ᕉᒪᒥᐅᓄᑦ 11:33 - ᐊᒡᓔᑦ ᐃᑦᔪᕐᖕᓁᑦᑐᑦ

³³ ᐊᖏᔪᕐᔪᐊᖑᕗᖅ ᒎᑎᐅᑉ ᐊᔪᕐᓴᖏᑦᑐᕐᔫᓂᖓ! ᐃᑎᔪᕐᔪᐊᖑᓪᓗᓂᓗ ᓯᓚᑐᓂᖓ ᖃᐅᔨᒪᓂᕐᔪᐊᖓᓗ! ᑖᑦᓱᒪ ᑐᑭᑖᕆᓯᒪᔭᖏᑦ ᑭᐊ ᓇᓗᓁᔭᕈᓐᓇᕐᐰᑦ ᐱᓂᐊᕐᓂᖏᓪᓗ ᑭᐊ ᑐᑭᓯᔪᓐᓇᕐᐰᑦ?

ᕉᒪᒥᐅᓄᑦ 11:33 Iomraidhean Croise

ᐃᔅᑕᐅᑉ ᐊᒡᓚᖏᑦ 2:22

ᒧᐊᑎᑬᓕ ᑕᒪᑐᒥᖓ ᖃᐅᔨᒐᒥ, ᑯᐃᓐ ᐃᔅᑕᕐ ᐅᖃᐅᑎᕚ, ᐃᔅᑕᕐᐅᓪᓗ ᐊᖓᔪᖅᑳᕐᔪᐊᖅ ᑕᒪᑐᒥᖓ ᐅᖃᐅᑎᕚ ᒧᐊᑎᑬᒧᑦ ᖃᐅᔨᑎᑕᐅᓂᕋᕐᓗᓂ.

ᔫᐱᐅᑉ ᐊᒡᓚᖏᑦ 10:13

ᒫᓐᓇᓕ ᑐᑭᓯᕗᖓ ᓱᓇᐅᕝᕙ ᑕᒪᒃᑯᐊ ᐃᔨᕐᓯᒪᓚᐅᕐᐸᑎᑦ ᐅᕙᓐᓄᑦ ᑕᒪᐅᓈᕐᑎᓐᓂᐊᕐᓂᕋᕕᖓ.

ᔫᐱᐅᑉ ᐊᒡᓚᖏᑦ 15:8

ᒎᑎᐅᑉ ᐋᖅᑭᒃᓱᕋᓱᐊᓕᕐᑕᖏᓐᓂᒃ ᑐᓵᓚᐅᕐᓯᒪᕖᑦ? ᐃᓅᓪᓗ ᓯᓚᑐᓂᕆᔪᓐᓇᕐᑕᓕᒫᖏᓐᓂᒃ ᐱᓯᒪᔪᑑᕖᑦ?

ᔫᐱᐅᑉ ᐊᒡᓚᖏᑦ 23:14

ᑖᑦᓱᒪ ᐱᓇᓱᐊᕈᒪᔭᓂ ᐅᕙᓐᓄᑦ ᑲᔪᓯᑎᓐᓂᐊᕐᐹ; ᐱᓇᓱᐊᕈᒪᔭᖏᑦ ᐅᓄᕐᒪᑕ ᐃᓱᒪᒋᓯᒪᔭᖏᑦ.

ᔫᐱᐅᑉ ᐊᒡᓚᖏᑦ 26:14

ᑕᒪᒃᑯᐊᓕ ᐊᖅᑯᑎᖏᑕ ᐃᓱᐊᐱᑐᐃᓐᓇᖓᓐᓂᒃ ᓇᓗᓁᕐᓯᕗᑦ; ᓂᐱᑭᓪᓗᓂᓗ ᐅᖃᕐᓂᖓᓂᒃ ᑐᓴᒐᓛᒃᓯᒪᕗᒍᑦ! ᑭᐊᓕ ᐱᔪᓐᓇᕐᑐᕐᔪᐊᖑᓗᓂ ᑲᓪᓗᖕᓂᖓ ᑐᑭᓯᔪᓐᓇᕐᐸᐅᒃ?”

ᔫᐱᐅᑉ ᐊᒡᓚᖏᑦ 33:13

ᓱᖕᒪᑦ ᒎᑎ ᐊᑭᕋᕐᑐᕋᓱᓚᐅᕐᐱᐅᒃ? ᐅᖃᕐᓗᑎᑦ, ‘ᐅᖃᐅᓯᓐᓂᒡᓘᓐᓃᑦ ᓇᓪᓕᐊᓐᓂᒃ ᑭᐅᔪᓐᓇᓐᖏᓚᖅ.’

ᔫᐱᐅᑉ ᐊᒡᓚᖏᑦ 37:19

ᐊᔪᕆᕐᑐᓚᐅᕐᑎᒍᑦ ᖃᓄᖅ ᒎᑎᒧᑦ ᐅᖃᕐᑐᒃᓴᐅᖕᒪᖔᑦᑕ; ᐃᓱᒪᑖᕈᓐᓇᖏᓐᓇᑦᑕ ᖃᓄᐃᓕᔭᕆᐊᒃᓴᖅ ᑖᕐᑐᒦᓐᓂᑦᑎᓐᓄᑦ.

ᔫᐱᐅᑉ ᐊᒡᓚᖏᑦ 37:23

ᐊᔪᒐᖃᖏᑦᑐᖅ ᐊᖏᓗᐊᕐᒪᑦ ᓇᒡᕚᕈᓐᓇᓐᖏᓚᕗᑦ; ᐱᔪᓐᓇᕐᓂᕐᔪᐊᖃᕐᐳᖅ ᓈᒻᒪᓈᕆᑦᓯᐊᕐᐸᒡᓗᓂᓗ, ᓇᓛᒎᑦᓮᓐᓇᕐᓂᖓᓗ ᐃᓄᖕᓂᒃ ᐅᖁᒤᒃᓴᕐᑎᑦᓯᓂᐊᓐᖏᓚᖅ.

ᔫᐱᐅᑉ ᐊᒡᓚᖏᑦ 5:9

ᑖᑦᓱᒪ ᐱᓇᓱᐊᕐᓂᕐᔪᐊᖏᑦ ᑐᑭᓯᔪᓐᓇᓐᖏᓚᕗᑦ, ᑲᒪᓇᕐᑐᓕᓂᖏᓪᓗ ᐃᓱᓕᑦᑐᓐᓇᕋᑎᒃ.

ᔫᐱᐅᑉ ᐊᒡᓚᖏᑦ 9:10

ᑖᑦᓱᒪ ᐱᓇᓱᐊᕐᓂᕐᔪᐊᖏᑦ ᑐᑭᓯᔪᓐᓇᓐᖏᓚᕗᑦ, ᑲᒪᓇᕐᑐᓕᓂᖏᓪᓗ ᓈᓴᕐᑕᐅᔪᓐᓇᕋᑎᒃ.

ᐃᓐᖏᕈᑎᑦ 139:6

ᑕᒪᓐᓇ ᖃᐅᔨᒪᓃᑦ ᐅᕙᓐᓄᑦ ᐱᐅᓗᐊᒻᒪᕆᒃᐳᖅ; ᖁᕝᕙᓯᓗᐊᕐᐳᖅ ᐅᕙᓐᓄᑦ ᑎᑭᑕᒃᓴᐅᓇᓂᓗ.

ᐃᓐᖏᕈᑎᑦ 145:3

ᐊᑕᓂᖅ ᐊᖏᔪᕐᔪᐊᖑᕗᖅ, ᐊᖏᔪᒥᒡᓗ ᓂᕐᑐᕐᑕᐅᔪᒃᓴᐅᕗᖅ, ᑖᑦᓱᒪᓗ ᐊᖏᓂᖓ ᑐᑭᓯᔭᐅᔪᓐᓇᓐᖏᓚᖅ.

ᐃᓐᖏᕈᑎᑦ 36:6

ᐃᓱᐊᕐᑐᓕᓃᑦ ᐊᑦᔨᖃᕐᐳᖅ ᒎᑎᐅᑉ ᖃᖅᑲᓂᒃ ᐳᕐᑐᔪᕐᔪᐊᓂᒃ; ᐃᖅᑲᕐᑐᐃᑦᓯᐊᕐᓃᓪᓗ ᐊᑦᔨᖃᕆᕗᖅ ᐃᒪᕐᔪᐊᓂᒃ ᐃᑎᔪᓂᒃ; ᐊᑕᓃᖅ, ᐃᑲᔪᕐᐸᑎᑦ ᑕᒪᕐᒥᒃ ᐃᓄᐃᓪᓗ ᐆᒪᔪᓪᓗ.

ᐃᓐᖏᕈᑎᑦ 40:5

ᐊᑕᓃᖅ, ᒎᑎᒐ, ᐱᓂᐊᕐᓂᑎᑦ ᑲᒪᓇᕐᑐᑦ ᐅᓄᕐᑑᕗᑦ, ᐱᓂᐊᕐᓂᕆᖃᑦᑕᕐᓯᒪᔭᑎᑦ. ᐅᕙᑦᑎᓐᓂᒡᓗ ᐃᓱᒪᓕᐅᕈᑎᖃᕐᓂᑎᑦ ᐃᓕᖕᓄᑦ ᑭᖑᓕᕇᒃᓗᑎᒃ ᐃᖅᑲᐅᒪᔭᐅᔪᓐᓇᓐᖏᓚᑦ; ᓇᓗᓁᕋᓱᐊᕈᒃᑭᑦ ᐅᖃᐅᓯᕆᓗᒋᓪᓗ, ᐅᓄᓗᐊᕐᒪᑕ ᓈᓴᕐᑕᐅᔪᓐᓇᖏᓚᑦ.

ᐃᓐᖏᕈᑎᑦ 77:19

ᐊᖅᑯᑎᑎᑦ ᐃᒪᕕᒃᑰᖓᓚᐅᕐᐳᑦ, ᐊᖅᑯᓯᓂᑎᓪᓗ ᐃᒪᕐᔪᐊᑎᒎᖓᓪᓗᑎᒃ, ᑭᓯᐊᓂᓕ ᑐᒥᑎᑦ ᑕᑯᔭᐅᓯᒪᓐᖏᓚᑦ.

ᐃᓐᖏᕈᑎᑦ 92:5

ᐊᑕᓃᖅ ᐱᓇᓱᐊᕐᓂᑎᑦ ᐃᓛᒃ ᐊᖏᔪᕐᔪᐊᖑᕗᑦ! ᐃᓱᒪᑎᓪᓗ ᐃᑎᔪᕐᔪᐊᖑᓪᓗᑎᒃ!

ᐃᓐᖏᕈᑎᑦ 97:2

ᓄᕗᔧᑦ ᓄᕗᑦᑕᕆᖕᓃᓪᓗ ᕿᕐᓂᕐᑕᑦ ᑖᑦᓱᒪ ᓇᔪᕐᑕᖓᓃᑉᐳᑦ; ᓇᓛᒎᕐᓂᖅ ᓈᒻᒪᓈᕐᑐᒥᒡᓗ ᐱᓇᓱᐊᕐᓂᖅ ᑖᑦᓱᒪ ᐊᖓᔪᖅᑲᐅᕕᖓᑕ ᑐᓐᖓᕕᒋᕚ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 25:2

ᒎᑎᐅᑉ ᐱᓐᓇᕐᓇᕐᓂᕐᔪᐊᕆᕚ ᓱᓇᑐᐃᓐᓇᖅ ᐃᔨᕐᓯᒪᓗᒍ, ᐊᖓᔪᖅᑳᕐᔪᐊᓪᓕ ᐱᓐᓇᕐᓇᕐᓂᕆᕚ ᓱᓇᑐᐃᓐᓇᖅ ᕿᓂᕐᓗᒍ ᓇᓂᓗᒍᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 25:3

ᕿᓚᒃ ᐳᕐᑐᓂᕆᓗᒍ ᓄᓇᓗ ᐃᑎᓂᕆᓗᒍ, ᑍᒫᒃ ᐊᖓᔪᖅᑳᕐᔪᐊᑉ ᐃᓱᒪᖓ ᓇᓂᔭᒃᓴᐅᓐᖏᓚᖅ,

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:11

ᓱᓇᑐᐃᓐᓇᕐᓂᒡᓗ ᑕᑯᒥᓇᕐᑎᓯᕙᒃᐳᖅ ᓇᓪᓕᐅᓐᓂᖏᑦ ᓈᒻᒪᒃᑎᓪᓗᒋᑦ; ᐊᒻᒪᓗ ᐃᓱᖃᖏᑦᑐᒥᒃ ᐃᓕᓯᕗᖅ ᐃᓄᐃᑦ ᐆᒻᒪᑎᖏᓐᓄᑦ: ᑭᓯᐊᓂᓕ ᑖᒃᑯᐊ ᑐᑭᓯᔪᓐᓇᓐᖏᓚᑦ ᒎᑎ ᓱᓇᒥᒃ ᐱᓚᐅᕐᒪᖔᑦ ᐱᒋᐊᕐᓂᖓᓂᑦ ᐃᓱᐊ ᑎᑭᓪᓗᒍ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:24

ᑕᒪᓐᓇ ᐅᖓᓯᒃᑐᖅ, ᐊᒃᓱᒻᒪᕆᐊᓗᒡᓗ ᐃᑎᔫᓪᓗᓂ, ᑭᐊ ᖃᐅᔨᔪᓐᓇᕐᐸᐅᒃ?

ᐃᓕᓯᒪᓃᑦ ᐃᒃᓖᓯᐊᓯᑏᔅ 8:17

ᑕᑯᓚᐅᕆᕗᖓ ᒎᑎᐅᑉ ᐱᓂᐊᕐᓂᕆᓯᒪᔭᖏᓐᓂᒃ ᑕᒤᓐᓂᒃ. ᓇᓪᓕᐊᑦ ᑐᑭᓯᔪᓐᓇᓐᖏᓚᖅ ᖃᓄᐃᓕᐅᕐᑐᖃᕐᒪᖔᑦ ᓯᕿᓂᐅᑉ ᐊᑖᓂ. ᐊᒃᓱᕈᕐᓗᓂ ᑐᑭᓯᓇᓱᐊᕋᓗᐊᕈᓂ, ᐃᓄᒃ ᖃᐅᔨᔪᓐᓇᖏᒻᒪᑦ ᑐᑭᖓᓂᒃ. ᓯᓚᑐᔪᖅ ᐊᒡᓛᑦ ᖃᐅᔨᒪᓂᕋᕋᓗᐊᕐᐸᑦ, ᑕᒤᓐᓂᒃ ᑐᑭᓯᔭᕇᕈᓐᓇᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 28:29

ᑍᒫᒃᑕᐅᖅ ᑕᒪᓐᓇ ᕿᓚᒥᐅᒐᓴᒡᔪᐃᑦ ᐊᑕᓂᖓᓐᓂᑦ ᐱᕗᖅ; ᑖᑦᓱᒪ ᐅᖃᐅᑦᔪᐃᓂᖓ ᐱᐅᔪᐊᓘᖕᒪᑦ, ᓯᓚᑐᓂᖓᓗ ᐱᐅᓂᕐᐹᖑᓪᓗᓂ.

ᐂᓮᐊᓯᐅᑉ ᐊᒡᓚᖏᑦ 40:28

ᖃᐅᔨᒪᓐᖏᓚᑏᑦ? ᑐᓴᓚᐅᕐᓇᒡᓗ? ᐊᑕᓂᖅ ᒎᑎᐅᖕᒪᑦ ᐃᓱᖃᖏᑦᑐᒧᑦ, ᐱᓐᖑᕐᑎᑦᓯᓯᒪᔪᖅ ᓄᓇᕐᔪᐊᕐᒥᒃ ᐃᓱᐊᓃᑦ ᐃᓱᐊᓄᑦ. ᓄᑮᕈᑎᔪᓐᓇᓐᖏᓚᖅ ᑕᖃᔪᓐᓇᕋᓂᓗ, ᓯᓚᑐᓂᖓᓗ ᖃᐅᔨᔭᐅᔪᓐᓇᕋᓂ.

ᑖᓂᐊᓕᐅᑉ ᐊᒡᓚᖏᑦ 4:35

“ᐃᓄᐃᑦ ᓄᓇᕐᔪᐊᒥ ᐃᓂᖃᕐᑐᑦ ᓱᓇᐅᖏᑦᑐᑎᑐᑦ ᑍᒤᒻᒪᑕ, ᐃᓱᒪᒥᓂᒃ ᕿᓚᖕᒥᐅᒐᓴᒃᔪᐃᑦ ᐊᐅᓚᑎᑉᐰᑦ, ᓄᓇᒦᑦᑐᓪᓗ ᐃᓄᐃ ᐃᓱᒪᒥᓂᒃ ᐊᐅᓚᑎᑉᐰᑦ: ᐱᔪᓐᓇᕐᓂᖓ ᓄᖅᑲᕐᑎᑕᐅᔪᓐᓇᓐᖏᓚᖅ, ᐅᖃᐅᑎᔭᐅᔪᓐᓇᕋᓂᓗ, ‘ᓱᖕᒪᑦ ᑍᒤᓕᐅᕐᐲᑦ?’

ᕉᒪᒥᐅᓄᑦ 2:4

ᐅᕝᕙᓗ ᐱᑦᓯᐊᕐᓂᕐᔪᐊᖓ ᐊᖏᔪᖅ ᑲᒪᖏᑦᓯᕐᑐᕐᓂᖓᓗ ᕿᓄᐃᓵᕐᓂᖓᓗ ᓇᕐᕈᒋᕕᐅᒃ? ᖃᐅᔨᒪᓐᖏᓚᑏ? ᒎᑎᐅᑉ ᐱᑦᓯᐊᕐᓂᕐᔪᐊᖓᑕ ᑕᓯᐅᕋᓱᐊᕐᒪᑎᑦ ᖃᕿᐊᓕᕐᓂᕐᒧᑦ?

ᕉᒪᒥᐅᓄᑦ 9:23

ᓂᕐᑐᕐᓇᕐᓂᕐᔪᐊᖓᑕ ᐊᒥᒐᖏᑦᑐᐊᓘᓂᖓ ᓇᓗᓁᕐᑕᐅᖁᓪᓗᒍ ᓂᑲᒋᔭᐅᔭᕆᐊᓕᖕᓄᑦ, ᐅᐸᓗᖕᒊᕈᑎᒋᓯᒪᔭᒥᓄᑦ ᓯᕗᓂᖓᒍᑦ ᓂᕐᑐᕐᓇᕐᓯᑎᑕᐅᓚᖁᓪᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 2:10

ᒎᑎᐅᓪᓕ ᓇᓗᓇᕐᑐᖅ ᑕᒪᓐᓇ ᓇᓗᓁᓚᐅᕐᐹ ᐅᕙᑦᑎᓐᓄᑦ ᐊᓂᕐᓂᕐᒥᒍᑦ. ᐊᓂᕐᓂᐅᑉ ᑐᑭᓯᓇᓱᐊᕐᒪᒋᑦ ᓱᓇᓕᒫᑦ, ᒎᑎᐅᑉ ᐃᑎᓂᕐᔪᐊᖓ ᐊᒡᓛᑦ.

ᐃᐱᓯᒥᐅᓄᑦ 1:7

ᑖᑦᓱᒪ ᐊᐅᖓᒍᑦ ᐱᐅᓕᓚᐅᕐᒪᑎᒍᑦ, ᐊᔪᕐᓂᑦᑎᓐᓂᑦ ᐃᓱᒪᒋᔪᓐᓁᕐᕕᒋᓪᓗᑕ, ᐱᑦᓯᐊᕐᓂᒥᒍᑦ ᐱᔪᓐᓇᕐᑎᑦᓯᓂᖓᑕ ᐊᒥᒐᖏᑦᑐᐊᓘᓂᖓᒍᑦ,

ᐃᐱᓯᒥᐅᓄᑦ 2:7

ᑍᒤᓕᐅᓚᐅᕐᐳᕐᓕ ᓇᓪᓕᐅᑦᑐᒃᓴᒥ ᐱᔪᒫᕐᑐᒥ ᓴᖅᑭᑎᑦᓱᒪᓪᓗᒍ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᕐᔪᐊᖓ ᓇᓕᖃᖏᑦᑑᑉ ᐊᒥᒐᖏᓐᓂᖓ ᓇᒡᓕᒍᓱᖕᓂᖓᑕᓗ ᓴᖅᑭᑎᑕᐅᓯᒪᓂᖓ ᙭ᔅᑑᓯ ᔩᓱᓯᒥ.

ᐃᐱᓯᒥᐅᓄᑦ 3:10

ᒫᓐᓇᐅᓕᕐᑐᒃᑯᑦ ᐅᒃᐱᕐᑑᖃᑎᒌᑎᒍᑦ, ᒎᑎᐅᑉ ᓱᓇᑐᐃᓐᓇᓕᒫᑎᒍᑦ ᓯᓚᑐᓂᕐᔪᐊᖓ ᖃᐅᔨᔭᐅᔪᓐᓇᕐᓯᖁᓪᓗᒍ ᐊᐅᓚᑦᑎᔨᐅᕙᒃᑐᓄᑦ ᐱᔪᓐᓇᕐᓂᖃᕐᑐᓄᓪᓗ ᕿᓚᖕᒥᐅᓄᑦ.

ᐃᐱᓯᒥᐅᓄᑦ 3:16

ᑖᑦᓱᒧᖓ ᑐᓂᓯᕕᐅᖁᓪᓗᓯ ᐱᔪᓐᓇᕐᓂᕐᒥᒃ, ᐱᓐᓇᕐᓇᕐᓂᕐᔪᐊᖓᑕ ᐊᒥᒐᖏᓐᓂᖓᓄᑦ ᓴᓐᖏᔫᑎᑕᐅᖁᓪᓗᓯ ᐊᓂᕐᓂᖓᒍᑦ ᐃᓗᑦᓯᒍᑦ,

ᐃᐱᓯᒥᐅᓄᑦ 3:18

ᐃᑦᔪᕐᓁᑎᑕᐅᓯᒪᔪᓪᓗ ᐊᑕᐅᑦᓯᒃᑯᑦ ᑐᑭᓯᔪᓐᓇᖁᓪᓗᓯ ᙭ᔅᑑᓯᐅᑉ ᓇᒡᓕᖕᓂᖓᑕ ᓯᓕᖕᓂᖓᓂᒃ ᑕᑭᓂᖓᓂᒃ ᐳᕐᑐᓂᖓᓂᒃ ᐃᑎᓂᖓᓂᒡᓗ.

ᐃᐱᓯᒥᐅᓄᑦ 3:8

ᐅᕙᖓ ᒎᑎᐅᑉ ᐃᓄᖁᑎᓕᒫᖏᓐᓂᑦ ᒥᑭᓐᓂᕐᐸᐅᒐᓗᐊᕐᑐᖓ, ᒎᑎᐅᑉ ᑐᓂᓯᕕᒋᓚᐅᕐᐹᖓ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᒍᑦ; ᔫᑎᐅᖏᑦᑐᓄᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᙭ᔅᑑᓯᐅᑉ ᐊᒥᒐᕐᓯᖏᓐᓂᖓᓂᒃ ᑭᒡᓕᖃᖏᑦᑐᒥᒃ,

ᑯᓘᓯᐊᒥᐅᓄᑦ 1:27

ᒎᑎᐅᑉ ᑕᒪᓐᓇ ᐃᔨᕐᓯᒪᔪᖅ ᖃᐅᔨᔭᐅᑎᑦᓱᒪᓚᐅᕐᐹ ᔫᑎᐅᖏᑦᑐᓄᑦ ᐊᒥᒐᖏᑦᑐᕐᔪᐊᖅ ᓂᕐᑐᕐᓇᕐᑐᕐᔪᐊᕐᓗ ᐃᔨᕐᓯᒪᓚᐅᕐᑐᖅ ᐃᓄᓕᒫᓄᑦ, ᑕᕝᕙ ᙭ᔅᑑᓯ ᐃᓗᑦᓯᓐᓃᑦᑐᖅ, ᓂᕆᐅᒍᑎᒃᓴᐅᖁᓪᓗᒍ ᐱᓐᓇᕐᓇᕐᑐᕐᔪᐊᒥᒃ.