ᕉᒪᒥᐅᓄᑦ 10:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐊᐱᕆᕗᖓᓕ, ᑐᓴᓚᐅᓐᖏᓛᑦ? ᐃᓛᒃ ᑐᓴᓪᓚᕆᒃᓯᒪᕗᑦ; ᐊᒡᓔᑦ ᐅᖃᕐᒪᑕ: “ᓂᐱᖏᑦ ᓄᓇᕐᔪᐊᓕᒫᒧᑦ ᑎᑭᐅᑎᕗᑦ, ᐅᖃᐅᓯᖏᓪᓗ ᓯᓚᕐᔪᐊᑉ ᐃᓱᐊᓄᑦ ᑎᑭᑉᐳᑦ.”

ᕉᒪᒥᐅᓄᑦ 10:18 Iomraidhean Croise

ᐊᑕᓃᑦ ᓯᕗᓪᓖᑦ 18:10

ᐊᑕᓂᖅ ᒎᑏᑦ ᐃᓅᖕᒪᑦ, ᓱᓕᓪᓗᖓ ᐅᖃᕐᐳᖓ ᐊᖓᔪᖅᑳᕋ ᑎᓕᓯᖃᑦᑕᓚᐅᕐᐳᖅ ᐃᓅᖃᑎᒌᒡᔪᐊᓄᑦ ᐊᑕᓂᐅᕕᖕᓄᓪᓗ ᕿᓂᖁᔨᓪᓗᓂ ᐃᓕᖕᓂᒃ; ᐅᖃᕐᐸᑕ, ‘ᑕᒫᓃᖏᑦᑐᖅ.’ ᐊᑕᓂᐅᕖᑦ ᓄᓇᖅᑲᑎᒌᓪᓗ ᑕᕝᕙ ᐊᖏᒻᒪᕆᒃᑎᖃᑦᑕᓚᐅᕐᐰᑦ ᓱᓕᓪᓗᑎᒃ ᐃᓕᖕᓂᒃ ᓇᓂᓯᖏᓪᓚᕆᖕᓂᖏᓐᓂᒃ.

ᐃᓐᖏᕈᑎᑦ 19:4

ᓂᐱᖏᑦ ᐂᕗᑦ ᓄᓇᕐᔪᐊᒧᑦ ᑕᒤᓐᓄᑦ, ᐅᖃᐅᓯᖏᓪᓗ ᓯᓚᕐᔪᐊᑉ ᐃᓱᐊᓄᑦ. ᑕᕝᕙᓂ ᑕᑯᒃᓴᐅᔪᓂ ᓯᕿᓂᖅ ᑐᐱᓕᐅᕐᐹ,

ᐃᓐᖏᕈᑎᑦ 22:27

ᓄᓇᕐᔪᐊᕐᒦᑦᑐᑦ ᑕᒪᕐᒥᒃ ᐃᖅᑬᔪᒫᕐᐳᑦ, ᐊᑕᓂᕐᒧᓪᓗ ᓵᓪᓗᑎᒃ, ᐃᓚᒌᓕᒫᓪᓗ ᐃᓅᖃᑎᒌᒡᔪᐊᓂ, ᑐᒃᓯᐊᕈᒫᕐᐳᑦ ᓵᖕᓂ.

ᐃᓐᖏᕈᑎᑦ 98:3

ᓇᒡᓕᒍᓱᖕᓂᓂ ᓱᖁᓯᔪᐃᑦᑑᓂᓂᓗ ᐃᖅᑲᐅᒪᒐᒥᐅᒃ ᐃᓴᕆᐊᓕᐅᑉ ᐃᓄᖏᑦ ᐱᑦᔪᑎᒋᓪᓗᒋᑦ; ᓄᓇᕐᔪᐊᕐᒥᐅᓕᒫᑦ ᒎᑎᑦᑕ ᓵᓚᖃᕐᓂᖓ ᑕᑯᓯᒪᕚᑦ.

ᐂᓮᐊᓯᐅᑉ ᐊᒡᓚᖏᑦ 24:16

ᐅᖓᓯᒃᑐᒥ ᓄᓇᖃᕐᑐᒍᑦ ᑐᓵᔪᒫᕐᐳᒍᑦ ᐅᐱᒍᓱᒡᓗᑎᒃ ᐃᓐᖏᕈᑎᖃᕐᑐᓂᒃ ᐃᓴᕆᐊᓕᒥᐅᓂᒃ, ᐃᓅᖃᑎᒌᒡᔪᐊᑦ ᐃᓱᐊᕐᑑᓂᕋᕐᓗᒋᑦ. ᓂᕆᐅᒋᔭᒃᓴᖃᓐᖏᓚᖓᓕ ᐱᐅᔪᓐᓃᕐᐸᓪᓕᐊᑐᐃᓐᓇᕋᑦᑕ, ᐊᑭᕋᕐᑐᕋᓱᒃᑐᑦ ᐊᑭᕋᕐᑐᕐᐸᓪᓕᐊᑐᐃᓐᓇᕐᒪᑕ, ᑎᕐᓕᐊᖃᑦᑍᓂᖓᓪᓗ ᐱᕙᓪᓕᐊᑐᐃᓐᓇᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 49:6

ᑖᓐᓇ ᐅᖃᕐᐳᖅ, ‘ᐱᔨᒋᑐᐃᓐᓇᕈᒃᑭᑦ ᓱᓇᐅᓐᖏᓗᐊᕐᐳᖅ, ᒪᑭᑎᑦᓯᓗᑎᑦ ᔧᑰᑉ ᑭᖑᕚᖏᓐᓂᒃ, ᐅᑎᕐᑎᑦᓯᖁᓪᓗᑎᓪᓗ ᐃᓴᕆᐊᓕᒥᐅᑦ ᐊᒥᐊᒃᑯᖏᓐᓂᒃ; ᑐᓂᔪᒪᕙᒋᓪᓗ ᖃᐅᒻᒪᒃᓮᔨᐅᖁᓪᓗᑎᑦ ᐃᓅᖃᑎᒌᒡᔪᐊᓄᑦ, ᐱᐅᓕᒃᓯᔨᐅᓃᓪᓗ ᓄᓇᕐᔪᐊᑉ ᑭᒡᓕᖏᓐᓄᑦ ᑎᑭᐅᑎᖁᓪᓗᒍ.’”

ᐂᓮᐊᓯᐅᑉ ᐊᒡᓚᖏᑦ 52:10

ᐊᑕᓂᐅᑉ ᑕᓕᕐᒥ ᐂᖓ ᐃᑦᔪᕐᓁᑦᑐᖅ ᓯᖀᕐᑎᕐᒪᒍ ᐃᓅᖃᑎᒌᒡᔪᐊᑦ ᑕᒤᑕ ᑕᑯᓐᓈᕐᑎᓪᓗᒋᑦ; ᓄᓇᕐᔪᐊᕐᒥᐅᓕᒫᑦ ᒎᑎᑦᑕ ᐱᐅᓕᒃᓯᓂᖓ ᑕᑯᔪᒫᕐᐹᑦ.

ᔨᕆᒤᐊᐅᑉ ᐊᒡᓚᖏᑦ 16:19

ᐊᑕᓃᖅ ᐱᔪᓐᓇᐅᑎᒋᕙᒋᑦ ᓴᐴᓗᑕᕆᓪᓗᑎᓪᓗ, ᕿᒫᕕᒋᕙᒃᐸᒋᑦ ᐅᖁᒤᑦᑐᒦᓕᕌᖓᒪ, ᐃᓅᖃᑎᒌᒡᔪᐊᑦ ᐃᓕᖕᓄᐊᕐᑐᒃᓴᐅᖕᒪᑕ ᐅᖃᕐᓗᑎᒡᓗ: “ᓯᕗᓕᕗᑦ ᑭᖑᕐᖑᑦᔨᓚᐅᓐᖏᓚᑦ ᓱᓇᒥᒡᓘᓐᓃᑦ ᓴᒡᓗᕿᑕᐅᓂᕐᒥᒃ ᑭᓯᐊᓂ, ᒎᑎᓐᖑᐊᓂᒃ ᐊᑑᑎᖃᖏᑦᑐᓂᒃ ᐱᕚᓪᓕᕈᑎᒃᓴᐅᖏᑦᑐᓂᒃ.

ᒫᑎᐅᓯᐅᑉ ᐊᒡᓚᖏᑦ 24:14

ᐅᖃᐅᓰᑦ ᑐᓴᕈᒥᓇᕐᑐᑦ ᒎᑎᐅᑉ ᐊᑕᓂᐅᕕᖓᓂᒃ ᐅᖃᐅᓯᓖᑦ ᐊᔪᕆᕐᑐᐃᑦᔪᑕᐅᔪᒫᕐᐳᑦ ᓄᓇᕐᔪᐊᓕᒫᒥ ᓇᓂᑐᐃᓐᓇᖅ, ᓱᓕᓂᖓᓗ ᓴᖅᑭᑎᑕᐅᓗᓂ ᐃᓅᖃᑎᒌᒡᔪᐊᓄᑦ; ᑕᕝᕙ ᓯᓚᕐᔫᑉ ᓇᒡᒐᑖ ᓇᓪᓕᐅᑎᔪᒫᕐᐳᖅ.”

ᒫᑎᐅᓯᐅᑉ ᐊᒡᓚᖏᑦ 26:13

ᓱᓕᔪᒥᒃ ᐅᖃᐅᑎᕙᑦᓯ, ᓇᓂᑐᐃᓐᓇᓕᒫᖅ ᓄᓇᕐᔪᐊᕐᒥ ᐅᖃᐅᓰᑦ ᑐᓴᕈᒥᓇᕐᑐᑦ ᐅᖃᐅᓯᐅᓕᕌᖓᑕ, ᑖᑦᓱᒪ ᐊᕐᓇᐅᑉ ᐱᓂᐊᕐᓂᕆᔭᖓ ᐅᖃᐅᓯᐅᖃᑦᑕᕈᒫᕐᐳᖅ ᐃᖅᑲᐅᒪᔭᐅᑦᔪᑎᒋᓗᒍ.”

ᒫᑎᐅᓯᐅᑉ ᐊᒡᓚᖏᑦ 28:19

ᑍᒤᒻᒪᑦ ᐃᓅᖃᑎᒌᒡᔪᐊᓄᑦ ᐂᓕᕆᑦᓯ, ᐃᓕᓐᓂᐊᕐᑎᓐᖑᕐᑎᑦᓯᒋᐊᕐᑐᕐᓗᓯ: ᐹᑉᑎᓪᓗᒋᓪᓗ ᐊᑖᑕᐅᑉ ᐃᕐᓂᐅᓪᓗ ᐊᓂᕐᓂᐅᓪᓗ ᐃᑦᔪᕐᓁᑦᑑᑉ ᐊᑎᖓᓂ,

ᒫᑎᐅᓯᐅᑉ ᐊᒡᓚᖏᑦ 4:8

ᐊᒻᒪ ᓵᑖᓇᓯᐅᑉ ᔩᓱᓯ ᐊᐅᓪᓚᕈᑎᕚ ᖃᖅᑲᒧᑦ ᐳᕐᑐᔪᐊᓗᖕᒧᑦ, ᑕᑯᑎᓪᓗᒍ ᓯᓚᕐᔪᐊᕐᒥᐅᑦ ᐊᖓᔪᖅᑲᐅᕕᖏᓐᓂᒃ ᑕᑯᒥᓇᕐᓂᖏᓐᓂᒡᓗ.

ᒫᑯᓯᐅᑉ ᐊᒡᓚᖏᑦ 16:15

ᔩᓱᓯᐅᑉ ᐅᖃᐅᑎᕔᑦ, “ᐂᓕᕆᑦᓯ ᐱᓐᖑᕐᑎᑕᐅᓯᒪᔪᓄᑦ ᑕᒤᓐᓄᑦ ᐊᔪᕆᕐᑐᐃᓗᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ.

ᒫᑯᓯᐅᑉ ᐊᒡᓚᖏᑦ 16:20

ᐃᓕᓐᓂᐊᕐᑎᑦ ᐊᔪᕆᕐᑐᐃᔭᕐᑐᕐᐳᑦ ᓇᒧᑐᐃᓐᓇᓕᒫᖅ, ᐊᑕᓂᐅᑉ ᐱᓇᓱᐊᖃᑎᒋᕔᑦ ᐊᔪᕆᕐᑐᐃᓂᖏᑕ ᓱᓕᓂᖏᑦ ᓇᓗᓁᒃᑯᑕᖃᓚᐅᕐᐳᑦ ᑲᒪᓇᕐᑐᓕᓂᒃᑯᑦ ᐱᓇᓱᐊᕐᑕᖏᑎᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 1:8

ᐱᔪᓐᓇᕐᓂᕐᒥᒡᓕ ᐱᑎᑕᐅᓛᕐᐳᓯ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᑎᑭᑕᐅᒍᑦᓯ; ᐅᕙᓐᓂᒃ ᓇᓗᓁᕐᓯᔨᒋᓛᕐᐸᑦᓯ ᔨᕉᓴᓕᒻᒥ ᔫᑎᐊᓕᒫᒥᓗ ᓴᒥᐊᕆᐊᒥᓗ ᓄᓇᕐᔪᐊᓪᓗ ᐃᓱᐊ ᑎᑭᓪᓗᒍ.”

ᐋᐴᓯᑕᓖᑦ ᐱᓂᐊᕐᓂᖏᑦ 26:20

ᐱᓇᓱᐊᓚᐅᕐᐳᖓᓕ ᑕᒫᓯᑰᓯᒥᑦ ᐱᒋᐊᕐᓗᖓ, ᔨᕉᓴᓕᒻᒥᓗ, ᔫᑎᐊᒦᑦᑐᓕᒫᓂᓗ, ᔫᑎᐅᖏᑦᑐᓂᓗᑦᑕᐅᖅ ᐊᔪᕆᕐᑐᐃᖃᑦᑕᓚᐅᕐᐳᖓ ᐊᔪᕐᓂᕐᒥᖕᓂᑦ ᖃᕿᐊᓕᖁᓪᓗᒋᑦ ᒎᑎᒧᓪᓗ ᓵᒋᐊᖁᓪᓗᒋᑦ, ᖃᕿᐊᓕᕐᓂᕐᒥᖕᓂᒡᓗ ᓇᓗᓁᕐᓯᖁᓪᓗᒋᑦ ᐱᓂᐊᕐᓂᕐᒥᒃᑎᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 28:23

ᐸᐅᓗᓯᒥᒡᓗ ᑲᑎᒪᖃᑎᖃᕐᕕᒃᓴᒥᖕᓂᒃ ᐅᓪᓗᒥᒃ ᓇᓗᓁᕐᓯᕗᑦ, ᓇᓪᓕᐅᑎᖕᒪᓪᓗ ᐅᓄᕐᓂᕐᓴᒻᒪᕆᐊᓗᐃᑦ ᕾᕗᑦ ᓇᔪᕐᑕᖓᓄᑦ. ᐅᓪᓛᒥᑦ ᐱᒋᐊᕐᓗᒍ ᐅᓐᓄᒧᑦ ᑎᑭᓪᓗᒍ, ᓇᓗᓇᕈᓐᓃᕐᑎᑦᓯᕗᕐᓗ ᐅᖃᐅᓯᖃᕐᓗᓂ ᒎᑎᐅᑉ ᐊᑕᓂᐅᕕᖓᓂᒃ ᔩᓱᓯᒥᒡᓗ ᑐᑭᓯᔭᐅᑎᑦᓯᓇᓱᐊᕐᐳᖅ ᒨᓯᓯᐅᑉ ᐱᖁᔭᖏᑦ, ᓇᓚᐅᑦᑍᔪᓪᓗ ᐊᒡᓚᖏᑦ ᐊᑐᕐᓗᒋᑦ.

ᕉᒪᒥᐅᓄᑦ 1:8

ᓯᕗᓪᓕᕐᒥᒃ ᒎᑎᒐ ᖁᔭᒋᕙᕋ ᐊᑕᓂᑦᑎᒍᑦ ᔩᓱᓯ ᙭ᔅᑑᓯᒃᑯᑦ ᑕᒪᑦᓯ ᐱᑦᔪᑎᒋᓪᓗᓯ, ᐅᒃᐱᕐᓂᓯ ᓇᓂᓕᒫᖅ ᐅᖃᐅᓯᐅᓕᕐᒪᑦ ᓯᓚᕐᔪᐊᕐᒥ.

ᕉᒪᒥᐅᓄᑦ 15:19

ᓇᓗᓁᒃᑯᑍᑦ ᑲᒪᓇᕐᑐᓕᓃᓪᓗ ᐱᔪᓐᓇᕐᓂᖏᑎᒍᑦ, ᐊᓂᕐᓂᐅᓪᓗ ᐃᑦᔪᕐᓁᑦᑑᑉ ᐱᔪᓐᓇᕐᓂᖓᒍᑦ, ᔨᕉᓴᓕᒻᒥᑦ ᐱᒋᐊᕐᓗᖓ ᐃᓔᕆᑲᒻ ᑎᑭᓪᓗᒍ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᙭ᔅᑑᓯᒥᒃ ᐅᖃᐅᓯᖃᕐᓯᒪᕗᖓ ᑕᒤᓐᓄᑦ.

ᑯᓘᓯᐊᒥᐅᓄᑦ 1:23

ᑲᔪᓯᓂᐊᕈᑦᓯ ᐅᒃᐱᕐᓂᑦᓯᓐᓂ, ᑐᓐᖓᕕᖃᑦᓯᐊᕐᓗᓯ ᐊᐅᓚᖏᑦᓯᐊᕐᑐᒥᒃ, ᓴᖑᑎᑕᐅᔪᓐᓃᕐᓗᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᑦ ᑐᓴᓚᐅᕐᑕᑦᓯᓐᓂᑦ, ᑕᒪᓐᓇ ᐅᖃᐅᓯᖅ ᑐᓴᕈᒥᓇᕐᑐᖅ ᐱᑦᔪᑎᒋᓪᓗᒍ ᐅᕙᖓ ᐸᐅᓗᓯ, ᐱᔨᓐᖑᕐᑎᑕᐅᓯᒪᕗᖓ; ᑕᒪᓐᓇᓗ ᐅᖃᐅᓯᖅ ᑐᓴᕈᒥᓇᕐᑐᖅ ᐊᔪᕆᕐᑐᐃᑦᔪᑕᐅᓯᒪᓕᕐᐳᖅ ᓯᓚᕐᔪᐊᕐᒥᐅᓕᒫᓄᑦ.

ᑯᓘᓯᐊᒥᐅᓄᑦ 1:6

ᐅᖃᐅᓰᑦ ᑐᓴᕈᒥᓇᕐᑐᑦ ᑎᑭᐅᑎᓯᒪᖕᒪᑕ ᐃᓕᑦᓯᓐᓄᑦ, ᓯᓚᕐᔪᐊᕐᒥᐅᓕᒫᓄᓪᓗ ᓯᐊᒻᒪᓕᕐᒪᑕ ᐱᕈᕐᑎᑦᓯᓪᓗᑎᒃ ᐊᖏᓕᕙᓪᓕᐊᑎᑦᓯᓪᓗᑎᒡᓗ, ᑍᒫᒃᑕᐅᖅ ᐃᓕᑦᓯᓐᓂ ᐱᒋᐊᕐᓯᒪᒋᕗᑦ, ᑍᒪᓐᖓᓂᑦ ᑐᓴᕋᑦᓯᐅᒃ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓱᓕᓂᖓᓗ ᑐᑭᓯᓪᓗᒍ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:8

ᐊᑕᓂᕐᒥᒡᓕ ᐅᖃᐅᓯᖃᕐᓂᓯ ᑐᓴᐅᒪᔭᐅᓕᕐᐳᖅ ᒫᓯᑑᓂᐊᓕᒫᒥ ᐊᑬᐊᓕᒫᒥᓗ, ᑖᒃᑯᑑᓐᖏᓚᓪᓕ, ᒎᑎᒧᓪᓕᑦᑕᐅᖅ ᐅᒃᐱᕐᓂᑦᓯ ᑕᒤᓐᓄᑦ ᑐᓴᐅᒪᔭᐅᓕᕐᐳᖅ, ᑕᒪᑐᒥᖓᓗ ᐅᖃᒃᑲᓐᓂᕆᐊᖃᓐᖏᓚᒍᑦ.