ᕉᒪᒥᐅᓄᑦ 14:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᑍᒤᒻᒪᑦ ᐊᒃᓱᕈᕐᓗᑕ ᐱᓇᓱᐊᓚᐅᕐᑕ ᐃᓱᒫᓘᑕᐅᓇᖏᑦᑐᓂᒃ ᑕᓯᐅᕐᓯᓂᕐᒥᒃ ᑕᒤᓐᓄᑦ ᐱᕈᕐᐸᓪᓕᐊᑦᔪᑕᐅᔪᓐᓇᕐᑐᓂᒃ.

ᕉᒪᒥᐅᓄᑦ 14:19 Iomraidhean Croise

ᐃᓐᖏᕈᑎᑦ 133:1

ᑕᑯᒋᑦ, ᐱᐅᔪᐊᓘᕗᖅ ᖁᕕᐊᓇᕐᑐᐊᓘᓪᓗᓂᓗ ᖃᑕᓐᖑᑎᒌᑦ ᑲᑎᖃᑎᒌᒃᑎᓪᓗᒋᑦ ᐊᑕᐅᓯᐅᖃᑎᒌᒃᓗᑎᒃ!

ᐃᓐᖏᕈᑎᑦ 34:14

ᐱᐅᖏᑦᑐᖅ ᕿᒪᒍᒃ, ᐱᐅᔪᒥᒃ ᐱᓇᓱᐊᓕᕆᑦ; ᓮᒪᑦᓯᐊᕐᓂᖅ ᐱᓇᓱᐊᕈᒃ, ᒪᓕᒡᓗᒍᓗ.

ᒫᑎᐅᓯᐅᑉ ᐊᒡᓚᖏᑦ 5:9

ᓮᒪᓇᕐᑐᒦᑉᐳᑦ ᐃᓅᖃᑎᒌᑦᓯᐊᖏᑦᑐᓂᒃ ᐃᓚᒌᑦᓯᐊᓕᕐᑎᑦᓯᔪᑦ; ᒎᑎᐅᑉ ᕿᑐᕐᖓᒥᓂᒃ ᑍᔪᒫᕐᒪᒋᑦ.

ᒫᑯᓯᐅᑉ ᐊᒡᓚᖏᑦ 9:50

“ᑕᕆᐅᖅ ᐱᐅᕗᖅ: ᑭᓯᐊᓂᓕ ᑕᕆᐅᖑᔪᓃᕐᐸᑦ, ᖃᓄᕐᓕ ᑕᕆᐅᓐᒍᕐᑎᑕᐅᒃᑲᓐᓂᕋᔭᕐᐹ? ᑕᕆᐅᓕᒃᑎᑦᑐᑦ ᐱᖃᓐᓇᕇᒋᑦᓯ ᐃᓕᑦᓯᓐᓄᑦ, ᓮᒪᓇᕐᑐᒥᒡᓗ ᐃᓅᓗᓯ ᐃᓕᑦᓯᓐᓄᑦ ᐊᑐᓂᑦ.”

ᕉᒪᒥᐅᓄᑦ 12:18

ᐱᔪᓐᓇᕐᓂᓕᒫᑦᓯᓐᓄᑦ, ᐃᓅᖃᑎᖃᑦᓯᐊᕋᓱᐊᕆᑦᓯ ᐃᓄᓕᒫᓂᒃ.

ᕉᒪᒥᐅᓄᑦ 15:2

ᐃᓘᓐᓇᑕᓕ ᐊᑐᓂᑦ ᐃᓅᖃᑎᑦᑎᓐᓂᒃ ᐃᓱᒪᖃᓕᕐᑕ ᐱᕙᓪᓕᐅᑎᒃᓴᖏᓐᓄᑦ, ᐱᕈᕐᐹᓪᓕᕐᑎᑦᓯᖁᓪᓗᑕ ᐅᒃᐱᕐᓂᕐᒥ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:23

ᐅᖃᕐᑐᖃᕐᐸᒃᐳᖅ, “ᓱᓇᑐᐃᓐᓇᕐᓂᒃ ᐱᔪᓐᓇᕐᑎᑕᐅᕗᒍᑦ,” ᑭᓯᐊᓂᓕ ᓱᓇᑐᐃᓐᓁᑦ ᑕᒪᕐᒥᒃ ᐱᕙᓪᓕᕐᓇᕐᑑᓐᖏᓚᑦ. “ᓱᓇᑐᐃᓐᓇᕐᓂᒃ ᐱᔪᓐᓇᕐᑎᑕᐅᕗᒍᑦ,” ᓱᓇᑐᐃᓐᓁᑦᓕ ᑕᒪᕐᒥᒃ ᐃᑲᔪᕐᑕᐅᓐᓇᓐᖏᓚᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:33

ᐅᕙᖓᑦᑕᐅᖅ ᖁᕕᐊᒋᔭᐅᓇᓱᐊᕋᒪ ᐱᓂᐊᕐᓂᒃᑯᑦ ᑕᒤᑎᒍᑦ, ᐅᕙᖓ ᐱᕙᓪᓕᕈᑎᒃᓴᓐᓄᑑᖏᑦᑐᑦ ᐊᓯᒪᓕ ᐱᕙᓪᓕᕈᑎᒃᓴᖏᓐᓄᑦ, ᐊᒥᓱᑦ ᐱᐅᓕᔭᐅᖁᓪᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:26

ᖃᓄᕐᓕ ᐅᖃᕐᓂᐊᓕᕐᐳᖓ ᐃᓚᒃᑳ? ᑲᑎᖃᑎᒌᒑᖓᑦᓯ ᐃᓚᑦᓯ ᐊᑐᓂᑦ ᐃᓐᖏᕈᑎᒃᓴᖃᕐᐳᑦ, ᐃᓚᖓᑦ ᐊᔪᕆᕐᑐᐃᑦᔪᑎᒃᓴᖃᕐᐳᖅ, ᐃᓚᖓᑦ ᒎᑎᒧᑦ ᑕᑯᑎᑕᐅᓯᒪᕗᖅ, ᐃᓚᖓᑦ ᑐᓴᕐᖓᕐᑕᓄᑦ ᐅᖃᐅᓯᒃᓴᖃᕐᐳᖅ, ᐅᕝᕙᓗ ᐃᓚᖓᑦ ᑐᓴᕐᖓᕐᑕᓄᑦ ᐅᖃᐅᓯᐅᔪᓂᒃ ᑐᑭᓯᓇᕐᓯᑎᑦᓯᑦᔪᑎᒃᓴᖃᕐᐳᖅ. ᑕᒪᒃᑯᐊᓕᒫᓪᓕ ᐊᑐᕐᑕᐅᔪᒃᓴᐅᕗᑦ ᐃᓚᒌᒃᑐᑦ ᐱᕙᓪᓕᕐᑎᑕᐅᑦᔪᑎᒃᓴᖏᓐᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:3

ᒎᑎᐅᓪᓕ ᐅᖃᐅᓯᕆᖁᔭᖏᓐᓂᒃ ᐅᖃᐅᓯᖃᕐᑐᖅ ᐃᓄᖕᓄᑦ ᐅᖃᓪᓚᒃᐳᖅ, ᑖᒃᑯᐊ ᓲᖑᓯᑎᑕᐅᖁᓪᓗᒋᑦ ᐱᕙᓪᓕᕐᑎᑕᐅᖁᓪᓗᒋᓪᓗ ᓮᒻᒪᕐᓴᕐᓗᒋᓪᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:4

ᐅᖃᐅᓯᕐᓄᓪᓕ ᑐᓴᕐᖓᕐᑕᓄᑦ ᐅᖃᓪᓚᒃᑐᖅ ᐃᒻᒥᓂᑐᐊᖅ ᐱᕙᓪᓕᕐᑎᑉᐳᖅ, ᒎᑎᐅᓪᓕ ᐅᖃᐅᓯᕆᖁᔭᖏᓐᓂᒃ ᐅᖃᓪᓚᒃᑐᖅ ᐅᒃᐱᕐᑑᖃᑎᒌᑦ ᐱᕙᓪᓕᕐᑎᑉᐰᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:5

ᑕᒪᑦᓯ ᐅᖃᐅᓯᕐᓄᑦ ᑐᓴᕐᖓᕐᑕᓄᑦ ᐅᖃᕈᓐᓇᖁᕙᑦᓯ, ᑭᓯᐊᓂᓕ ᒎᑎᐅᑉ ᐅᖃᐅᓯᕆᖁᔭᖏᓐᓂᒃ ᐅᖃᓪᓚᖁᓂᕐᓴᕆᕙᑦᓯ. ᒎᑎᐅᑉ ᐅᖃᐅᓯᕆᖁᔭᖏᓐᓂᒃ ᐅᖃᓪᓚᒃᑐᖅ ᐊᑑᑎᖃᕐᓂᕐᓴᐅᖕᒪᑦ ᐅᖃᐅᓯᕐᓄᑦ ᑐᓴᕐᖓᕐᑕᓄᑦ ᐅᖃᓪᓚᒃᑐᒥᑦ, ᑭᓯᐊᓂ ᑐᓴᕐᖓᕐᑕᓄᑦ ᐅᖃᓚᕐᑑᑉ ᐅᖃᐅᓯᕆᔭᖏᑦ ᑐᑭᓯᓇᕐᓯᑎᑕᐅᒃᐸᑕ, ᐅᒃᐱᕐᑑᖃᑎᒌᑦ ᐱᕙᓪᓕᕐᑎᑕᐅᒐᔭᕐᐳᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:15

ᐅᒃᐱᖏᑦᑐᕐᓕ ᐂᑉᐸᒥᓂᒃ ᐊᕕᑦᓯᔪᒪᒃᐸᑦ, ᐊᕕᑦᓯᓕ; ᐅᒃᐱᕐᑐᖅ ᐊᖑᑦ ᐊᕐᓇᕐᓘᓐᓃᑦ ᐂᑉᐸᕇᖕᓂᕐᒧᑦ ᑍᒤᑦᑐᒧᑦ ᕿᓚᒃᓱᕐᓯᒪᓐᖏᓚᖅ. ᒎᑎᐅᓪᓕ ᕾᖁᓯᒪᕚᑎᒍᑦ ᐃᓱᒫᓘᑎᖃᖁᓇᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:1

ᒫᓐᓇᓕ ᓂᖀᑦ ᑐᓂᕐᕈᑕᐅᓯᒪᔪᑦ ᒎᑎᓐᖑᐊᓄᑦ ᐱᑦᔪᑎᒋᓪᓗᒋᑦ. ᖃᐅᔨᒪᕗᒍᑦ ᐅᖃᐅᓯᐅᕙᒃᑐᖅ ᓱᓕᖕᒪᑦ “ᐃᓘᓐᓇᑕ ᖃᐅᔨᒪᑎᑕᐅᓂᕐᒥᒃ ᐱᑎᑕᐅᓯᒪᕗᒍᑦ,” ᐅᓇ “ᖃᐅᔨᒪᑎᑕᐅᓂᖅ,” ᐱᐅᔪᕆᑎᑦᓯᕗᖅ, ᓇᒡᓕᖕᓂᕐᓕ ᐋᖅᑭᒃᓱᐃᕗᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:19

ᐃᓱᒪᖃᕐᐱᓰ ᑍᒪᓐᖓᑦ ᐅᕙᑦᑎᓐᓂᒃ ᐸᓯᔭᒃᓴᐅᔪᓐᓃᕐᑎᓐᓇᓱᐊᕐᑐᑐᑦ ᐱᓇᓱᒋᓪᓗᑕ ᐃᓕᑦᓯᓐᓄᑦ? ᓇᒡᓕᒋᔭᒃᑳ, ᐅᖃᓪᓚᓚᐅᕐᐳᒍᓪᓕ ᒎᑎᐅᑉ ᓵᖓᓂ ᙭ᔅᑑᓯᒥ, ᖃᓄᐃᓕᐅᕐᓂᕗᓪᓗ ᑕᒪᕐᒥᒃ ᐱᓇᓱᐊᕐᐸᕗᑦ ᐱᕙᓪᓕᐊᑎᑕᐅᖁᓪᓗᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 13:11

ᒫᓐᓇᓕ ᙭ᔅᑑᓯᒥᐅᑕᐅᑎᒃᑲ ᑕᕝᕙᐅᕗᓯ. ᐃᓅᓯᓯ ᐋᖅᑭᒃᓱᕐᓯᐅᒃ, ᐱᖁᔨᓂᒃᑲ ᓈᓚᒃᓯᒋᒃ, ᐃᓱᒪᖃᖃᑎᒌᒋᑦᓯ ᐊᑭᕋᕐᑑᑎᖏᓪᓗᓯ, ᒎᑎᐅᓪᓗ ᓇᒡᓕᖕᓂᖓᑕ ᓮᒻᒪᕐᑎᑦᓯᓂᖓᑕᓗ ᐃᓚᒋᓂᐊᕐᐹᓯ.

ᐃᐱᓯᒥᐅᓄᑦ 4:12

ᐃᑦᔪᕐᓁᑎᑕᐅᓯᒪᔪᑦ ᐱᓇᓱᐊᕈᑎᒃᓴᒥᖕᓂᒃ ᐊᔪᕐᓴᖏᓪᓗᑎᒃ ᐱᔨᑦᓯᕈᓐᓇᖁᓪᓗᒋᑦ, ᙭ᔅᑑᓯᐅᑉ ᑎᒥᖓ ᐋᖅᑭᒃᑕᐅᕙᓪᓕᐊᖁᓪᓗᒍ.

ᐃᐱᓯᒥᐅᓄᑦ 4:29

ᐅᖃᐅᓯᕐᓘᑎᓂᒃ ᐋᓐᓂᕐᓇᕐᑐᓂᒃ ᐅᖃᖃᑦᑕᕈᓁᕆᑦᓯ, ᐃᑲᔪᕐᑐᓂᒡᓕ ᐱᕙᓪᓕᕐᓇᕐᑐᓂᒃ ᐅᖃᖔᖃᑦᑕᓕᕆᑦᓯ, ᐱᐅᔪᓂᒃ ᐋᖅᑭᒃᓲᑎᒃᓴᓂᒃ ᐱᔭᕆᐊᓕᖕᓂᒡᓗ ᐱᕙᓪᓕᕐᑎᑦᓯᔪᓐᓇᕐᑐᓂᒃ, ᐅᖃᐅᓯᕆᔭᓯ ᐱᕙᓪᓕᕈᑎᒃᓴᐅᖁᓪᓗᒋᑦ ᑐᓵᔪᓄᑦ.

ᑎᒧᑎᒧᑦ ᓯᕗᓪᓖᑦ 1:4

ᐅᓂᒃᑳᕐᑐᐊᓂᒃ ᑭᖑᕚᖑᖃᑎᒌᓪᓗ ᑭᓇᒃᑰᓂᖏᒃᓂᒃ ᐱᓇᓱᐊᑐᐃᓐᓇᖁᓇᒋᑦ ᐅᓄᕐᑐᐊᓗᖕᓂᒃ ᐅᖃᓪᓚᑐᐃᓐᓇᖃᑦᑕᖁᖏᓪᓗᒋᑦ, ᑕᒪᒃᑯᐊ ᓇᓚᐅᑦᑖᕐᑎᑦᓯᑐᐃᓐᓇᕐᒪᑕ; ᒎᑎᒥᑦ ᐱᔪᓂᒃ ᐱᓇᓱᐊᕐᑎᑦᓯᓇᑎᒃ, ᐅᒃᐱᕐᓂᑯᑦ ᐃᓕᓐᓂᐊᕐᓂᐅᒐᔭᕐᑐᓂᒃ.

ᑎᒧᑎᒧᑦ ᐂᑉᐸᖏᑦ 2:22

ᐃᓅᓱᒃᑐᑦ ᐃᒃᓯᒎᕐᓂᖏᑦ ᐃᓚᒋᓂᐊᕐᓇᒋᑦ ᐃᓗᐊᕐᑐᓕᓂᕐᒥᒡᓕ ᓯᕗᓂᖃᕆᑦ, ᐅᒃᐱᕐᓂᕐᒥᒃ, ᓇᒡᓕᖕᓂᕐᒥᒃ, ᓮᒻᒪᓂᕐᒥᒡᓗ, ᐊᑕᓂᕐᒧᑦ ᑐᒃᓯᐊᕐᑐᑦ ᐃᓚᒋᓗᒋᑦ ᐆᒻᒪᑎᒥᒍᑦ ᐃᑦᔪᕐᓁᑦᑐᒃᑯᑦ.

ᐄᑉᕈᐃᓄᑦ 12:14

ᐃᓅᖃᑎᓕᒫᑦᓯᓐᓂᒃ ᐃᓅᖃᑎᖃᑦᓯᐊᕋᓱᐊᕆᑦᓯ, ᐃᓅᓯᖃᕐᓗᓯᓗ ᐃᑦᔪᕐᓁᑦᑐᒥᒃ ᑍᒫᒃ ᐃᓅᓯᖃᖏᑦᑐᑦ ᐊᑕᓂᖅ ᑕᑯᓂᐊᖏᒻᒪᑦᔪᒃ.

ᐲᑦᑐᕉᓯ ᓯᕗᓪᓖᑦ 3:11

ᐊᔪᕐᓂᕐᒥᒃ ᑐᓄᐃᓗᓂ ᐊᑲᐅᔪᒥᒃ ᐃᓅᓯᖃᓕᕐᓕ; ᓮᒪᓂᕐᒥᒃ ᕿᓂᕐᑐᒃᓴᐅᕗᖅ ᐱᓇᓱᐊᓪᓚᕆᒡᓗᒍ.