ᕉᒪᒥᐅᓄᑦ 14:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐅᒃᐱᕐᑐᖅ ᓱᓇᑐᐃᓐᓇᕐᒥᒃ ᓂᕆᔪᓐᓇᕋᓗᐊᕐᐳᖅ, ᐅᒃᐱᕐᓂᕐᒥᓕ ᓴᓐᖐᑦᑐᖅ ᐱᕈᕐᑐᕕᓂᕐᓂᒃ ᑭᓯᐊᓂ ᓂᕆᕗᖅ.

ᕉᒪᒥᐅᓄᑦ 14:2 Iomraidhean Croise

ᒨᓯᓯ ᓯᕗᓪᓖᑦ 1:29

ᒎᑎᓗ ᐅᖃᕆᕗᖅ, “ᑕᑯᒋᑦ, ᑐᓂᓯᕕᒋᕙᑦᓯ ᖃᓄᐃᑦᑐᑐᐃᓐᓇᕐᓂᒃ ᐱᕈᕐᑐᓂᒃ ᑕᒤᓐᓂᒃ ᐱᕈᕐᓯᐊᒃᓴᓕᐅᕐᑐᓂᒃ ᓄᓇᕐᔪᐊᕐᒥ, ᓇᐹᕐᑐᓂᒡᓗ ᑕᒤᓐᓂᒃ ᐱᕈᕐᓯᐊᒃᓴᓕᖕᓂᒃ ᐸᐅᕐᖓᒥᖕᓂᒃ; ᑕᒪᒃᑯᓂᖓ ᓂᕿᒃᓴᖃᖁᓪᓗᓯ.

ᒨᓯᓯ ᓯᕗᓪᓖᑦ 9:3

ᐊᐅᓚᔪᓐᓇᕐᑐᓕᒫᑦ ᐆᒪᔪᑦ ᓂᕿᒃᓴᕆᓂᐊᕐᐸᓯ; ᐱᕈᕐᑐᓪᓗ ᑐᖑᔪᕐᑍᑦ ᑐᓂᒋᕙᒃᑲ, ᑐᓂᓯᕕᒋᕙᑦᓯ ᑕᒤᓐᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:17

ᓇᒡᓕᒃᑎᒌᖕᓂᖃᕐᓗᓂ ᐱᕈᕐᑐᕕᓂᕐᓂᒃ ᐅᓐᓄᒍᒻᒥᑖᖃᕐᓂᖅ ᐱᐅᓂᕐᓴᐅᕗᖅ, ᖁᐃᓂᔪᒥᒃ ᐆᒪᔪᕕᓂᕐᒥᒃ ᓂᕆᔭᒃᓴᖃᕐᓂᕐᒥᑦ ᐆᒥᓲᑎᓂᕐᑕᓕᖕᒥ.

ᑖᓂᐊᓕᐅᑉ ᐊᒡᓚᖏᑦ 1:12

“ᐱᔨᑎᑦ ᐆᒃᑐᓚᐅᒃᑭᑦ ᐅᓪᓗᓂᒃ ᖁᓕᓂᒃ: ᐱᕈᕐᑐᕕᓂᑐᐃᓐᓇᓂᒃ ᓂᕿᖃᑎᓚᐅᕐᑎᒍᑦ ᐃᒥᑐᐃᓐᓇᕐᒥᒡᓗ ᐃᒥᖃᕐᑎᓪᓗᑕ.

ᑖᓂᐊᓕᐅᑉ ᐊᒡᓚᖏᑦ 1:16

ᑲᒪᔨᐅᓪᓗ, ᐊᖓᔪᖅᑳᕐᔪᐊᑉ ᓂᕿᒋᖁᔭᖏᑦ ᓂᕿᑦᓯᐊᕔᑦ ᕔᓃᓪᓗ, ᐲᕐᐰᑦ ᑖᒃᑯᐊ ᐱᔭᕆᐊᖃᕐᑕᖏᓐᓂᑦ ᐱᕈᕐᑐᕕᓂᕐᓂᒃ ᓂᕿᖃᓕᕐᓗᑎᒃ.

ᕉᒪᒥᐅᓄᑦ 14:1

ᐅᒃᐱᕐᓂᕐᒥ ᓴᓐᖐᑦᑐᖅ ᑐᓐᖓᓱᒃᑎᓯᐅᒃ, ᐃᖅᑲᕐᑐᖏᓪᓗᒍ ᐂᕙᖃᑎᒋᓇᓱᐊᕐᓇᒍᓗ ᐃᓱᒪᒋᔭᖏᓐᓂᒃ.

ᕉᒪᒥᐅᓄᑦ 14:14

ᐊᑕᓂᕐᒥᒃ ᔩᓱᓯᒥᒃ ᐊᑕᐅᓯᐅᖃᑎᖃᕐᓂᓐᓄᑦ ᖁᓚᖏᑦᓯᐊᕐᐳᖓ ᓱᓇᓕᒫᑦ ᐃᒻᒥᓂᒃ ᓴᓗᒤᑦᑑᖏᒻᒪᑕ; ᓴᓗᒤᑦᑑᓇᓱᒋᒃᓯᔪᒧᑦ ᑭᓯᐊᓂ ᓇᓪᓕᐊᓐᓄᑦ ᓴᓗᒤᑦᑑᓕᕐᑎᑕᐅᖕᒪᑕ.

ᕉᒪᒥᐅᓄᑦ 14:20

ᑍᒤᒻᒪᑦ, ᓂᖀᑦ ᐱᑦᔪᑎᒋᓗᒋᑦ, ᒎᑎᐅᑉ ᐱᓇᓱᐊᕐᓂᖓ ᐊᓯᕈᕐᓂᐊᕋᓯᐅᒃ. ᓂᕿᓕᒫᑦ ᓴᓗᒤᑦᑑᖏᒻᒪᑕ, ᑭᓯᐊᓂᓕ ᑕᒻᒪᕐᓂᐅᕗᖅ ᐃᓄᒃ ᓂᕆᒃᐸᑦ ᐊᓯᐊᑕ ᐊᔪᕐᑐᓕᑦᔪᑎᒋᓂᐊᕐᑕᖓᓂᒃ;

ᕉᒪᒥᐅᓄᑦ 15:1

ᐅᕙᒍᑦ ᐅᒃᐱᕐᓂᕐᒥ ᓴᓐᖏᓂᕐᓴᐅᔪᒍᑦ ᕿᓄᐃᓵᕐᑐᒃᓴᐅᕗᒍᑦ ᓴᓐᖐᓐᓂᕐᓴᐅᔪᑦ ᐊᔪᓕᕐᓯᒪᑦᔪᑎᖃᕐᐸᑕ, ᐅᕙᑦᑎᓐᓂᑐᐊᖅ ᐃᓱᒪᒋᓇᓱᐊᖏᓪᓗᑕ;

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:25

ᓂᖀᑦ ᓂᐅᕕᐊᒃᓮᑦ ᓂᐅᕕᕐᕕᖕᒦᑦᑐᑦ ᐃᓱᒫᓗᖏᓪᓗᓯ ᓂᕆᔭᒃᓴᕆᕙᓯ ᐊᐱᖅᑯᑎᒋᖏᓪᓗᒋᑦ ᐃᓱᒫᓗᖁᓇᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:9

ᐃᒃᐱᒍᓱᑦᓯᐊᕆᑦᓯᓕ, ᑕᒪᓐᓇ ᕿᓚᒃᓱᕐᑕᐅᓯᒪᖏᓐᓂᖅ ᐱᓂᐊᕐᓂᒃᑯᑦ ᐊᒡᕕᐊᕈᑕᐅᓕᖁᓇᒍ ᐅᒃᐱᕐᓂᕐᒥ ᓴᓐᖐᑦᑐᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:22

ᓴᓐᖐᑦᑐᓂ ᓴᓐᖐᑦᑐᑎᑐᑦ ᑍᒤᑉᐳᖓ, ᓴᓐᖐᑦᑐᑦ ᐱᐅᓕᔭᐅᖁᓪᓗᒋᑦ. ᐃᓄᐃᑦ ᐃᓕᖅᑯᓯᖏᓐᓄᑦ ᑕᒤᓐᓄᑦ ᐃᓅᖃᑕᐅᔪᓐᓇᕋᓱᐊᕐᐳᖓ, ᐊᔪᕐᓇᖏᑉᐸᑦ ᐃᓚᖏᑦ ᐱᐅᓕᔭᐅᔪᓐᓇᕐᓯᖁᓪᓗᒋᑦ ᐱᓇᓱᐊᕐᓂᒃᑯᑦ.

ᒐᓔᑎᐊᒥᐅᓄᑦ 2:12

ᔧᒥᓯᐅᑉ ᑎᓕᓯᒪᔭᖏᑦ ᑎᑭᓚᐅᖏᓐᓂᖏᓐᓂ, ᐲᑦᑐᕉᓯ ᔫᑎᐅᖏᑦᑐᓄᑦ ᓂᕆᖃᑕᐅᖃᑦᑕᓚᐅᕐᒪᑦ. ᑎᑭᒻᒪᑕᓕ ᔫᑎᐅᖏᑦᑐᓄᑦ ᓂᕆᖃᑕᐅᖃᑦᑕᕈᓐᓃᓚᐅᕐᐳᖅ ᑭᐱᔭᐅᓯᒪᔪᑦ ᓯᕘᕋᒋᒐᒥᒋᑦ.

ᑎᒧᑎᒧᑦ ᓯᕗᓪᓖᑦ 4:4

ᒎᑎᐅᑉ ᐱᓐᖑᕐᑎᓯᒪᔭᓐᖏᑦ ᑕᒪᕐᒥᒃ ᐱᐅᖕᒪᑕ, ᓇᕐᕈᒋᔭᒃᓴᐅᓐᖏᓚᑦ ᑐᒃᓯᐊᕐᓂᒃᑯᑦ ᖁᔭᓕᑦᔪᑕᐅᓗᑎᒃ ᑎᒍᔭᐅᒃᐸᑕ;

ᑍᑑᓯᒧᑦ 1:15

ᓱᓇᓕᒫᑦ ᐃᑦᔪᕐᓁᑉᐳᑦ ᐃᒻᒥᖕᓂᒃ ᐃᑦᔪᕐᓁᑎᑦᑐᓄᑦ, ᓇᕐᕈᓇᕐᑐᓕᔪᓄᓪᓕ ᐅᒃᐱᖏᑦᑐᓄᓪᓗ ᓱᓇᓕᒫᑦ ᐃᑦᔪᕐᓁᑦᑐᖃᓐᖏᓚᑦ; ᐃᓱᒪᖏᑦ ᐃᒃᐱᒋᓂᖏᓪᓗ ᓱᒃᑯᑕᐅᓯᒪᖕᒪᑕ.

ᐄᑉᕈᐃᓄᑦ 13:9

ᑕᒻᒪᕐᑎᑕᐅᑦᑍᓕᒋᑦᓯ ᐊᔪᕆᕐᑑᓯᕐᓄᑦ ᖃᓄᐃᑦᑐᑐᐃᓐᓇᕐᓄᑦ ᐊᑦᔨᐅᖏᑦᑐᓄᓪᓗ; ᐱᐅᔪᒻᒪᕆᐅᕗᖅ ᐃᓗᒃᑯᑦ ᓲᖑᑎᑕᐅᓂᕐᒥᒃ ᐱᓯᒪᓗᓂ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ, ᓂᕿᓄᑦ ᐱᓇᓂ, ᓂᕿᓄᑦ ᒪᓕᒐᒃᓴᓂᒃ ᒪᓕᒃᑑᒐᓗᐊᑦ ᐃᑲᔪᕐᑕᐅᓯᒪᖏᒻᒪᑕ.

ᐄᑉᕈᐃᓄᑦ 9:10

ᓂᕿᓄᑦ ᑍᒤᓕᐅᕆᐊᖃᓚᐅᕐᐳᑦ ᐃᒥᒃᓴᒧᓪᓗ ᓱᓇᑐᐃᓐᓇᕐᓂᒡᓗ ᐊᑦᔨᒌᖏᑦᑐᓂᒃ ᓴᓗᒻᒪᕐᑕᐅᑦᔪᑎᒃᓴᒧᑦ ᐱᐅᓯᕆᔭᐅᔪᑦ ᒪᓕᒃᑕᐅᓚᐅᕐᐳᑦ ᓄᑖᖅ ᐋᖅᑭᒋᐊᕐᑕᐅᔪᒫᕐᑐᖅ ᐊᑐᓕᓚᐅᖏᓐᓂᖓᓂ.