ᕉᒪᒥᐅᓄᑦ 16:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐃᓅᖃᑎᒃᑲ ᐃᓇᑉᐸᑦᓯ, ᐅᑦᔨᕐᑐᑦᓯᐊᕐᓯᐅᒃ ᐃᓅᖃᑎᒌᖕᓂᕐᒥᒃ ᐊᕕᑎᑦᓯᕙᒃᑐᑦ, ᐅᒃᐱᕐᓂᑦᓯ ᑐᓐᖓᕕᒋᔭᖏᓐᓂᒃ ᓯᖁᑎᕆᓇᓱᒃᑏᑦ, ᐱᓇᓱᐊᕐᑐᓪᓗ ᐊᔪᕆᕐᑐᕐᑕᐅᑦᔪᑎᒋᓚᐅᕐᑕᑦᓯ ᐊᓯᐊᒎᕐᑐᓂᒃ; ᑖᒃᑯᐊ ᐃᓚᒋᓂᐊᕋᓯᒋᒃ.

ᕉᒪᒥᐅᓄᑦ 16:17 Iomraidhean Croise

ᒫᑎᐅᓯᐅᑉ ᐊᒡᓚᖏᑦ 18:17

ᓱᓕᓕ ᑖᒃᑯᐊᖑᑎᓪᓗᓯ ᓈᓚᒍᒪᖏᑉᐸᑦ, ᑕᕝᕙ ᐅᖃᐅᑎᒋᓕᕐᓯᐅᒃ ᐅᒃᐱᕐᑑᖃᑎᒌᓄᑦ ᐃᓚᒌᒃᑐᓄᑦ; ᑖᒃᑯᓂᖓᓕ ᐃᓚᒌᒃᑐᓂᒃ ᓱᓕ ᓈᓚᒍᒪᖏᑉᐸᑦ, ᑕᕝᕙ ᐅᒃᐱᖏᑦᑐᑎᑐᑦ ᑍᒤᑦᑑᑎᓕᕈᒃ, ᐅᕝᕙᓗ ᕉᒪᒥᐅᑦ ᑮᓇᐅᔧᕐᑎᑦᓯᔨᖁᑎᖏᑎᑐᑦ.”

ᒫᑎᐅᓯᐅᑉ ᐊᒡᓚᖏᑦ 18:7

ᑲᑉᐱᐊᓇᒻᒪᕆᒃᐳᖅ ᓯᓚᕐᔪᐊᕐᒥᐅᓄᑦ ᑲᑕᒍᑕᐅᔪᓐᓇᕐᑐᓂᒃ ᐊᔪᕐᑐᓕᓂᕐᒧᑦ ᐱᓇᓱᐊᕐᐸᒃᑐᑦ! ᑍᒤᓕᐅᕐᑐᖃᑦᓮᓐᓇᕐᓂᐊᕋᓗᐊᕐᐳᖅ; ᑲᑉᐱᐊᓐᓇᒦᒡᓕ ᐃᓄᒃ ᑲᑕᒍᑕᐅᔪᓐᓇᕐᑐᓂᒃ ᐊᖅᑯᑎᒋᔭᐅᔪᖅ!

ᒫᑎᐅᓯᐅᑉ ᐊᒡᓚᖏᑦ 7:15

“ᖃᐅᔨᓴᑦᓯᐊᕆᑦᓯ ᓇᓚᐅᑦᑍᔫᔮᕐᑐᓂᒃ ᓱᓕᖏᑦᑐᓂᒃ; ᑍᒃᑯᐊ ᓯᓚᑎᒥᒃᑎᒍᑦ ᓰᐱᐅᖅᑰᔨᓇᓱᐊᕐᓗᑎᒃ ᐃᓕᑦᓯᓐᓄᐊᕐᓂᐊᕐᒪᑕ, ᐃᓗᒥᒃᑎᒍᓪᓕ ᐹᔪᒪᔪᑎᑐᑦ ᐊᒪᕈᕐᑎᑐᑦ ᑍᒤᑉᐳᑦ.

ᓘᑲᓯᐅᑉ ᐊᒡᓚᖏᑦ 17:1

ᔩᓱᓯᐅᑉ ᐃᓕᓐᓂᐊᕐᑎᓂ ᐅᖃᐅᑎᕔᑦ, “ᐊᔪᕐᓂᕐᒧᑦ ᐱᔪᒥᓵᕐᑕᐅᓂᖅ ᐱᑕᕾᓐᓇᕐᓂᐊᕋᓗᐊᕐᐳᖅ; ᑲᑉᐱᐊᓐᓇᒦᒡᓕ ᑍᓐᓇ ᐊᖅᑯᑎᒋᔭᐅᔪᖅ!

ᐋᐴᓯᑕᓖᑦ ᐱᓂᐊᕐᓂᖏᑦ 15:24

ᑐᓴᐅᒪᓕᕋᑦᑕ ᐃᓚᑦᑎᓐᓂᑦ ᐃᓱᒪᔮᕐᑎᑕᐅᓯᒪᒐᑦᓯ ᐅᖃᐅᓯᕐᒥᖕᓄᑦ, ᐃᓱᒪᓯ ᓇᓗᓕᑦᑎᓪᓗᒋᑦ, ᑖᒃᑯᐊᓕ ᑍᒤᓕᐅᖁᓗᒋᑦ ᐅᖃᐅᑎᓚᐅᖏᒃᑲᓗᐊᕐᐸᕗᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 11:18

ᓯᕗᓪᓕᕐᒥᒃ, ᑐᓴᕐᑎᑕᐅᒐᒪ ᐃᓚᒌᒃᑐᑎᑐᑦ ᑲᑎᒪᓕᕌᖓᑦᓯ ᐊᕕᒃᓯᒪᐅᑎᖃᑦᑕᕋᑦᓯᒎᖅ; ᐃᓚᖓᒍᓪᓗ ᑕᒪᓐᓇ ᐅᒃᐱᕆᕙᕋ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:3

ᓱᓕ ᑎᒥᐅᑉ ᐃᓕᖅᑯᓯᖏᓐᓂᒃ ᐊᑐᕋᑦᓯ. ᐱᒃᑲᐅᓂᕐᓴᐅᔪᒪᓂᖃᕋᑦᓯ ᐊᑭᕋᕐᑐᕐᑎᒌᒃᓗᓯᓗ, ᑕᕝᕙ ᑎᒥᐅᑉ ᐃᓕᖅᑯᓯᖏᑎᑐᑦ ᐃᓕᖅᑯᓯᖃᓐᖏᓚᓰ? ᐃᓄᑐᐃᓐᓇᐅᓪᓗ ᐃᓕᖅᑯᓯᖓᓂᒃ ᐊᑐᓐᖏᓚᓰ?

ᒐᓔᑎᐊᒥᐅᓄᑦ 2:4

ᐃᓚᖏᑦ ᐅᒃᐱᕐᑑᖃᑕᐅᓐᖑᐊᕐᑐᑦ ᐃᓚᓕᐅᑎᓚᐅᕐᒪᑕ, ᐅᕙᑦᑎᓐᓂᒃ ᖃᐅᔨᓴᕋᓱᐊᕐᓗᑎᒃ ᕿᓚᕈᔮᕐᑕᐅᓯᒪᓂᕆᔭᑦᑎᓐᓂᒃ ᔩᓱᓯ ᙭ᔅᑑᓯᒥᒃ ᐃᓚᖃᕐᓂᑦᑎᓐᓄᑦ, ᐅᕙᑦᑎᓐᓂᒃ ᐊᔪᓕᕐᑎᑦᓯᓗᑎᒃ ᓯᐊᓛᕐᑖᕈᒪᒧᑦ.

ᐱᓕᐱᒥᐅᓄᑦ 3:17

ᐅᒃᐱᕐᑑᖃᑎᒃᑲ ᒪᓕᓚᐅᕐᓯᓐᖓ, ᒪᓕᒐᒃᓴᑦᓯᐊᒥᒃ ᐋᖅᑮᓯᒪᒐᑦᑕ ᐃᓕᑦᓯᓐᓄᑦ ᑍᒤᒻᒪᑦ ᒪᓕᒃᑐᑦ ᑕᒪᑐᒥᖓ ᑲᒪᒋᑦᓯᐊᕐᓯᐅᒃ.

ᑯᓘᓯᐊᒥᐅᓄᑦ 2:8

ᖃᐅᔨᓴᕆᑦᓯ ᑭᓇᒧᓪᓘᓐᓃᑦ ᐊᔪᓕᕐᕕᒋᓂᐊᕐᑕᑦᓯᓐᓄᑦ ᐱᑎᑕᐅᑦᑍᓕᓗᓯ ᑐᑭᖃᖏᑦᑐᓄᑦ ᐃᓄᐃᑦ ᓯᓚᑐᓂᖏᑕ ᐋᖅᑭᒃᑕᖏᓐᓄᑦ, ᐃᓄᑐᐃᓐᓁᑦ ᐃᓕᖅᑯᓯᖏᓐᓄᑦ, ᐊᓂᕐᓂᐅᔪᓄᑦ ᓯᓚᕐᔪᐊᕐᒥ ᐊᐅᓚᑕᐅᓯᒪᔪᓄᑦ, ᙭ᔅᑑᓯᒥᓐᖔᖏᑦᑐᓄᑦ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 3:6

᙭ᔅᑑᓯᒥᐅᑕᐅᖃᑎᒃᑲ ᓇᓪᓕᒋᔭᒃᑲ, ᒫᓐᓇ ᐱᖁᓪᓚᕆᒃᐸᑦᓯ, ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐊᑎᖓᓂ, ᐃᓚᖃᖁᓇᓯ ᐅᒃᐱᕐᑑᖃᑎᓂᒃ ᐃᓅᓯᖃᕐᑐᓂᒃ ᓱᓇᓕᕆᔪᒪᖏᑦᑐᒥᒃ ᐱᐅᓯᐅᓲᒥᒃ ᒪᓕᒐᓱᐊᖏᑦᑐᒥᒃ ᐊᔪᕆᕐᑑᑎᒋᓚᐅᕐᑕᑦᑎᓐᓂᒃ.

ᑎᒧᑎᒧᑦ ᓯᕗᓪᓖᑦ 1:3

ᐃᒫᒃ ᐱᖁᓚᐅᕋᒃᑭᑦ ᒫᓯᑑᓂᐊᒧᐊᓕᕐᑎᓪᓗᖓ ᐃᐱᓲᓯᒦᖏᓐᓇᖁᓪᓗᑎᑦ ᐃᓂᕐᑎᕆᖁᓪᓗᑎᑦ ᐃᓄᐃᑦ ᐃᓚᖏᓐᓂᒃ ᐊᔪᕆᕐᓱᐃᑦᔪᑎᒋᕙᑕᑦᑕ ᐊᓯᖏᓐᓂᒃ ᐊᔪᕆᕐᓱᐃᖁᓇᒋᑦ.

ᑎᒧᑎᒧᑦ ᐂᑉᐸᖏᑦ 3:5

ᑕᑯᒃᓴᐅᔪᒃᑯᑦ ᐅᒃᐱᕐᓂᕐᒦᑦᑑᔮᕐᑐᓂᒃ ᐱᔪᓐᓇᕐᓂᖓᓂᒡᓕ ᐅᖃᐅᓯᖃᖏᑦᑐᓂᒃ. ᑍᒤᑦᑐᑦ ᐃᓚᒋᓂᐊᕐᓇᒋᑦ.

ᑍᑑᓯᒧᑦ 3:10

ᐃᓄᒃ ᐃᓅᖃᑎᒥᓂᒃ ᐊᕕᑎᑦᓯᔪᖅ ᐊᑕᐅᓯᐊᕐᓗᒍ ᒪᕐᕈᐃᕐᑐᕐᓗᒍᓘᓐᓃᑦ ᐃᓂᕐᑎᓚᐅᖅᑳᕐᓗᒍ, ᑭᖑᓂᖓᒍᑦ ᑲᒪᒋᓇᓱᐊᒃᑲᓐᓂᕈᓐᓃᕈᒃ.

ᔪᐊᓇᓯ ᓯᕗᓪᓖᑦ 2:19

ᑖᒃᑯᐊ ᐅᕙᑦᑎᓐᓂᒃ ᕿᒤᕗᑦ, ᐃᓚᒋᔭᐅᓪᓚᕆᒃᓯᒪᖏᓐᓇᒥᒃ; ᐅᕙᑦᑎᓐᓄᑦ ᐃᓚᒋᔭᐅᓪᓚᕆᒃᓯᒪᒍᑎᒃ, ᐃᓚᐅᖏᓐᓇᕋᔭᓚᐅᕐᐳᑦ; ᕿᒤᓯᒪᕗᓪᓕ, ᓇᓗᓇᕈᓐᓁᖁᓪᓗᒋᑦ ᐅᕙᑦᑎᓐᓄᑦ ᐃᓚᒋᔭᐅᓪᓚᕆᒃᓯᒪᖏᓐᓂᖏᓐᓂᒃ.

ᔫᑎᐅᑉ ᐊᒡᓚᖏᑦ 1:19

ᑖᒃᑯᐊ ᑕᕝᕙ ᐃᓄᖕᓂᒃ ᐊᕕᑎᑦᓯᔪᑦ, ᓯᓚᕐᔪᐊᕐᒥᒃ ᒪᓕᑐᐃᓐᓇᕐᑐᑦ, ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐱᓯᒪᖏᑦᑐᑦ.