ᕉᒪᒥᐅᓄᑦ 13:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᑍᒤᒻᒪᑦ ᑐᑭᓯᒋᑦᓯ ᐃᑲᕐᕋᖅ ᓇᓪᓕᐅᑎᖕᒪᑦ ᑐᐸᒃᓯᒪᔭᕆᐊᖅᑲᓕᕐᐳᓯ ᓯᓂᑐᐃᓐᓇᕈᓐᓃᕐᓗᓯ. ᐱᐅᓕᔭᐅᓂᖅ ᖃᓂᓐᓂᕐᓴᐅᓕᕐᒪᑦ ᑍᒪᓐᖓᑦ ᐅᒃᐱᓕᓚᐅᕐᓂᑦᑎᓐᓂᑦ.

ᕉᒪᒥᐅᓄᑦ 13:11 Iomraidhean Croise

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:10

ᐊᒡᒐᖕᓄᑦ ᓱᓕᐊᒃᓴᒥᒃ ᐱᓯᒪᒍᕕᑦ ᐱᓇᓱᐊᕈᒃ ᐊᒃᓱᕈᕐᓗᑎᑦ, ᓯᕗᓂᕆᔭᕐᓂ ᐃᓗᕕᕐᒥ ᓱᓕᐊᒃᓴᖃᖏᒻᒪᑦ, ᓱᓕᐊᒃᓴᒧᓪᓗ ᐸᕐᓇᖕᓂᖃᕋᓂ, ᖃᐅᔨᒪᓂᕐᑕᖃᕋᓂᓗ, ᓯᓚᑐᓂᕐᑕᖃᕋᓂᓗ.

ᔫᓇᐅᑉ ᐊᒡᓚᖏᑦ 1:6

ᑕᕝᕙ ᐅᒥᐊᕐᔪᐊᑉ ᐊᖓᔪᖅᑳᖓᑕ ᐅᐸᒃᐹ ᐅᖃᐅᑎᓪᓗᒍᓗ: “ᖃᓄᐃᒻᒪᑦ ᓯᓐᓇᕆᒃᐲᑦ? ᒪᑭᓪᓗᑎᑦ ᒎᑏᑦ ᑐᒃᓯᐊᕐᕕᒋᓚᐅᕈᒃ, ᐃᒻᒪᖄ ᒎᑎᐅᑉ ᓇᒡᓕᒋᓕᕈᓂᑎᒍᑦ ᐱᐅᓕᒐᔭᕐᐹᑎᒍᑦ ᐊᓯᐅᖁᓇᑕ.”

ᒫᑎᐅᓯᐅᑉ ᐊᒡᓚᖏᑦ 16:3

ᐅᓪᓛᒻᒪᕆᒃᑯᓪᓗ ᐅᖃᕐᐸᒃᑭᕗᓯ, ‘ᐅᓪᓗᒥ ᓯᓚᓗᖕᓂᐊᕐᐳᖅ, ᓄᕗᔧᑦ ᐊᐅᐸᕐᑑᓪᓗᑎᒃ ᕿᕐᓂᕐᑕᐅᖕᒪᑕ.’ ᓯᓚᒥᒃ ᓇᓚᐅᑦᑍᔪᓐᓇᕐᑐᓯ ᑕᑯᓐᓈᕐᓗᓯ ᕿᓚᖕᒥᒃ, ᑐᑭᓯᔪᓐᓇᓐᖏᓚᓯᓕ ᓇᓗᓁᒃᑯᑕᕐᓂᒃ ᓇᓪᓕᐅᑎᓕᕐᑐᓂᒃ ᒫᓐᓇᐅᔪᒥᒃ!

ᓘᑲᓯᐅᑉ ᐊᒡᓚᖏᑦ 21:28

ᑕᒪᒃᑯᐊ ᐱᕙᓪᓕᐊᓕᕐᐸᑕ, ᖁᒻᒧᑦ ᑕᑯᓴᓕᕆᑦᓯ, ᐱᐅᓕᔭᐅᕕᒃᓴᓯ ᖃᒡᓕᖕᒪᑦ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:11

ᑕᒪᒃᑯᐊᓕ ᑍᒤᓚᐅᕐᐳᑦ ᐅᓗᕆᐊᒋᔭᒃᓴᐅᖁᓪᓗᒋᑦ ᑎᑎᕋᕐᓯᒪᕗᓪᓗ ᐃᓂᕐᑎᕐᑕᐅᖁᓪᓗᑕ, ᐅᕙᒍᑦ ᐃᓱᐊᓄᑦ ᑎᑭᓕᕐᑎᓪᓗᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:34

ᐃᓱᒪᑖᑦᓯᐊᓚᐅᕆᑦᓯ, ᐊᔪᕐᑐᓕᔪᓐᓃᕐᓗᓯᓗ. ᐃᓚᖏᑦ ᒎᑎᒥᒃ ᖃᐅᔨᒪᖏᒻᒪᑕ. ᑍᒤᓕᕗᖓ ᑲᓐᖑᓱᒃᑎᑕᐅᖁᓪᓗᓯ.

ᐃᐱᓯᒥᐅᓄᑦ 5:14

ᑍᒤᒻᒪᑦ ᐅᖃᕐᓯᒪᔪᖃᕐᐳᖅ, “ᑐᐸᓕᕆᑦ, ᓯᓂᒃᑐᑎᑦ, ᒪᑭᓪᓗᑎᓪᓗ ᑐᖁᖓᔪᓂᑦ, ᑕᕝᕙ ᙭ᔅᑑᓯᐅᑉ ᖃᐅᒻᒪᒃᕕᒋᓂᐊᕐᐹᑎᑦ.”

ᔧᒥᓯᐅᑉ ᐊᒡᓚᖏᑦ 5:8

ᐃᓕᑦᓯᑦᑕᐅᖅ ᕿᓄᐃᓵᕐᑐᒃᓴᐅᕗᓯ. ᓂᕆᐅᖕᓂᖃᕐᓗᓯ ᐆᒻᒪᑎᑦᓯᒍᑦ ᐊᑕᓂᐅᑉ ᑎᑭᕝᕕᒃᓴᖓ ᖃᓂᑦᑑᓕᕐᒪᑦ.

ᐲᑦᑐᕉᓯ ᓯᕗᓪᓖᑦ 4:7

ᓱᓇᓕᒫᑦ ᐃᓱᓕᕝᕕᒃᓴᖓᑦ ᖃᒡᓕᕗᖅ; ᑍᒤᒻᒪᑦ ᖃᐅᔨᒪᓇᓱᑦᓯᐊᕆᐊᖃᓕᕐᐳᓯ ᐃᒻᒥᓂᒃ ᐱᓯᒪᑦᓯᐊᕈᓐᓇᕐᑐᒥᒃ ᐃᓅᓯᑲᕐᓗᓯ ᑐᒃᓯᐊᕈᓐᓇᕐᓂᐊᕋᑦᓯ.

ᐲᑦᑐᕉᓯ ᐂᑉᐸᖏᑦ 3:11

ᑕᒪᒃᑯᐊᓕᒫᑦ ᑍᒫᒃ ᓄᖑᔪᒫᕐᐸᑕ, ᐃᓕᑦᓯᓕ ᑍᒪ ᖃᓄᖅ ᐃᓅᔭᕆᐊᖃᓕᕐᐱᓰ ᐃᑦᔪᕐᓁᓂᕐᒦᓗᓯ, ᒎᑎᒧᓪᓗ ᑐᓂᓯᒪᑦᓯᐊᕐᓗᓯ,

ᐲᑦᑐᕉᓯ ᐂᑉᐸᖏᑦ 3:9

ᐊᑕᓂᐅᑉ ᐊᖏᕐᓯᒪᓂᓂ ᑭᖑᕙᕐᑎᓐᖏᓛ ᐃᓚᖏᓐᓄᑦ ᑭᖑᕙᕐᑎᑕᐅᓇᓱᒋᔭᐅᒐᓗᐊᕐᒪᑦ, ᕿᓄᐃᓵᕐᐳᕐᓕ ᐃᓕᑦᓯᓐᓄᑦ, ᓇᓪᓕᐊᓐᓂᒡᓘᓐᓃᑦ ᐊᓯᐅᑐᐃᓐᓇᖁᔨᖏᓐᓇᒥ, ᑕᒤᓐᓂᒡᓕ ᐊᔪᕐᑐᓕᓂᕐᒥᖕᓂᑦ ᓵᒋᐊᕐᕕᒃᓴᖃᕐᑎᑦᑎᕗᖅ.

ᔪᐊᓇᓯ ᓯᕗᓪᓖᑦ 2:18

ᕿᑐᕐᖓᒃᑲ, ᓯᓚᕐᔫᑉ ᓇᒡᒐᑎᒃᓴᖓ ᓇᓪᓕᐅᑎᓕᕐᐳᖅ; ᑐᓴᐅᒪᒐᑦᓯᓗ ᙭ᔅᑑᓯᒥᒃ ᐊᑭᕋᕐᑐᕐᑐᖅ ᑎᑭᓐᓂᐊᕐᓂᕋᕐᑕᐅᑎᓪᓗᒍ, ᒫᓐᓇᓕ ᙭ᔅᑑᓯᒥᒃ ᐊᑭᕋᕐᑐᕐᑐᑦ ᑎᑭᓯᒪᓕᕐᐳᑦ; ᑍᒤᒻᒪᑦ ᖃᐅᔨᒪᓕᕐᐳᒍᑦ ᓯᓚᕐᔫᑉ ᓇᒡᒐᑎᒃᓴᖓ ᓇᓪᓕᐅᑎᓕᕐᒪᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:3

ᓮᒪᓇᕐᑐᒦᑉᐳᖅ ᑖᒃᑯᓂᖓ ᐅᖃᓕᒫᕐᑐᖅ ᓇᓚᐅᑦᑍᔪᑕᐅᓯᒪᔪᓂᒃ, ᓮᒪᓇᕐᑐᒦᑭᕗᑦ ᑕᒪᒃᑯᓂᖓ ᐱᔪᒫᕐᑐᒃᓴᓂᒃ ᑐᓴᕐᑐᑦ, ᓈᓚᒃᑐᓪᓗ ᑕᕝᕙᓂ ᑎᑎᕋᕐᑕᐅᓯᒪᔪᓂᒃ, ᓇᓪᓕᐅᓐᓂᒃᓴᖏᑦ ᖃᓂᑦᑑᓕᕐᒪᑕ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:10

ᑖᑦᓱᒪᓗ ᐅᖃᐅᑎᕚᖓ, “ᑖᒃᑯᓇᓂ ᑎᑎᖅᑲᓂ ᐱᔪᒫᕐᑐᑦ ᐅᖃᐅᓯᐅᓂᖏᑦ ᐃᔨᕐᓯᒪᑦᑍᓕᒃᑭᑦ, ᑕᒪᒃᑯᐊ ᓇᓪᓕᐅᑎᕕᒃᓴᖓᑦ ᖃᒡᓕᖕᒪᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:12

ᔩᓱᓯᓗ ᐅᖃᕐᐳᖅ, “ᑕᑯᒋᑦ, ᐊᑯᓂᐅᖏᑦᑐᖅ ᕾᓂᐊᕐᐳᖓ, ᐊᑭᓕᐅᑎᒃᓴᕋ ᓇᒃᓴᕐᓗᒍ, ᐱᓂᐊᕐᓂᖏᑦ ᒪᓕᒡᓗᒋᑦ ᐊᑭᓕᕐᑕᐅᖁᓪᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:20

ᑖᒃᑯᓂᖓ ᐅᖃᐅᓯᖃᕐᑐᖅ ᐅᖃᕐᐳᖅ, “ᓱᓕᕗᖓ ᐊᑯᓂᐅᖏᑦᑐᖅ ᕾᓂᐊᕐᐳᖓ.” ᐋᒥᓐ. ᐊᑕᓃᖅ ᔩᓱᓯ ᕾᓕᕆᑦ!