ᕉᒪᒥᐅᓄᑦ 12:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᓯᓚᕐᔪᐊᑉ ᒪᑐᒪ ᐃᓄᖏᑦ ᐊᑦᔨᒋᔪᓐᓃᕐᓯᐅᒃ, ᐊᑦᔨᒋᔪᓐᓃᕐᑎᑕᐅᓕᕆᑦᓯ ᐃᓱᒪᓯ ᓄᑖᓐᖑᕐᑎᑕᐅᓗᑎᒃ, ᒎᑎᐅᑉ ᐱᔪᒪᔭᖓᓂᒃ ᖃᐅᔨᔪᓐᓇᕐᓯᖁᓪᓗᓯ, ᓱᓇ ᐱᐅᖕᒪᖔᑦ ᓱᓇᓗ ᒎᑎᐅᑉ ᖁᕕᐊᒋᖕᒪᖔᒍ, ᓈᒻᒪᒋᖕᒪᖔᒍᓗ.

ᕉᒪᒥᐅᓄᑦ 12:2 Iomraidhean Croise

ᐄᓱᕋᐅᑉ ᐊᒡᓚᖏᑦ 10:11

ᒫᓐᓇᓕ ᖃᕿᐊᓕᓕᕆᑦᓯ ᐊᔪᕐᑐᓕᓂᑦᓯᓐᓂᒃ ᐊᑕᓂᕐᒧᑦ ᓯᕗᓕᑦᓯ ᒎᑎᖓᓄᑦ, ᑖᑦᓱᒪᓗ ᖁᕕᐊᒋᔭᖓᓂᒃ ᐱᓇᓱᐊᕐᓗᓯ; ᐊᕝᕗᑎᓕᕆᑦᓯ ᐃᓅᖃᑎᒃᓴᔭᕆᓐᖏᑕᑦᓯᓐᓂᑦ ᓄᓇᖃᖃᑎᑦᓯᓐᓂᑦ ᓄᓕᐊᓯᓗ ᐃᓅᖃᑎᒃᓴᔭᕆᓐᖏᑕᓯ ᐊᕕᓪᓗᓯᐅᒃ.”

ᐃᓐᖏᕈᑎᑦ 119:103

ᐅᖃᐅᓯᕐᑎᑦ ᐅᕙᓐᓄᑦ ᒪᒪᕐᑑᕗᑦ! ᐄᓛᒃ, ᒪᒪᕐᓂᕐᓴᐅᕗᑦ ᐊᒡᓛᑦ ᕼᐊᓂᒥᑦ!

ᐃᓐᖏᕈᑎᑦ 119:128

ᑍᒤᒻᒪᑦ ᐱᓇᓱᐊᕐᑕᐅᖁᔭᑎᑦ ᓈᓚᒻᒪᕆᒃᐸᒃᑲ; ᐱᓂᐊᕐᓂᓕᒫᓪᓗ ᓱᓕᖏᑦᑐᑦ ᐱᐅᒋᓐᖏᓚᒃᑲ.

ᐃᓐᖏᕈᑎᑦ 119:174

ᐊᑕᓃᖅ, ᐱᐅᓕᒃᓯᓃᑦ ᐅᖓᒋᕙᕋ, ᐱᖁᔭᑎᓪᓗ ᖁᕕᐊᓱᒃᑎᑕᐅᑦᔪᑎᒋᕙᒃᑲ.

ᐃᓐᖏᕈᑎᑦ 119:72

ᖃᓂᕐᐱᑦ ᐅᖃᐅᓯᕆᔭᖏᑦ ᐱᖁᔧᑦ ᐱᐅᒋᓂᕐᓴᕆᕙᒃᑲ ᒎᓗᓂᑦ ᓯᐅᓪᕕᕆᓂᓪᓗ ᑮᓇᐅᔭᒐᓴᕐᔪᐊᓂᑦ.

ᐃᓐᖏᕈᑎᑦ 119:97

ᐃᓛᒃ, ᐱᖁᔭᑎᑦ ᐊᖏᔪᒥᒃ ᐅᖓᒋᕙᒃᑲ! ᐅᓪᓗᓕᒫᖅ ᐃᓱᒪᒃᓴᕐᓯᐅᕈᑎᒋᖃᑦᑕᕐᐸᒃᑲ.

ᐃᓐᖏᕈᑎᑦ 34:8

ᐆᒃᓯᐅᒃ ᖃᐅᔨᓗᓯᓗ ᐊᑕᓂᖅ ᒪᒪᕐᑑᖕᒪᑦ; ᓮᒪᓇᕐᑐᒦᑉᐳᖅ ᐃᓄᒃ ᑖᑦᓱᒥᖓ ᑕᑎᖃᕐᑐᖅ!

ᐃᓐᖏᕈᑎᑦ 51:10

ᐆᒻᒪᑎᒥᒃ ᓴᓗᒪᔪᒥᒃ ᓴᓇᓚᐅᕆᑦ ᐃᓗᓐᓂ, ᒎᑏ, ᓄᑖᓐᖑᕐᑎᓪᓗᒍᓗ ᐊᓂᕐᓂᕋ ᓈᓚᒎᕐᑐᖅ ᐃᓗᓐᓂ.

ᒨᓯᓯ ᐂᑉᐸᖏᑦ 23:2

ᐃᓄᒋᐊᖕᓂᕐᓮᑦ ᐅᓄᕐᓂᕐᓴᐅᓂᑐᐃᓐᓇᖏᓐᓄᑦ ᒪᓕᒃᓴᕐᑐᒃᓴᐅᓐᖏᓚᓯ ᓈᒻᒪᖏᑦᑐᒧᑦ ᐱᓇᓱᐊᕐᐸᑕ; ᐅᕝᕙᓘᓐᓃᑦ ᓇᓗᓁᕐᓯᓕᕐᐸᑕ ᐃᓅᖃᑎᒧᑦ ᓈᒻᒪᓈᖏᑦᑐᒥᒃ ᐱᓇᓱᐊᓕᕐᓗᑎᒃ;

ᐃᓯᑭᐊᓕᐅᑉ ᐊᒡᓚᖏᑦ 18:31

ᐱᐅᖏᑦᑐᓕᓂᓕᒫᑦ ᐱᓇᓱᐊᓚᐅᕐᑕᓯ ᕿᒪᒡᓗᒋᑦ, ᓄᑖᒥᒃ ᐆᒻᒪᑎᑖᓕᕆᑦᓯ ᓄᑖᒥᒡᓗ ᐊᓂᕐᓂᕐᑖᕐᓗᓯ! ᓱᖕᒪᑦ ᐃᓴᕆᐊᓕᒥᐅᑦ ᑭᖑᕚᖑᖃᑎᒌᑦ ᑐᖁᔪᒪᕕᓰ?

ᐃᓯᑭᐊᓕᐅᑉ ᐊᒡᓚᖏᑦ 36:26

ᐆᒻᒪᒻᒥᒃ ᓄᑖᒥᒃ ᑐᓂᓯᕕᒋᔪᒫᕐᐸᑦᓯ, ᐊᓂᕐᓂᕐᒥᒡᓗ ᓄᑖᒥᒃ ᐃᓗᒻᒥᕐᑎᑦᓱᒫᕐᐸᑦᓯ; ᑎᒥᑦᓯᓐᓂᑦ ᐆᒻᒪᑎᓯ ᐅᔭᕋᒃ ᐲᕈᒫᕐᐸᕋ ᐆᒻᒪᑎᑖᕐᑎᓪᓗᓯᓗ ᓈᓚᒍᓐᓇᕐᑐᒥᒃ.

ᒫᑎᐅᓯᐅᑉ ᐊᒡᓚᖏᑦ 13:22

ᐱᕈᕐᑐᒃᓮᓪᓕ ᑲᑕᒃᑐᑦ ᐅᕐᐲᑦ ᑲᑭᓪᓚᐅᑎᓖᑦ ᐊᑯᕐᖓᓐᓄᑦ ᐃᒤᑦᑐᒥᒃ ᑐᑭᖃᕐᐳᑦ, ᐅᖃᐅᓯᕐᓂᒃ ᑐᓴᕐᑐᓄᑦ; ᑕᒪᑐᒪᓕ ᐃᓅᓯᐅᑉ ᐃᓱᒪᔮᕐᓇᕐᓂᖓᓄᑦ ᐊᔪᕐᓴᖏᑦᑑᔪᒪᓂᕐᒧᓪᓗ ᐅᖃᐅᓰᑦ ᐃᐱᑎᑕᐅᕗᑦ, ᐱᕈᕐᕕᐅᓇᑎᒡᓗ.

ᒫᑯᓯᐅᑉ ᐊᒡᓚᖏᑦ 4:19

ᐃᓅᓯᐅᑉ ᑕᒪᑐᒪ ᐃᓱᒪᔮᕐᓇᕐᓂᖓᓄᑦ, ᐊᔪᕐᓴᖏᑦᑐᒪᓂᕐᒧᓪᓗ, ᐊᓯᖏᓐᓄᓪᓗ ᐱᔪᒪᕕᒃᔪᐊᕐᓂᕐᓄᑦ ᑎᑭᕝᕕᐅᓕᕋᒥᒃ ᐅᖃᐅᓰᑦ ᐃᐱᑎᑕᐅᕗᑦ ᑕᒪᒃᑯᓄᖓ, ᐱᕈᕐᕕᐅᔪᓐᓇᕐᓯᓇᑎᒃ.

ᔪᐊᓇᓯᐅᑉ ᐊᒡᓚᖏᑦ 14:30

ᐊᑯᓂ ᐅᖃᓪᓚᕕᒋᓂᐊᕈᓐᓃᕐᐸᑦᓯ, ᓯᓚᕐᔫᑉ ᑕᒪᑐᒪ ᐊᐅᓚᑦᓯᔨᖓ ᕾᓕᕐᒪᑦ. ᐅᕙᓐᓄᓪᓗ ᐱᔪᓐᓇᕐᓂᖃᕋᓂ;

ᔪᐊᓇᓯᐅᑉ ᐊᒡᓚᖏᑦ 15:19

ᓯᓚᕐᔪᐊᕐᒥᐅᑕᐅᖏᓐᓇᑦᓯ, ᓯᓚᕐᔪᐊᕐᒥᐅᑦ ᓇᖕᒥᓂᕐᒥᖕᓂᒃ ᓇᒡᓕᒍᓱᒃᑲᔭᕐᐳᑦ; ᓯᓚᕐᔪᐊᕐᒥᐅᓪᓕ ᐃᓚᒋᖏᓐᓇᑦᓯᒋᒃ, ᓯᓚᕐᔪᐊᕐᒥᐅᓂᑦ ᓂᕈᐊᓚᐅᕐᐸᑦᓯ, ᑍᒤᒻᒪᑦ ᓯᓚᕐᔪᐊᕐᒥᐅᑦ ᐆᒥᒋᕚᓯ.

ᔪᐊᓇᓯᐅᑉ ᐊᒡᓚᖏᑦ 17:14

ᐅᖃᐅᓯᕐᑎᑦ ᑐᓴᕐᑕᐅᑎᓚᐅᕐᐸᒃᑲ ᑖᒃᑯᓄᖓ; ᓯᓚᕐᔪᐊᕐᒥᐅᓂᑦ ᐆᒥᒋᔭᐅᕗᑦ ᓯᓚᕐᔪᐊᕐᒥᐅᓂᑦ ᐱᒋᔭᐅᖏᓐᓇᒥᒃ, ᐅᕙᖓᑦᑕᐅᖅ ᓯᓚᕐᔪᐊᕐᒥᐅᑦ ᐱᒋᖏᒻᒪᖓ.

ᔪᐊᓇᓯᐅᑉ ᐊᒡᓚᖏᑦ 7:7

ᓯᓚᕐᔪᐊᕐᒥᐅᑦ ᐆᒥᒋᔪᓐᓇᓐᖏᓛᓯ, ᐅᕙᖓᓕ ᐆᒥᒋᔭᐅᕗᖓ ᐱᐅᖏᑦᑐᒧᑦ ᐊᐅᓚᑕᐅᓂᖏᓐᓂᒃ ᓇᓗᓁᕐᓯᖃᑦᑕᕐᓂᕋ ᐱᑦᔪᑎᒋᓪᓗᒍ.

ᕉᒪᒥᐅᓄᑦ 12:1

ᑍᒤᒻᒪᑦ ᐃᓇᑉᐸᑦᓯ ᐃᓅᖃᑎᒃᑳ, ᒎᑎᐅᑉ ᓂᑲᒍᓱᖕᓂᕐᔪᐊᖓ ᐱᑦᔪᑎᒋᓗᒍ, ᑎᒥᓯ ᑐᓂᓯᒋᒃ ᑐᓂᕐᕈᑎᒃᓴᑐᑦ; ᐆᒪᓗᓯᓕ, ᐃᑦᔪᕐᓁᑦᑐᑐᑦ ᒎᑎᒧᓪᓗ ᖁᕕᐊᒋᔭᐅᔪᑐᑦ, ᑍᒤᓕᐅᕈᑦᓯ ᒎᑎ ᓱᓕᑦᓯᐊᕐᑐᒥᒃ ᐱᔨᑦᓯᕐᓂᐊᕐᐸᓯ ᐊᓂᕐᓂᒃᑯᑦ.

ᕉᒪᒥᐅᓄᑦ 13:14

ᐊᑕᓂᖅ ᔩᓱᓯ ᙭ᔅᑑᓯ ᐊᑎᓕᕐᓯᐅᒃ, ᑎᒥᐅᑉ ᐃᓕᖅᑯᓯᖓ ᓈᓚᒍᓐᓃᕐᓯᐅᒃ, ᐱᔪᒪᓂᖓ ᓈᒻᒪᒃᓯᑎᓐᓇᓱᐊᕈᓐᓃᕐᓗᒍ.

ᕉᒪᒥᐅᓄᑦ 7:12

ᑍᒤᒻᒪᑦ ᐱᖁᔭᖅ ᐃᑦᔪᕐᓁᑉᐳᖅ, ᐱᖁᔧᓪᓗ ᖁᓕᑦ ᐃᑦᔪᕐᓁᒃᑭᕗᑦ, ᐃᓗᐊᕐᑑᓪᓗᑎᒡᓗ ᐱᐅᕗᑦ.

ᕉᒪᒥᐅᓄᑦ 7:14

ᖃᐅᔨᒪᒐᑦᑕ ᐱᖁᔭᑦ ᒎᑎᒥᑦ ᐱᓯᒪᖕᒪᑕ; ᐅᕙᖓᓕ ᑎᒥᓐᓄᑦ ᐊᐅᓚᑕᐅᕗᖓ, ᐊᔪᕐᓂᕐᒧᑦ ᓂᐅᕐᕈᑕᐅᓯᒪᓪᓗᖓ.

ᕉᒪᒥᐅᓄᑦ 7:22

ᒎᑎᐅᑉ ᐱᖁᔭᖏᑦ ᖁᕕᐊᒋᕙᒃᑲ, ᐃᓗᒃᑯᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:19

ᓯᓚᕐᔪᐊᕐᒥᐅᑦ ᓯᓚᑐᓂᖓ ᒎᑎᒧᑦ ᓯᓔᓐᓂᐅᖕᒪᑦ. ᑎᑎᕋᕐᓯᒪᖕᒪᑦ, “ᒎᑎᐅᑉ ᓯᓚᑐᔪᑦ ᓂᒐᕐᑎᑉᐰᑦ ᓯᓚᑐᓵᕐᓂᖏᑎᒍᑦ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:4

ᑕᒪᑐᒪ ᓯᓚᕐᔪᐊᑉ ᒎᑎᖓᑕ ᐅᒃᐱᖏᑦᑐᑦ ᐃᓱᒪᖏᑦ ᑐᑭᓯᔪᓐᓇᕐᑎᓐᖏᓔᑦ, ᐅᖃᐅᓰᑦ ᑐᓴᕈᒥᓇᕐᑐᑦ ᖃᐅᒪᓂᖓᓂᒃ ᑕᑯᖁᓇᒋᑦ ᙭ᔅᑑᓯᐅᑉ ᓂᕐᑐᕐᓇᕐᓂᕐᔪᐊᖓᓂᒃ, ᑖᑦᓱᒥᖓ ᒎᑎᐅᑉ ᐊᑦᔨᖓᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:17

ᑍᒤᒻᒪᑦ, ᙭ᔅᑑᓯᒧᐊᕐᑐᖃᕐᐸᑦ, ᑖᓐᓇ ᓄᑖᓐᖑᕐᑎᑕᐅᕗᖅ; ᐃᓅᓯᑐᖃᖓ ᐲᕐᑕᐅᕗᖅ, ᑕᑯᒋᑦ, ᓄᑖᖅ ᐱᒋᐊᓕᕐᐳᖅ.

ᒐᓔᑎᐊᒥᐅᓄᑦ 1:4

ᑖᓐᓇ ᐃᒻᒥᓂᒃ ᑐᓂᓚᐅᕐᐳᖅ ᐊᔪᕐᓂᑦᑎᓐᓂᑦ ᐱᐅᓕᔪᒪᓪᓗᑕ ᒫᓐᓇ ᐱᐅᖏᑦᑐᒥᑦ ᐊᑐᕐᑕᑦᑎᓐᓂᑦ, ᒎᑎᐅᑉ ᐊᑖᑕᑦᑕ ᐱᖁᔨᓂᖓᒍᑦ;

ᐃᐱᓯᒥᐅᓄᑦ 1:18

ᐆᒻᒪᑎᓯᒍᑦ ᑕᑯᔪᓐᓇᕐᓯᑎᑕᐅᖁᕙᑦᓯ ᑖᑦᓱᒥᖓ ᑐᑭᓯᔪᓐᓇᑦᓯᐊᓕᖁᓪᓗᓯ, ᓂᕆᐅᒋᔭᒃᓴᒥᒡᓗ ᖃᐅᔨᔪᓐᓇᖁᓪᓗᓯ ᕾᖁᔭᐅᑦᔪᑎᒋᔭᑦᓯᓐᓂᒃ, ᐊᖏᕈᑎᒋᓯᒪᔭᖓᑕᓗ ᐃᓄᖁᑎᒥᓄᑦ ᑭᖑᕐᖑᑎᔭᒃᓴᓕᐊᕆᓯᒪᔭᖓᑕ ᐱᐅᔪᕐᔪᐊᖑᓂᖓᓂᒃ,

ᐃᐱᓯᒥᐅᓄᑦ 2:2

ᑍᑦᓱᒪᓂ ᑍᒫᒃ ᐃᓅᓯᖃᕐᑎᓪᓗᓯ ᓯᓚᕐᔪᐊᕐᒥᐅᑦ ᐃᓕᖅᑯᓯᖏᓐᓂᒃ ᒪᓕᓚᐅᕐᐳᓯ, ᓯᓚᕐᔪᐊᓪᓗ ᐊᐅᓚᑦᓯᔨᖓᓂᒃ ᓈᓚᒃᓗᓯ, ᑕᕝᕙ ᐊᓂᕐᓂᕐᒥᒃ ᒫᓐᓇ ᒎᑎᒥᒃ ᓈᓚᓐᖏᑎᑦᓯᔪᒥᒃ ᐃᓄᖕᓂᒃ.

ᐃᐱᓯᒥᐅᓄᑦ 5:17

ᑍᒤᒻᒪᑦ ᐃᓕᑦᓯᓐᓂᒃ ᓯᓔᕐᕆᓂᐊᕋᓯ, ᖃᐅᔨᓕᕆᑦᓯᓕ ᖃᓄᖅ ᐱᖁᔭᐅᖕᒪᖔᑦᓯ ᐊᑕᓂᕐᒧᑦ.

ᑯᓘᓯᐊᒥᐅᓄᑦ 1:9

ᑍᒤᒻᒪᑦ ᐅᓪᓗᒥᑦ ᑍᑦᓱᒪᓂ ᑐᓴᓚᐅᕐᓂᑦᑎᓂᑦ, ᑐᒃᓯᐅᑦᔩᓐᓇᕐᐳᒍᑦ ᐃᓕᑦᓯᓐᓂᒃ, ᖃᐅᔨᑎᑕᐅᖁᓪᓗᓯ ᑖᑦᓱᒪ ᐱᔪᒪᔭᖓᓂᒃ ᑕᒤᓐᓂᒡᓗ ᐊᓂᕐᓂᒃᑯᑦ ᓯᓚᑐᓂᕐᒥᒃ ᑐᑭᓯᓂᕐᒥᒡᓗ,

ᑯᓘᓯᐊᒥᐅᓄᑦ 3:10

ᐃᓅᓯᕐᒥᒡᓗ ᓄᑖᒥᒃ ᐊᑎᓯᓯᒪᓕᕋᑦᓯ, ᑕᒪᓐᓇᓗ ᓄᑖᓐᖑᕐᑎᑕᐅᕙᓪᓕᐊᕗᖅ ᖃᐅᔨᕙᓪᓕᐊᓂᒃᑯᑦ ᒎᑎ ᐱᓐᖑᕐᑎᑦᓯᔨᓂ ᐊᑦᔨᒋᓗᒍ.

ᑯᓘᓯᐊᒥᐅᓄᑦ 4:12

ᐃᐸᐳᕌᓯᐅᑉ ᑕᕝᕙᐅᕗᑏᕆᕚᓯ, ᐃᓕᑦᓯᓐᓂᑦᑕᐅᖅ ᐱᓯᒪᔫᑉ, ᙭ᔅᑑᓯᐅᑉ ᔩᓱᓯᐅᑉ ᐱᔨᖓᑕ, ᑖᓐᓇ ᑍᒪᓐᖓᑦ ᐊᒃᓱᕈᕐᓗᓂ ᐃᓕᑦᓯᓐᓂᒃ ᑐᒃᓯᐅᑦᔨᖃᑦᑕᕐᐳᖅ, ᓇᖏᕈᓐᓇᕐᑎᑕᐅᖁᓪᓗᓯ ᐊᐅᓚᖏᓪᓗᓯ ᐱᕈᕇᑦᓯᐊᖁᓪᓗᓯᓗ ᖁᓚᕐᓂᖃᖏᑦᓯᐊᕐᓗᓯ ᒎᑎᐅᑉ ᐱᔪᒪᔭᖓᓂᒃ ᓈᓚᑦᓯᐊᕐᓗᓯ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:3

ᑕᒪᑦᔭ ᒎᑎᐅᑉ ᐱᔪᒪᔭᖓ, ᐃᑦᔪᕐᓁᖁᓪᓗᓯ: ᐊᕐᓇᕐᓂᐊᕐᓂᖅ ᐊᖑᓐᓂᐊᕐᓂᕐᓗ ᐊᑐᕐᑍᓕᓗᒍ;

ᑍᑑᓯᒧᑦ 3:5

ᑖᑦᓱᒪ ᓴᐳᑎᓚᐅᕐᐹᑎᒍᑦ, ᐱᓇᓱᐊᑦᓯᐊᕐᓂᕆᓚᐅᕐᑕᕗᑦ ᐱᑦᔪᑎᒋᓇᒋᑦ, ᓇᖕᒥᓂᕐᓕ ᓂᑲᒍᓱᖕᓂᕐᒥᓄᑦ ᐱᐅᓕᓚᐅᕐᐹᑎᒍᑦ, ᐅᐊᓴᕐᓗᑕ ᓄᑖᒥᒃ ᐃᓅᓯᕐᑖᕐᑎᓚᐅᕐᐹᑎᒍᑦ ᐊᓂᕐᓂᒃᑯᓪᓗ ᐃᑦᔪᕐᓁᑦᑐᒃᑯᑦ ᓄᑖᓐᖑᑎᓪᓗᑕ.

ᔧᒥᓯᐅᑉ ᐊᒡᓚᖏᑦ 1:27

ᐅᒃᐱᕐᓂᖅ ᐸᓯᔭᒃᓴᐅᓂᖃᖏᑦᑐᖅ ᓱᓕᔪᕐᓗ ᒎᑎᐅᑉ ᐊᑖᑕᐅᑉ ᓈᒻᒪᒋᔭᖓ ᐃᒤᑦᑑᕗᖅ; ᐃᓕᐊᕐᔪᐃᑦ ᐳᓛᕆᐊᖃᑦᑕᕐᓗᒋᑦ ᐅᐃᒡᒐᕐᓃᓪᓗ ᐅᖁᒤᒃᓴᕐᓂᖏᓐᓂᒃ ᐃᑲᔪᕐᓗᒋᑦ, ᓇᖕᒥᓂᕐᓗ ᐃᑦᔪᕐᓇᕐᓯᑎᑕᐅᑦᑍᓕᓗᓂ ᓯᓚᕐᔪᐊᕐᒥᐅᑦ ᐱᐅᓯᖏᓐᓄᑦ.

ᔧᒥᓯᐅᑉ ᐊᒡᓚᖏᑦ 4:4

ᐊᓯᓐᓂᐊᕐᑎᐅᔪᓯ! ᖃᐅᔨᒪᓐᖏᓚᓰ ᓯᓚᕐᔪᐊᕐᒥᒃ ᐃᓚᓐᓈᖃᕐᓂᖅ ᒎᑎᒥᒃ ᐊᑭᕋᕐᑐᕐᓂᐅᖕᒪᑦ? ᑍᒤᒻᒪᑦ ᓇᓪᓕᐊᑦ ᓯᓚᕐᔪᐊᕐᒥᒃ ᐃᓚᓐᓈᖃᕈᒪᔪᖅ ᑖᓐᓇ ᒎᑎᒥᒃ ᐊᑭᕋᕐᑐᓕᕐᐳᖅ?

ᐲᑦᑐᕉᓯ ᓯᕗᓪᓖᑦ 1:14

ᕿᑐᕐᖓᑎᑐᑦ ᓈᓚᑦᓯᐊᖃᑦᑕᕆᑦᓯ, ᐃᓅᓯᓯᓗ ᐱᐅᖏᑦᑐᓄᑦ ᐊᐅᓚᑕᐅᓕᕐᑎᑦᑍᓕᓗᒍ ᓲᕐᓗ ᑍᑦᓱᒪᓂᑐᑦ ᖃᐅᔨᒪᖏᑦᑑᓚᐅᕈᓯᑦᓯᑐᑦ,

ᐲᑦᑐᕉᓯ ᓯᕗᓪᓖᑦ 1:18

ᖃᐅᔨᒪᑦᓯᐊᕋᑦᓯ ᐊᓯᕈᕐᑐᒃᓴᒧᑦ ᓯᐅᓪᕕᕆᒧᓪᓘᓐᓃᑦ ᒎᓗᒧᓪᓘᓐᓃᑦ ᐊᑭᓕᕐᑕᐅᓯᒪᖏᓐᓇᑦᓯ ᒪᑐᒪᓐᖓᑦ ᐃᓅᓯᕐᒥᑦ ᓱᒃᓴᐅᖏᑦᑐᒥᑦ ᓯᕗᓕᑦᓯᓐᓂᑦ ᐃᓅᓯᕐᑖᕆᓯᒪᔭᑦᓯᓐᓂᑦ ᕿᓚᕈᑦᔮᕐᑕᐅᓚᐅᕐᕋᓯ,

ᐲᑦᑐᕉᓯ ᓯᕗᓪᓖᑦ 2:3

ᖃᐅᔨᓯᒪᓕᕈᑦᓯ ᐊᑕᓂᐅᑉ ᐱᐅᔪᐊᓘᓂᖓᓂᒃ.

ᐲᑦᑐᕉᓯ ᓯᕗᓪᓖᑦ 4:2

ᒫᓐᓇᒥᑦ ᑕᒫᓂ ᓄᓇᒥ ᐃᓅᓯᓕᒫᓯ ᓈᓗᒍ ᐃᓅᔭᕆᐊᖃᓕᕐᐳᓯ ᒎᑎᐅᑉ ᐱᔪᒪᔭᖓᓄᑦ ᐊᐅᓚᑕᐅᓗᓯ, ᑎᒥᐅᑉ ᐱᔪᒪᔭᖓᓅᖏᑦᑐᖅ.

ᐲᑦᑐᕉᓯ ᐂᑉᐸᖏᑦ 1:4

ᑕᒪᒃᑯᑎᒎᓇᖅ ᑐᓂᓯᕕᒋᓯᒪᖕᒪᑎᒍᑦ ᐱᕕᐊᕐᓇᕐᓂᕐᒥᓂᒃ ᐊᖏᕈᑎᒋᓯᒪᔭᖓᑕᓗ ᐊᖏᔫᓂᖓᓂᒃ, ᑕᒪᒃᑯᐊ ᐊᖅᑯᑎᒋᓗᒋᑦ ᕿᒤᑎᑕᐅᒐᑦᓯ ᐱᐅᖏᑦᑐᐊᓗᖕᓂᒃ ᓯᓚᕐᔪᐊᕐᒦᑦᑐᓂᒃ ᐃᒃᓯᒎᕐᓂᒃᑯᑦ ᓴᖅᑭᑎᑕᐅᔪᓂᑦ, ᐃᓚᖏᐅᑎᑎᑕᐅᖁᓪᓗᓯᓗ ᒎᑎᐅᓂᖓᓂᒃ.

ᐲᑦᑐᕉᓯ ᐂᑉᐸᖏᑦ 2:20

ᐃᓄᒃ ᕿᒤᓯᒪᓕᕐᑐᖅ ᓯᓚᕐᔫᑉ ᓴᓗᒤᓕᓇᕐᓂᖓᓂᒃ ᖃᐅᔨᑎᑕᐅᓂᕐᒥᒍᑦ ᐊᑕᓂᑦᑎᒍᑦ ᐱᐅᓕᔨᑦᑎᒍᓪᓗ ᔩᓱᓯ ᙭ᔅᑑᓯᒃᑯᑦ, ᓵᓚᒋᔭᐅᒍᓂᓕ ᕿᓚᒃᑕᐅᒃᑲᓐᓂᕐᓗᓂᓗ ᑕᒪᒃᑯᓄᖓ, ᐱᐅᖏᑦᑐᒦᓐᓂᕐᓴᐅᓕᕐᓂᐊᕐᐳᖅ ᓯᕗᓪᓕᕐᒥᑦ.

ᔪᐊᓇᓯ ᓯᕗᓪᓖᑦ 3:13

ᐅᒃᐱᕐᑑᖃᑎᒃᑲ, ᑯᐊᕐᓵᖓᓂᐊᕋᓯ, ᓯᓚᕐᔪᐊᕐᒥᐅᑦ ᐆᒥᒋᐸᓯ.

ᔪᐊᓇᓯ ᓯᕗᓪᓖᑦ 5:19

ᖃᐅᔨᒪᕗᒍᑦ ᒎᑎᒥᐅᑕᐅᒐᑦᑕ, ᓯᓚᕐᔪᐊᒥᐅᓪᓗ ᑕᒪᕐᒥᒃ ᓵᑖᓇᓯᐅᑉ ᐱᔪᓐᓇᕐᓂᖓᓄᑦ ᐊᐅᓚᑕᐅᕗᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:9

ᑐᕌᒎᓂ ᐊᖏᔪᕐᔪᐊᖅ ᐊᒻᒧᑦ ᐃᒋᑕᐅᕗᖅ, ᑖᓐᓇ ᖁᒡᓗᒋᐊᑐᖃᖅ, ᐱᐅᖏᑦᑐᒥᒃ ᓵᑖᓇᓯᒥᒡᓗ ᑍᔭᐅᔪᖅ, ᓯᓚᕐᔪᐊᕐᒥᐅᓕᒫᓂᒃ ᐅᐃᕕᕆᒃᓯᔨ; ᓄᓇᕐᔪᐊᕐᒧᑦ ᐃᒋᑕᐅᕗᖅ, ᐂᖏᓕᖁᑎᖏᓪᓗ ᐃᓚᒋᓪᓗᒋᑦ ᐃᒋᑕᐅᖃᑕᐅᕗᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:8

ᐃᓅᖃᑎᒌᒡᔪᐊᓕᒫᓪᓗ ᓄᓇᕐᔪᐊᒦᑦᑐᑦ ᑖᑦᓱᒥᖓ ᑐᒃᓯᐊᕐᕕᖃᕈᒫᕐᐳᑦ, ᐊᑎᖏᑦ ᑎᑎᕋᕐᑕᐅᓯᒪᖏᑦᑐᓕᒫᑦ ᓯᓚᕐᔪᐊᑉ ᐱᓐᖑᕐᑎᑕᐅᓂᖓᓂᑦ ᒪᒃᐱᕐᑐᖃᓂ ᐃᓅᓯᕾᓐᓇᕈᒫᕐᑐᑦ ᓄᕐᕋᐅᔭᐅᑉ ᑐᖁᑕᐅᓚᐅᕐᑑᑉ ᐊᑎᒃᑯᑎᖏᓐᓂ.