ᕉᒪᒥᐅᓄᑦ 15:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᒎᑎᐅᓪᓕ ᕿᓄᐃᓵᕐᓂᖃᕐᑎᑦᓯᔫᑉ ᑲᔪᖏᕐᓮᔫᓪᓗ ᑐᓂᓯᕕᒋᓕᓯ ᐃᓱᒪᖃᖃᑎᒌᓂᕐᒥᒃ ᐃᓕᑦᓯᓐᓄᑦ ᐊᑐᓂᑦ, ᙭ᔅᑑᓯ ᔩᓱᓯ ᒪᓕᒡᓗᒍ,

ᕉᒪᒥᐅᓄᑦ 15:5 Iomraidhean Croise

ᑯᕉᓂᑲ ᐂᑉᐸᖏᑦ 30:12

ᒎᑎᐅᓪᓗ ᐱᔪᓐᓇᕐᓂᖓᑕ ᑎᑭᑉᐰᑦ ᔫᑕᒥᐅᑦ ᐊᑕᐅᓯᕐᒥᒃ ᐆᒻᒪᑎᑖᕐᑎᓪᓗᒋᑦ ᐊᖓᔪᖅᑳᕐᔪᐊᑉ ᐊᖓᔪᖅᑳᓪᓗ ᐱᖁᔨᓂᖏᓐᓂᒃ ᒪᓕᖁᓪᓗᒋᑦ ᐊᑕᓂᐅᑉ ᐅᖃᐅᓯᖏᑦ ᒪᓕᒡᓗᒋᑦ.

ᐃᓐᖏᕈᑎᑦ 86:5

ᐊᑕᓃᖅ, ᐱᐅᔫᒐᕕᑦ ᐃᓱᒪᒋᔪᓐᓁᕐᕕᖃᕐᓗᑎᓪᓗ, ᓇᒡᓕᖕᓂᖃᕐᐳᑎᓪᓗ ᓱᖁᓯᔪᐃᑦᑐᒥᒃ ᑕᒤᓐᓄᑦ ᐃᓕᖕᓄᑦ ᓂᓪᓕᐊᕕᖃᕐᑐᓄᑦ.

ᒨᓯᓯ ᐂᑉᐸᖏᑦ 34:6

ᑕᕝᕙ ᐊᑕᓂᖅ ᒨᓯᓯᐅᑉ ᓵᖓᒎᕐᐳᖅ ᐅᖃᕐᓗᓂᓗ, “ᐅᕙᖓ ᐊᑕᓂᖅ, ᒎᑎᐅᕗᖓ ᓂᑲᒍᓱᒃᑐᖅ ᐱᑦᓯᐊᕐᓗᓂᓗ, ᓂᓐᖓᒃᓴᕅᖏᑦᑐᖅ, ᓇᒡᓕᒍᓱᖕᓂᕐᔪᐊᒥᓂᒃ ᓴᖅᑭᑎᑦᓯᔪᖅ ᓱᖁᓯᔪᐃᑦᑑᓪᓗᓂᓗ.

ᔨᕆᒤᐊᐅᑉ ᐊᒡᓚᖏᑦ 32:39

ᐊᑕᐅᓯᕐᒥᒃ ᐆᒻᒪᑎᖃᕐᑎᑦᓱᒫᕐᐸᒃᑲ ᐊᑕᐅᓯᕐᒥᒡᓗ ᐊᖅᑯᑎᖃᕐᑎᓪᓗᒋᑦ, ᐅᕙᓐᓂᒃ ᓯᕘᕋᒋᔭᖃᖁᓪᓗᒋᑦ ᐃᓱᖃᖏᑦᑐᒧᑦ, ᐱᐅᓂᕐᓴᒦᖁᓪᓗᒋᑦ ᑭᖑᕚᒃᓴᖏᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 11:19

ᓄᑖᒥᒃ ᐆᒻᒪᑎᑖᕐᑎᑦᓱᒫᕐᐸᒃᑲ, ᐊᓂᕐᓂᕐᒥᒡᓗ ᓄᑖᒥᒃ ᐃᓗᒻᒥᕐᑎᓪᓗᒋᑦ; ᐆᒻᒪᑎᖏᓪᓗ ᐅᔭᕋᒃᑎᑐᑦ ᓯᑎᔪᑦ ᐲᕐᓗᒋᑦ ᑎᒥᖏᓐᓂᑦ ᐆᒻᒪᑎᑖᕐᑎᑦᓱᒫᕐᐸᒃᑲ ᐊᕿᑦᑐᒥᒃ ᓈᓚᒍᓐᓇᕐᑐᒥᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 4:32

ᐅᒃᐱᕐᑑᖃᑎᒌᓕᒫᑦ ᐆᒻᒪᑎᒥᒃᑎᒍᑦ ᑕᕐᓂᕐᒥᒃᑎᒍᓪᓗ ᐊᑕᐅᓯᐅᓕᖅᑲᖓᑦᓯᐊᓚᐅᕐᐳᑦ ᐃᓚᒌᑦᓯᐊᕐᓗᑎᒃ, ᐱᖁᑎᒥᖕᓂᒃ ᓇᖕᒥᓂᖃᕐᓂᕋᕐᓗᑎᒃ ᑍᓯᔪᖃᓚᐅᓐᖏᓚᑦ, ᑕᒪᕐᒥᒃ ᐱᒋᔭᒥᖕᓂᒃ ᑲᑐᑦᔨᓚᐅᕐᐳᑦ ᐊᑦᔨᒌᒃᑐᒥᒃ.

ᕉᒪᒥᐅᓄᑦ 12:16

ᐱᓇᓱᐊᖃᑎᒌᑦᓯᐊᕆᑦᓯ ᐃᓕᑦᓯᓐᓄᑦ; ᐱᐅᔪᕆᖏᓪᓗᓯ, ᐊᔪᕐᓂᕐᓮᑦ ᐱᓇᓱᐊᖃᑎᒋᓯᒋᒃ; ᓇᖕᒥᓂᖅ ᓯᓚᑐᓇᓱᒋᖏᓪᓗᓯ.

ᕉᒪᒥᐅᓄᑦ 15:13

ᒎᑎᐅᓪᓕ ᓂᕆᐅᖕᓂᕐᑖᕐᑎᑦᓯᔫᑉ ᐃᓗᒻᒥᕐᑎᓪᓕᓯ ᖁᕕᐊᓱᖕᓂᕐᒥᒃ ᐃᓱᒫᓘᑎᖃᖏᑦᓯᐊᕐᓂᕐᒥᒡᓗ ᑖᑦᓱᒧᖓ ᐅᒃᐱᕐᓂᑦᓯᓐᓄᑦ, ᓂᕆᐅᖕᓂᓯ ᐊᖏᒡᓕᕙᓪᓕᐊᖏᓐᓇᖁᓪᓗᒍ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐱᔪᓐᓇᕐᓂᖓᒍᑦ.

ᕉᒪᒥᐅᓄᑦ 15:3

᙭ᔅᑑᓯᑦᑕᐅᖅ ᓇᖕᒥᓂᖅ ᓈᒻᒪᒋᔭᑐᐃᓐᓇᕐᒥᓂᒃ ᐊᑐᓚᐅᖏᒻᒪᑦ, ᐊᒡᓚᓂ ᑎᑎᕋᕐᓯᒪᖕᒪᑦ, “ᐃᓕᖕᓂᒃ ᐅᖃᕐᓂᕐᓘᑎᓖᑦ ᐅᖃᕐᓂᕐᓗᖕᓂᖏᑕ ᑐᕝᕕᒋᕚᖓ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:10

ᐱᖁᒻᒪᕆᒃᐸᑦᓯ ᐃᓅᖃᑎᒃᑲ, ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ, ᐊᖏᖃᑎᒌᑦᓯᐊᖁᓪᓗᓯ ᐅᖃᐅᓯᑦᓯᒍᑦ ᐃᓕᑦᓯᓐᓄᓪᓗ ᐊᕕᓯᒪᖁᓇᓯ, ᑲᑎᓐᖓᑦᓯᐊᕐᓗᓯᓕ ᐊᑕᐅᓯᐅᖁᓪᓗᓯ ᐃᓱᒪᑦᓯᒍᑦ ᐱᓂᐊᕐᓂᑦᓯᒍᓪᓗ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 13:11

ᒫᓐᓇᓕ ᙭ᔅᑑᓯᒥᐅᑕᐅᑎᒃᑲ ᑕᕝᕙᐅᕗᓯ. ᐃᓅᓯᓯ ᐋᖅᑭᒃᓱᕐᓯᐅᒃ, ᐱᖁᔨᓂᒃᑲ ᓈᓚᒃᓯᒋᒃ, ᐃᓱᒪᖃᖃᑎᒌᒋᑦᓯ ᐊᑭᕋᕐᑑᑎᖏᓪᓗᓯ, ᒎᑎᐅᓪᓗ ᓇᒡᓕᖕᓂᖓᑕ ᓮᒻᒪᕐᑎᑦᓯᓂᖓᑕᓗ ᐃᓚᒋᓂᐊᕐᐹᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:6

ᒎᑎᐅᓪᓕ, ᒪᓂᒍᕐᑎᑦᓯᔨᐅᑉ ᓴᓐᖐᓕᓯᒪᔪᓂᒃ, ᒪᓂᒍᓚᐅᕐᐹᑎᒍᑦ ᑍᑑᓯᐅᑉ ᑎᑭᓐᓂᖓᒍᑦ,

ᐃᐱᓯᒥᐅᓄᑦ 5:2

ᐃᓅᓕᕆᑦᓯ ᓇᒡᓕᖕᓂᒃᑯᑦ, ᙭ᔅᑑᓯᐅᑦᑕᐅᖅ ᓇᒡᓕᒋᓚᐅᕐᒪᑎᒍᑦ ᐃᓅᓯᓂᓗ ᑐᓂᓚᐅᕐᒪᒍ ᐱᑦᔪᑎᒋᓪᓗᑕ, ᑐᓂᕐᕈᑎᒃᓴᐅᔪᒪᓪᓗᓂ ᑎᐱᑦᓯᐊᕆᒃᓴᐅᑕᐅᓗᓂ ᒎᑎᒧᑦ ᖁᕕᐊᒋᔭᐅᔪᒥᒃ.

ᐱᓕᐱᒥᐅᓄᑦ 1:27

ᒫᓐᓇᓕ ᐱᔭᕆᐊᖃᕐᓂᕐᐹᖑᕗᖅ ᐃᓅᓯᓯ ᒪᓕᑦᓯᐊᖁᓪᓗᒍ ᙭ᔅᑑᓯᐅᑉ ᐅᖃᐅᓯᖏᑕ ᐊᑐᕐᑕᐅᖁᔭᖏᓐᓂᒃ, ᐃᓕᑦᓯᓐᓄᑦ ᑎᑭᑦᓱᓐᓇᕈᒪ ᑕᑯᓗᓯ, ᐃᓕᑦᓯᓅᕈᓐᓇᖏᒃᑲᓗᐊᕈᒪᓘᓐᓃᑦ, ᑐᓴᕈᓐᓇᖁᓪᓗᖓ ᑲᔪᓯᑦᓯᐊᕐᓂᑦᓯᓐᓂᒃ ᐊᑕᐅᓯᐅᑦᓯᐊᕐᓂᑦᓯᓐᓂᒡᓗ ᐆᒻᒪᑎᑦᓯᒍᑦ, ᐃᓱᒪᑦᓯᒍᓪᓗ ᐊᒃᓱᕉᑎᖃᓪᓚᕆᖕᓂᑦᓯᓐᓂᒃ ᑲᑐᑦᔨᑦᓯᐊᕐᓗᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᒃᐱᕈᓱᑦᓯᐊᕐᓂᕐᒧᑦ.

ᐱᓕᐱᒥᐅᓄᑦ 2:2

ᖁᕕᐊᓱᖕᓂᕋ ᐃᓗᐃᑦᑐᓐᖑᕐᑎᑦᓯᐊᓚᐅᕐᓯᐅᒃ ᐃᓱᒪᖃᖃᑎᒌᖕᓂᑦᓯᓐᓄᑦ, ᓇᒡᓕᖕᓂᑦᓯᓐᓄᓪᓗ, ᐊᑕᐅᓯᐅᖃᑎᒌᑦᓯᐊᕐᓂᑦᓯᓐᓄᓪᓗ ᐃᓱᒪᑦᓯᒍᑦ.

ᐱᓕᐱᒥᐅᓄᑦ 3:16

ᑍᒤᒻᒪᑦ ᑲᔪᓯᓕᕐᑕ ᓱᓕᔪᑦ ᐃᓕᓐᓂᐊᕐᓯᒪᔭᕗᑦ ᒪᓕᒡᓗᒋᑦ.

ᐱᓕᐱᒥᐅᓄᑦ 4:2

ᐃᐅᑎᐊᓗ ᓯᓐᑍᑭᓗ ᐊᒃᓱᕈᕐᓗᖓ ᕿᓄᕕᒋᕙᑦᓯᒃ, ᐊᖏᖃᑎᒌᖁᓪᓗᓯᒃ ᐊᑕᓂᕐᒥ.

ᐲᑦᑐᕉᓯ ᓯᕗᓪᓖᑦ 3:20

ᑖᒃᑯᐊ ᐊᓂᕐᓃᑦ ᓈᓚᓚᐅᖏᑦᑐᑦ, ᒎᑎᐅᑉ ᐅᑕᖅᑭᓚᐅᕐᒪᒋᑦ ᕿᓄᐃᓵᕐᓗᓂ ᑍᑦᓱᒪᓂ ᓄᐊᖅ ᐅᒥᐊᕐᔪᐊᓕᐅᕐᑎᓪᓗᒍ, ᐃᓄᐃᑦ ᐅᓄᖏᑦᑐᑦ ᐱᐅᓕᔭᐅᓚᐅᕐᒪᑕ, ᓯᑕᒪᐅᔪᕐᑐᑐᐃᓐᓁᑦ ᐃᒫᓂᑦ ᐊᓐᓇᓚᐅᕐᐳᑦ,

ᐲᑦᑐᕉᓯ ᓯᕗᓪᓖᑦ 3:8

ᑭᖑᓪᓕᕐᐹᒥᒡᓕ, ᑕᒪᑦᓯ ᐊᑦᔨᒌᒃᑐᒥᒃ ᐃᓱᒪᖃᖃᑎᒌᒃᑐᒃᓴᐅᕗᓯ, ᐃᓚᑦᓱᒋᖃᑦᑕᐅᑎᓗᓯ, ᓇᒡᓕᒃᑎᒌᒡᓗᓯ ᐃᓚᒌᒃᑐᑎᑐᑦ, ᓈᒃᑭᒍᓱᒡᓗᓯ ᒥᑭᒡᓕᑎᕐᓯᒪᓗᓯᓗ.

ᐲᑦᑐᕉᓯ ᐂᑉᐸᖏᑦ 3:15

ᖃᐅᔨᒪᓗᓯ ᐊᑕᓂᑦᑕ ᕿᓄᐃᓵᕐᓂᖓ ᐱᐅᓕᔭᐅᓂᕐᒥᒃ ᐱᑦᔪᑎᖃᕐᒪᑦ. ᐸᐅᓗᓯᑦᑕᐅᖅ ᐅᒃᐱᕐᑑᖃᑎᕗᑦ ᓇᒡᓕᖕᓇᕐᑐᖅ ᐃᓕᑦᓯᓐᓄᑦ ᑎᑎᕋᕐᓯᒪᖕᒪᑦ ᓯᓚᑐᓂᕐᒥᒃ ᑐᓂᕐᕈᓯᐊᒥᓂᒃ ᐊᑐᕐᓗᓂ.

ᐲᑦᑐᕉᓯ ᐂᑉᐸᖏᑦ 3:9

ᐊᑕᓂᐅᑉ ᐊᖏᕐᓯᒪᓂᓂ ᑭᖑᕙᕐᑎᓐᖏᓛ ᐃᓚᖏᓐᓄᑦ ᑭᖑᕙᕐᑎᑕᐅᓇᓱᒋᔭᐅᒐᓗᐊᕐᒪᑦ, ᕿᓄᐃᓵᕐᐳᕐᓕ ᐃᓕᑦᓯᓐᓄᑦ, ᓇᓪᓕᐊᓐᓂᒡᓘᓐᓃᑦ ᐊᓯᐅᑐᐃᓐᓇᖁᔨᖏᓐᓇᒥ, ᑕᒤᓐᓂᒡᓕ ᐊᔪᕐᑐᓕᓂᕐᒥᖕᓂᑦ ᓵᒋᐊᕐᕕᒃᓴᖃᕐᑎᑦᑎᕗᖅ.