ᕉᒪᒥᐅᓄᑦ 10:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐃᓗᐊᕐᑑᓂᕋᕐᑕᐅᓂᖅ ᒎᑎᒥᑦ ᐱᔪᖅ ᖃᐅᔨᒪᓐᖏᓛᑦ, ᓇᖕᒥᓂᕐᒥᒃᑎᒍᓪᓕ ᐃᓗᐊᕐᑐᓕᔪᓐᖑᕋᓱᐊᕐᐳᑦ, ᐃᒻᒥᖕᓂᒃ ᑐᓂᓯᒪᓐᖏᓚᑦ ᒎᑎᐅᑉ ᐃᓗᐊᕐᑐᓕᔪᓐᖑᕐᑎᑦᓯᓂᖓᓄᑦ.

ᕉᒪᒥᐅᓄᑦ 10:3 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 9:33

ᓈᒻᒪᒃᑐᒥᒃ ᐱᓇᓱᐊᕐᓯᒪᕗᑎᑦ ᓱᒋᐊᕐᓗᑕ; ᓱᖁᓯᔪᐃᑦᑑᓪᓗᑎᑦ ᑲᔪᓯᑦᓯᐊᕐᓯᒪᕗᑎᑦ, ᐅᕙᒍᓪᓕ ᐊᔪᕐᑐᓕᓯᒪᕗᒍᑦ.

ᔫᐱᐅᑉ ᐊᒡᓚᖏᑦ 33:27

ᐃᓄᐃᓪᓗ ᓵᖏᓐᓂ ᐅᖃᕆᒃᓴᐅᑎᒋᓂᐊᕐᐹ, ᐅᖃᕐᓗᓂ, ‘ᐊᔪᕐᑐᓕᓚᐅᕐᐳᖓ, ᓇᓛᒎᕐᓂᕐᒥᓗ ᐃᓅᓚᐅᕐᓇᖓ, ᒎᑎᐅᓪᓕ ᓂᑲᒋᓪᓗᖓ ᓴᐳᑎᓚᐅᕐᐹᖓ.

ᐃᓐᖏᕈᑎᑦ 71:19

ᓱᓕᓗ ᐃᓱᐊᕐᑐᓕᓃᑦ ᖁᑦᓯᓗᐊᕐᒪᑦ ᕿᓚᖕᒥ ᒎᑏ. ᐊᖏᔪᐊᓗᖕᓂᒃ ᑲᒪᓇᕐᑐᓕᓂᕐᓂᒃ ᐱᓇᓱᐊᕐᓯᒪᕗᑎᑦ, ᒎᑏ, ᑭᓇ ᐃᓕᖕᓂᒃ ᐊᑦᔨᖃᕐᐹ?

ᐂᓮᐊᓯᐅᑉ ᐊᒡᓚᖏᑦ 51:1

“ᓈᓚᒃᓯᓐᖓ, ᐃᓕᑦᓯ ᓇᓛᒎᕐᓂᕐᒥᒃ ᒪᓕᒃᑐᓯ, ᐊᑕᓂᕐᒥᒡᓗ ᕿᓂᕐᑐᓯ; ᕾᕐᑐᖅ ᐃᓚᓐᖔᔭᐅᕕᒋᓯᒪᔭᓯ ᓵᕝᕕᒋᓯᐅᒃ, ᐃᑎᕐᓴᓕᐅᕐᓯᒪᔪᕐᓗ ᑕᑯᓗᒍ ᐅᔭᕋᖕᓂᐊᕐᕕᐅᔪᑎᑐᑦ ᐲᕐᓯᕕᐅᕕᒋᓚᐅᕐᑕᓯ.

ᐂᓮᐊᓯᐅᑉ ᐊᒡᓚᖏᑦ 51:6

ᕿᓚᖕᒧᑦ ᑕᑯᓴᓕᕆᑦᓯ, ᐊᒻᒧᓪᓗ ᕿᕕᐊᕐᓗᓯ ᓄᓇᒧᑦ; ᕿᓔᑦ ᐳᔪᕐᑐᑦ ᐊᓯᐅᔪᒫᕐᐳᑦ, ᓄᓇᕐᔪᐊᕐᓗ ᐱᑐᖃᓐᖑᕈᒫᕐᐳᖅ ᐊᓐᓄᕌᑐᑦ, ᐃᓄᖏᓪᓗ ᐊᓇᓐᖏᕐᑎᑐᑦ ᑐᖁᕋᕈᒫᕐᐳᑦ; ᐱᐅᓕᒃᓯᓂᕋᓕ ᐃᓱᖃᖏᑦᑐᒧᑦ ᐃᓕᖓᕗᖅ, ᓇᓛᒎᕐᓂᕋᓗ ᓄᖑᑎᑕᐅᔪᒫᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 51:8

ᖁᐱᕐᕈᓄᑦ ᖃᓪᓗᓈᕐᑕᓂᒃ ᓂᕆᓲᓄᑦ ᓂᕆᔭᐅᔪᒫᕐᒪᑕ, ᖁᐱᕐᕈᓄᓪᓗ ᓄᕕᕐᓵᒃᓴᓂᒃ ᓂᕆᓲᓄᑦ ᓂᖃᐅᓗᑎᒃ; ᓴᐳᑦᔨᓂᕋᓕ ᐃᓱᖃᖏᑦᑐᒧᑦ ᓱᕐᕋᖕᓂᐊᓐᖏᓚᖅ, ᐱᐅᓕᒃᓯᓂᕋᓗ ᑭᖑᕚᖑᖃᑎᒌᓕᒫᓄᑦ.

ᐂᓮᐊᓯᐅᑉ ᐊᒡᓚᖏᑦ 56:1

ᐃᒫᒃ ᐊᑕᓂᖅ ᐅᖃᕐᐳᖅ: “ᐊᑦᔨᒌᒃᑎᑦᓯᓂᖅ ᐊᑐᕐᑕᐅᓕ, ᓇᓛᒎᕐᑐᒥᒡᓗ ᐱᓇᓱᐊᕐᓗᓯ, ᐱᐅᓕᒃᓯᓂᒃᓴᕋ ᖃᓂᑦᑑᓕᕐᒪᑦ, ᓴᐳᑦᔨᓂᕋᓗ ᓴᖅᑭᑎᓐᓂᐊᓕᕋᒃᑯ.

ᐂᓮᐊᓯᐅᑉ ᐊᒡᓚᖏᑦ 57:12

ᐃᓱᐊᕐᑑᓂᕋᕐᓗᓯ ᐱᓂᐊᕐᓂᑦᓯᐊᕆᖕᓂᕋᕐᓗᓯᓗ ᐅᖃᐅᓯᕆᓂᐊᕐᐸᑦᓯ, ᑕᒪᓐᓇᓕ ᐃᓕᑦᓯᓐᓄᑦ ᐃᑲᔪᕈᑎᒃᓴᖃᕐᓂᐊᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 64:6

ᐃᓘᓐᓇᑕ ᓴᓗᒪᖏᑦᑐᑎᑐᑦ ᓇᕐᕈᓇᕐᓯᕗᒍᑦ, ᐃᓱᐊᕐᑑᓇᓱᐊᕐᓂᕗᓪᓗ ᖃᓪᓗᓈᕐᑕᑎᑐᑦ ᓴᓗᒤᑦᑐᑎᑐᑦ ᑍᒤᑉᐳᑦ, ᐅᖃᐅᔭᑎᑐᓪᓗ ᑐᖁᓕᖓᔪᑎᑐᑦ ᑍᒤᑉᐳᒍᑦ, ᐊᔪᕐᑐᓕᓂᑦᑕᓗ ᐊᓄᕆᒧᑦ ᑎᒃᑕᐅᔪᑎᑐᑦ ᑍᒤᑎᑉᐹᑎᒍᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:22

ᐊᑕᓂᐅᑉ ᓂᒡᓕᒍᓱᖕᓂᖓ ᑲᔪᓯᑦᓮᓐᓇᕐᐳᖅ, ᓂᑲᒍᓱᖕᓂᖓ ᓄᖅᑲᓚᐅᕐᓯᒪᓐᖏᓚᖅ,

ᑖᓂᐊᓕᐅᑉ ᐊᒡᓚᖏᑦ 9:24

“ᓇᓪᓕᐅᓐᓃᑦ 70 7ᐃᕐᑐᕐᓗᒋᑦ ᐅᖃᐅᓯᐅᕗᑦ ᐃᓄᖁᑎᖕᓄᑦ ᐃᒡᓗᒐᓴᖁᑎᖕᓄᓪᓗ ᐃᑦᔪᕐᓁᑦᑐᓄᑦ ᐱᐅᖏᑦᑐᓕᓂᖏᑕ ᓱᒋᐊᕐᑕᐅᓂᖏᑕ ᐃᓱᓕᕝᕕᒃᓴᖏᑦ, ᐊᔪᕐᑐᓕᓂᖅ ᐃᓱᓕᖁᓪᓗᒍ, ᐱᐅᖏᑦᑐᓕᓂᐅᑉ ᓴᓗᒻᒪᕐᑎᑕᐅᕕᒃᓴᖓᓄᑦ, ᐃᓱᐊᕐᑐᓕᓂᖅ ᐃᓱᖃᖏᑦᑐᒧᑦ ᐃᖏᕐᕋᓕᖁᓪᓗᒍ, ᑕᑯᑎᑕᐅᓂᖅ ᓇᓚᐅᑦᑍᓂᕐᓗ ᓇᕿᑦᔪᓯᕐᓗᒍ ᐃᑦᔪᕐᓁᓐᓂᕐᐹᕐᓗ ᐅᕐᓱᒧᑦ ᒥᖑᐊᕐᓗᒍ.

ᒨᓯᓯ ᐱᖓᔪᖏᑦ 26:41

ᑖᒃᑯᓂᖓ ᐊᑭᕋᕐᑐᓕᕈᑎᒋᓚᐅᕐᑕᓐᓂᒃ, ᐊᐅᓪᓚᕐᑎᑦᓯᑦᔪᑎᒋᓚᐅᕐᑕᓐᓂᒡᓗ ᐊᑭᕋᖏᑕ ᓄᓇᖏᓐᓄᑦ, ᑍᒫᒃ ᑭᖑᕚᓯ ᐃᒻᒥᖕᓂᒃ ᒥᑭᒡᓕᑎᕐᐸᑕ ᑕᕝᕙ ᐊᑭᓖᒐᔭᕐᐳᑦ ᐊᔪᕐᓂᕐᒥᖕᓄᑦ ᓱᒋᐊᕐᑕᐅᑦᔪᑎᒥᖕᓂᒃ ᐊᑭᕋᕐᑐᕐᓂᕐᒥᖕᓂᒡᓗ.

ᓘᑲᓯᐅᑉ ᐊᒡᓚᖏᑦ 10:29

ᐱᖁᔭᓂᒃ ᐃᓕᓮᔨ ᓈᒻᒪᑦᑎᐊᕐᑐᒦᓐᓂᕐᒥᖕᓂᒃ ᖃᐅᔨᒪᔭᐅᔪᒪᓕᕋᒥ ᔩᓱᓯ ᐊᐱᕆᕚ, “ᑭᓇᓕ ᑍᒪ ᐃᓅᖃᑎᒋᕙᕋ?”

ᓘᑲᓯᐅᑉ ᐊᒡᓚᖏᑦ 16:15

ᔩᓱᓯᐅᑉ ᐅᖃᐅᑎᕔᑦ, “ᐃᓕᑦᓯ ᑕᕝᕙ ᐃᓄᖕᓄᑦ ᓈᒻᒪᒋᔭᐅᑦᓯᐊᕋᓱᐊᕐᐳᓯ, ᒎᑎᐅᓪᓕ ᐆᒻᒪᑎᓯ ᖃᐅᔨᒪᕔᑦ; ᐃᓄᖕᓄᑦ ᓂᕐᑐᕐᑕᐅᔪᑦ ᒎᑎᒧᑦ ᐊᑑᑎᖃᖏᒻᒪᑕ.

ᕉᒪᒥᐅᓄᑦ 1:17

ᐅᖃᐅᓯᕐᑎᒍᑦ ᑐᓴᕈᒥᓇᕐᑐᑎᒍᑦ ᒎᑎᒧᑦ ᓈᒻᒪᒋᔭᐅᓕᕐᓂᖅ ᓴᖅᑭᑎᑕᐅᖕᒪᑦ ᐅᒃᐱᕐᓂᑯᑦ; ᐃᒫᒃ ᑎᑎᕋᕐᓯᒪᔪᖃᕐᒪᑦ, “ᐃᓗᐊᕐᑐᓕᔪᖅ ᐃᓅᔪᒫᕐᐳᖅ ᐅᒃᐱᕐᓂᕐᒥᓄᑦ.”

ᕉᒪᒥᐅᓄᑦ 10:2

ᓇᓗᓁᕈᓐᓇᕐᐸᒃᑲ ᐃᓗᖏᕐᓱᕐᓗᑎᒃ ᐱᔪᒪᓂᖃᕐᑐᑦ ᒎᑎᒧᑦ, ᐃᓗᖏᕐᓱᕐᓂᖓᓪᓕ ᖃᐅᔨᓯᒪᓪᓚᕆᖕᓂᕐᒥᑦ ᑐᓐᖓᕕᖃᓐᖏᓚᖅ.

ᕉᒪᒥᐅᓄᑦ 10:20

ᑕᕝᕙ ᐂᓮᐊᓯ ᓯᕘᕋᓇᓂ ᐅᖃᓚᐅᕆᕗᖅ, “ᓇᓂᔭᐅᓯᒪᕗᖓ ᐅᕙᓐᓂᒃ ᕿᓂᖏᑦᑐᓄᑦ; ᐅᕙᓐᓂᒃ ᑕᑯᔭᐅᑎᑉᐳᖓ ᐅᕙᓐᓂᒃ ᐊᐱᖅᑯᑎᖃᖏᑦᑐᓄᑦ.”

ᕉᒪᒥᐅᓄᑦ 11:7

ᖃᓄᕐᓕ ᑍᒪ? ᐃᓴᕆᐊᓕᒥᐅᑦ ᕿᓂᕐᑕᒥᖕᓂᒃ ᐱᖏᒻᒪᑕ, ᒎᑎᐅᓪᓕ ᓂᕈᐊᕐᓯᒪᔭᖏᑕ ᑭᓯᒥ ᐅᓄᖏᑦᑐᑦ ᓇᓂᕚᑦ; ᐊᓯᖏᓪᓕ ᐱᔭᕐᓂᖏᑦᑑᓇᓱᐊᕐᐳᑦ.

ᕉᒪᒥᐅᓄᑦ 3:22

ᒎᑎᒧᑦ ᓈᒻᒪᒋᔭᐅᓕᕐᓂᖅ ᐱᔭᒃᓴᐅᕗᖅ ᐅᒃᐱᕐᑐᓕᒫᓄᑦ, ᐅᒃᐱᕐᓂᒃᑯᑦ ᔩᓱᓯ ᙭ᔅᑑᓯᒧᑦ.

ᕉᒪᒥᐅᓄᑦ 3:26

ᑍᒤᓕᐅᓚᐅᕐᐳᖅ ᓈᒻᒪᓈᕐᑐᒥᒃ ᐃᖅᑲᕐᑐᐃᓂᓂ ᓴᖅᑭᑎᑦᓱᒪᓪᓗᒍ, ᐸᓯᔭᒃᓴᐅᔪᓐᓃᕐᑎᑦᓯᓪᓗᓂᓗ ᐅᒃᐱᓕᕐᑐᒥᒃ ᔩᓱᓯᒧᑦ.

ᕉᒪᒥᐅᓄᑦ 5:19

ᐃᓅᑉ ᐊᑕᐅᓯᐅᑉ ᓈᓚᖏᓐᓂᖓᑕ ᐊᒥᓱᑦ ᐊᔪᕐᑐᓕᔪᓐᖑᕐᑎᓚᐅᕐᒪᒋᑦ, ᑍᒫᒃᑕᐅᖅ ᐃᓅᑉ ᐊᑕᐅᓯᐅᑉ ᓈᓚᖕᓂᖓᑕ ᐊᒥᓱᑦ ᐃᓗᐊᕐᑐᓕᔪᓐᖑᕐᑎᑦᓱᒫᕐᐰᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:21

ᐊᔪᕐᑐᓕᓂᕐᒥᒃ ᖃᐅᔨᓚᐅᕐᓯᒪᖏᑦᑐᖅ ᒎᑎᐅᑉ ᐊᔪᕐᑐᓕᔪᓐᖑᕐᑎᓚᐅᕐᐹ ᐱᑦᔪᑎᒋᓪᓗᑕ, ᐅᕙᒍᑦ ᑖᑦᓱᒨᓇ ᒎᑎᒧᑦ ᐃᓗᐊᕐᑐᓐᖑᕐᑎᑕᐅᖁᓪᓗᑕ.

ᒨᓯᓯ ᑕᓪᓕᒪᖏᑦ 6:25

ᑕᕝᕙ ᑕᒪᒃᑯᓂᖓᓕᒫᖅ ᒪᓕᑦᓯᐊᕈᑦᑕ ᒎᑎᐅᑉ ᒪᓕᒃᑕᐅᖁᓯᒪᔭᖏᓐᓂᒃ, ᖁᕕᐊᒋᓂᐊᕐᐹᑎᒍᑦ.’”

ᐱᓕᐱᒥᐅᓄᑦ 3:9

ᑖᑦᓱᒥᖓᓗ ᐃᓅᖃᑎᖃᑦᓯᐊᕈᓐᓇᖁᓪᓗᖓ, ᐅᕙᓐᓂᑦ ᐱᔪᒥᒃ ᐱᖁᔭᓂᒃ ᒪᓕᖕᓂᒃᑯᑦ ᓇᓛᒎᓐᓂᖃᕋᓱᐊᖁᓇᖓ, ᓇᓛᒎᕐᓂᕐᒥᒡᓕ ᐱᑎᑕᐅᕗᖓ ᐅᒃᐱᕐᓂᑯᑦ ᙭ᔅᑑᓯᒥ, ᑕᒪᓐᓇ ᓇᓛᒎᕐᓂᖅ ᒎᑎᒥᑦ ᐱᔪᖅ ᑐᓐᖓᕕᖃᕐᒪᑦ ᐅᒃᐱᕐᓂᒥᒃ;

ᐲᑦᑐᕉᓯ ᐂᑉᐸᖏᑦ 1:1

ᓮᒨᓂ ᐲᑦᑐᕉᓯᒥᑦ, ᐱᔨᒋᔭᐅᓪᓗᓂ ᐋᐴᓯᑕᓕᐅᔪᒥᑦ ᔩᓱᓯ ᙭ᔅᑑᓯᒧᑦ, ᐱᑖᕐᓯᒪᔪᓄᑦ ᐅᒃᐱᕐᓂᕐᒥᒃ ᐱᕕᐊᕐᓇᕐᑐᒥᒃ ᐅᕙᑦᑎᑐᑦ ᒎᑎᑦᑕ ᐃᓗᐊᕐᑐᓐᖑᕐᑎᑦᓯᓂᖓᓄᑦ ᐱᐅᓕᔨᑦᑎᒍᓪᓗ ᔩᓱᓯ ᙭ᔅᑑᓯᒃᑯᑦ: