ᕉᒪᒥᐅᓄᑦ 15:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᙭ᔅᑑᓯᑦᑕᐅᖅ ᓇᖕᒥᓂᖅ ᓈᒻᒪᒋᔭᑐᐃᓐᓇᕐᒥᓂᒃ ᐊᑐᓚᐅᖏᒻᒪᑦ, ᐊᒡᓚᓂ ᑎᑎᕋᕐᓯᒪᖕᒪᑦ, “ᐃᓕᖕᓂᒃ ᐅᖃᕐᓂᕐᓘᑎᓖᑦ ᐅᖃᕐᓂᕐᓗᖕᓂᖏᑕ ᑐᕝᕕᒋᕚᖓ.”

ᕉᒪᒥᐅᓄᑦ 15:3 Iomraidhean Croise

ᐃᓐᖏᕈᑎᑦ 69:20

ᒥᑕᐅᑕᐅᓂᐅᑉ ᐆᒻᒪᑎᒐ ᓯᖁᒥᓯᒪᖕᒪᒍ, ᐅᖁᒤᑦᑐᐊᓗᖕᒦᓕᕐᐳᖓ. ᓇᒡᓕᒋᔨᒃᓴᓐᓂᒃ ᕿᓂᕋᓗᐊᕋᒪ, ᐱᑕᖃᓚᐅᓐᖏᓚᖅ; ᒪᓂᒍᕐᑎᒃᓴᓐᓂᒡᓗ, ᓇᓂᓯᓚᐅᖏᓐᓂᕗᖓ.

ᐃᓐᖏᕈᑎᑦ 69:9

ᐃᒡᓗᖕᓂᒃ ᑲᔪᖏᕈᑎᖃᕐᓂᕐᒧᑦ ᑕᖃᑎᑕᐅᕗᖓ, ᐃᓕᖕᓂᒃ ᐅᖃᕐᓂᕐᓘᑎᖃᕐᑐᑦ ᐅᖃᕐᓂᕐᓗᖕᓂᖏᑕ ᑐᕝᕕᒋᕚᖓ.

ᒫᑎᐅᓯᐅᑉ ᐊᒡᓚᖏᑦ 10:25

ᑍᒤᒻᒪᑦ, ᐃᓕᓐᓂᐊᕐᑎ ᐃᓕᓐᓂᐊᕐᑎᑦᓯᔨᒥᑐᑦ ᑍᒤᓕᕈᓂ ᑕᕝᕙ ᓈᒻᒪᒃᓯᕗᖅ, ᐱᔨᓗ ᐊᖓᔪᖅᑳᖃᕐᑐᖅ ᑍᒫᑦᓮᓐᓇᖅ ᐊᖓᔪᖅᑳᒥᑑᓕᕈᓂ ᑕᕝᕙ ᓈᒻᒪᒃᓯᕗᖅ. ᐃᓚᒌᒃᑐᑦ ᐊᖓᔪᖅᑳᖓᑦ ᐱᐅᓪᓯᐹᐱᒥᒃ ᑍᔭᐅᖃᑦᑕᕐᓯᒪᒃᐸᑦ, ᑕᕝᕙ ᓇᖕᒥᓂᖏᑦ ᐊᑎᖃᕐᑎᑕᐅᓂᐊᕐᐳᑦ, ᐱᐅᖏᓐᓂᕐᓴᐅᒃᑲᓐᓂᕐᑐᒥᒃ!”

ᒫᑎᐅᓯᐅᑉ ᐊᒡᓚᖏᑦ 26:39

ᑕᐅᕗᓐᖓᒃᑲᓐᓂᑐᐃᓐᓇᕐᖢᓂ ᒪᓂᖅᑲᒧᑦ ᐹᒻᒪᒃᓗᓂ ᑐᒃᓯᐊᕐᐳᖅ, “ᐊᑖᑖᒃ, ᐊᔪᕐᓇᖏᑉᐸᑦ, ᐅᓇ ᐃᒥᐅᑦ ᐅᕙᓐᓂᑦ ᐲᓚᐅᕈᒃ! ᐱᔪᒪᔭᕋᐅᖏᑦᑐᕐᓕ, ᐱᔪᒪᔧᓪᓕ ᐊᑐᕐᓕ.”

ᒫᑎᐅᓯᐅᑉ ᐊᒡᓚᖏᑦ 26:42

ᓱᓕ ᐂᑉᐸᖓᓂᒃ, ᔩᓱᓯ ᑐᒃᓯᐊᕆᐊᕐᑐᒃᑲᓐᓂᕐᐳᖅ ᐅᖃᕐᓗᓂ, “ᐊᑖᑖᒃ, ᐅᓇ ᐃᒥᐅᑦ ᐅᕙᓐᓂᑦ ᐲᕈᓐᓇᖏᑉᐸᑦ ᐃᒥᕐᓗᒍ ᑭᓯᐊᓂᐅᒃᐸᑦ, ᐱᔪᒪᔧᑦ ᐊᑐᕐᓕ.”

ᒫᑎᐅᓯᐅᑉ ᐊᒡᓚᖏᑦ 27:44

ᑖᒃᑯᐊᒃᑕᐅᖅ ᐱᕋᔭᒃᑏᒃ ᑭᑭᐊᒃᑐᕐᑕᐅᖃᑎᒋᓯᒪᔭᖏᒃᑕ ᑍᒫᑦᓮᓐᓇᖅ ᐅᖃᕐᓂᕐᓘᑎᒋᒋᕚᒃ.

ᔪᐊᓇᓯᐅᑉ ᐊᒡᓚᖏᑦ 15:10

ᐱᖁᔭᒃᑲ ᒪᓕᒃᑯᑦᓯᒋᑦ, ᓇᒡᓕᓐᓂᓐᓃᑦᓮᓐᓇᕐᓂᐊᕐᐳᓯ; ᐊᑖᑕᒪᑦᑕᐅᖅ ᐱᖁᔭᖏᑦ ᒪᓕᓚᐅᕋᒃᑭᑦ, ᓇᒡᓕᖕᓂᖓᓃᑦᓮᓐᓇᕐᓗᖓᓗ.

ᔪᐊᓇᓯᐅᑉ ᐊᒡᓚᖏᑦ 15:24

ᐱᓂᐊᕐᓂᖃᓚᐅᖏᒃᑯᒪ ᐱᓂᐊᕐᓂᕆᔭᐅᓚᐅᕐᓯᒪᖏᑦᑐᒥᒃ ᑖᒃᑯᓄᖓ, ᐊᔪᕐᓂᖃᕋᔭᓐᖏᓚᑦ; ᒫᓐᓇᓕ ᑕᑯᓯᒪᕗᑦ ᐊᑖᑕᒐᓗ ᑕᒪᓐᓄᒃ ᐆᒥᒋᕚᑎᒃᑯᒃ.

ᔪᐊᓇᓯᐅᑉ ᐊᒡᓚᖏᑦ 4:34

ᔩᓱᓯᐅᑉ ᐅᖃᐅᑎᕔᑦ, “ᓂᕆᔭᒃᓴᒃᑲ ᑕᕝᕙ ᑎᓕᔨᒪ ᐱᔪᒪᔭᖓᓂᒃ ᓈᓚᒡᓗᖓ, ᐱᓇᓱᐊᕐᑕᐅᖁᓯᒪᔭᖓᓗ ᐱᔭᕇᕐᓗᒍ.

ᔪᐊᓇᓯᐅᑉ ᐊᒡᓚᖏᑦ 5:30

“ᐅᕙᓐᓃᓐᓇᖅ ᐱᔪᓐᓇᕐᓂᓐᓄᑦ ᓱᓇᒥᒡᓘᓐᓃᑦ ᐱᓇᓱᐊᕈᓐᓇᓐᖏᓚᖓ; ᒎᑎᒥᑦ ᑐᓴᕐᑕᒃᑲ ᒪᓕᒃᓗᒋᑦ ᐃᖅᑲᕐᑐᐃᕗᖓ; ᑍᒤᒻᒪᑦ ᐃᖅᑲᕐᑐᐃᓂᕋ ᐊᑦᔨᒌᒃᑎᑦᓯᕗᖅ, ᓇᖕᒥᓂᖅ ᐱᔪᒪᔭᓐᓂᒃ ᐱᓇᓱᐊᖏᓐᓇᒪ ᑎᓕᔨᒪᓕ ᐱᔪᒪᔭᖓᓂᒃ ᐱᓇᓱᐊᕐᐳᖓ.

ᔪᐊᓇᓯᐅᑉ ᐊᒡᓚᖏᑦ 6:38

ᕿᓚᖕᒥᑦ ᑎᑭᓚᐅᕋᒪ, ᐱᔪᒪᔭᓐᓂᒃ ᐱᓇᓱᐊᕆᐊᕐᑐᕐᓇᖓ, ᑖᑦᓱᒪᓕ ᑎᓕᔨᒪ ᐱᔪᒪᔭᖓᓂᒃ ᐱᓇᓱᐊᕆᐊᕐᑐᕐᓗᖓ.

ᔪᐊᓇᓯᐅᑉ ᐊᒡᓚᖏᑦ 8:29

ᑎᓕᔨᒪᓗ ᐃᓚᒋᕚᖓ; ᐃᓄᑑᑎᓐᖏᓛᖓ, ᑖᑦᓱᒪ ᖁᕕᐊᒋᔭᖓᓂᒃ ᐱᓇᓱᐊᑦᓮᓐᓇᕋᒪ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:9

ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᖃᐅᔨᒪᒐᑦᓯᐅᒃ, ᐊᔪᕐᓴᖏᒃᑲᓗᐊᕐᓗᓂ, ᐊᔪᓴᑑᓕᓚᐅᕐᒪᑦ ᐱᑦᔪᑎᒋᓪᓗᓯ, ᐊᔪᕐᓴᓕᕐᓂᖓᓄᑦ ᐊᔪᕐᓴᕈᓃᕐᑎᑕᐅᖁᓪᓗᓯ.

ᐱᓕᐱᒥᐅᓄᑦ 2:5

ᐃᓱᒪᖃᕆᑦᓯ, ᔩᓱᓯ ᙭ᔅᑑᓯᐅᑉ ᐃᓱᒪᖃᕐᓂᖓᑐᑦ.

ᐱᓕᐱᒥᐅᓄᑦ 2:8

ᐃᒻᒥᓂᒃ ᒥᑭᒡᓕᑎᓚᐅᕐᐳᖅ, ᓈᓚᑦᓯᐊᖏᓐᓇᓚᐅᕐᐳᖅ ᑐᖁᒧᑦ ᐊᒡᓛᑦ ᑎᑭᓪᓗᓂ, ᑐᖁᒧᑦ ᓴᓐᓂᖓᔪᓕᖕᒥ ᐊᒡᓛᑦ.