ᕉᒪᒥᐅᓄᑦ 11:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᑎᑎᕋᕐᓯᒪᖕᒪᑦ, “ᒎᑎᐅᑉ ᑐᓂᓯᕕᒋᕔᑦ ᐊᓂᕐᓂᕐᒥᒃ ᐋᖓᔮᕐᑐᑐᑦ ᑍᒤᓐᓇᕐᑐᒥᒃ, ᐃᔨᒥᖕᓄᑦ ᑕᑯᖁᓇᒋᑦ ᓯᐅᑎᒥᖕᓄᓪᓗ ᑐᓴᖁᓇᒋᑦ, ᐅᓪᓗᒥᒧᑦ ᑎᑭᓪᓗᒍ.”

ᕉᒪᒥᐅᓄᑦ 11:8 Iomraidhean Croise

ᐊᑕᓃᑦ ᐂᑉᐸᖏᑦ 17:34

ᑍᒫᒡᓗ ᐅᓪᓗᒥ ᑎᑭᓪᓗᒍ ᐱᐅᓯᑐᖃᕐᒥᖕᓂᒃ ᒪᓖᓐᓇᓚᐅᕐᐳᑦ. ᐊᑕᓂᕐᒥᒃ ᑐᒃᓯᐊᕐᕕᖃᕈᒪᓚᐅᓐᖏᓚᑦ ᐱᖁᔭᖏᓐᓂᒡᓗ ᒪᓕᒍᒪᓇᑎᒃ ᔧᑰᑉ ᑭᖑᕚᖏᓐᓄᑦ ᒪᓕᒃᑕᐅᖁᓚᐅᕐᑕᖏᓐᓂᒃ, ᑍᓕᓚᐅᕐᑕᖓᓂᒃ ᐃᓴᕆᐊᓕᒥᒃ.

ᐊᑕᓃᑦ ᐂᑉᐸᖏᑦ 17:41

ᑍᒤᒻᒪᑦ ᑖᒃᑯᐊ ᐃᓅᖃᑎᒌᒡᔪᐊᑦ ᐊᑕᓂᖅ ᓯᕘᕋᒋᓚᐅᕋᓗᐊᕐᐹᑦ, ᒎᑎᓐᖑᐊᒥᖕᓄᓪᓗ ᑐᒃᓯᐊᖃᑦᑕᓚᐅᕆᕗᑦ; ᑍᒫᒃᑕᐅᖅ ᐅᓪᓗᒥᒧᑦ ᑎᑭᓪᓗᒍ ᑭᖑᕚᖏᑦ, ᑭᖑᕚᖏᑕᓗ ᑭᖑᕚᖏᑦ ᑕᒪᑐᒥᖓ ᑲᔪᓯᒪᕕᖃᕐᐳᑦᑕᐅᖅ.

ᐂᓮᐊᓯᐅᑉ ᐊᒡᓚᖏᑦ 29:10

ᐊᑕᓂᐅᑉ ᐊᓂᕐᓂᕐᒥᒃ ᑯᕕᓯᕕᒋᖕᒪᓯ ᐃᑎᔪᒥᒃ ᓯᓂᒃᑎᑦᓯᔪᒥᒃ, ᐃᔨᓯᓗ ᐅᐃᑕᔪᓐᓁᓪᓕᑎᓪᓗᒋᑦ, ᒎᑎᐅᓪᓗ ᐱᔪᖃᓛᕐᑐᒥᒃ ᐅᖃᕐᑎᖏᑕ ᓂᐊᖁᓯ ᐅᓕᒃᐰᑦ, ᓯᕗᓂᒃᓴᒥᒃ ᓇᓚᐅᑦᑍᔩᑦ.

ᐂᓮᐊᓯᐅᑉ ᐊᒡᓚᖏᑦ 6:9

ᐅᖃᐅᑎᕚᖓᓗ, “ᐂᓕᕆᑦ, ᐃᓄᐃᓪᓗ ᐅᑯᐊ ᐅᖃᐅᑎᒃᑭᑦ, ‘ᑐᓵᖃᑦᑕᕋᓗᐊᕐᓗᓯ, ᑐᑭᓯᓂᐊᓐᖏᓚᓯ; ᑕᑯᖃᑦᑕᕋᓗᐊᕈᑦᓯ, ᑐᑭᓯᔪᓐᓇᕐᓂᐊᓐᖏᓚᓯ.’”

ᔨᕆᒤᐊᐅᑉ ᐊᒡᓚᖏᑦ 5:21

ᑐᓴᓕᕆᑦᓯ, ᐃᓕᑦᓯ ᓯᓔᑦᑐᓯ, ᐃᓱᒪᖃᑦᓯᐊᖏᑦᑐᓯᓗ ᐃᔨᖃᕋᓗᐊᕐᓗᓯ ᑕᐅᑐᖏᑦᑐᓯ, ᓯᐅᑎᖃᕋᓗᐊᕐᓗᓯᓗ ᑐᓵᖏᑦᑐᓯ.

ᐃᓯᑭᐊᓕᐅᑉ ᐊᒡᓚᖏᑦ 12:2

“ᐃᓅᑉ ᐃᕐᓂᖓ, ᓄᓇᖃᕐᐳᑎᑦ ᐊᑭᕋᕐᑐᕈᒪᔪᓂᒃ ᐃᓄᖃᕐᑐᓂᒃ, ᐃᔨᖃᕋᓗᐊᕐᐳᑦ ᑕᑯᔪᓐᓇᓐᖏᓚᑦ, ᓯᐅᑎᖃᕋᓗᐊᕐᐳᑦ ᑐᓴᕈᓐᓇᓐᖏᓚᑦ; ᐊᑭᕋᕐᑐᕐᑎᐅᒐᒥᒃ ᑭᖑᕚᖑᖃᑎᒌᑦ.

ᐃᓯᑭᐊᓕᐅᑉ ᐊᒡᓚᖏᑦ 20:26

ᓴᓗᒤᓕᑎᓚᐅᕐᐸᒃᑲ ᑐᓂᕐᕈᓯᖃᑦᑕᕐᓂᖏᑎᒍᑦ ᕿᑐᕐᖓᕐᑖᕆᐅᕈᑎᒥᖕᓂᒃ ᐃᑯᐊᓚᑎᑦᓯᓂᒃᑯᑦ, ᑲᑉᐱᐊᓱᒃᑎᑦᓱᒪᓪᓗᒋᑦ; ᑍᒤᑎᓚᐅᕐᐸᒃᑲ ᖃᐅᔨᓕᖁᓪᓗᒋᑦ ᐅᕙᖓᐅᒐᒪ ᐊᑕᓂᖅ.

ᓘᑲᓯᐅᑉ ᐊᒡᓚᖏᑦ 8:10

ᐅᖃᐅᑎᕔᑦ, “ᐃᓕᑦᓯᓐᓄᑦ ᒎᑎᐅᑉ ᐊᑕᓂᐅᕕᖓᑕ ᓇᓗᓇᕐᓂᖏᑦ ᓴᖅᑭᑕᐅᕗᑦ; ᐊᓯᑦᓯᓐᓄᓪᓕ ᐊᑦᔨᐅᔪᑎᒍᑦ ᓴᖅᑭᑕᐅᕗᑦ, ᑕᑯᒐᓗᐊᕐᓗᑎᒃ, ᓱᖅᑯᐃᕐᓯᖁᓇᒋᑦ, ᑐᓴᕋᓗᐊᕐᓗᑎᒡᓗ ᑐᑭᓯᖁᓇᒋᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 28:26

‘ᐃᓄᐃᑦ ᐅᐸᒡᓗᒋᑦ ᐅᖃᐅᑎᒃᑭᑦ, ᑐᓴᖃᑦᑕᕋᓗᐊᕐᓗᓯ ᑐᑭᓯᔪᓐᓇᕐᓂᐊᓐᖏᓚᓯ; ᑕᑯᖃᑦᑕᕋᓗᐊᕐᓗᓯᓗ, ᐃᓕᑕᕐᓯᓂᐊᓐᖏᓚᓯ.

ᒨᓯᓯ ᑕᓪᓕᒪᖏᑦ 29:4

ᑭᓯᐊᓂᓕ ᐊᒡᓛᑦ ᐅᓪᓗᒥᒧᑦ ᑎᑭᓪᓗᒍ ᓱᓕ ᑐᑭᓯᑎᓚᐅᕐᓯᒪᓐᖏᓛᓯ ᐊᑐᖃᑦᑕᓚᐅᕐᑕᑦᓯᓐᓂᒃ.