ᕉᒪᒥᐅᓄᑦ 15:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᒫᓯᑑᓂᐊᒥᐅᑦ ᐊᑬᐊᒥᐅᓪᓗ ᖁᕕᐊᓱᒡᓗᑎᒃ ᑐᓂᓯᔪᒪᓚᐅᕐᒪᑕ ᐊᔪᕐᓴᕐᑐᓄᑦ ᒎᑎᐅᑉ ᐃᓄᖁᑎᖏᓐᓄᑦ ᔨᕉᓴᓕᒻᒦᑦᑐᓄᑦ.

ᕉᒪᒥᐅᓄᑦ 15:26 Iomraidhean Croise

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:21

ᓯᓚᖅᑲᑎᒥᓂᒃ ᓇᕐᕈᔪᖅ ᐊᔪᕐᑐᓕᕗᖅ, ᐊᒃᓗᔪᓂᒡᓕ ᓂᑲᒍᓱᒃᑐᖅ ᑖᓐᓇ ᖁᕕᐊᓱᒃᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:31

ᐊᒃᓗᔪᓂᒃ ᐅᖁᒤᒃᓴᕐᑎᑦᓯᔪᖅ ᐱᓐᖑᕐᑎᑎᔨᒥᓂᒃ ᐱᐅᒃᓴᓐᖏᓚᖅ, ᐊᒃᓗᔪᓂᒡᓕ ᐱᑦᓯᐊᕐᑐᖅ ᒎᑎᒥᒃ ᐅᐱᒍᓱᖕᓂᖃᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:5

ᐊᒃᓗᔪᓂᒃ ᒥᑕᐅᑎᖃᕐᑐᖅ ᐱᓐᖑᕐᑎᑦᓯᔨᒥᓂᒃ ᓇᕐᕈᓇᕐᑎᑦᓯᕗᖅ, ᐱᓂᕐᓗᖕᓂᐅᔪᓂᒃ ᖁᕕᐊᓲᑎᖃᕐᑐᖅ ᓱᒋᐊᕐᑕᐅᖏᑦᑑᓂᐊᓐᖏᓚᖅ.

ᓴᑲᕅᐊᐅᑉ ᐊᒡᓚᖏᑦ 11:11

ᐅᓪᓗᒥ ᑍᑦᓱᒪᓂ ᓯᖁᒥᓚᐅᕐᐳᖅ, ᓰᐱᓂᒃ ᓂᐅᕕᕐᑐᑦ ᓂᐅᕐᕈᑎᓖᓪᓗ ᐅᕙᓐᓂᒃ ᑕᑯᔪᑦ, ᖃᐅᔨᒪᓚᐅᕐᐳᑦ ᑕᒪᓐᓇ ᐊᑕᓂᐅᑉ ᐅᖃᐅᓯᖓᓂᑦ ᐱᖕᒪᑦ.

ᓴᑲᕅᐊᐅᑉ ᐊᒡᓚᖏᑦ 11:7

ᓰᐱᑦ ᑐᖁᑕᒃᓴᐅᓂᕐᒧᑦ ᓇᓗᓁᒃᑯᓯᕐᓯᒪᔪᑦ ᓂᕆᑎᑦᓱᒪᕙᒃᑲ, ᐱᓗᐊᕐᑐᒥᒃ ᓰᐱᑦ ᓇᕐᕈᓇᕐᓂᖏᑦ ᐊᒡᓛᑦ. ᐊᔭᐅᑉᐱᐊᖕᓂᒃ ᒪᕐᕉᖕᓂᒃ ᑎᒍᓯᓂᐊᕐᐳᖓ; ᐂᑉᐸᖓ ᑍᓗᒍ ᐱᓐᓇᕐᓇᕐᑐᒥᒃ, ᐂᐸᖓᓗ ᑍᓗᒍ ᐊᑕᐅᓯᐅᖃᑎᒌᖕᓂᕐᒥᒃ; ᓰᐱᑦ ᓂᕆᑎᓚᐅᕋᒃᑭᑦ.

ᒫᑎᐅᓯᐅᑉ ᐊᒡᓚᖏᑦ 25:40

ᑕᕝᕙ ᐊᖓᔪᖅᑳᕐᔪᐊᑉ ᑭᐅᔪᒫᕐᐰᑦ, ‘ᓱᓕᔪᒥᒃ ᐅᖃᐅᑎᕙᑦᓯ, ᖃᑕᓐᖑᑎᒪ ᒥᑭᓐᓂᕐᐹᕆᔭᖏᓐᓄᑦ ᐱᓇᓱᐊᕐᕕᖃᕌᖓᑦᓯ, ᑕᒪᑐᒥᖓ ᐱᓇᓱᐊᕐᕕᒋᓚᐅᕐᐸᑦᓯᓐᖓ!’

ᒫᑎᐅᓯᐅᑉ ᐊᒡᓚᖏᑦ 26:11

ᑍᒪᓐᖓᓕᒫᖅ ᐊᔪᕐᓴᕐᑐᓂᒃ ᓇᔪᕐᑎᕾᓐᓇᕐᓂᐊᕐᐳᓯ, ᑭᓯᐊᓂᓕ ᐅᕙᓐᓂᒃ ᓇᔪᕐᑎᕾᓐᓇᕐᓂᐊᓐᖏᓚᓯ.

ᓘᑲᓯᐅᑉ ᐊᒡᓚᖏᑦ 14:13

ᓂᕆᔭᕐᑐᖁᔨᒍᕕᓪᓕ, ᐊᔪᕐᓴᕐᑐᑦ ᕾᖁᒃᑭᑦ, ᐃᓚᑯᓐᖑᕐᓯᒪᔪᑦ, ᓄᕿᖃᑦᑎᐊᖏᑦᑐᑦ, ᑕᐅᑐᖏᑦᑐᓪᓗ;

ᓘᑲᓯᐅᑉ ᐊᒡᓚᖏᑦ 6:20

ᔩᓱᓯᐅᑉ ᐃᓕᓐᓂᐊᕐᑎᓂ ᑕᑯᓴᕐᓗᒋᑦ ᐅᖃᐅᑎᕔᑦ: “ᓮᒪᕐᑎᑕᐅᓇᕐᑐᒦᑉᐳᓯ ᐊᔪᕐᓴᕐᑐᓯ; ᒎᑎᐅᑉ ᐊᑕᓂᐅᕕᖓ ᐱᒋᓕᕋᑦᓯᐅᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 16:12

ᑕᕝᕙᓐᖓᑦ ᐱᓕᐰᒧᐊᕐᐳᒍᑦ, ᑖᓐᓇ ᒫᓯᑑᓂᐊᒥᐅᓂ ᓄᓇᓕᖕᓂᑦ ᐊᖏᓂᕐᐹᖑᔪᖅ, ᕉᒪᒥᐅᓄᑦ ᓄᓇᖁᑎᒋᔭᐅᓪᓗᓂ. ᐅᓪᓗᓂᒃ ᐊᒥᓱᓂᒃ ᑕᕝᕙᓃᑉᐳᒍᑦ;

ᐋᐴᓯᑕᓖᑦ ᐱᓂᐊᕐᓂᖏᑦ 16:9

ᐅᓐᓄᐊᖑᓕᕐᑎᓪᓗᒍ ᐸᐅᓗᓯ ᑕᑯᑎᑕᐅᕗᖅ; ᐊᖑᒻᒥᒃ ᒫᓯᑑᓂᐊᒥᐅᑕᕐᒥᒃ ᓴᓂᒥᓂ ᓇᖏᕐᑐᒥᒃ ᕿᓄᕕᒋᓪᓗᒍ ᐅᖃᕐᑐᒥᒃ, “ᒫᓯᑑᓂᐊᒧᑦ ᕾᒋᑦᓯ ᐃᑲᔪᕆᐊᕐᓗᑕ.”

ᐋᐴᓯᑕᓖᑦ ᐱᓂᐊᕐᓂᖏᑦ 18:12

ᒑᓕᐅ ᐊᖓᔪᖅᑳᓐᖑᕐᑎᑕᐅᖕᒪᑦ ᐊᑬᐊᒥ, ᔫᑎᑦ ᑕᐱᕇᓕᓗᑎᒃ ᐸᐅᓗᓯ ᑎᒍᕚᑦ ᐃᖅᑲᕐᑐᐃᕕᖕᒧᓪᓗ ᐱᑎᑉᐹᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 19:21

ᑕᒪᒃᑯᐊ ᐱᓚᐅᕐᑎᓪᓗᒋᑦ, ᐸᐅᓗᓯ ᐊᓂᕐᓂᒃᑯᑦ ᐃᓱᒪᑖᕐᐳᖅ ᒫᓯᑑᓂᐊᒃᑰᕐᓗᓂ ᐊᑬᐊᒃᑯᓪᓗ ᔨᕉᓴᓕᒻᒧᐊᕈᒪᓪᓗᓂ, ᐅᖃᕐᐳᖅ, “ᑍᑲᓃᓚᐅᕐᓗᖓ, ᕉᒪᒧᐊᕆᐊᖃᕆᕗᖓ.”

ᐋᐴᓯᑕᓖᑦ ᐱᓂᐊᕐᓂᖏᑦ 9:13

ᐊᓇᓁᐊᓯ ᑭᐅᕗᖅ, “ᐊᑕᓃᖅ, ᑖᑦᓱᒥᖓ ᑐᓴᐅᒪᒐᒪ ᐃᓄᖕᓂᑦ ᐅᓄᕐᑐᓂᑦ, ᑖᓐᓇ ᐃᓄᖁᑎᖕᓄᑦ ᔨᕉᓴᓕᒻᒥ ᐊᖏᔪᐊᓗᖕᒥᒃ ᐱᐅᖏᑦᑐᓂᒃ ᐱᓇᓱᐊᖃᑕᕐᓯᒪᓂᖓᓂᒃ;

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:15

ᐅᒃᐱᕐᑑᖃᑎᒃᑲ, ᖃᐅᔨᒪᒐᑦᓯ ᓯᑎᐹᓇᓯᒃᑯᑦ ᐃᒡᓗᒥᐅᖃᑎᒌᑦ ᐊᑬᐊᒥ ᓵᒋᐊᕐᓗᑎᒃ ᓯᕗᓪᓕᕐᐹᖑᓚᐅᕐᒪᑕ, ᐃᒻᒥᖕᓂᒡᓗ ᑐᓂᓯᒪᕗᑦ ᒎᑎᐅᑉ ᐃᓄᖁᑎᖏᓐᓂᒃ ᐃᑲᔪᕈᒪᓪᓗᑎᒃ;

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:5

ᒫᓯᑑᓂᐊᒥᓐᖔᕐᓗᖓ ᐃᓕᑦᓯᓐᓄᐊᓛᕐᐳᖓ, ᒫᓯᑑᓂᐊᒃᑯᑦ ᐊᖅᑯᓵᕈᒪᓪᓗᖓ ᐃᓱᒪᓯᒪᒐᒪ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:16

ᐊᖅᑯᓵᕈᒪᓚᐅᕋᓗᐊᕐᐸᑦᓯ ᒫᓯᑑᓂᐊᒧᐊᓕᕐᓗᖓ, ᐊᒻᒪᓗ ᒫᓯᑑᓂᐊᒥᑦ ᐅᑎᓕᕈᒪ ᐃᓕᑦᓯᓐᓄᐊᕈᒪᓪᓗᖓ ᐃᓱᒪᖃᓚᐅᕋᓗᐊᕐᐳᖓ, ᐃᓕᑦᓯᓐᓄᑦ ᐃᑲᔪᕐᑕᐅᔪᒪᓪᓗᖓ ᔫᑎᐊᒧᑦ ᐊᐅᓪᓚᓕᕈᒪ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:9

ᐃᓕᑦᓯᓐᓃᑎᓪᓗᖓᓗ ᑮᓇᐅᔭᒥᒃ ᐱᔭᕆᐊᖃᓕᕌᖓᒪ, ᐃᓕᑦᓯᓐᓄᑦ ᓇᓕᑦᓯᓐᓄᑦ ᐃᑲᔪᕐᑕᐅᔪᒪᓗᖓ ᐅᖃᓚᐅᓐᖏᓚᖓ, ᐅᒃᐱᕐᑑᖃᑎᒌᓪᓕ ᒫᓯᑑᓂᐊᒥᑦ ᐱᓯᒪᔪᑦ ᐱᔭᕆᐊᖃᕐᑕᓐᓂᒃ ᐅᕙᓐᓄᑦ ᑐᓂᓯᓚᐅᕐᐳᑦ. ᐃᓕᑦᓯᓐᓂᒃ ᐅᖁᒤᒃᓴᕐᑎᑦᓯᔪᒪᖏᓐᓇᒪ ᑕᒤᑎᒍᑦ; ᓱᓕᓗ ᑕᒪᑐᒪ ᑭᖑᓂᖓᒍᑦ ᐅᖁᒤᑦᔪᑕᐅᔪᒪᖏᓐᓂᕗᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:13

ᑕᕝᕙᓃᑎᓪᓗᖓᓕ ᐱᖏᒐᒻᒪᕆᓕᓚᐅᕐᐳᖓ ᖃᑕᓐᖑᑎᒐ ᑍᑑᓯ ᓇᓂᔪᓐᓇᓚᐅᖏᓐᓇᒃᑯ. ᑍᒤᒻᒪᑦ ᑕᕝᕙᓃᑦᑐᑦ ᕿᒪᒡᓗᒋᑦ ᒫᓯᑑᓂᐊᒧᑦ ᐊᐅᓪᓚᓚᐅᕐᐳᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:5

ᒫᓯᑑᓂᐊᒧᓪᓕ ᑎᑭᓐᓇᑦᑕ, ᑎᒥᕗᑦ ᐃᓂᓪᓚᖓᔪᓐᓇᓚᐅᓐᖏᓚᖅ, ᐅᖁᒤᒃᓴᕐᓇᕐᑐᓄᑦ ᐊᕙᓗᔭᐅᓯᒪᓚᐅᕋᑦᑕ ᓯᓚᑎᑦᑎᒍᑦ, ᐂᕙᔭᕆᐊᖃᖃᑦᑕᕐᓗᑕ ᐃᓗᑦᑎᒍᑦ ᓯᕘᕋᓂᖃᕐᓗᑕ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 9:12

ᐃᑲᔪᕐᓂᑦᓯᓐᓄᑦ ᑕᒪᑐᒧᖓ ᐃᑦᔪᕐᓁᑦᑐᑦ ᐱᔭᕆᐊᖃᕐᓂᖏᓐᓂᒃ ᐃᑲᔪᑐᐃᓐᓇᓐᖏᓚᓯ ᐊᒥᓱᓄᓪᓕ ᐊᖏᔪᒥᒃ ᖁᔭᓕᑦᔪᑕᐅᕗᓯ ᒎᑎᒧᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 9:2

ᖃᐅᔨᒪᒐᒪ ᐅᐸᓗᖕᒊᕐᓯᒪᓂᑦᓯᓐᓂᒃ, ᐅᐱᒍᓱᖕᓂᕋᓚᐅᕋᒪ ᐃᓕᑦᓯᓐᓂᒃ ᒫᓯᑑᓂᐊᒥᐅᓄᑦ ᐅᓐᓂᕐᓯᐅᑎᒋᓪᓗᓯ, ᐅᖃᐅᑎᓚᐅᕐᐸᒃᑲ ᐊᕐᕌᓂᓂᑦ ᐊᑬᐊᒥᐅᖑᔪᓯ ᑐᓂᓯᔪᒪᓂᕋᕐᓗᓯ; ᑕᒪᓐᓇ ᒫᓯᑑᓂᐊᒥᐅᓂᒃ ᐊᐅᓚᑦᔧᓯᒪᕗᖅ ᑲᔪᖏᕐᓴᕐᑕᐅᓪᓗᑎᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 9:4

ᑕᕝᕙᓕ ᒫᓯᑑᓂᐊᒥᐅᒥᒃ ᐃᓚᖃᕐᓗᖓ ᐃᓕᑦᓯᓐᓄᑦ ᑎᑭᒃᑯᒪ ᐅᐸᓗᖕᒊᕐᓯᒪᖏᑦᑐᓯ ᖃᐅᔨᔭᐅᒍᑦᓯ, ᑲᓐᖑᓱᒃᑎᑕᐅᒐᔭᕐᐳᒍᑦ ᐃᓕᑦᓯᓐᓂᒃ ᖁᓚᖏᑦᔪᑎᖃᓗᐊᓚᐅᕐᓂᑦᑎᓐᓄᑦ.

ᐱᓕᐱᒥᐅᓄᑦ 4:15

ᐃᓕᑦᓯ ᐱᓕᐱᒥᐅᖑᔪᓯ ᓇᖕᒥᓂᖅ ᖃᐅᔨᒪᑦᓯᐊᕐᐳᓯ ᐅᖃᐅᓰᑦ ᑐᓴᕈᒥᓇᕐᑐᑦ ᐅᖃᐅᓯᐅᓕᓵᕐᑎᓪᓗᒋᑦ, ᒫᓯᑑᓂᐊᒥᑦ ᐊᐅᓪᓚᓚᐅᕋᒪ, ᐅᒃᐱᕐᑑᖃᑎᒌᓂᑦ ᐃᑲᔪᕐᑐᑐᐊᖑᓚᐅᕐᐳᓯ ᐅᕙᓐᓂᒃ; ᑐᓂᓯᓂᑦᓯᒍᑦ ᐃᓚᓕᐅᕐᓯᓂᑦᓯᒍᓪᓗ;

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:7

ᑍᒤᒻᒪᑦ ᒪᓕᒐᒃᓴᐅᓕᕐᐳᓯ ᐅᒃᐱᕐᑑᖃᑎᒌᓕᒫᓄᑦ ᑕᒤᓐᓄᑦ ᒫᓯᑑᓂᐊᒦᑦᑐᓄᑦ ᐊᑬᐊᒦᑦᑐᓄᓪᓗ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:8

ᐊᑕᓂᕐᒥᒡᓕ ᐅᖃᐅᓯᖃᕐᓂᓯ ᑐᓴᐅᒪᔭᐅᓕᕐᐳᖅ ᒫᓯᑑᓂᐊᓕᒫᒥ ᐊᑬᐊᓕᒫᒥᓗ, ᑖᒃᑯᑑᓐᖏᓚᓪᓕ, ᒎᑎᒧᓪᓕᑦᑕᐅᖅ ᐅᒃᐱᕐᓂᑦᓯ ᑕᒤᓐᓄᑦ ᑐᓴᐅᒪᔭᐅᓕᕐᐳᖅ, ᑕᒪᑐᒥᖓᓗ ᐅᖃᒃᑲᓐᓂᕆᐊᖃᓐᖏᓚᒍᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:10

ᐅᒃᐱᕐᑑᖃᑎᓕᒫᕗᓪᓗ ᒫᓯᑑᓂᐊᒦᑦᑐᑦ ᑍᒫᒃ ᐱᓂᐊᕐᕕᒋᑦᓯᐊᓚᐅᕐᐸᓯ, ᓱᓕᓕ ᙭ᔅᑑᓯᒥ ᐅᒃᐱᕐᑑᖃᑎᕗᑦ, ᐃᓇᑦᓯᒃᑲᓐᓂᕐᐳᒍᑦ ᑍᒤᓕᐅᑲᓐᓂᖁᓪᓗᓯ ᓱᓕ.

ᑎᒧᑎᒧᑦ ᓯᕗᓪᓖᑦ 1:3

ᐃᒫᒃ ᐱᖁᓚᐅᕋᒃᑭᑦ ᒫᓯᑑᓂᐊᒧᐊᓕᕐᑎᓪᓗᖓ ᐃᐱᓲᓯᒦᖏᓐᓇᖁᓪᓗᑎᑦ ᐃᓂᕐᑎᕆᖁᓪᓗᑎᑦ ᐃᓄᐃᑦ ᐃᓚᖏᓐᓂᒃ ᐊᔪᕆᕐᓱᐃᑦᔪᑎᒋᕙᑕᑦᑕ ᐊᓯᖏᓐᓂᒃ ᐊᔪᕆᕐᓱᐃᖁᓇᒋᑦ.

ᐰᓕᒨᓂᒧᑦ 1:5

ᑐᓴᕐᑎᑕᐅᓯᒪᒐᒪ ᐃᑦᔪᕐᓁᑎᑕᐅᓯᒪᔪᓕᒫᓄᑦ ᓇᒡᓕᒍᓱᖕᓂᕐᓂᒃ ᐅᒃᐱᕐᓂᓂᒃᓗ ᐊᑕᓂᕐᒧᑦ ᔩᓱᓯᒧᑦ.