ᕉᒪᒥᐅᓄᑦ 16:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᑕᕝᕙᐅᕗᑏᕐᐸᒃᑲ ᑐᕅᐲᓇ ᑐᕅᐴᓴᓗ, ᑖᒃᑯᐊᒃ ᐊᕐᓈᒃ ᐱᓇᓱᐊᕐᑑᒃ ᐊᑕᓂᕐᒥ. ᓇᒡᓕᖕᓇᕐᑐᕐᓗ ᐳᕐᓯᓯ, ᑖᓐᓇᑦᑕᐅᖅ ᐊᕐᓇᐅᓪᓗᓂ ᐊᓱᕈᒻᒪᕆᒃᓯᒪᔪᖅ ᐊᑕᓂᕐᒥ.

ᕉᒪᒥᐅᓄᑦ 16:12 Iomraidhean Croise

ᒫᑎᐅᓯᐅᑉ ᐊᒡᓚᖏᑦ 5:47

ᐃᓚᓐᓈᕆᔭᓯ ᑭᓯᒥ ᑐᓐᖓᓱᒃᑎᖃᑦᑕᕈᑦᓯᒋᒃ, ᖃᓅᖅ ᐊᓯᑦᓯᓐᓂᑦ ᐱᑦᓯᐊᕐᓂᕐᓴᐅᒐᔭᕐᐱᓰ? ᐅᒃᐱᖏᑦᑐᑦ ᐊᒡᓛᑦ ᑍᒤᓕᐅᕐᐸᒃᑭᕗᑦ!

ᒫᑎᐅᓯᐅᑉ ᐊᒡᓚᖏᑦ 9:38

ᑍᒤᒻᒪᑦ ᐱᕈᕐᑐᑦ ᑲᑎᕐᓱᒐᒃᓴᑦ ᐊᑕᓂᖓᑦ ᑐᒃᓯᐊᕐᕕᒋᓯᐅᒃ ᑎᓕᓯᖁᓪᓗᒍ ᐱᓇᓱᐊᕐᑐᒃᓴᓂᒃ, ᑲᑎᕐᓱᐃᓂᐊᕐᑐᓂᒃ ᐱᕈᕐᑐᓂᒃ ᓇᑲᑎᕆᕕᖕᒥ.”

ᕉᒪᒥᐅᓄᑦ 16:11

ᑕᕝᕙᐅᕗᑏᕆᕙᕋ ᐃᕉᑎᐅᓂ ᑎᒥᒃᑯᑦ ᐃᓚᒋᔭᕋ, ᑕᕝᕙᐅᕗᑏᕐᐸᒃᑲᓗ ᓈᑭᓴᓯᐅᑉ ᐃᒡᓗᒥᐅᖃᑎᖏᑦ ᐊᑕᓂᕐᒥ ᐅᒃᐱᖃᑎᕗᑦ.

ᕉᒪᒥᐅᓄᑦ 16:13

ᑕᕝᕙᐅᕗᑏᕐᐸᕋ ᕉᕙᓯ, ᐊᑕᓂᐅᑉ ᓂᕈᐊᕐᓯᒪᔭᖓ, ᐊᓈᓇᖓᓗ, ᑖᑦᓱᒪ ᐃᕐᓂᕐᒥᑐᑦ ᐱᖃᑦᑕᓚᐅᕐᒪᖓ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:10

ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᐃᓅᓯᕆᓕᕐᑕᕋ ᒫᓐᓇ ᐃᓅᓯᕆᕙᕋ, ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓗ ᑕᒪᐅᖓᑐᐃᓐᓈᕐᓯᒪᓐᖏᓚᖅ ᐅᕙᓐᓄᑦ. ᐋᐴᓯᑕᓕᖕᓂᓪᓕ ᑕᒤᓐᓂᑦ ᐊᒃᓱᕈᕐᓇᕐᑐᑰᓂᕐᓴᐅᓯᕐᒪᕗᖓ ᐱᓇᓱᐊᕐᑎᓪᓗᖓ, ᓇᖕᒥᓂᕐᓕ ᐱᓇᓱᐊᕐᓂᓐᓅᖏᑦᑐᖅ, ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐅᕙᓐᓃᑦᑐᖅ ᐱᓇᓱᐊᕐᓯᒪᕗᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:58

ᑍᒤᒻᒪᑦ ᐃᓚᒃᑳ, ᓱᕐᕋᔪᐃᑦᑑᓗᓯ ᓇᖏᕆᑦᓯ, ᓱᓇᑐᐃᓐᓇᕐᒧᑦ ᐊᐅᓚᑕᐅᓕᕐᑍᓕᓗᓯ, ᐃᓕᑦᓯᓐᓂᒃ ᑍᒪᓐᖓᑦ ᑐᓂᓯᒪᓗᓯ ᐊᑕᓂᐅᑉ ᐱᓇᓱᐊᕐᓂᖓᓄᑦ, ᖃᐅᔨᒪᒐᑦᓯ ᐱᓇᓱᐊᕐᓂᓯ ᐊᑕᓂᕐᒥ ᑕᒪᐅᖓᑐᐃᓐᓈᕐᑐᖃᕐᓂᐊᖏᒻᒪᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:16

ᑍᒤᑦᑐᓄᑦ ᐃᓄᖕᓄᑦ ᐃᓕᑦᓯᓐᓂᒃ ᑐᓂᓯᒪᖁᕙᑦᓯ ᑕᒤᓐᓄᓪᓗ ᐱᓇᓱᐊᖃᑕᐅᔪᓄᑦ ᐱᓇᓱᐊᕐᑎᓄᓪᓗ.

ᑯᓘᓯᐊᒥᐅᓄᑦ 1:29

ᑕᒪᓐᓇ ᐱᔭᕇᕈᒪᓪᓗᒍ ᐊᒃᓱᕉᑎᒋᕙᕋ ᐃᓗᖏᕐᑐᕐᓗᖓ, ᐱᔪᓐᓇᕐᓂᕐᒥᒃ ᐊᖏᔪᒥᒃ ᐊᑐᕐᑎᑕᐅᓪᓗᖓ ᑖᑦᓱᒪ ᐅᕙᓐᓄᑦ ᕾᓯᒪᔭᖓᓂᒃ.

ᑯᓘᓯᐊᒥᐅᓄᑦ 4:12

ᐃᐸᐳᕌᓯᐅᑉ ᑕᕝᕙᐅᕗᑏᕆᕚᓯ, ᐃᓕᑦᓯᓐᓂᑦᑕᐅᖅ ᐱᓯᒪᔫᑉ, ᙭ᔅᑑᓯᐅᑉ ᔩᓱᓯᐅᑉ ᐱᔨᖓᑕ, ᑖᓐᓇ ᑍᒪᓐᖓᑦ ᐊᒃᓱᕈᕐᓗᓂ ᐃᓕᑦᓯᓐᓂᒃ ᑐᒃᓯᐅᑦᔨᖃᑦᑕᕐᐳᖅ, ᓇᖏᕈᓐᓇᕐᑎᑕᐅᖁᓪᓗᓯ ᐊᐅᓚᖏᓪᓗᓯ ᐱᕈᕇᑦᓯᐊᖁᓪᓗᓯᓗ ᖁᓚᕐᓂᖃᖏᑦᓯᐊᕐᓗᓯ ᒎᑎᐅᑉ ᐱᔪᒪᔭᖓᓂᒃ ᓈᓚᑦᓯᐊᕐᓗᓯ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:3

ᐃᖅᑲᐅᒪᒐᑦᑕ ᒎᑎᑦᑕ ᐊᑖᑕᑦᑕᓗ ᓵᖓᓂ ᐅᒃᐱᕐᓂᖃᕐᓗᓯ ᐱᓂᐊᕐᓂᑦᓯᒍᑦ ᓴᖅᑭᑎᑕᐅᖕᒪᑦ ᓇᒡᓕᖕᓂᕐᒧᓪᓗ ᐊᒃᓱᕈᕐᓗᓯ ᐱᓇᓱᐊᕐᓂᑦᓯᓐᓂᒃ, ᓂᕆᐅᖕᓂᓯᓗ ᓱᕐᕋᔪᐃᑦᑑᓂᖓ ᐊᑕᓂᑦᑎᓐᓂᒃ ᔩᓱᓯ ᙭ᔅᑑᓯᒥ.

ᑎᒧᑎᒧᑦ ᓯᕗᓪᓖᑦ 4:10

ᒫᓐᓇᒧᑦ ᑎᑭᓪᓗᒍ ᐱᓇᓱᐊᕐᐸᒃᐳᒍᑦ ᐊᒃᓱᕈᕐᓗᑕ, ᓂᕆᐅᖕᓂᖃᕋᑦᑕ ᒎᑎᒥᒃ ᑐᖁᓱᐃᑦᑐᒥᒃ, ᐱᐅᓕᔨᐅᔪᒥᒃ ᐃᓄᖕᓂᒃ ᑕᒤᓐᓂᒃ, ᐱᓗᐊᕐᓗᓂᓕ ᐅᒃᐱᕈᓱᒃᑐᓄᑦ.