ᕉᒪᒥᐅᓄᑦ 15:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᑍᒤᒻᒪᑦ ᐃᓅᖃᑎᑦᓯᓐᓂᒃ ᑐᓐᖓᓱᒃᑎᑎᖃᑦᑕᕆᑦᑎ, ᓲᕐᓗᑕᐅᖅ ᙭ᔅᑑᓯᐅᑉ ᑐᓐᖓᓱᒃᑎᓯᒪᖕᒪᓯ ᐃᒻᒥᓄᑦ, ᒎᑎ ᓂᕐᑐᕐᑕᐅᖁᓪᓗᒍ.

ᕉᒪᒥᐅᓄᑦ 15:7 Iomraidhean Croise

ᒫᑎᐅᓯᐅᑉ ᐊᒡᓚᖏᑦ 10:40

“ᐃᓕᑦᓯᓐᓂᒃ ᐃᓚᓕᐅᕐᓯᔪᖅ ᐅᕙᓐᓂᒃ ᐃᓚᓕᐅᕐᓯᕗᖅ; ᐅᕙᓐᓂᒡᓗ ᐃᓚᓕᐅᕐᓯᔪᖅ ᑎᓕᔨᓐᓂᒃ ᐃᓚᓕᐅᕐᓯᕗᖅ.

ᒫᑯᓯᐅᑉ ᐊᒡᓚᖏᑦ 9:37

“ᓇᓪᓕᐊᑦ ᑍᒤᑦᑐᒥᒃ ᓱᕈᓯᑯᓗᖕᒥᒃ ᑐᓐᖓᓱᒃᑎᑦᓯᔪᖅ ᐊᑎᓐᓂ ᑖᓐᓇ ᐅᕙᓐᓂᒃ ᑐᓐᖓᓱᒃᑎᑦᓯᕗᖅ; ᐅᕙᓐᓂᒡᓗ ᑐᓐᖓᓱᒃᑎᑦᓯᔪᖅ, ᐅᕙᓐᓂᑐᐊᖅ ᑐᓐᖓᓱᒃᑎᑦᓯᓐᖏᓚᖅ ᑎᓕᔨᓐᓂᒡᓕ ᑐᓐᖓᓱᒃᑎᑦᓯᒋᕗᖅ.”

ᓘᑲᓯᐅᑉ ᐊᒡᓚᖏᑦ 15:2

ᐹᕆᓯᑦ ᐱᖁᔭᓂᒡᓗ ᐃᓕᓮᔩᑦ ᐅᖃᕐᓂᕐᓘᑎᓕᕐᐳᑦ ᐅᖃᕐᓗᑎᒃ, “ᐆᒪ ᐱᐅᖏᑦᑐᓕᔪᑦ ᐃᓚᓕᐅᕐᐰᑦ ᓂᕆᖃᑎᒋᓪᓗᒋᓪᓗ.”

ᓘᑲᓯᐅᑉ ᐊᒡᓚᖏᑦ 9:48

ᑖᒃᑯᐊ ᐅᖃᐅᑎᕔᑦ, “ᓇᓪᓕᐊᑦ ᐆᒥᖓ ᓱᕈᓯᑯᓗᖕᒥᒃ ᐃᓚᓕᐅᕐᓯᔪᖅ ᐱᑦᔪᑎᒋᓗᖓ ᐅᕙᓐᓂᒃ ᐃᓚᓕᐅᕐᓯᕗᖅ, ᐅᕙᓐᓂᒡᓗ ᐃᓚᓕᐅᕐᓯᔫᑉ ᐅᕙᓐᓂᒃ ᑎᓕᓯᔪᖅ ᐃᓚᓕᐅᕆᕚ; ᐃᓕᑦᓯᓐᓂᑦ ᒥᑭᓐᓂᕐᐹᖑᔪᖅ ᑖᓐᓇ ᐱᓚᕆᐅᓂᕐᐹᖑᕗᖅ.”

ᔪᐊᓇᓯᐅᑉ ᐊᒡᓚᖏᑦ 13:34

ᐱᖁᔭᒥᒃ ᓄᑖᒥᒃ ᑐᓂᓯᕕᒋᕙᑦᓯ, ᓇᒡᓕᒃᑎᒌᖁᓪᓗᓯ; ᓲᕐᓗ ᓇᒡᓕᒋᓚᐅᕋᑦᓯ, ᑍᒫᒃᑕᐅᖅ ᐃᓕᑦᓯᓐᓄᑦ ᓇᒡᓕᒃᑎᒌᒃᑐᒃᓴᐅᒋᕗᓯ.

ᔪᐊᓇᓯᐅᑉ ᐊᒡᓚᖏᑦ 6:37

ᐊᑖᑕᒪ ᑐᓂᑦᔪᑎᒋᔭᓕᒫᖏᑦ ᐅᕙᓐᓄᐊᕐᓂᐊᕐᐳᑦ, ᐅᕙᓐᓄᐊᕐᑐᓂᒡᓗ ᖁᔭᓈᕐᓯᓂᐊᓐᖏᓚᖓ.

ᕉᒪᒥᐅᓄᑦ 15:9

ᔫᑎᐅᖏᑦᑐᓪᓗ ᓂᕐᑐᐃᓕᖁᓪᓗᒋᑦ ᒎᑎᒥᒃ ᓂᑲᒍᓱᖕᓂᖓ ᐱᑦᔪᑎᒋᓗᒍ. ᑎᑎᕋᕐᓯᒪᖕᒪᑦ, “ᑍᒤᒻᒪᑦ ᓂᕐᑐᕐᓂᐊᕐᐸᒋᑦ ᔫᑎᐅᖏᑦᑐᑦ ᐊᑯᕐᖓᓐᓂ, ᐃᓐᖏᕐᓗᖓᓗ ᓂᕐᑐᕈᒪᕙᒋᑦ.”

ᕉᒪᒥᐅᓄᑦ 5:2

ᑖᑦᓱᒨᓇ ᐱᕕᒃᓴᖃᓕᕋᑦᑕ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᑕᕝᕙᓂ ᒫᓐᓇ ᓇᔪᕐᑕᑦᑎᓐᓂ, ᖁᕕᐊᓲᑎᖃᕐᐳᒍᓪᓗ ᓂᕆᐅᖕᓂᕐᒥᒃ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᐱᖃᑕᐅᔪᓐᓇᓕᕐᓂᑦᑎᓐᓂᒃ.

ᐃᐱᓯᒥᐅᓄᑦ 1:12

ᑍᒤᒻᒪᑦ, ᐅᕙᒍᑦ ᓂᕆᐅᒋᔭᒃᓴᖃᖅᑳᕐᓯᒪᔪᒍᑦ ᙭ᔅᑑᓯᒥ ᑍᒤᑎᑕᐅᓯᒪᕗᒍᑦ ᑎᓕᔭᐅᓪᓗᑕ ᐃᓅᖁᓪᓗᑕ ᒎᑎᐅᑉ ᐱᓐᓇᕐᓇᕐᓂᕐᔪᐊᖓᑕ ᓂᕐᑐᕐᑕᐅᓂᒃᓴᖓᓄᑦ.

ᐃᐱᓯᒥᐅᓄᑦ 1:18

ᐆᒻᒪᑎᓯᒍᑦ ᑕᑯᔪᓐᓇᕐᓯᑎᑕᐅᖁᕙᑦᓯ ᑖᑦᓱᒥᖓ ᑐᑭᓯᔪᓐᓇᑦᓯᐊᓕᖁᓪᓗᓯ, ᓂᕆᐅᒋᔭᒃᓴᒥᒡᓗ ᖃᐅᔨᔪᓐᓇᖁᓪᓗᓯ ᕾᖁᔭᐅᑦᔪᑎᒋᔭᑦᓯᓐᓂᒃ, ᐊᖏᕈᑎᒋᓯᒪᔭᖓᑕᓗ ᐃᓄᖁᑎᒥᓄᑦ ᑭᖑᕐᖑᑎᔭᒃᓴᓕᐊᕆᓯᒪᔭᖓᑕ ᐱᐅᔪᕐᔪᐊᖑᓂᖓᓂᒃ,

ᑯᓘᓯᐊᒥᐅᓄᑦ 3:13

ᐃᓕᑦᓯᓐᓄᑦ ᐃᑲᔪᕐᑐᖃᑦᑕᐅᑎᓗᓯ, ᓱᓇᒥᒡᓗ ᓈᒻᒪᒃᓴᖏᑦᔪᑎᖃᕐᑐᖃᕐᐸᑦ ᓇᓕᑦᓯᓐᓄᑦ, ᐃᓱᒪᒋᔪᓐᓁᖃᑎᒌᖃᑦᑕᕐᓗᓯ; ᐊᑕᓂᐅᑦᑕᐅᖅ ᐃᓱᒪᒋᔪᓐᓁᕐᕕᒋᓚᐅᕐᒪᓯ, ᑍᒫᒃᑕᐅᖅ ᐃᓱᒪᒋᔪᓐᓁᕐᓯᖃᑦᑕᕆᑦᓯ.