ᕉᒪᒥᐅᓄᑦ 11:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᒎᑎᐅᑉ ᐃᓄᖁᑎᓂ ᓇᕐᕈᒋᓕᓐᖏᓔᑦ ᐱᒋᐊᕐᓂᖓᓂᑦ ᓂᕈᐊᕐᓯᒪᒐᒥᒋᑦ. ᖃᐅᔨᒪᓐᖏᓚᑏᑦ? ᐊᒡᓔᑦ ᐅᖃᐅᓯᖃᕐᒪᑕ ᐃᓔᑦᔭᐅᑉ ᑐᒃᓯᐊᕐᓂᕆᓚᐅᕐᑕᖓᓂᒃ ᒎᑎᒧᑦ ᐃᓴᕆᐊᓕᒥᐅᑦ ᐸᓯᓪᓗᓂᒋᑦ ᐃᒤᓕᓚᐅᕐᒪᑦ:

ᕉᒪᒥᐅᓄᑦ 11:2 Iomraidhean Croise

ᒨᓯᓯ ᓯᕗᓪᓖᑦ 44:15

ᔫᓯᐱᐅᑉ ᐅᖃᐅᑎᕔᑦ, “ᖃᓄᐃᒻᒪᑦ ᑍᒤᓕᐅᓚᐅᕐᐱᓰ? ᖃᐅᔨᒪᓐᖏᓚᓰ ᑖᓐᓇ ᐃᒥᐅᑎ ᓇᓗᓇᕐᑐᒥᒃ ᖃᐅᔨᓴᐅᑎᒋᔪᓐᓇᕋᒃᑯ?”

ᓂᕼᐃᒤᐊᐅᑉ ᐊᒡᓚᖏᑦ 9:30

ᐊᕐᕌᒍᓂᒃ ᐅᓄᕐᑐᓂᒃ ᕿᓄᐃᓵᕐᓗᑎᑦ ᐃᓂᕐᑎᖃᑦᑕᓚᐅᕐᐸᑎᑦ, ᐅᖃᕐᑎᑎᓪᓗ ᐊᓂᕐᓂᒃᑯᑦ ᐅᖃᕈᒪᔪᓐᓇᕐᑎᓚᐅᕐᐸᑎᑦ, ᐃᓄᖁᑎᑎᓪᓕ ᓱᓕ ᑐᓵᓐᖏᓴᓚᐅᕐᐳᑦ; ᑍᒤᒻᒪᑦ ᓵᓚᐅᑎᓚᐅᕐᐸᑎᑦ ᐃᓅᖃᑎᒌᒡᔪᐊᓄᑦ.

ᐃᓐᖏᕈᑎᑦ 94:14

ᐊᑕᓂᐅᑉ ᐃᓄᖁᑎᓂ ᕿᒪᖕᓂᐊᖏᒻᒪᒋᑦ; ᑭᖑᕐᖑᑦᔨᔪᒃᓴᖁᑎᓂᓗ ᖁᔭᓈᕐᓂᐊᕐᓇᒋᑦ.

ᒨᓯᓯ ᐂᑉᐸᖏᑦ 32:1

ᐃᓄᐃᓪᓗ ᖃᐅᔨᓕᕋᒥᒃ ᒨᓯᓯ ᓱᓕ ᖃᖅᑲᒥᑦ ᐊᖅᑲᓚᐅᖏᓐᓂᖓᓂᒃ, ᐊᑯᓂᓗ ᑕᑉᐹᓃᓕᕐᒪᑦ ᐂᕉᓂᐅᑉ ᐊᕙᑖᓄᐊᕐᓗᑎᒃ ᐅᖃᕐᕕᒋᓕᕐᐹᑦ, “ᐃᓐᓇ ᒨᓯᓯ ᓇᓗᓇᕐᓯᖕᒪᑦ ᖃᓄᐃᓕᖓᓕᕐᒪᖔᑦ ᐄᑦᔨᑉᑎᒥᑦ ᐊᐅᓪᓚᕈᑦᔨᓚᐅᕐᑐᖅ ᐅᕙᑦᑎᓐᓂᒃ, ᒎᑎᓕᐅᓚᐅᕆᑦ ᐅᕙᑦᑎᓐᓂᒃ ᑕᓯᐅᕐᓯᓂᐊᕐᑐᒥᒃ.”

ᔨᕆᒤᐊᐅᑉ ᐊᒡᓚᖏᑦ 31:37

ᐊᑕᓂᖅ ᐃᒫᒃ ᐅᖃᕐᐳᖅ, “ᕿᓚᐅᑉ ᐊᖏᓂᖓ ᐆᒃᑐᕋᕐᑕᐅᔪᓐᓇᕋᔭᕐᐸᑦ, ᓄᓇᕐᔪᐊᓪᓗ ᑐᓐᖓᕕᖓ ᖃᐅᔨᔭᐅᔪᓐᓇᕐᓯᓗᓂ, ᑕᕝᕙ ᐃᓴᕆᐊᓕᒥᐅᑦ ᑭᖑᕚᖏᑦ ᐃᒋᑦᓱᒫᕐᐸᒃᑲ ᐱᓂᐊᕐᓂᕆᓚᐅᕐᑕᖏᑦ ᐱᑦᔪᑎᒋᓪᓗᒋᑦ, ᐊᑕᓂᖅ ᐅᖃᕐᐳᖅ.”

ᒨᓯᓯ ᓯᑕᒪᖏᑦ 16:15

ᑕᕝᕙ ᒨᓯᓯ ᐊᒃᓱᐊᓗᒃ ᓂᓐᖓᓚᐅᕐᐳᖅ, ᐊᑕᓂᕐᒧᓪᓗ ᐅᖃᕐᓗᓂ, “ᑐᓂᕐᕈᑎᖏᑦ ᑲᒪᒋᑦᑍᓕᒃᑭᑦ. ᓯᐅᑎᖅᑯᕐᑐᔪᒥᒡᓘᓐᓃᑦ ᐊᑕᐅᓯᕐᒥᒃ ᑖᒃᑯᓇᓐᖓᑦ ᐱᑎᑕᐅᓚᐅᓐᖏᓚᖓ, ᐋᓐᓂᕐᓯᓚᐅᕐᓇᖓᓘᓐᓃᑦ ᓇᓪᓕᐊᓐᓂᒃ.”

ᒫᑯᓯᐅᑉ ᐊᒡᓚᖏᑦ 12:26

ᑐᖁᖓᔪᑦ ᒪᑭᑎᑕᐅᓂᖓᓂᒃ ᐅᖃᕐᓯᒪᔪᓂᒃ ᐊᒡᓚᖕᓂ ᐊᑐᐊᕐᓯᓚᐅᕐᓯᒪᓐᖏᓚᓰ ᒨᓯᓯᐅᑉ ᐊᒡᓚᖏᓐᓂ ᐅᖃᐅᓯᖃᕐᑐᓂᒃ ᐅᕐᐱᒐᕐᒥᒃ ᐃᑯᐊᓚᔪᒥᒃ, ᑕᕝᕙᓂ ᐅᓂᒃᑲᐅᓯᕐᒥ ᒎᑎᐅᑉ ᒨᓯᓯ ᐅᖃᐅᑎᓚᐅᕐᒪᒍ, ‘ᐅᕙᖓ ᐂᑉᕋᕼᐋᒻ ᒎᑎᖓ, ᐂᓴᑭᐅᓪᓗ ᒎᑎᖓ, ᔧᑰᓪᓗ ᒎᑎᖓ?’

ᓘᑲᓯᐅᑉ ᐊᒡᓚᖏᑦ 4:1

ᔩᓱᓯ ᔪᐊᕐᑕᓂᒥᑦ ᐅᑎᓕᕐᑎᓪᓗᒍ, ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᓯᒪᓪᓗᓂ, ᐊᓂᕐᓂᐅᑉ ᐃᑦᔪᕐᓁᑦᑑᑉ ᑕᓯᐅᕐᐹ ᐃᓄᖃᖏᑦᑐᒧᑦ,

ᔪᐊᓇᓯᐅᑉ ᐊᒡᓚᖏᑦ 4:11

ᐊᕐᓇᐅᑉ ᐅᖃᐅᑎᕚ, “ᖃᓪᓗᑎᖃᓐᖏᓚᑎᓪᓘᓐᓃᑦ, ᐅᓇ ᐃᒥᕐᑕᕐᕕᒃ ᐅᓄᖔᓘᖓᖕᒪᑦ; ᓇᑭᓪᓕ ᐃᒥᕐᒥᒃ ᐃᓅᓯᖃᕐᓇᕐᑐᒥᒃ ᐱᒐᔭᕋᕕᑦ?

ᐋᐴᓯᑕᓖᑦ ᐱᓂᐊᕐᓂᖏᑦ 13:48

ᔫᑎᐅᖏᑦᑐᓪᓕ ᑕᒪᑐᒥᖓ ᑐᓴᕋᒥᒃ ᖁᕕᐊᓱᒃᑐᐊᓘᕗᑦ, ᐊᑕᓂᖅ ᓂᕐᑐᕐᐹᑦ ᐅᖃᐅᓯᖏᑦ ᐱᓪᓗᒋᑦ; ᐃᓄᓯᕐᒥᒃ ᓄᖑᓱᐃᑦᑐᒥᒃ ᐱᑎᑕᐅᒐᒥᒃ ᐅᒃᐱᓕᕐᓗᑎᒡᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 15:18

ᑍᒫᒃ ᐊᑕᓂᖅ ᐅᖃᕐᐳᖅ, ᑕᒪᑐᒥᖓ ᓇᓗᓁᕐᓯᓚᐅᕐᑐᖅ ᑍᑦᓱᒪᓂᐊᓗᒃ.’

ᐋᐴᓯᑕᓖᑦ ᐱᓂᐊᕐᓂᖏᑦ 3:17

“ᒫᓐᓇ ᐃᓅᖃᑎᒃᑲ, ᖃᐅᔨᒪᕗᖓ ᓇᓗᓂᕐᒧᑦ ᐊᖓᔪᖅᑳᓯᓗ ᔩᓱᓯᒥᒃ ᑍᒤᓕᐅᕆᓚᐅᕐᐳᓯ.

ᐋᐴᓯᑕᓖᑦ ᐱᓂᐊᕐᓂᖏᑦ 7:40

ᐅᖃᕐᓗᑎᒃ ᐂᕉᓂᒧᑦ, ‘ᒎᑎᒋᓂᐊᕐᑕᑦᑎᓐᓂᒃ ᓴᓐᓇᑎᓚᐅᕐᑎᒍᑦ ᐅᕙᑦᑎᓐᓂᒃ ᑕᓯᐅᕐᓯᓂᐊᕐᑐᒥᒃ; ᒨᓯᓯ ᐄᑦᔨᑉᑎᒥᑦ ᐊᐅᓚᕐᑎᑦᓯᔨᒋᓚᐅᕐᑕᕗᑦ ᖃᓄᐃᓕᐅᕋᓱᓕᕐᒪᖔᑦ ᓇᓗᓕᕋᑦᑎᒍ.’

ᕉᒪᒥᐅᓄᑦ 6:16

ᖃᐅᔨᒪᓐᖏᓚᓰ ᑐᓂᒍᑦᓯ ᐃᓕᑦᓯᓐᓂᒃ ᑭᓇᑐᐃᓐᓇᕐᒧᑦ ᑭᒡᒐᑎᑐᑦ ᒪᓕᑦᓯᐊᕐᓂᐊᕐᑐᑎᑐᑦ, ᑭᒡᒐᐅᓕᕐᐳᓯ ᑕᕝᕙ ᓈᓚᒃᑕᑦᓯᓐᓄᑦ, ᐊᔪᕐᓂᕐᒧᓪᓘᓐᓃᑦ ᑐᖁᑎᑦᓯᔪᒧᑦ, ᐅᕝᕙᓗ ᓈᓚᖕᓂᕐᒧᑦ, ᐃᓗᐊᕐᑐᓐᖑᕐᑎᑦᓯᔪᒧᑦ?

ᕉᒪᒥᐅᓄᑦ 9:23

ᓂᕐᑐᕐᓇᕐᓂᕐᔪᐊᖓᑕ ᐊᒥᒐᖏᑦᑐᐊᓘᓂᖓ ᓇᓗᓁᕐᑕᐅᖁᓪᓗᒍ ᓂᑲᒋᔭᐅᔭᕆᐊᓕᖕᓄᑦ, ᐅᐸᓗᖕᒊᕈᑎᒋᓯᒪᔭᒥᓄᑦ ᓯᕗᓂᖓᒍᑦ ᓂᕐᑐᕐᓇᕐᓯᑎᑕᐅᓚᖁᓪᓗᒋᑦ.

ᕉᒪᒥᐅᓄᑦ 9:6

ᒎᑎᐅᑉ ᐅᖃᐅᓯᖏᑦ ᓱᓕᖏᓐᓂᕋᕐᓗᒋᑦ ᐅᖃᓐᖏᓚᖓ; ᑕᒪᕐᒥᒃ ᐃᓴᕆᐊᓕᒥᐅᑦ ᑭᖑᕚᕆᖏᒻᒪᒋᑦ ᐃᓴᕆᐊᓔᑎᐅᔪᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:2

ᖃᐅᔨᒪᓐᖏᓚᓰ ᒎᑎᐅᑉ ᐃᓄᖁᑎᖏᑕ ᓯᓚᕐᔪᐊᕐᒥᐅᑦ ᐃᖅᑲᕐᑐᕈᒫᕐᒪᒋᑦ? ᓯᓚᕐᔪᐊᕐᒥᐅᓂᒡᓕ ᐃᖅᑲᕐᑐᐃᔪᒫᕈᑦᓯ, ᐱᔭᕆᐊᑭᓐᓂᕐᓴᓂᒃ ᐃᖅᑲᕐᑐᐃᔪᓐᓇᓐᖏᓚᓰ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:3

ᒎᑎᒥᒡᓕ ᐱᓐᓇᕆᔭᖃᕐᑐᖅ ᑖᓐᓇ ᒎᑎᐅᑉ ᖃᐅᔨᒪᕚ.

ᐱᓕᐱᒥᐅᓄᑦ 1:22

ᐅᕙᓂᓕ ᑎᒥᒃᑯᑦ ᐃᓅᑯᑖᖕᓂᐊᕈᒪ, ᐊᑐᕐᓇᕐᑐᓂᒃ ᐱᓇᓱᐊᕈᒪᕗᖓ. ᑍᒤᓐᓂᐊᕈᒪᓕ ᓇᓪᓕᐊᓐᓂᒃ ᓂᕈᐊᕋᔭᕐᒪᖔᕐᒪ ᐅᕙᓐᓄᑦ ᓇᓗᓇᕐᐳᖅ.

ᐄᑉᕈᐃᓄᑦ 1:1

ᑍᑦᓱᒪᓂ ᒎᑎᐅᑉ ᓯᕗᓕᕆᓚᐅᕐᑕᕗᑦ ᐅᓄᕐᑐᐃᕐᓱᕐᓗᓂ ᐅᖃᕐᕕᒋᖃᑦᑕᓚᐅᕐᒪᒋᑦ ᓇᓚᐅᑦᑍᔪᑎᒍᑦ ᐊᑦᔨᒌᖏᑦᑐᑎᒍᑦ ᐱᓇᓱᐊᕐᓗᓂ;

ᐲᑦᑐᕉᓯ ᓯᕗᓪᓖᑦ 1:2

ᓂᕈᐊᕐᑕᐅᓯᒪᕗᓯ ᒎᑎᒧᑦ ᐊᑖᑕᒧᑦ ᐱᓂᐊᕐᑕᐅᖁᔭᖓᓄᑦ ᐃᑦᔪᕐᓁᑎᑕᐅᖁᓪᓗᓯ ᐊᓂᕐᓂᖓᓄᑦ ᒪᓕᑦᓯᐊᖁᓪᓗᓯ ᔩᓱᓯ ᙭ᔅᑑᓯᒥᒃ ᐊᐅᖓᓄᓪᓗ ᓴᓗᒻᒪᕐᑎᑕᐅᓗᓯ: ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓮᒻᒪᕐᑎᑕᐅᓇᕐᑐᖅ ᐱᕙᓪᓕᐊᓕ ᐃᓕᑦᓯᓐᓄᑦ.