ᕉᒪᒥᐅᓄᑦ 15:31 - ᐊᒡᓔᑦ ᐃᑦᔪᕐᖕᓁᑦᑐᑦ

³¹ ᓴᐳᑎᔭᐅᖁᓪᓗᖓ ᐅᒃᐱᖏᑦᑐᓂᑦ ᔫᑎᐊᒦᑦᑐᓂᑦ, ᐱᓇᓱᐊᕐᓂᕋᓗ ᒎᑎᐅᑉ ᐃᓄᖁᑎᖏᓐᓄᑦ ᔨᕉᓴᓕᒻᒦᑦᑐᓄᑦ ᓈᒻᒪᒋᔭᐅᖁᓪᓗᒍ.

ᕉᒪᒥᐅᓄᑦ 15:31 Iomraidhean Croise

ᐋᐴᓯᑕᓖᑦ ᐱᓂᐊᕐᓂᖏᑦ 22:24

ᕉᒪᒥᐅᑦ ᐅᓇᑕᕐᑐᒃᓴᖏᑕ ᐊᖓᔪᖅᑳᖓᑦᑕ ᐸᐅᓗᓯ ᐅᓇᑕᕐᑐᒃᓮᑦ ᐃᒡᓗᖓᓄᑦ ᐃᑎᕐᑕᐅᖁᓕᕐᐹᑦ, ᑏᒐᕐᑐᕐᑕᐅᖁᕚᓗ, ᑐᑭᓯᓇᓱᐊᕐᕕᐅᖁᓪᓗᒍ ᓱᖕᒪᑦ ᐃᓄᖕᓄᑦ ᐅᐃᒪᔮᕈᑕᐅᖕᒪᖔᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 25:2

ᑕᕝᕙᓂ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᑦ, ᔫᑎᓪᓗ ᐊᖓᔪᖅᑳᖏᑦ ᐅᖃᕆᐊᕐᑐᕐᐳᑦ ᑖᑦᓱᒧᖓ ᐸᐅᓗᓯᐅᑉ ᑎᒍᔭᐅᓯᒪᑦᔪᑎᖏᓐᓂᒃ; ᐱᑦᔪᑎᖃᕐᓗᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 25:24

ᕕᓯᑕᓯᓗ ᐅᖃᕐᐳᖅ, “ᐊᖓᔪᖅᑳᕐᔪᐊᖅ ᐊᒍᕆᐸ, ᐃᓄᐃᓪᓗ ᑕᕝᕗᓐᖓᕐᓯᒪᔪᓕᒫᑦ; ᑕᑯᕗᓯ ᐆᒥᖓ ᐊᖑᒻᒥᒃ ᔫᑎᓕᒫᑦ ᐊᑲᐅᒋᓇᒍ ᐅᖃᐅᑎᒋᓚᐅᕐᑕᖓᓂᒃ ᐅᕙᓐᓄᑦ, ᔨᕉᓴᓕᒻᒥ ᐅᕙᓂᓗ ᓯᓴᕆᐊᒥ, ᕾᒐᓛᓚᐅᕐᐳᓪᓗ ᐃᓅᔪᒃᓴᐅᖏᓐᓂᕋᕐᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 9:13

ᐊᓇᓁᐊᓯ ᑭᐅᕗᖅ, “ᐊᑕᓃᖅ, ᑖᑦᓱᒥᖓ ᑐᓴᐅᒪᒐᒪ ᐃᓄᖕᓂᑦ ᐅᓄᕐᑐᓂᑦ, ᑖᓐᓇ ᐃᓄᖁᑎᖕᓄᑦ ᔨᕉᓴᓕᒻᒥ ᐊᖏᔪᐊᓗᖕᒥᒃ ᐱᐅᖏᑦᑐᓂᒃ ᐱᓇᓱᐊᖃᑕᕐᓯᒪᓂᖓᓂᒃ;

ᐋᐴᓯᑕᓖᑦ ᐱᓂᐊᕐᓂᖏᑦ 9:15

ᐊᑕᓂᐅᑉ ᐅᖃᐅᑎᕚ, “ᐂᓕᕆᑦ, ᑖᓐᓇ ᓂᕈᐊᕋᒃᑯ ᐅᕙᓐᓂᒃ ᐱᔨᑦᓯᖁᓪᓗᒍ, ᐊᑎᕋ ᑐᓴᕐᑕᐅᖁᓪᓗᒍ ᔫᑎᐅᖏᑦᑐᓄᑦ, ᐊᖓᔪᖅᑳᕐᔪᐊᓄᑦ, ᐃᓄᖕᓄᓪᓗ ᐃᓴᕆᐊᓕᒥᐅᓄᑦ;

ᕉᒪᒥᐅᓄᑦ 15:25

ᒫᓐᓇᓕ ᑭᓯᐊᓂ, ᔨᕉᓴᓕᒻᒧᑦ ᐂᓕᕐᐳᖓ ᒎᑎᐅᑉ ᐃᓄᖁᑎᖏᑦ ᑍᑲᓂ ᐃᑲᔪᕆᐊᕐᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:15

ᐅᒃᐱᕐᑑᖃᑎᒃᑲ, ᖃᐅᔨᒪᒐᑦᓯ ᓯᑎᐹᓇᓯᒃᑯᑦ ᐃᒡᓗᒥᐅᖃᑎᒌᑦ ᐊᑬᐊᒥ ᓵᒋᐊᕐᓗᑎᒃ ᓯᕗᓪᓕᕐᐹᖑᓚᐅᕐᒪᑕ, ᐃᒻᒥᖕᓂᒡᓗ ᑐᓂᓯᒪᕗᑦ ᒎᑎᐅᑉ ᐃᓄᖁᑎᖏᓐᓂᒃ ᐃᑲᔪᕈᒪᓪᓗᑎᒃ;

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:10

ᑖᑦᓱᒪ ᓴᐳᑎᓚᐅᕐᐹᑎᒍᑦ ᑐᖁᒦᓐᓇᕐᑐᓂᑦ, ᓱᓕᓗ ᓴᐳᑎᓂᐊᕆᕚᑎᒍᑦ; ᑖᑦᓱᒪᓐᖓᑦ ᓂᕆᐅᒃᐳᒍᑦ ᓱᓕ ᓴᐳᑎᓯᒪᓂᐊᕐᒪᑎᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:4

ᐃᓗᖏᕐᑐᕐᓗᑎᒃ ᑐᓂᕐᕈᑎᒥᖕᓂᒃ ᐱᖁᓚᐅᕐᐹᑎᒍᑦ ᐃᑲᔪᖃᑕᐅᔪᒪᓪᓗᑎᒃ ᐃᑦᔪᕐᓁᑎᑕᐅᔪᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 9:1

ᑎᑎᕋᕐᕕᒋᔭᕆᐊᖃᓐᖏᓚᑦᓯ ᐃᑲᔪᕐᓯᕆᐊᕈᑎᒃᓴᓂᒃ ᐃᑦᔪᕐᓁᑎᑕᐅᓯᒪᔪᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 9:13

ᑕᒪᑐᒨᓇ ᐃᑲᔪᕐᓂᑦᓯᓐᓂᒃ ᓇᓗᓁᕐᓯᒐᑦᓯ, ᐅᓄᕐᑐᓪᓗ ᒎᑎᒥᒃ ᓂᕐᑐᐃᓂᐊᕐᐳᑦ ᓈᓚᑦᓯᐊᕐᓂᑦᓯᓐᓄᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᙭ᔅᑑᓯᒥᒃ, ᐋᓐᓂᕈᓱᒐᓯᓗ ᑐᓂᓯᓂᑦᓯᒍᑦ ᐊᓯᓯ ᐱᓇᓱᐊᖃᑎᒋᒐᑦᓯᐅᒃ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:15

ᑍᒃᑯᐊ ᐊᑕᓂᖅ ᔩᓱᓯ ᑐᖁᓚᐅᕐᐹᑦ, ᓇᓚᐅᑦᑍᔪᓪᓗ, ᐅᕙᒍᓪᓗ ᐊᑭᕋᕐᑐᕐᓗᑕ ᐊᓂᑎᓚᐅᕐᐹᑎᒍᑦ, ᐊᖏᔪᒥᒃ ᑖᒃᑯᐊ ᒎᑎᐅᑉ ᖁᕕᐊᒋᓐᖏᑕᖓᓂᒃ ᐱᓇᓱᐊᓚᐅᕐᐳᑦ ᐃᓄᖕᓄᓪᓗ ᑕᒤᓐᓄᑦ ᐊᑭᕋᕐᑐᕐᓗᑎᒃ

ᑎᓴᓗᓁᑲᒥᐅᓄᑦ ᐂᑉᐸᖏᑦ 3:2

ᓴᐳᑎᔭᐅᖁᓪᓗᑕᓗ ᐃᓄᖕᓂᑦ ᐱᐅᖏᑦᑐᓂᑦ ᐊᔪᕐᑐᓕᔪᓂᓪᓗ; ᑕᒪᕐᒥᒃ ᐅᒃᐱᕐᑐᐃᓐᓇᐅᖏᒻᒪᑕ.

ᑎᒧᑎᒧᑦ ᐂᑉᐸᖏᑦ 3:11

ᐊᑭᕋᕐᑐᕐᑕᐅᓂᒃᑲ, ᐋᓐᓂᐊᑎᑕᐅᓂᒃᑲ, ᐊᓐᑎᐅᑭᐊᒥ ᐱᓂᐊᕐᕕᐅᓯᒪᓂᕋ, ᐂᑯᓂᐊᒥ, ᓕᔅᑐᕋᒥᓗ, ᐊᑭᕋᕐᑐᕐᑕᐅᓂᕐᒥᒡᓗ ᐊᖏᔪᒥᒃ ᐊᓂᒍᐃᔪᓐᓇᓚᐅᕋᒪ; ᐊᑕᓂᐅᓪᓕ ᓴᐳᑎᓚᐅᕐᐹᖓ ᑕᒪᒃᑯᓇᖓᑦ ᑕᒤᓐᓂᑦ.

ᑎᒧᑎᒧᑦ ᐂᑉᐸᖏᑦ 4:17

ᐊᑕᓂᐅᓪᓕ ᓇᔪᕐᒪᖓ ᑖᑦᓱᒪ ᐱᔪᓐᓇᕐᓂᖃᕐᑎᓚᐅᕐᐹᖓ ᐅᖃᓪᓚᒍᓐᓇᓚᐅᕐᐳᖓ ᑕᒤᓐᓂᒃ ᐅᖃᕆᐊᖃᕐᑕᓐᓂᒃ, ᔫᑎᐅᖏᑦᑐᓕᒫᑦ ᑐᓴᕈᓐᓇᖁᓪᓗᒋᑦ. ᑕᕝᕙ ᓔᔭᓐᐅᑉ ᖃᓂᖏᓐᓂᑦ ᓴᐳᑎᔭᐅᓚᐅᕐᐳᖓ.