐊᑭᕋᕐᑐᕐᑕᐅᔪᓐᓃᕐᐳᑦ ᐊᔪᕈᓐᓃᕐᐸᓪᓕᐊᓪᓗᑎᒃ; ᐊᑕᓂᕐᒥᒃ ᓯᕘᕋᒋᔭᖃᒻᒪᕆᒃᓗᑎᒃ ᐃᓅᓕᕐᐳᑦ ᐱᕙᓪᓕᕐᑎᑕᐅᓪᓗᑎᒃ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᐅᓄᕐᓯᕙᓪᓕᐊᕗᑦ.

ᕉᒪᒥᐅᓄᑦ 16:3

ᑕᕝᕙᐅᕗᑏᕐᑎᑉᐹᒃᑲᒃ ᐳᕆᓯᓚ ᐊᑯᐃᓚᓗ, ᐱᓇᓱᐊᖃᑏᒃᑲᒃ ᙭ᔅᑑᓯ ᔩᓱᓯᒥ,

ᕉᒪᒥᐅᓄᑦ 16:5

ᑕᕝᕙᐅᕗᑏᕐᑎᒃᑭᕙᒃᑲ ᐅᒃᐱᕐᑑᖃᑎᒌᑦ ᑖᒃᑯᐊ ᐃᒡᓗᖓᓐᓂ ᑲᑎᒪᕙᒃᑐᑦ. ᑕᕝᕙᐅᕗᑏᕆᕙᕋ ᐃᓚᓐᓇᕆᔭᕋ ᐃᐰᓂᑕᔅ, ᑖᓐᓇ ᐂᓯᐊᒥᐅᓂᑦ ᓯᕗᓪᓕᕐᐹᖑᓪᓗᓂ ᙭ᔅᑑᓯᒧᑦ ᓵᒋᐊᓚᐅᕐᒪᑦ.

ᕉᒪᒥᐅᓄᑦ 5:7

ᐃᓗᐊᕐᑐᓕᔪᖅ ᐱᑦᔪᑎᒋᓗᒍ ᑐᖁᔪᒪᔪᖃᕋᔭᓐᖏᓚᖅ; ᐃᒻᒪᖄᓕ ᐃᓄᑦᓯᐊᕙᒃ ᐱᑦᔪᑎᒋᓗᒍ ᑐᖁᔪᒪᔪᖃᑐᐃᓐᓇᕆᐊᖃᕋᓗᐊᕐᐳᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:1

ᒫᓐᓇᓕ ᐅᖃᐅᓯᖃᓕᕐᐳᖓ ᑲᑎᕐᓱᐃᖃᑦᑕᕐᓂᕐᒥᒃ ᑐᓂᔭᒃᓴᓂᒃ ᒎᑎᐅᑉ ᐃᓄᖁᑎᖏᓐᓄᑦ; ᐅᒃᐱᕐᑑᖃᑎᒌᑦ ᒐᓔᑎᐊᒥ ᐊᔪᕆᕐᓱᓚᐅᕋᒃᑭᑦ, ᐃᓕᑦᓯᑦᑕᐅᖅ ᑍᒫᒃ ᐱᔭᕆᐊᖃᕐᐳᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:17

ᐃᓄᓕᒫᑦ ᐊᑐᓂᑦ ᐊᑕᓂᐅᑉ ᑐᓂᓯᒪᔭᖓᓂᒃ ᐃᓅᓯᖃᕐᓕᑦ, ᒎᑎᒧᓪᓗ ᕾᖁᔭᐅᓯᒪᕕᖕᒥᓃᓪᓗᑎᒃ. ᑕᒪᑦᔭ ᐊᑐᕐᑕᐅᖁᔭᕋ ᐃᓚᒌᒃᑐᓂ ᑕᒤᓐᓂ.

ᐱᓕᐱᒥᐅᓄᑦ 2:30

ᐃᓛᒃ ᐃᓅᓯᕐᒥᓂᒃ ᐊᓐᓂᕈᓱᓚᐅᖏᒻᒪᑦ ᐊᒡᓛᑦ ᑐᖁᑲᓴᓚᐅᕐᐳᖅ; ᙭ᔅᑑᓯᐅᑉ ᐱᓂᐊᖁᔭᖏᑦ ᐱᑦᔪᑎᒋᓪᓗᒋᑦ, ᐃᓕᑦᓯᓐᓂᒃ ᐃᓇᖐᓗᓂ ᐅᕙᓐᓂᒃ ᐃᑲᔪᕈᒪᓪᓗᓂ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:14

ᐅᒃᐱᕐᑑᖃᑎᕗᑦ, ᑍᒫᓪᓗᐊᖅ ᐱᓂᐊᕐᓂᖃᓚᐅᕋᑦᓯ ᐱᓂᐊᕐᓂᕆᔭᐅᓚᐅᕐᑐᑎᑐᑦ ᒎᑎᐅᑉ ᐃᓚᒌᒃᑐᖁᑎᖏᓐᓂ ᔫᑎᐊᒥ ᔩᓱᓯ ᙭ᔅᑑᓯᒦᑦᑐᓂ; ᐃᓕᑦᓯᑦᑕᐅᖅ ᑍᒫᓪᓗᐊᖅ ᐅᖁᒤᒃᓴᕐᑎᑕᐅᒐᑦᓯ ᐊᑭᕋᕐᑐᕐᑕᐅᓂᕐᒧᑦ ᐃᓅᖃᑎᑦᓯᓐᓄᑦ ᐅᖁᒤᒃᓴᕐᑎᑕᐅᓂᕆᓚᐅᕐᑕᖏᑎᑐᑦ ᔫᑎᐅᖃᑎᒥᖕᓂᑦ,

ᔮᓱᐊᑉ ᐊᒡᓚᖏᑦ 10:24

ᑎᑭᐅᑎᒐᒥᑦᔪᒃ ᔮᓱᐊᑉ ᓵᖓᓄᐊᕐᑎᑉᐰᑦ, ᔮᓱᐊᑉ ᐃᓴᕆᐊᓕᒥᐅᑦ ᐅᓇᑕᕐᑎᖏᓐᓄᑦ ᐊᖓᔪᖅᑳᑦ, ᑲᒪᔨᐅᔪᓪᓗ ᐱᖃᑎᒋᓚᐅᕐᑕᓂ ᕾᖁᕔᑦ ᐅᖃᐅᑎᓪᓗᒋᓪᓗ, “ᒪᐅᖓ ᖃᒡᓕᒋᐊᕐᓗᓯ, ᐊᖓᔪᖅᑳᕐᔪᐊᑦ ᖁᖓᓯᖏᑎᒍᑦ ᑐᑎᓚᐅᕐᓯᐅᒃ.” ᑕᕝᕙ ᕾᓪᓗᑎᒃ, ᖁᖓᓯᖏᑎᒍᑦ ᑐᑎᒻᒥᓕᕐᐰᑦ.

ᔪᐊᓇᓯ ᓯᕗᓪᓖᑦ 3:16

ᑍᒫᒃ ᓇᒡᓕᖕᓂᖅ ᖃᓄᐃᑦᑑᖕᒪᖔᑦ ᖃᐅᔨᑦᔪᑎᖃᕐᐳᒍᑦ: ᑖᓐᓇ ᐃᓅᓯᕐᒥᓂᒃ ᑐᓂᓯᓚᐅᕐᒪᑦ ᐅᕙᑦᑎᓐᓄᑦ. ᐅᕙᒍᑦᑕᐅᖅ ᑍᒫᑦᓮᓐᓇᖅ ᐃᓅᓯᑦᑎᓐᓂᒃ ᑐᓂᓯᔪᒃᓴᐅᒋᕗᒍᑦ ᐅᒃᐱᕐᑑᖃᑎᕗᑦ ᐱᑦᔪᑎᒋᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:4

ᔪᐊᓇᓯᒥᑦ ᐅᒃᐱᕐᑑᖃᑎᒌᓄᑦ 7ᓄᑦ ᐂᓯᐊᒦᑦᑐᓄᑦ: ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᓮᒻᒪᕐᑎᑦᓯᓂᖓᑕᓗ ᐃᓚᒋᓕᓯ ᒫᓐᓇ ᑍᒤᓕᖓᔪᖅ, ᑍᒤᓚᐅᕐᑐᖅ, ᐱᔪᒫᕐᑐᒥᓗ ᑍᒤᓱᒫᕐᒥᔪᖅ, ᐊᓂᕐᓂᕐᓂᓪᓗ 7ᓂᑦ ᐃᒃᓯᕙᐅᑕᕐᔪᐊᖓᑕ ᓵᖓᓃᑦᑐᓂᑦ,