ᕉᒪᒥᐅᓄᑦ 14:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᐅᒃᐱᕐᓂᕆᔧᑦ, ᒎᑎᒧᑦ ᐃᓕᖕᓄᓪᓗ ᑭᓯᐊᓂ ᑍᒤᓕᖓᔪᒃᓴᐅᕗᖅ; ᓮᒪᓇᕐᑐᒦᐳᖅ ᐃᓄᒃ ᐸᓯᔭᒃᓴᓐᖑᕐᑎᖏᑦᑐᖅ ᐃᒻᒥᓂᒃ ᓈᒻᒪᒋᔭᒥᒍᑦ.

ᕉᒪᒥᐅᓄᑦ 14:22 Iomraidhean Croise

ᐋᐴᓯᑕᓖᑦ ᐱᓂᐊᕐᓂᖏᑦ 24:16

ᑍᒪᓐᖓᑦ ᐱᓇᓱᐊᕐᐳᖓ ᐃᓱᒪᒃᑯᑦ ᐸᓯᔭᒃᓴᐅᔪᒪᓇᖓ ᒎᑎᒧᑦ, ᐃᓄᖕᓄᓪᓗ.

ᕉᒪᒥᐅᓄᑦ 14:14

ᐊᑕᓂᕐᒥᒃ ᔩᓱᓯᒥᒃ ᐊᑕᐅᓯᐅᖃᑎᖃᕐᓂᓐᓄᑦ ᖁᓚᖏᑦᓯᐊᕐᐳᖓ ᓱᓇᓕᒫᑦ ᐃᒻᒥᓂᒃ ᓴᓗᒤᑦᑑᖏᒻᒪᑕ; ᓴᓗᒤᑦᑑᓇᓱᒋᒃᓯᔪᒧᑦ ᑭᓯᐊᓂ ᓇᓪᓕᐊᓐᓄᑦ ᓴᓗᒤᑦᑑᓕᕐᑎᑕᐅᖕᒪᑕ.

ᕉᒪᒥᐅᓄᑦ 14:2

ᐅᒃᐱᕐᑐᖅ ᓱᓇᑐᐃᓐᓇᕐᒥᒃ ᓂᕆᔪᓐᓇᕋᓗᐊᕐᐳᖅ, ᐅᒃᐱᕐᓂᕐᒥᓕ ᓴᓐᖐᑦᑐᖅ ᐱᕈᕐᑐᕕᓂᕐᓂᒃ ᑭᓯᐊᓂ ᓂᕆᕗᖅ.

ᕉᒪᒥᐅᓄᑦ 14:23

ᐃᓄᒡᓕ ᖁᓚᕐᑐᖅ ᑖᓐᓇ ᐸᓯᔭᒃᓴᓐᖑᕐᐳᖅ ᒎᑎᒧᑦ, ᓂᕆᓂᖓ ᐅᒃᐱᕐᓂᕐᒥᑦ ᐱᖏᒻᒪᑦ; ᓱᓇᑐᐃᓐᓁᑦ ᐅᒃᐱᕐᓂᕐᒥᑦ ᐱᖏᑦᑐᑦ ᐊᔪᕐᓂᐅᕗᑦ.

ᕉᒪᒥᐅᓄᑦ 14:5

ᐃᓅᑉ ᐃᓚᖓᑦᑕ ᐅᓪᓗᐃᑦ ᐃᓚᖏᑦ ᐱᓪᓚᕆᐅᓂᕐᓴᐅᓇᓱᒋᕔᑦ ᐊᓯᖏᓐᓂᑦ; ᐊᓯᐊᑕ ᐅᓪᓗᐃᑦ ᐊᑦᔨᒌᒐᓱᒋᕔᑦ. ᑕᒪᕐᒥᒡᓕ ᐊᑐᓂᑦ ᖁᓚᖏᑦᓯᐊᕐᓗᑎᒃ ᐃᓱᒪᒥᒍᑦ ᑐᓐᖓᕕᖃᕐᑐᒃᓴᐅᕗᑦ.

ᕉᒪᒥᐅᓄᑦ 2:1

ᑍᒤᒻᒪᑦ ᐸᓯᔭᒃᓴᐅᖏᑦᔪᑎᒃᓴᖃᓐᖏᓚᑎᑦ, ᐊᓯᖕᓂᒃ ᐃᖅᑲᕐᑐᐃᔪᑎᑦ; ᐃᖅᑲᕐᑐᐃᑦᔪᑎᒋᔭᕐᓄᑦ ᐃᓕᖕᓂᒃ ᓇᖕᒥᓂᖅ ᐸᓯᔭᒃᓴᓐᖑᕐᑎᑉᐳᑎᑦ, ᐃᖅᑲᕐᑐᐃᑦᔪᑎᒋᔭᕐᓂᒃ ᑍᒫᓪᓗᐊᖅ ᐱᓇᓱᐊᕋᕕᑦ.

ᕉᒪᒥᐅᓄᑦ 7:15

ᐱᓂᐊᕐᓂᒃᑲ ᓇᖕᒥᓂᖅ ᑐᑭᓯᓐᖏᓚᒃᑲ. ᐱᓂᐊᕈᒪᔭᓐᓂᒃ ᐱᕙᖏᓐᓇᒪ, ᐱᐅᒋᓐᖏᑕᓐᓂᒡᓕ ᐱᓂᐊᕐᐸᒃᐳᖓ.

ᕉᒪᒥᐅᓄᑦ 7:24

ᐅᕙᖔᓗ ᖁᕕᐊᓇᖏᑦᑐᒦᑦᑐᖓ! ᑭᐊ ᓴᐳᑎᔪᓐᓇᕐᐹᖔ ᐆᒪᓐᖓᑦ ᑎᒥᒥᑦ ᐅᕙᓐᓂᒃ ᑐᖁᑎᑦᓯᔪᒦᑦ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:7

ᑕᒪᕐᒥᒡᓕ ᑕᒪᑐᒥᖓ ᖃᐅᔨᒪᔪᐃᓐᓇᐅᓐᖏᓚᑦ. ᐃᓚᖏᑦ ᓱᓕ ᒎᑎᓐᖑᐊᖃᓕᒪᖕᒪᑕ ᓂᕿᒥᒡᓗ ᑍᒤᑦᑐᓄᑦ ᑐᓂᕐᕈᑕᐅᓇᓱᒋᔭᒥᖕᓂᒃ ᓂᕆᕙᖕᒪᑕ, ᐃᓱᒪᖏᓪᓗ ᓴᓐᖐᑦᑑᖕᒪᑕ, ᓇᕐᕈᓇᕐᑎᑕᐅᓇᓱᒋᕗᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:12

ᐅᕙᑦᑎᓐᓂᒃ ᑕᕝᕙ ᖁᕕᐊᓲᑎᒋᔭᕗᑦ, ᐃᒃᐱᒋᔭᑦᑎᒍᑦ ᓄᓇᒥ ᐃᓅᑎᓪᓗᑕ ᐃᓕᑦᓯᓐᓂᒃ ᐃᓚᖃᕐᓂᕗᑦ, ᐊᐅᓚᑕᐅᓯᒪᖕᒪᑦ ᒎᑎᐅᑉ ᐃᑦᔪᕐᓁᑎᑦᓯᓂᖓᓄᑦ ᓇᓛᒎᕐᓂᖓᒍᓪᓗ, ᓯᓚᕐᔪᐊᕐᒥᐅᑦ ᓯᓚᑐᓂᖓᓅᖏᑦᑐᖅ ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ.

ᒐᓔᑎᐊᒥᐅᓄᑦ 6:1

ᐅᒃᐱᕐᑑᖃᑎᒃᑲ, ᑕᒻᒪᕐᓂᕐᒧᑦ ᓵᓚᐅᔪᖃᕐᐸᑦ, ᐅᒃᐱᕐᓂᖃᑦᓯᐊᕐᑐᓯᒍᑦ ᐋᖅᑭᓱᒐᒃᓴᕆᕙᓯ ᐊᓂᕐᓂᒃᑯᑦ ᓂᖃᒋᓗᒍ ᓱᐊᖓᑐᐃᓐᓇᖏᓪᓗᒍ. ᓇᖕᒥᓂᕐᓗ ᖃᐅᔨᓴᑦᓯᐊᕐᓗᑎᑦ, ᐱᐅᓐᖏᑐᒧᑦ ᐱᔪᒥᓵᕐᑕᐅᓕᖁᓇᑎᑦᑕᐅᖅ ᑍᒤᑦᑐᒧᑦ.

ᔧᒥᓯᐅᑉ ᐊᒡᓚᖏᑦ 3:13

ᑭᓇ ᓇᓪᓕᓯᓂ ᓯᓚᑐᓪᓗᓂᓗ ᑐᑭᓯᐊᕙ? ᑕᕝᕙ ᐱᓇᓱᐊᑦᓯᐊᕐᓂᕐᒥᒍᑦ ᓴᖅᑭᑎᑦᓯᔪᒃᓴᐅᕗᖅ ᐃᓅᓯᐊᕐᓂᕐᒥᒃ ᐱᐅᔪᕆᖏᓐᓂᕐᒥᒃ ᓯᓚᑐᓂᕐᒥᒡᓗ.

ᔪᐊᓇᓯ ᓯᕗᓪᓖᑦ 3:21

ᓇᒡᓕᒋᔭᒃᑲ, ᐆᒻᒪᑎᑦᑎᒍᑦ ᐃᖅᑲᕐᑐᕐᑕᐅᖏᒃᑯᑦᑕ, ᑕᕝᕙ ᖁᓚᖏᑦᔪᑎᒃᓴᖃᕐᐳᒍᑦ ᒎᑎᐅᑉ ᓵᖓᓂ.