ᕉᒪᒥᐅᓄᑦ 11:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐃᓕᑦᓯᓕ ᔫᑎᐅᖏᑦᑐᓯ ᐅᖃᕐᕕᒋᕙᑦᓯ; ᐋᐴᓯᑕᓕᐅᒐᒪ ᔫᑎᐅᖏᑦᑐᓄᑦ, ᑕᒪᓐᓇ ᐱᔨᑦᓯᕐᓂᕋ ᓂᕐᑑᑎᒋᓂᐊᕐᐸᕋ.

ᕉᒪᒥᐅᓄᑦ 11:13 Iomraidhean Croise

ᐋᐴᓯᑕᓖᑦ ᐱᓂᐊᕐᓂᖏᑦ 13:2

ᐊᑕᓂᕐᒧᑦ ᑐᒃᓯᐊᕐᑎᓪᓗᒋᑦ ᓂᕆᑦᑍᓕᓪᓗᑎᒡᓗ, ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᐅᑎᕔᑦ, “ᐸᕐᓇᐹᓯᒃᑯᒃ ᓴᐅᓗᓯᒃᑯᒃ ᑎᓕᓚᐅᕐᓯᒋᒃ ᐱᓇᓱᐊᖁᓪᓗᒋᒃ; ᑕᒪᑐᒧᖓ ᕾᖁᓯᒪᒐᒃᑭᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 22:21

ᐊᑕᓂᐅᑉ ᐅᖃᐅᑎᓚᐅᕐᐹᖓ, ‘ᐊᐅᓪᓚᓕᕆᑦ; ᑎᓕᔪᒪᒐᒃᑭᑦ ᐅᖓᓯᒃᑐᒦᑐᓄᑦ ᔫᑎᐅᖏᑦᑐᓄᑦ.’”

ᐋᐴᓯᑕᓖᑦ ᐱᓂᐊᕐᓂᖏᑦ 9:15

ᐊᑕᓂᐅᑉ ᐅᖃᐅᑎᕚ, “ᐂᓕᕆᑦ, ᑖᓐᓇ ᓂᕈᐊᕋᒃᑯ ᐅᕙᓐᓂᒃ ᐱᔨᑦᓯᖁᓪᓗᒍ, ᐊᑎᕋ ᑐᓴᕐᑕᐅᖁᓪᓗᒍ ᔫᑎᐅᖏᑦᑐᓄᑦ, ᐊᖓᔪᖅᑳᕐᔪᐊᓄᑦ, ᐃᓄᖕᓄᓪᓗ ᐃᓴᕆᐊᓕᒥᐅᓄᑦ;

ᒐᓔᑎᐊᒥᐅᓄᑦ 1:16

ᐃᕐᓂᕐᒥᓂᒡᓗ ᖁᕕᐊᓱᒡᓗᓂ ᑕᑯᑎᑦᓱᒪᓚᐅᕐᐹᖓ, ᐊᔪᕆᕐᑐᐃᔪᓐᓇᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᔫᑎᐅᖏᑦᑐᓄᑦ, ᑭᓇᒥᒡᓘᓐᓃᑦ ᑕᒪᑐᒥᖓ ᖃᐅᔨᓇᓱᒡᕕᖃᓚᐅᓐᖏᓚᖓ.

ᒐᓔᑎᐊᒥᐅᓄᑦ 2:2

ᔨᕉᓴᓕᒻᓕᐊᓚᐅᕐᐳᖓ ᒎᑎᐅᑉ ᑕᑯᑎᓚᐅᕐᒪᖓ ᑕᐅᕗᓐᖓᕆᐊᖃᕐᓂᓐᓂᒃ; ᑕᓯᐅᕐᑎᐅᔪᑦ ᐅᒃᐱᕐᑑᖃᑎᒌᓂ ᑲᑎᒪᖃᑎᑐᐊᕆᓪᓗᒋᑦ ᓇᓗᓁᕐᓯᕕᒋᓚᐅᕐᐸᒃᑲ ᐅᖃᐅᓰᑦ ᑐᓴᕈᒥᓇᕐᑐᑦ ᔫᑎᐅᖏᑦᑐᓄᑦ ᐊᔪᕆᕐᑐᐃᑦᔪᑎᒋᖃᑦᑕᕐᑕᒃᑲ ᐱᓇᓱᐊᕐᓂᕆᓚᐅᕐᑕᒃᑲᓗ ᐱᑦᔪᑎᒋᓪᓗᒋᑦ, ᒫᓐᓇ ᐱᓇᓱᐊᕐᓂᕆᔭᒃᑲ ᑕᒪᐅᖓᑐᐃᓐᓈᖁᓇᒋᑦ.

ᐃᐱᓯᒥᐅᓄᑦ 3:8

ᐅᕙᖓ ᒎᑎᐅᑉ ᐃᓄᖁᑎᓕᒫᖏᓐᓂᑦ ᒥᑭᓐᓂᕐᐸᐅᒐᓗᐊᕐᑐᖓ, ᒎᑎᐅᑉ ᑐᓂᓯᕕᒋᓚᐅᕐᐹᖓ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᒍᑦ; ᔫᑎᐅᖏᑦᑐᓄᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᙭ᔅᑑᓯᐅᑉ ᐊᒥᒐᕐᓯᖏᓐᓂᖓᓂᒃ ᑭᒡᓕᖃᖏᑦᑐᒥᒃ,

ᑎᒧᑎᒧᑦ ᓯᕗᓪᓖᑦ 2:7

ᑕᒪᑐᒧᖓ ᑎᓕᔭᐅᓯᒪᕗᖓ ᐊᔪᕆᕐᑐᐃᖁᓪᓗᖓ ᐋᐴᓯᑕᓕᓐᖑᕐᑎᑕᐅᓪᓗᖓᓗ, ᓱᓕᓪᓗᖓ ᐅᖃᕐᐳᖓ ᓴᒡᓗᓐᖏᓚᖓ, ᔫᑎᐅᓐᖏᑦᑐᓂᒃ ᐃᓕᓐᓂᐊᕐᑎᑦᓯᖁᓪᓗᖓ ᐅᒃᐱᕐᓂᑯᑦ ᓱᓕᓂᑯᓪᓗ.