ᕉᒪᒥᐅᓄᑦ 10:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐃᒤᓕᖓᖕᒪᑦ, ᓇᖕᒥᓂᖅ ᖃᓂᒃᑯᑦ ᐅᖃᐅᓯᕆᒍᕕᐅᒃ ᔩᓱᓯ ᐊᑕᓂᐅᓂᕋᕐᓗᒍ ᐆᒻᒪᑎᒃᑯᓪᓗ ᐅᒃᐱᕐᓗᑎᑦ ᒎᑎᐅᑉ ᐆᒻᒪᕐᑎᓚᐅᕐᒪᒍ ᑐᖁᒥᑦ, ᑕᕝᕙ ᐱᐅᓕᔭᐅᓂᐊᕐᐳᑎᑦ.

ᕉᒪᒥᐅᓄᑦ 10:9 Iomraidhean Croise

ᓘᑲᓯᐅᑉ ᐊᒡᓚᖏᑦ 12:8

“ᐅᖃᐅᑎᕙᑦᓯ, ᓇᓪᓕᐊᑦ ᐃᓄᖕᓄᑦ ᐅᕙᓐᓂᒃ ᐅᖃᐅᓯᓕᒃ ᑍᒫᓪᓗᐊᖅ ᐃᓅᑉ ᐃᕐᓂᖓᑕ ᐅᖃᐅᓯᕆᔪᒫᕆᕚ ᒎᑎᐅᑉ ᐂᖏᓕᖏᓐᓄᑦ;

ᔪᐊᓇᓯᐅᑉ ᐊᒡᓚᖏᑦ 9:22

ᐊᖓᔪᖅᑳᖏᒡᓕ ᑍᒫᒃ ᐅᖃᕐᐴᒃ ᔫᑎᑦ ᓯᕘᕋᒋᒐᒥᒋᑦ, ᔫᑎᑦ ᐊᖏᖃᑎᒌᒃᓯᒪᓕᕐᒪᑕ ᓇᓪᓕᐊᑦ ᙭ᔅᑑᓯᐅᓂᕅᒃᐸᑦ ᑖᑦᓱᒥᖓ, ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓄᑦ ᐃᑎᕈᓐᓁᓪᓕᑎᑦᓯᔪᓐᓇᕐᓂᖏᓐᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 16:31

ᑖᒃᑯᐊᒃ ᑭᐅᕚ, “ᐊᑕᓂᕐᒧᑦ ᔩᓱᓯᒧᑦ ᐅᒃᐱᕆᑦ, ᑕᕝᕙ ᐱᐅᓕᔭᐅᓂᐊᕐᐳᑎᑦ, ᐃᒡᓗᒥᐅᖃᑎᑎᓪᓗ.”

ᐋᐴᓯᑕᓖᑦ ᐱᓂᐊᕐᓂᖏᑦ 2:24

ᒎᑎᐅᓪᓕ ᒪᑭᑎᓚᐅᕐᐹ ᑐᖁᒥᑦ, ᑐᖂᑉ ᐋᓐᓂᕐᓇᕐᓂᖓᓂᑦ ᕿᓚᕈᑦᔮᕐᓗᓂᐅᒃ, ᐊᔪᕐᓇᓚᐅᕐᒪ ᑖᓐᓇ ᑐᖁᖎᓐᓇᕆᐊᒃᓴᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 2:32

“ᑖᓐᓇ ᔩᓱᓯ ᒎᑎᐅᑉ ᒪᑭᑎᓚᐅᕐᐹ ᑐᖁᒥᑦ, ᐅᕙᒍᓪᓗ ᑕᒪᑦᑕ ᑕᒪᑐᒥᖓ ᖃᐅᔨᓯᒪᕗᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 8:36

ᐊᖅᑯᑎᒃᑯᑦ ᐃᖏᕐᕋᓪᓗᑎᒃ ᐃᒪᓕᖕᒧᑦ ᑎᑭᓐᓇᒥᒃ, ᐃᑎᐅᐱᐊᒥᐅᑕᖅ ᐅᖃᕐᐳᖅ, “ᑕᑯᒋᑦ, ᐃᒥᖅ ᑕᕝᕙ! ᓱᓇᒥᒃ ᐹᑉᑎᑕᐅᑦᑍᓕᑦᔪᑎᒃᓴᖃᕐᐳᖔ?” [

ᕉᒪᒥᐅᓄᑦ 10:10

ᐆᒻᒪᑎᒃᑰᕐᑐᒥᒃ ᐅᒃᐱᕐᓂᖃᕐᑐᖅ ᐸᓯᔭᒃᓴᐅᔪᓐᓃᕐᑎᑕᐅᖕᒪᑦ, ᖃᓂᕐᒥᒍᓪᓗ ᐅᖃᐅᓯᖃᕐᑐᖅ ᑖᓐᓇ ᐱᐅᓕᔭᐅᓂᐊᕐᐳᖅ.

ᕉᒪᒥᐅᓄᑦ 14:11

ᐊᒡᓚᒡᓯᒪᔪᖃᕐᒪᑦ, “ᐊᑕᓂᖅ ᐅᖃᕐᐳᖅ, ᐃᓅᒐᒪ, ᓰᖅᑯᐃᑦ ᑕᒪᕐᒥᒃ ᐅᕙᓐᓄᑦ ᓰᖅᑯᕈᒫᕐᐳᑦ, ᐅᕾᓪᓗ ᑕᒪᕐᒥᒃ ᒎᑎᒥᒃ ᓂᕐᑐᐃᔪᒫᕐᓗᑎᒃ.”

ᕉᒪᒥᐅᓄᑦ 14:9

ᑕᒪᓐᓇ ᐱᑦᔪᑎᒋᓪᓗᒍ ᙭ᔅᑑᓯ ᑐᖁᓚᐅᕐᐳᖅ ᒪᑭᓪᓗᓂᓗ, ᐊᑕᓂᐅᖁᓪᓗᒍ ᐃᓅᔪᓄᑦ ᑐᖁᖓᔪᓄᓪᓗ.

ᕉᒪᒥᐅᓄᑦ 4:24

ᐅᕙᒍᓪᓕᑦᑕᐅᖅ ᐱᑦᔪᑎᒋᓪᓗᑕ. ᒎᑎᒧᑦ ᐃᓗᐊᕐᑑᓂᕋᕐᑕᐅᖁᓪᓗᑕ ᑖᑦᓱᒧᖓ ᐅᒃᐱᕐᑐᒍᑦ ᑐᖁᒥᑦ ᒪᑭᑎᑦᓯᓯᒪᓂᖓᓂᒃ ᐊᑕᓂᑦᑎᓐᓂᒃ ᔩᓱᓯᒥᒃ,

ᕉᒪᒥᐅᓄᑦ 8:34

ᑭᓇ ᐃᒋᑕᒃᓴᓐᖑᕐᑎᑦᓯᔪᓐᓇᕐᐹ ᑕᑯᒋᑦ ᙭ᔅᑑᓯ ᔩᓱᓯᐅᑉ, ᑐᖁᓚᐅᕐᑑᑉ, ᑐᖁᒥᓪᓗ ᒪᑭᓚᐅᕐᑑᑉ, ᒎᑎᐅᓪᓗ ᑕᓕᕐᐱᐊᓃᑦᑑᑉ, ᑖᑦᓱᒪ ᑕᕝᕙ ᑐᒃᓯᐅᑎᖃᑦᑕᕐᐹᑎᒍᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:3

ᑍᒤᒻᒪᑦ ᑐᑭᓯᓯᒪᑦᓯᐊᖁᕙᑦᓯ, ᒎᑎᐅᑉ ᐊᓂᕐᓂᖓᓄᑦ ᐅᖃᓪᓚᒃᑎᑕᐅᔪᒥᒃ, ᐃᒤᓕᔪᖃᓚᐅᕐᓯᒪᓐᖏᓚᖅ “ᔩᓱᓯ ᓇᕐᕈᓇᕐᓯᓕ!” ᐃᒫᒡᓗ ᐅᖃᕐᑐᖃᕈᓐᓇᓐᖏᓚᖅ “ᔩᓱᓯ ᐊᑕᓂᐅᕗᖅ” ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᐅᖃᕐᑎᑕᐅᖏᒃᑯᓂ.

ᐱᓕᐱᒥᐅᓄᑦ 2:11

ᐅᕾᓪᓗ ᑕᒪᕐᒥᒃ ᓇᓗᓁᔧᔪᒃᓴᐅᕗᑦ ᔩᓱᓯ ᙭ᔅᑑᓯᐅᑉ ᐊᑕᓂᐅᓂᖓᓂᒃ, ᒎᑎᐅᑉ ᐊᑖᑕᐅᑉ ᓂᕐᑐᕐᑕᐅᓂᒃᓴᖓᓄᑦ.

ᐲᑦᑐᕉᓯ ᓯᕗᓪᓖᑦ 1:21

ᑖᑦᓱᒨᓇ ᒎᑎ ᐅᒃᐱᕐᕕᒋᕙᓯ, ᑖᓐᓇ ᑐᖁᒥᑦ ᒪᑭᑎᑦᓯᓚᐅᕐᑐᖅ ᑖᑦᓱᒥᖓ ᓂᕐᑐᕐᓇᕐᓯᑎᓪᓗᒍᓗ, ᑍᒤᒻᒪᑦ ᐅᒃᐱᕐᓂᑦᓯ ᓂᕆᐅᖕᓂᓯᓗ ᒎᑎᒦᑉᐳᑦ.

ᔪᐊᓇᓯ ᓯᕗᓪᓖᑦ 4:15

ᓇᓪᓕᐊᑦ ᔩᓱᓯ ᒎᑎᒧᑦ ᐃᕐᓂᐅᓂᖓᓂᒃ ᓇᓗᓁᕐᓯᔪᖅ, ᒎᑎ ᑖᑦᓱᒪᓃᑉᐳᖅ, ᑖᓐᓇᓗ ᒎᑎᒦᓪᓗᓂ.

ᔪᐊᓇᓯᐅᑉ ᐂᑉᐸᖏᑦ 1:7

ᐊᒥᓱᑦ ᑕᒻᒪᕐᑎᑦᓯᔪᑦ ᓯᓚᕐᔪᐊᕐᒧᑦ ᑎᑭᓯᒪᖕᒪᑕ, ᑖᒃᑯᐊ ᔩᓱᓯ ᙭ᔅᑑᓯᒥᒃ ᑎᒥᑖᕐᓯᒪᔪᒥᒃ ᐅᖃᐅᓯᖃᖃᑦᑕᓐᖏᑦᑐᑦ; ᑖᒃᑯᐊ ᑕᒻᒪᕐᓮᔨᐅᕗᑦ ᙭ᔅᑑᓯᒥᒡᓗ ᐊᑭᕋᕐᑐᕐᐳᑦ.