ᕉᒪᒥᐅᓄᑦ 12:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐱᓇᓱᐊᖃᑎᒌᑦᓯᐊᕆᑦᓯ ᐃᓕᑦᓯᓐᓄᑦ; ᐱᐅᔪᕆᖏᓪᓗᓯ, ᐊᔪᕐᓂᕐᓮᑦ ᐱᓇᓱᐊᖃᑎᒋᓯᒋᒃ; ᓇᖕᒥᓂᖅ ᓯᓚᑐᓇᓱᒋᖏᓪᓗᓯ.

ᕉᒪᒥᐅᓄᑦ 12:16 Iomraidhean Croise

ᑯᕉᓂᑲ ᐂᑉᐸᖏᑦ 30:12

ᒎᑎᐅᓪᓗ ᐱᔪᓐᓇᕐᓂᖓᑕ ᑎᑭᑉᐰᑦ ᔫᑕᒥᐅᑦ ᐊᑕᐅᓯᕐᒥᒃ ᐆᒻᒪᑎᑖᕐᑎᓪᓗᒋᑦ ᐊᖓᔪᖅᑳᕐᔪᐊᑉ ᐊᖓᔪᖅᑳᓪᓗ ᐱᖁᔨᓂᖏᓐᓂᒃ ᒪᓕᖁᓪᓗᒋᑦ ᐊᑕᓂᐅᑉ ᐅᖃᐅᓯᖏᑦ ᒪᓕᒡᓗᒋᑦ.

ᔫᐱᐅᑉ ᐊᒡᓚᖏᑦ 36:5

ᑕᑯᒋᑦ, ᒎᑎ ᐊᔪᒐᖃᖏᑦᑑᕗᖅ, ᓇᓪᓕᐊᓐᓂᒡᓘᓐᓃᑦ ᓇᕐᕈᒋᔭᖃᖏᑦᑐᖅ; ᐊᔪᒐᖃᖏᑦᑑᒐᒥ ᐱᔪᓐᓇᕐᓂᕐᔪᐊᒥᒍᑦ ᖃᐅᔨᒪᓐᖏᑕᖃᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:5

ᐊᒃᓗᔪᓂᒃ ᒥᑕᐅᑎᖃᕐᑐᖅ ᐱᓐᖑᕐᑎᑦᓯᔨᒥᓂᒃ ᓇᕐᕈᓇᕐᑎᑦᓯᕗᖅ, ᐱᓂᕐᓗᖕᓂᐅᔪᓂᒃ ᖁᕕᐊᓲᑎᖃᕐᑐᖅ ᓱᒋᐊᕐᑕᐅᖏᑦᑑᓂᐊᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:17

ᐊᒃᓗᔪᓂᒃ ᐱᑦᓯᐊᕐᕕᖃᕐᑐᖅ ᐊᑕᓂᕐᒥᒃ ᐊᑐᕐᑎᑦᓯᔪᑎᑐᑦ ᑍᒤᑉᐳᖅ, ᐱᓂᐊᕐᓂᖏᓪᓗ ᐱᓪᓗᒋᑦ ᐅᑎᕐᑎᑦᓯᕕᐅᓂᐊᕆᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:22

ᐱᔪᒪᔭᐅᓂᕐᐸᐅᕗᖅ ᓱᓕᔪᒥᒃ ᑲᔪᓯᑦᓯᐊᕐᓂᖅ, ᐊᒃᓱᓂᖅ ᐱᐅᓂᕐᓴᐅᕗᖅ ᓴᒡᓗᑐᔪᒥᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:7

ᐊᒃᓱᔪᖅ ᐆᒥᒋᔭᐅᒃᐸᑦ ᓇᖕᒥᓂᖅ ᐃᓚᒥᓄᑦ; ᐃᓚᓐᓇᕆᔭᖏᓐᓄᓪᓗ ᐊᒡᓛᑦ ᖃᓂᒋᔭᐅᔪᒪᓲᖑᓐᖏᓚᖅ! ᓂᓪᓕᐊᓗᓂ ᐃᓇᒃᑲᓗᐊᕐᐸᒋᑦ ᑲᒪᒋᓂᐊᓐᖏᓛᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 26:12

ᖃᐅᔨᒪᕖᑦ ᐊᖑᒻᒥᒃ ᐃᒻᒥᓂᒃ ᓯᓚᑐᓇᓱᒋᔪᒥᒃ? ᓯᓔᑦᑐᖅ ᐃᓱᒪᓇᕐᓂᕐᓴᐅᕗᖅ ᑖᑦᓱᒪᓐᖓᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 26:5

ᓯᓔᑦᑑᑉ ᓯᓔᓐᓂᖓ ᒪᓕᒡᓗᒍ ᑭᐅᒍᒃ, ᐃᒻᒥᓂᒃ ᓯᓚᑐᓇᓱᒋᓕᖁᓇᒍ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:7

ᐃᒻᒥᓂᒃ ᓯᓚᑐᓇᓱᒋᑦᑍᓕᒋᑦ; ᐊᑕᓂᕐᓕ ᐃᓕᕋᒋᒍᒃ, ᐱᐅᖏᑦᑐᒥᒡᓗ ᕿᒤᓗᑎᑦ.

ᐂᓮᐊᓯᐅᑉ ᐊᒡᓚᖏᑦ 5:21

ᑲᑉᐱᐊᓐᓇᒦᒃ ᐃᒻᒥᖕᓂᒃ ᑕᐅᑐᒃᑕᒥᒍᑦ ᓯᓚᑐᓇᓱᒋᔪᑦ, ᖃᐅᔨᒪᓂᕐᓴᐅᓇᓱᒋᔪᓪᓗ ᐃᒻᒥᒍᑦ ᑕᐅᑐᒃᑕᒥᒍᑦ!

ᔨᕆᒤᐊᐅᑉ ᐊᒡᓚᖏᑦ 32:39

ᐊᑕᐅᓯᕐᒥᒃ ᐆᒻᒪᑎᖃᕐᑎᑦᓱᒫᕐᐸᒃᑲ ᐊᑕᐅᓯᕐᒥᒡᓗ ᐊᖅᑯᑎᖃᕐᑎᓪᓗᒋᑦ, ᐅᕙᓐᓂᒃ ᓯᕘᕋᒋᔭᖃᖁᓪᓗᒋᑦ ᐃᓱᖃᖏᑦᑐᒧᑦ, ᐱᐅᓂᕐᓴᒦᖁᓪᓗᒋᑦ ᑭᖑᕚᒃᓴᖏᓪᓗ.

ᔨᕆᒤᐊᐅᑉ ᐊᒡᓚᖏᑦ 45:5

ᐱᔪᓐᓇᕐᑐᕐᔪᐊᖑᓕᕈᑎᒃᓴᓂᒃ ᕿᓂᕈᕕᑦ, ᕿᓂᕈᓐᓃᕆᑦ ᐊᓯᕈᕐᑕᐅᓇᕐᑐᒥᒃ ᐃᓄᓕᒫᓄᑦ ᑎᑭᑎᑦᓯᓂᐊᕋᒪ, ᐊᑕᓂᖅ ᐅᖃᕐᐳᖅ, ᐃᕝᕕᓪᓕ ᐃᓅᓯᕐᒥᒃ ᑐᓂᓂᐊᕐᐸᒋᑦ ᓇᒧᑐᐃᓐᓇᖅ ᐂᓂᐊᕈᕕᑦ ᐃᓅᑎᑦᓱᒫᕐᐸᒋᑦ.”

ᒫᑎᐅᓯᐅᑉ ᐊᒡᓚᖏᑦ 11:5

ᑕᐅᑐᖏᑦᑐᑦ ᑕᐅᑐᓕᕐᐳᑦ, ᑐᓯᐊᑦᑐᑦ ᐱᓱᑦᓯᐊᓕᕐᐳᑦ, ᐸᕐᑎᕐᑐᓪᓗ ᓯᕗᕋᓇᓂᕋᕐᑕᐅᔪᓂᒃ ᐋᖅᑭᒃᑕᐅᕗᑦ ᐋᖅᑭᑦᓯᐊᕐᓗᑎᒃ, ᑐᓵᖏᑦᑐᑦ ᑐᓵᓕᕐᐳᑦ, ᑐᖁᖓᔪᓪᓗ ᒪᑭᑉᐳᑦ, ᐅᖃᐅᓰᓪᓗ ᑐᓴᕈᒥᓇᕐᑐᑦ ᐅᖃᐅᓯᐅᕗᑦ ᐊᔪᕐᓴᕐᑐᓄᑦ.

ᒫᑎᐅᓯᐅᑉ ᐊᒡᓚᖏᑦ 26:11

ᑍᒪᓐᖓᓕᒫᖅ ᐊᔪᕐᓴᕐᑐᓂᒃ ᓇᔪᕐᑎᕾᓐᓇᕐᓂᐊᕐᐳᓯ, ᑭᓯᐊᓂᓕ ᐅᕙᓐᓂᒃ ᓇᔪᕐᑎᕾᓐᓇᕐᓂᐊᓐᖏᓚᓯ.

ᓘᑲᓯᐅᑉ ᐊᒡᓚᖏᑦ 14:13

ᓂᕆᔭᕐᑐᖁᔨᒍᕕᓪᓕ, ᐊᔪᕐᓴᕐᑐᑦ ᕾᖁᒃᑭᑦ, ᐃᓚᑯᓐᖑᕐᓯᒪᔪᑦ, ᓄᕿᖃᑦᑎᐊᖏᑦᑐᑦ, ᑕᐅᑐᖏᑦᑐᓪᓗ;

ᓘᑲᓯᐅᑉ ᐊᒡᓚᖏᑦ 6:20

ᔩᓱᓯᐅᑉ ᐃᓕᓐᓂᐊᕐᑎᓂ ᑕᑯᓴᕐᓗᒋᑦ ᐅᖃᐅᑎᕔᑦ: “ᓮᒪᕐᑎᑕᐅᓇᕐᑐᒦᑉᐳᓯ ᐊᔪᕐᓴᕐᑐᓯ; ᒎᑎᐅᑉ ᐊᑕᓂᐅᕕᖓ ᐱᒋᓕᕋᑦᓯᐅᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 4:32

ᐅᒃᐱᕐᑑᖃᑎᒌᓕᒫᑦ ᐆᒻᒪᑎᒥᒃᑎᒍᑦ ᑕᕐᓂᕐᒥᒃᑎᒍᓪᓗ ᐊᑕᐅᓯᐅᓕᖅᑲᖓᑦᓯᐊᓚᐅᕐᐳᑦ ᐃᓚᒌᑦᓯᐊᕐᓗᑎᒃ, ᐱᖁᑎᒥᖕᓂᒃ ᓇᖕᒥᓂᖃᕐᓂᕋᕐᓗᑎᒃ ᑍᓯᔪᖃᓚᐅᓐᖏᓚᑦ, ᑕᒪᕐᒥᒃ ᐱᒋᔭᒥᖕᓂᒃ ᑲᑐᑦᔨᓚᐅᕐᐳᑦ ᐊᑦᔨᒌᒃᑐᒥᒃ.

ᕉᒪᒥᐅᓄᑦ 11:20

ᑕᒪᓐᓇ ᓱᓕᕗᖅ. ᑍᒃᑯᐊᓕ ᓇᑲᑕᐅᓚᐅᕐᐳᑦ ᐅᒃᐱᖏᓐᓂᖏᓐᓄᑦ, ᐃᕝᕕᓪᓕ ᓇᖏᕐᐳᑎᑦ ᐅᒃᐱᕐᓂᒃᑯᑦ ᑭᓯᐊᓂ. ᑍᒤᒻᒪᑦ ᐱᐅᔪᕆᓕᕐᓂᐊᕐᓇᒃ, ᓯᕘᕋᓗᑎᓪᓕ ᓂᑯᕕᖓᒋᑦ.

ᕉᒪᒥᐅᓄᑦ 11:25

ᒪᑐᒥᖓ ᓇᓗᓇᕐᑐᒥᒃ ᑐᑭᓯᖁᕙᑦᓯ, ᐅᒃᐱᕐᑑᖃᑎᒃᑳ, ᐃᓕᑦᓯᓐᓂᒃ ᓯᓚᑐᓇᓱᒋᖁᓇᓯ: ᐃᓴᕆᐊᓕᒥᐅᑦ ᓯᑎᑎᑕᐅᓂᖓ ᓄᖑᔪᒫᕐᒪᑦ ᔫᑎᐅᖏᑦᑐᑦ ᒎᑎᒧᐊᕐᑐᑦ ᐅᓄᕐᓂᖏᑦ ᓈᒻᒪᓕᕐᐸᑕ,

ᕉᒪᒥᐅᓄᑦ 12:3

ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᕐᖓᑕ ᑐᓂᓯᕕᒋᓯᒪᖕᒪᖓ ᑕᒪᑦᓯᓐᓄᑦ ᐅᖃᕐᐳᖓ: ᓇᖕᒥᓂᑦᓯᓐᓂᒃ ᐱᐅᔪᕆᖁᓇᓯ, ᐃᓕᑦᓯᓐᓂᒡᓕ ᐃᓱᒪᒋᓕᕆᑦᓯ ᐃᓱᒪᒃᓴᕐᓯᐅᑦᓯᐊᕐᓗᓯ, ᐊᑐᓂᑦ ᒎᑎᐅᑉ ᑐᓂᔭᖓ ᐅᒃᐱᕐᓂᖅ ᒪᓕᒡᓗᒍ.

ᕉᒪᒥᐅᓄᑦ 15:5

ᒎᑎᐅᓪᓕ ᕿᓄᐃᓵᕐᓂᖃᕐᑎᑦᓯᔫᑉ ᑲᔪᖏᕐᓮᔫᓪᓗ ᑐᓂᓯᕕᒋᓕᓯ ᐃᓱᒪᖃᖃᑎᒌᓂᕐᒥᒃ ᐃᓕᑦᓯᓐᓄᑦ ᐊᑐᓂᑦ, ᙭ᔅᑑᓯ ᔩᓱᓯ ᒪᓕᒡᓗᒍ,

ᕉᒪᒥᐅᓄᑦ 6:2

ᑍᒤᑦᑐᓐᓇᖏᑦᑐᖅ! ᐅᕙᒍᑦ ᐊᔪᕐᓂᕐᒧᑦ ᑐᖁᓯᒪᔪᒍᑦ, ᓱᓕ ᐃᓅᔪᒃᓴᐅᒋᕕᑖ ᐊᔪᕐᓂᕐᒥ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:10

ᐱᖁᒻᒪᕆᒃᐸᑦᓯ ᐃᓅᖃᑎᒃᑲ, ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ, ᐊᖏᖃᑎᒌᑦᓯᐊᖁᓪᓗᓯ ᐅᖃᐅᓯᑦᓯᒍᑦ ᐃᓕᑦᓯᓐᓄᓪᓗ ᐊᕕᓯᒪᖁᓇᓯ, ᑲᑎᓐᖓᑦᓯᐊᕐᓗᓯᓕ ᐊᑕᐅᓯᐅᖁᓪᓗᓯ ᐃᓱᒪᑦᓯᒍᑦ ᐱᓂᐊᕐᓂᑦᓯᒍᓪᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:18

ᓇᓕᕐᓯ ᓇᖕᒥᓂᖅ ᐅᐃᕖᕐᕆᓂᐊᕋᓂ. ᐃᒻᒥᓂᒃ ᓯᓚᑐᓇᓱᒋᔪᖅ ᓯᓚᕐᔪᐊᕐᒥᐅᑦ ᓯᓚᑐᓂᖓ ᒪᓕᒡᓗᒍ, ᓯᓔᑦᑐᓐᖑᕐᑐᒃᓴᐅᕗᖅ ᓯᓚᑐᔪᓐᖑᓪᓚᕆᖁᓪᓗᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:10

᙭ᔅᑑᓯ ᐱᑦᔪᑎᒋᓪᓗᒍ ᓯᓔᑦᑑᔭᕐᐳᒍᑦ, ᐃᓕᑦᓯᓕ ᙭ᔅᑑᓯᒥ ᓯᓚᑐᕗᓯ. ᓴᓐᖐᑦᑑᕗᒍᑦ, ᐃᓕᑦᓯᓕ ᓴᓐᖏᔫᕗᓯ. ᐅᐱᒋᔭᐅᕗᓯ, ᐅᕙᒍᓪᓕ ᓇᕐᕈᒋᔭᐅᕗᒍᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:5

ᑍᒫᒃ ᐅᖃᕐᐳᖓ ᑲᓐᖑᓱᖁᓪᓗᓯ, ᓇᓗᓇᖏᒻᒪᑦ ᐃᓚᒋᔭᑦᓯᓐᓂᒃ ᓯᓚᑐᔪᕐᑕᖃᕐᒥᔪᖅ ᐃᖅᑲᕐᑐᐃᔪᓐᓇᕐᑐᒥᒃ ᐅᒃᐱᕐᑑᖃᑎᒌᑦ ᐊᑲᐅᓐᖏᓕᐅᕈᑎᖏᓐᓂᒃ ᐋᖅᑭᒃᓯᔪᓐᓇᕐᑐᒥᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:2

ᐃᓄᒡᓕ ᖃᐅᔨᒪᓇᓱᒋᔪᖅ ᖃᐅᔨᒪᔭᕆᐊᖃᓪᓚᕆᒃᑕᒥᓂᒃ ᓱᓕ ᖃᐅᔨᒪᓐᖏᓚᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 13:11

ᒫᓐᓇᓕ ᙭ᔅᑑᓯᒥᐅᑕᐅᑎᒃᑲ ᑕᕝᕙᐅᕗᓯ. ᐃᓅᓯᓯ ᐋᖅᑭᒃᓱᕐᓯᐅᒃ, ᐱᖁᔨᓂᒃᑲ ᓈᓚᒃᓯᒋᒃ, ᐃᓱᒪᖃᖃᑎᒌᒋᑦᓯ ᐊᑭᕋᕐᑑᑎᖏᓪᓗᓯ, ᒎᑎᐅᓪᓗ ᓇᒡᓕᖕᓂᖓᑕ ᓮᒻᒪᕐᑎᑦᓯᓂᖓᑕᓗ ᐃᓚᒋᓂᐊᕐᐹᓯ.

ᐱᓕᐱᒥᐅᓄᑦ 1:27

ᒫᓐᓇᓕ ᐱᔭᕆᐊᖃᕐᓂᕐᐹᖑᕗᖅ ᐃᓅᓯᓯ ᒪᓕᑦᓯᐊᖁᓪᓗᒍ ᙭ᔅᑑᓯᐅᑉ ᐅᖃᐅᓯᖏᑕ ᐊᑐᕐᑕᐅᖁᔭᖏᓐᓂᒃ, ᐃᓕᑦᓯᓐᓄᑦ ᑎᑭᑦᓱᓐᓇᕈᒪ ᑕᑯᓗᓯ, ᐃᓕᑦᓯᓅᕈᓐᓇᖏᒃᑲᓗᐊᕈᒪᓘᓐᓃᑦ, ᑐᓴᕈᓐᓇᖁᓪᓗᖓ ᑲᔪᓯᑦᓯᐊᕐᓂᑦᓯᓐᓂᒃ ᐊᑕᐅᓯᐅᑦᓯᐊᕐᓂᑦᓯᓐᓂᒡᓗ ᐆᒻᒪᑎᑦᓯᒍᑦ, ᐃᓱᒪᑦᓯᒍᓪᓗ ᐊᒃᓱᕉᑎᖃᓪᓚᕆᖕᓂᑦᓯᓐᓂᒃ ᑲᑐᑦᔨᑦᓯᐊᕐᓗᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᒃᐱᕈᓱᑦᓯᐊᕐᓂᕐᒧᑦ.

ᐱᓕᐱᒥᐅᓄᑦ 3:16

ᑍᒤᒻᒪᑦ ᑲᔪᓯᓕᕐᑕ ᓱᓕᔪᑦ ᐃᓕᓐᓂᐊᕐᓯᒪᔭᕗᑦ ᒪᓕᒡᓗᒋᑦ.

ᐱᓕᐱᒥᐅᓄᑦ 4:2

ᐃᐅᑎᐊᓗ ᓯᓐᑍᑭᓗ ᐊᒃᓱᕈᕐᓗᖓ ᕿᓄᕕᒋᕙᑦᓯᒃ, ᐊᖏᖃᑎᒌᖁᓪᓗᓯᒃ ᐊᑕᓂᕐᒥ.

ᐄᑉᕈᐃᓄᑦ 13:5

ᐃᓅᓯᓯ ᑮᓇᐅᔭᓂᒃ ᐱᔪᒪᓗᐊᕐᓂᕐᒥᑦ ᓴᐳᑎᓯᒪᓯᐅᒃ, ᐱᒋᔭᓯᓗ ᑕᒫᓂ ᓈᒻᒪᒋᓯᒋᒃ; ᐅᖃᕐᓯᒪᖕᒪᑦ, “ᕿᒪᓚᐅᕐᓯᒪᓂᐊᓐᖏᓚᑦᓯ; ᖁᔭᓈᕐᓂᐊᕐᓇᓯᓗ.”

ᐲᑦᑐᕉᓯ ᓯᕗᓪᓖᑦ 3:8

ᑭᖑᓪᓕᕐᐹᒥᒡᓕ, ᑕᒪᑦᓯ ᐊᑦᔨᒌᒃᑐᒥᒃ ᐃᓱᒪᖃᖃᑎᒌᒃᑐᒃᓴᐅᕗᓯ, ᐃᓚᑦᓱᒋᖃᑦᑕᐅᑎᓗᓯ, ᓇᒡᓕᒃᑎᒌᒡᓗᓯ ᐃᓚᒌᒃᑐᑎᑐᑦ, ᓈᒃᑭᒍᓱᒡᓗᓯ ᒥᑭᒡᓕᑎᕐᓯᒪᓗᓯᓗ.

ᐲᑦᑐᕉᓯ ᓯᕗᓪᓖᑦ 5:3

ᒥᐊᓂᕆᔭᑦᓯᓐᓄᑦ ᐊᖓᔪᖅᑳᕐᔪᐊᑎᑐᑦ ᐱᓂᐊᕋᓯ ᒪᓕᒐᓴᐅᓇᓱᐊᕆᑦᓯᓕ ᑖᒃᑯᓄᖓ.

ᔪᐊᓇᓯᐅᑉ ᐱᖓᔪᖏᑦ 1:9

ᐅᒃᐱᕐᑑᖃᑎᒌᓄᑦ ᑎᑎᕋᓚᐅᕋᓗᐊᕐᑐᖓ; ᑭᓯᐊᓂᓕ ᑎᐅᑐᕆᐱᓯ ᓯᕗᓕᕐᑎᐅᔪᒪᒐᒥ, ᓯᕗᓕᕐᑎᐅᓂᕋ ᓈᓚᒍᒪᓚᐅᓐᖏᓛ.