27 ᐃᒫᒡᓗ ᐊᖏᖃᑎᒌᒍᑎᓕᐅᕈᒫᕐᐳᖓ ᑖᒃᑯᓄᖓ, ᐊᔪᕐᓂᖏᑦ ᐲᔭᕈᒃᑭᑦ.”
ᑍᒤᒻᒪᑦ ᑕᒪᑐᒧᖓ ᔧᑰᑉ ᐊᔪᕐᑐᓕᓯᒪᓂᖏᑦ ᐃᓱᒪᒋᔪᓐᓁᕐᑕᐅᔪᓐᓇᕐᓯᔪᒫᕐᐳᑦ, ᑭᓯᐊᓂ ᐅᒃᐱᖏᑦᑐᑦ ᒎᑎᓐᖑᐊᖏᑦ ᐅᔭᕋᖕᓂᑦ ᓴᓇᓯᒪᔪᑦ ᓯᖃᓪᓕᔭᐅᓗᑎᒃ ᓱᓇᐅᔪᓐᓃᕐᑎᑕᐅᒃᐸᑕ. ᒎᑎᓐᖑᐊᒧᑦ ᐊᓯᕋᒧᑦ ᑐᒃᓯᐊᕐᓗᑎᒃ ᐳᔫᕐᑎᑦᓯᑦᔪᑎᐅᖃᑦᑕᕐᑐᑦ ᐊᑐᕐᑕᐅᔪᓐᓃᕐᐸᑕ.
ᐅᕙᖓ, ᓇᖕᒥᓂᖅ ᐅᕙᖓᐅᕗᖅ ᐊᔪᕐᑐᓕᓂᓯ ᐲᔭᓚᐅᕐᐸᒃᑲ ᐅᕙᖓ ᓇᖕᒥᓂᖅ ᐱᑦᔪᑎᒋᓪᓗᖓ, ᐃᖅᑲᐅᒪᓂᐊᕈᓐᓃᕐᐸᒃᑲᓗ ᐊᔪᕐᓂᓯ.
ᓯᐅᑎᓯ ᒪᓂᓗᒋᒃ, ᐅᕙᓐᓄᑦ ᕾᓗᓯ; ᑐᓵᑦᓯᐊᕆᑦᓯ ᑕᕐᓂᓯ ᐃᓅᖁᓪᓗᒋᑦ; ᐊᖏᖃᑎᒋᔪᒪᕙᒋᑦ ᐃᓱᖃᖏᑦᑐᒧᑦ ᐊᑐᕐᓂᐊᕐᑐᒥᒃ, ᑍᕕᑎᒧᑦ ᐊᖏᖃᑎᒌᒍᑎᒋᓚᐅᕐᑕᓐᓂᒃ ᓇᒡᓕᒍᓱᖕᓂᓐᓂᒃ ᓱᖁᓯᕐᓂᐊᖏᑦᑐᒥᒃ.
“ᐅᕙᖓᓕ,” ᐊᑕᓂᖅ ᐅᖃᕐᐳᖅ: “ᐃᒫᒃ ᐊᖏᖃᑎᒌᒍᑎᒥᒃ ᓇᓗᓁᕐᓯᕕᒋᔪᒪᕙᒃᑲ; ᐊᓂᕐᓂᕋ ᐃᓕᖕᓃᑦᑐᖅ, ᐅᖃᐅᓯᒃᑲᓗ ᖃᓂᕐᓄᑦ ᐃᓕᓯᒪᔭᒃᑲ, ᖃᓂᕐᓂᒃ ᕿᒤᓂᐊᓐᖏᓚᑦ, ᑭᖑᕚᕐᓂᓪᓗ ᑭᖑᕚᕆᔪᒫᕐᑕᖏᑕᓗ ᖃᓂᖏᓐᓂᒃ, ᐊᑕᓂᖅ ᑍᒪᒃ ᐅᖃᕐᐳᖅ, ᒫᓐᓇᒥᑦ ᐱᒋᐊᕐᓗᒍ ᐃᓱᖃᖏᑦᑐᒧᓪᓗ.”
ᐅᓪᓗᓂ ᑍᒃᑯᓇᓂ, ᐊᑕᓂᖅ ᐅᖃᕐᐳᖅ, ᖃᐅᔨᓇᓱᐊᕐᑐᖃᕈᒫᕐᐳᖅ ᐃᓴᕆᐊᓕᒥᐅᑦ ᐸᓯᔭᒃᓴᐅᓂᖏᓐᓂᒃ, ᑭᓯᐊᓂᓕ ᓇᓂᓯᔪᖃᕈᒫᓐᖏᓚᖅ, ᔫᑕᒥᐅᓪᓗ ᐊᔪᕐᓂᖏᓐᓂᒃ ᖃᐅᔨᓇᓱᐊᕐᑐᖃᕈᒫᕐᐳᖅ ᓇᓂᓯᔪᖃᕈᒫᖏᓐᓂᕗᖅ, ᐊᒥᐊᒃᑰᔪᑦ ᐃᓱᒪᒋᔪᓐᓁᕐᕕᒋᔪᒫᕋᒃᑭᑦ.”
ᐅᖃᐅᓯᕐᓂᒃ ᑎᒍᓯᓕᕆᑦ ᐅᑎᕐᓗᑎᓪᓗ ᐊᑕᓂᕐᒧᑦ, ᐅᖃᐅᑎᓗᒍᓗ, “ᐱᐅᖏᑦᑐᓕᓂᓕᒫᑦ ᐲᔭᒃᑭᑦ; ᐱᐅᔪᑦ ᐃᓚᓕᐅᕐᓗᒋᑦ ᓮᒻᒪᕐᑎᑎᒍᑦ ᑕᕝᕙ ᑐᓂᓯᓂᐊᕐᐳᒍᑦ ᖃᓂᑦᑕ ᐱᕈᕐᑎᑕᖏᓐᓂᒃ.
ᖃᐅᑎᓪᓗᒍ ᔪᐊᓇᓯᐅᑉ ᔩᓱᓯ ᒥᒃᓯᒧᑦ ᕾᓕᕐᑐᖅ ᑕᑯᒐᒥᐅᒃ, ᐅᖃᕐᐳᖅ, “ᑕᑯᒋᑦ, ᑕᕝᕙ ᒎᑎᐅᑉ ᓄᕐᕋᐅᔭᖁᑎᖓ, ᓄᓇᕐᔪᐊᕐᒥᐅᑦ ᐊᔪᕐᓂᖏᓐᓂᒃ ᐲᔧᔪᖅ!
“ᑕᒪᑦᔭ ᐊᖏᖃᑎᒌᒍᑎᒋᔪᒫᕐᑕᕋ ᑖᒃᑯᓄᖓ ᐅᓪᓗᐃᑦ ᑕᒪᒃᑯᐊ ᑭᖑᕐᖓᑦᑎᒍᑦ, ᐊᑕᓂᖅ ᐅᖃᕐᐳᖅ: ᐱᖁᔭᒃᑲ ᐆᒻᒪᑎᖏᓐᓄᑦ ᐱᑎᑦᓱᒪᕙᒃᑲ, ᐃᓱᒪᖏᓐᓄᓪᓗ ᑎᑎᕋᕈᒪᓪᓗᒋᑦ.”
