ᕉᒪᒥᐅᓄᑦ 11:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᓂᐊᖂᔭᖅ ᓯᕗᓪᓕᕐᐹᖅ ᑐᓂᕐᕈᑕᐅᔪᖅ ᒎᑎᒧᑦ ᐃᑦᔪᕐᓁᑉᐸᑦ, ᓂᐊᖂᔭᒃᓴᓕᒫᕐᑕᐅᖅ ᑕᕝᕙ ᐃᑦᔪᕐᓁᑦᑑᒋᕗᖅ; ᓇᐹᕐᑑᑉ ᐊᒫᖏᑦ ᐃᑦᔪᕐᓁᑉᐸᑕ, ᐊᕙᓚᖓᔪᖏᑦᑕᐅᖅ ᑕᕝᕙ ᐃᑦᔪᕐᓁᑦᑑᒐᔭᕆᕗᑦ.

ᕉᒪᒥᐅᓄᑦ 11:16 Iomraidhean Croise

ᒨᓯᓯ ᓯᕗᓪᓖᑦ 17:7

“ᐊᖏᖃᑎᒌᒍᑎᒋᔭᕋᓗ ᐅᕙᓐᓂᑦ ᐃᓕᖕᓄᑦ ᑭᖑᕚᒃᓴᕐᓄᓪᓗᑦᑕᐅᖅ ᑭᖑᓂᕐᓂ ᑭᖑᕚᕇᖑᔪᒫᕐᑐᓄᓪᓗ ᐃᓱᖃᖏᑦᑐᒧᑦ ᑐᕌᖓᓂᐊᕐᐳᖅ, ᐃᓕᖕᓄᑦ ᒎᑎᒋᔭᐅᓂᐊᕐᐳᖓ ᑭᖑᕚᒃᓴᕐᓄᓪᓗ ᒎᑎᒋᔭᐅᔪᒫᕆᕗᖓ.

ᒨᓯᓯ ᐂᑉᐸᖏᑦ 22:29

“ᐱᕈᕐᑐᕕᓂᕐᓂᑦ ᑲᑎᕐᓱᐃᓕᕈᑦᓯ ᓯᕗᓪᓕᕐᐹᒥᒃ ᑲᑎᕐᓱᕐᑕᕕᓂᑦᓯ ᐱᐅᓂᕐᐹᖏᓐᓂᒃ ᑐᓂᕐᕈᓯᕐᓇᓵᕐᑐᒃᓴᐅᓐᖏᓚᓯ ᓇᓪᓕᐊᓐᓂᑐᐃᓐᓇᖅ ᐱᕈᕐᑐᕕᓂᕐᓂᑦ. “ᐃᕐᓂᐊᖑᖅᑳᕐᑐᑦ ᐃᕐᓂᓯ ᐅᕙᓐᓄᑦ ᑐᓂᔭᒃᓴᕆᕙᓯ.

ᒨᓯᓯ ᐂᑉᐸᖏᑦ 23:16

“ᐱᕈᕐᑐᓄᑦ ᑲᑎᕐᓱᐃᕕᖕᒥᒃ ᓇᓪᓕᐅᓐᓂᕐᓯᐅᕐᕕᒃ ᓇᓪᓕᐅᓐᓂᕐᓯᐅᖃᑦᑕᒐᒃᓴᕆᕙᓯ; ᐱᕈᕐᓯᐊᑦᓯᓐᓂᑦ ᓯᕗᓪᓕᕐᐹᒥᒃ ᐱᕈᕐᑐᓂᒃ ᑲᑎᕐᓱᐃᓕᕈᑦᓯ. “ᐅᑭᐊᒃᓵᒃᑯᓪᓗ ᓇᓪᓕᐅᓐᓂᕐᓯᐅᕐᑐᒃᓴᐅᕗᓯ ᐊᕐᕌᒎᑉ ᓄᖑᓕᕐᓂᖓᓂ, ᑲᑎᕐᓱᐃᓕᕈᑦᓯ ᐱᕈᕐᓰᕕᒧᑦ ᑲᓐᖓᕐᓲᑎᒋᓚᕐᑕᑦᓯᓐᓂᑦ.

ᒨᓯᓯ ᐂᑉᐸᖏᑦ 23:19

“ᐱᕈᕐᓰᕕᖁᑎᕕᑦ ᐱᕈᕐᑎᑕᖏᑕ ᓯᕗᓪᓕᕐᐹᖏᓐᓂᒃ ᑐᓂᓯᔪᒃᓴᐅᕗᑎᑦ ᐊᑕᓂᕐᒧᑦ ᒎᑎᖕᓄᑦ. “ᓰᐱᐅᑉ ᒎᑦᓯᐅᓪᓘᓐᓃᑦ ᓄᕐᕋᖓᓂᒃ ᐆᔪᓕᐅᕐᑐᒃᓴᐅᓐᖏᓚᑎᑦ ᐊᓈᓇᖓᑕ ᐃᒻᒧᖓᓄᑦ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:9

ᐊᑕᓂᖅ ᐅᐱᒋᒍᒃ ᑐᓂᕐᕈᓯᕐᓂᒃᑯᑦ ᐃᓕᖕᓂᑦ ᐱᔪᓄᑦ ᓱᓇᓕᒫᑎᒍᑦ ᐱᕈᕐᑎᑕᕕᑦ ᓯᕗᓪᓕᕐᐹᖏᓐᓂᑦ.

ᔨᕆᒤᐊᐅᑉ ᐊᒡᓚᖏᑦ 2:21

ᐱᕈᕐᓮᓚᐅᕐᐳᖓ ᐃᓕᖕᓂᒃ ᕔᓂᒃᓴᓂᒃ ᐸᐅᕐᖓᖃᕐᕕᒃᓴᑎᑐᑦ ᓂᕈᐊᕐᑕᐅᓯᒪᔪᑎᑐᑦ, ᐱᐅᓂᕐᐹᒥᒃ ᐱᕈᕐᑐᒃᓴᓂᑦ, ᖃᓄᕐᓕ ᐅᕙᓐᓂᒃ ᓇᕐᕈᓕᓚᐅᕐᓂᕆᕖᑦ? ᐸᐅᕐᖓᖃᕐᕕᒃᓴᑎᑐᑦ ᐱᕈᕐᓂᕐᓗᕕᐅᔪᑎᑐᑦ ᐱᕈᕐᓰᕕᐅᖏᑦᑐᒥ.

ᐃᓯᑭᐊᓕᐅᑉ ᐊᒡᓚᖏᑦ 44:30

ᑲᑎᕐᓱᕐᑕᐅᔪᓕᒫᑦ ᓯᕗᓪᓕᕐᐹᖏᑕ ᐱᐅᓂᖏᓐᓂᒃ, ᐅᕙᓐᓄᓪᓗ ᑐᓂᔭᐅᔪᓕᒫᓂᒃ ᐊᑦᔨᒌᖏᑦᑐᓂᒃ, ᑐᓂᕐᕈᓯᕐᑎᑦᓯᔩᑦ ᐱᖃᕐᑐᒃᓴᐅᕗᑦ; ᓂᐊᖂᔭᓕᐅᕐᑕᐅᔪᓪᓗ ᓯᕗᓪᓕᕐᐹᖅ ᐆᑕᐅᔪᖅ, ᐊᖏᕐᕋᓯ ᓮᒻᒪᕐᑎᑕᐅᓯᒪᖁᓪᓗᒍ.

ᒨᓯᓯ ᐱᖓᔪᖏᑦ 23:10

“ᐃᓴᕆᐊᓕᒥᐅᑦ ᐅᖃᐅᑎᒃᑭᑦ, ‘ᓄᓇᒧᑦ ᐃᓕᑦᓯᓐᓄᑦ ᐊᖏᕈᑎᒋᓯᒪᔭᓐᓄᑦ ᑎᑭᓯᒪᓕᕈᑦᓯ ᐱᕈᕐᓯᐊᓂᒡᓗ ᓂᕿᒃᓴᓂᒃ ᑲᑎᕐᓱᐃᓕᕌᖓᑦᓯ, ᑲᑎᕐᓱᕐᑕᓯ ᕿᓚᒃᓯᒪᔪᐃᑦ ᓯᕗᓪᓕᕐᐹᑦ ᑐᓂᔭᒃᓴᕆᕙᓯ ᑐᓂᕐᕈᓯᕐᑎᑦᓯᔨᒧᑦ.

ᕉᒪᒥᐅᓄᑦ 11:17

ᓇᐹᕐᑑᓪᓕ ᐊᕙᓚᖓᔪᖏᑕ ᐃᓚᖏᑦ ᓇᑲᓯᒪᒃᐸᑕ, ᓇᐹᕐᑐᑉ ᐅᕐᓱᒃᓴᓕᖕᓂᒃ ᐸᐅᕐᖓᖃᕐᑑᑉ ᐊᕙᓚᖓᔪᖏᑦ ᐃᕕᕐᑎᑕᐅᒃᐸᑕ ᓇᑲᓯᒪᔫᑉ ᐃᓂᖓᓄᑦ; ᑕᕝᕙ ᐅᕐᓱᒃᓴᓕᖕᓂᒃ ᐸᐅᕐᖓᓕᐅᑉ ᐃᑦᑎᖓᓂᒃ ᐱᖃᑕᐅᓂᐊᕐᐳᑦ ᐱᕈᑦᓯᐊᕐᓇᕐᑐᒥᒃ.

ᕉᒪᒥᐅᓄᑦ 8:23

ᑖᒃᑯᐊᑐᐊᖑᖏᑦᑐᖅ, ᐅᕙᒍᓪᓕᑦᑕᐅᖅ, ᐊᓂᕐᓂᐅᑉ ᐱᕈᕐᑎᑕᖏᓐᓂᒃ ᓯᕗᓪᓕᕐᓂᒃ ᐱᓯᒪᔪᒍᑦ, ᐋᓐᓂᐊᔪᑐᑦ ᓂᓪᓕᐊᖃᑦᑕᕆᕗᒍᑦ ᐃᓗᑦᑎᒍᑦ ᐅᑕᖅᑭᓪᓗᑕ ᑎᒍᐊᕐᑖᖑᔪᒫᕐᓂᑦᑎᓐᓂᒃ, ᑎᒥᕗᑦ ᐱᐅᓕᔭᐅᓕᕐᐸᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:14

ᐅᒃᐱᖏᑦᑐᖅ ᐊᖑᑦ ᓄᓕᐊᒥᓂᒃ ᑲᑎᒪᒃᓯᓂᕐᒥᒍᑦ ᐃᑦᔪᕐᓁᑎᑕᐅᓕᕐᒪᑦ, ᐅᒃᐱᖏᑦᑐᕐᓗ ᐊᕐᓇᖅ ᐅᐃᒥᓂᒃ ᑲᑎᒪᒃᓯᓂᕐᒥᒍᑦ ᐃᑦᔪᕐᓁᑎᑕᐅᒋᕗᖅ. ᑍᒤᖏᑉᐸᑦ ᕿᑐᕐᖓᓯ ᓇᕐᕈᓇᕐᑑᓂᕋᕐᑕᐅᒐᔭᕐᐳᑦ, ᒫᓐᓇᓕ ᐃᑦᔪᕐᓁᑉᐳᑦ.

ᒨᓯᓯ ᑕᓪᓕᒪᖏᑦ 18:4

ᐊᒻᒪ ᑐᓂᓯᕕᐅᔪᒃᓴᐅᒋᕗᑦ ᐱᕈᕐᑎᑕᓯ ᑲᑎᑕᐅᒋᐊᓕᕐᑎᓪᓗᒋᑦ ᓯᕗᓪᓕᕐᐹᖏᓐᓂᒃ ᓂᐊᖂᔭᓴᓂᒃ, ᕔᓂᒃᓴᓂᒃ, ᓇᐹᕐᑐᐃᓪᓗ ᐸᐅᖓᖏᑕ ᐅᕐᓱᒃᓴᖏᓐᓂᒃ, ᓰᐱᐅᓪᓗ ᒥᖅᑯᖏᓐᓂᒃ ᓴᓕᔭᐅᓂᖏᑕ ᓯᕗᓪᓕᕐᐹᖏᓐᓂᒃ ᑐᓂᓯᕕᒋᔭᕆᐊᖃᕐᐸᓯ.

ᒨᓯᓯ ᑕᓪᓕᒪᖏᑦ 26:10

ᑕᑯᒋᓪᓗ, ᒫᓐᓇ ᐊᑕᓂᕐᒧᑦ ᕾᑦᓯᕗᖓ ᐅᕙᓐᓄᑦ ᑐᓂᓯᒪᔭᖓᑕ ᓄᓇᐅᑉ ᓯᕗᓪᓕᕐᐹᒥᒃ ᐱᕈᕐᑐᕕᓂᖏᓐᓂᒃ.’ “ᑕᕝᕙ ᐃᕕᐅᔭᖅ ᐴᕆᔧᑦ ᐃᓕᓗᒍ ᐊᑕᓂᐅᑉ ᒎᑎᕕᑦ ᓵᖓᓄᑦ, ᑕᕝᕙᓂ ᐅᐱᒋᓗᒍ ᑐᒃᓯᐊᕐᕕᒋᔭᒃᓴᕆᕙᑦ ᐊᑕᓂᖅ ᒎᑏᑦ.

ᔧᒥᓯᐅᑉ ᐊᒡᓚᖏᑦ 1:18

ᑖᑦᓱᒪ ᐱᔪᒪᔭᓂ ᒪᓕᒡᓗᒍ ᐱᓐᖑᕐᑎᓚᐅᕐᐹᑎᒍᑦ ᐅᖃᐅᓯᕐᒧᑦ ᓱᓕᔪᒧᑦ ᓯᕗᓪᓕᕐᐸᐅᓗᑕ ᐱᕈᖁᓪᓗᑕ ᐱᓐᖑᕐᑎᑕᖏᓐᓂᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:4

ᑖᒃᑯᐊᓗ ᐃᒻᒥᖕᓂᒃ ᓴᓗᒤᓕᑎᓚᐅᓐᖏᓚᑦ ᐊᕐᓇᓂᒃ ᓄᓕᐊᕐᓂᕐᒧᑦ, ᐃᒻᒥᖕᓂᒃ ᐊᕐᓇᒥᒃ ᐃᓐᓇᖓᖃᑎᖃᓚᐅᕐᓯᒪᓐᖏᓐᓇᒥᒃ; ᓄᕐᕋᐅᔭᖅ ᒪᓕᖃᑦᑕᕐᐹᑦ ᓇᒧᑐᐃᓐᓇᖅ ᐂᓕᕌᖓᑦ; ᑖᒃᑯᐊ ᐊᑭᓕᕐᑕᐅᓪᓗᑎᒃ ᐅᑎᕐᑎᑕᐅᓯᒪᕗᑦ ᐃᓅᖃᑎᓕᒫᒥᖕᓂᑦ ᓯᕗᓪᓕᕐᐹᖑᕗᑦ ᒎᑎᒧᑦ ᓄᕐᕋᐅᔭᕐᒧᓪᓗ ᑐᓂᕐᕈᑕᐅᓯᒪᔪᓂᑦ,