ᕉᒪᒥᐅᓄᑦ 12:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐱᑦᓯᐊᕐᑕᐅᖏᒃᑯᕕᑦ, ᐊᑭᓇᓱᐊᕐᑍᓕᒋᑦ ᐱᑦᓯᐊᖏᓐᓂᕐᒧᑦ. ᑲᒪᑦᓯᐊᕐᓗᓯ ᐱᐅᒋᔭᐅᔪᒥᒃ ᐃᓅᓯᖃᕆᑦᓯ ᐃᓄᓕᒫᓄᑦ.

ᕉᒪᒥᐅᓄᑦ 12:17 Iomraidhean Croise

ᒨᓯᓯ ᓯᕗᓪᓖᑦ 42:25

ᔫᓯᐱᓗ ᑎᓕᓯᕗᖅ ᐃᒃᐱᐊᕐᔪᖁᑎᖏᑦ ᐃᓗᓪᓕᕐᓱᕐᑕᐅᖁᓪᓗᒋᑦ ᓂᐊᖂᔭᒃᓴᓂᒃ, ᑮᓇᐅᔧᓪᓗ ᐊᑭᓕᐅᑎᖏᑦ ᐃᒃᐱᐊᕐᔪᖁᑎᖏᓐᓄᑦ ᐊᑐᓂᑦ ᐴᖃᓯᐅᑦᔭᐅᖁᕔᑦ, ᐃᖏᕐᕋᑎᓪᓗᒋᓪᓗ ᑕᖁᐊᒃᓴᖏᓐᓂᒃ ᓇᒃᓴᕐᑎᑕᐅᖁᕔᑦ. ᑕᕝᕙ ᑍᒤᓕᐅᕐᕕᐅᓚᐅᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:22

ᐅᖃᕐᓂᐊᕐᓇᒃ, “ᐱᐅᖏᑦᑐᖅ ᐊᑭᓂᐊᕐᐸᕋ”; ᐊᑕᓂᕐᒥᒡᓕ ᐅᑕᖅᑭᓕᕆᑦ, ᑕᕝᕙ ᐃᑲᔪᕐᓂᐊᕐᐹᑎᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:29

ᐅᖃᕐᓂᐊᕐᓇᒃ, “ᐱᓂᐊᕐᕕᒋᓂᐊᕐᐸᕋ ᑍᒫᓪᓗᐊᖅ ᐱᓂᐊᕐᕕᒋᓚᐅᕐᒪᖓ; ᐅᑎᕐᑎᑦᓯᕕᒋᓂᐊᕐᐸᕋ ᐱᓂᐊᕐᓂᕆᓚᐅᕐᑕᖓ ᒪᓕᒡᓗᒍ.”

ᒫᑎᐅᓯᐅᑉ ᐊᒡᓚᖏᑦ 5:24

ᑐᓂᕐᕈᑎᒋᓂᐊᕐᑍᑦ ᑐᓂᕐᕈᓯᕐᕕᐅᑉ ᓵᖓᓄᑦ ᕿᒪᒡᓗᒍ; ᖃᑕᓐᖑᑏᑦ ᐅᐸᒡᓗᒍ ᓮᒻᒪᖃᑎᒋᓕᕈᒃ, ᑭᖑᓂᖓᒍᑦ ᑐᓂᕐᕈᓯᕐᕕᖕᒧᑦ ᐅᑎᕐᓗᑎᑦ, ᑐᓂᕐᕈᑎᒃᓮᑦ ᑐᓂᓕᕈᒃ ᒎᑎᒧᑦ.

ᒫᑎᐅᓯᐅᑉ ᐊᒡᓚᖏᑦ 5:39

ᒫᓐᓇᓕ ᐅᖃᐅᑎᕙᑦᓯ: ᐊᑭᓂᐊᕋᓱᒃᑐᒃᓴᐅᓐᖏᓚᓯ ᐱᑦᓯᐊᕐᑎᒋᓐᖏᑕᑦᓯᓐᓄᑦ. ᐅᓗᐊᒃᑯᑦ ᐸᑎᒃᑕᐅᒍᕕᑦ, ᐅᓗᐊᕕᑦ ᐃᒡᓗᐊᑦᑕᐅᖅ ᒪᓂᓕᕈᒃ.

ᕉᒪᒥᐅᓄᑦ 12:19

ᐃᓚᓐᓇᕆᔭᒃᑲ, ᓇᖕᒥᓂᖅ ᐊᑭᒋᐊᕐᓂᐊᕋᓯ, ᒎᑎᐅᓪᓕ ᓂᓐᖓᖕᓂᕆᔪᒫᕐᑕᖓᓄᑦ ᑐᕌᖓᑎᓕᕐᓯᐅᒃ; ᐊᒡᓚᒃᓯᒪᖕᒪᑦ, “ᐊᑭᓂᐊᕐᓂᖅ ᐱᒋᕙᕋ, ᐅᕙᖓ ᐊᑭᓂᐊᕈᒫᕐᐳᖓ, ᐊᑕᓂᖅ ᐅᖃᕐᐳᖅ.”

ᕉᒪᒥᐅᓄᑦ 14:16

ᐱᐅᓇᓱᒋᔧᑦ ᐱᐅᖏᑦᑑᓂᕋᕐᑕᐅᓗᓂ ᐅᖃᐅᓯᐅᕕᒃᓴᖃᓕᕐᑎᑦᑍᓕᒍᒃ.

ᑯᓘᓯᐊᒥᐅᓄᑦ 4:5

ᓯᓚᑐᔪᒥᒃ ᐱᓂᐊᕐᓂᖃᕆᑦᓯ ᐅᒃᐱᖏᑦᑐᓄᑦ; ᐱᕕᒃᓴᓯᓗ ᐊᑐᑦᓯᐊᖃᑦᑕᕐᓗᒍ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:12

ᑍᒤᓕᐅᕐᑎᓪᓗᓯ ᑕᕝᕙ ᐃᒃᐱᒋᔭᐅᑦᓯᐊᕈᓐᓇᕐᓯᓂᐊᕐᐳᓯ ᐅᒃᐱᖏᑦᑐᓄᑦ, ᐊᓯᑦᓯᓐᓄᑦ ᐅᑕᖅᑭᑐᐃᓐᓇᕐᓂᐊᓐᖏᓚᓯ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:15

ᑲᒪᑦᓯᐊᕆᑦᓯ ᐱᐅᖏᑦᑐᖅ ᐊᑭᓂᐊᕐᑍᓕᓗᒍ ᐱᐅᖏᑦᑑᖕᒥᔪᒧᑦ, ᐱᑦᓯᐊᕈᒪᓂᕐᒥᒡᓕ ᑍᒪᓐᖓᑦ ᐱᓇᓱᐊᕈᒪᔭᖃᕆᑦᓯ ᐃᓅᖃᑎᑦᓯᓐᓄᑦ ᐃᓄᓕᒫᓄᓪᓗ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:22

ᐱᐅᖏᑦᑐᐊᓗᐃᑦ ᖃᓄᐃᑦᑐᑐᐃᓐᓁᑦ ᐊᑐᕐᑍᓕᒪᓯᒋᑦ.

ᑎᒧᑎᒧᑦ ᓯᕗᓪᓖᑦ 5:14

ᑍᒤᒻᒪᑦ ᐅᐃᒡᒐᕐᓃᑦ ᐃᓅᓱᖕᓂᕐᓮᑦ ᐅᐃᓂᖁᒐᔭᕐᐸᒃᑲ, ᕿᑐᕐᖏᐅᕐᓗᑎᒃ, ᐊᖏᕐᕋᒥᖕᓂᒃ ᑲᒪᖁᓪᓗᒋᑦ, ᐊᑭᕋᕐᑐᕐᑎᕗᑦ ᐱᐅᖏᑦᑐᒥᒃ ᐅᖃᐅᓯᒃᓴᖃᖁᓇᒋᑦ.

ᐲᑦᑐᕉᓯ ᓯᕗᓪᓖᑦ 2:12

ᐅᒃᐱᖏᑦᑐᓂᒃ ᐃᓚᖃᕐᑎᓪᓗᓯ ᐱᐅᔪᒥᒃ ᐱᓂᐊᕐᓂᖃᕆᐊᖃᕐᐳᓯ, ᐃᓕᑦᓯᓐᓂᒃ ᐱᐅᖏᑦᑐᓕᓂᕅᓇᓱᓕᕈᑎᒃ, ᖃᐅᔨᖁᓪᓗᒋᑦ ᐱᓂᐊᑦᓯᐊᕐᓂᑦᓯᓐᓂᒃ ᒎᑎᒥᒡᓗ ᓂᕐᑐᐃᔪᒫᖁᓪᓗᒋᑦ ᐅᓪᓗᕐᔪᐊᒥ ᑎᑭᑦᓱᒫᕐᑐᒥ.

ᐲᑦᑐᕉᓯ ᓯᕗᓪᓖᑦ 3:16

ᐃᓱᒪᑦᓯᒍᑦ ᐸᓯᔭᐅᑦᔪᑎᖃᕐᑍᓕᓗᓯ, ᐅᖃᕐᓂᕐᓘᑎᒋᔭᐅᓕᕈᑦᓯ, ᐊᑭᕋᕐᑐᕋᓱᒃᑐᑦ ᙭ᔅᑑᓯᒥ ᐱᑦᓯᐊᕐᓂᑦᓯᓐᓂᒃ ᑕᑯᓕᕈᑎᒃ ᑲᓐᖑᓱᖁᓪᓗᒋᑦ.

ᐲᑦᑐᕉᓯ ᓯᕗᓪᓖᑦ 3:9

ᐱᐅᖏᑦᑐᖅ ᐊᑭᓂᐊᕐᑍᓕᓗᒍ ᐱᐅᖏᑦᑐᒧᑦ ᐅᕝᕙᓗ ᐅᖃᕐᓂᕐᓗᖕᓂᖅ ᐅᖃᕐᓂᕐᓗᖕᓂᕐᒧᑦ; ᓮᒻᒪᕐᑎᑕᐅᖁᔨᒋᑦᓯ, ᑕᒪᑐᒧᖓ ᕾᖁᔭᐅᓯᒪᒐᑦᓯ, ᓮᒻᒪᕐᑎᑕᐅᖁᓪᓗᓯᑦᑕᐅᖅ.

ᕉᑎᐅᑉ ᐅᓂᒃᑲᐅᓯᓂᖓ 3:14

ᕉᑎᓕ ᐳᐊᓯᐅᑉ ᑭᓗᐊᓂ ᓯᓂᓚᐅᕐᐳᖅ ᐅᓪᓛᓐᖑᓚᐅᖏᓐᓂᖓᓂ, ᒪᑭᓪᓗᓂᓗ ᓱᓕ ᖃᐅᒻᒪᓚᐅᕐᑎᓐᓇᒍ ᐳᐊᓯᐅᑉ ᖃᐅᔨᔭᐅᖁᓚᐅᖏᒻᒪᒍ ᐃᕖᔧᕕᖕᒥ ᐊᕐᓇᒥᒃ ᓯᓂᒃᑐᖃᓚᐅᕐᒪᖔᑦ.

ᓴᒧᐃᓕ ᓯᕗᓪᓖᑦ 26:11

ᐊᑕᓂᐅᑉ ᑍᒤᑎᑦᑍᓕᓛᖓ ᐊᓯᕈᐃᓂᕐᒥᒃ ᓂᕈᐊᕐᓯᒪᔭᖓᓂᒃ ᐊᖓᔪᖅᑳᕐᔪᐊᖑᖁᓪᓗᒍ; ᖃᓗᒋᐊᖓ ᐃᒥᐅᑎᖓᓗ ᑎᒍᓚᐅᕐᓚᕗᒃ ᓂᐊᖁᐊᑕ ᓴᓂᐊᓃᑦᑐᑦ, ᑕᒫᓃᑦᓱᓐᓃᕐᓗᒃ.”