ᕉᒪᒥᐅᓄᑦ 10:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᖃᓄᕐᓗ ᐊᔪᕆᕐᑐᐃᒐᔭᕐᐹᑦ ᑎᓕᔭᐅᓯᒪᖏᓪᓗᑎᒃ? ᐊᒡᓚᓂ ᑎᑎᕋᕐᓯᒪᔪᖃᕐᒪᑦ, “ᐱᐅᔪᐊᓘᕗᑦ ᐃᓯᒐᖏᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᕆᐊᕐᑐᕐᖢᑎᒃ ᑎᑭᐅᑦᔨᔪᑦ!”

ᕉᒪᒥᐅᓄᑦ 10:15 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 40:9

ᓮᐅᓂ, ᖃᖅᑲᐅᑉ ᐳᕐᑐᔫᑉ ᖄᖓᓄᐊᓕᕆᑦᓯ ᐅᖃᐅᓯᖃᓕᕆᑦᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ, ᔨᕉᓴᓕᒻ, ᓂᐱᖅᑯᕐᑐᓗᓯ ᐅᖃᐅᓰᑦ ᑐᓴᕈᒥᓇᕐᑐᑦ ᑐᓴᕐᑕᐅᑎᓕᕐᓯᐅᒃ, ᓂᐱᖅᑯᕐᑐᓗᓯ ᓯᕘᕋᖏᓪᓗᓯ; ᔫᑕᐅᑉ ᓄᓇᓕᖁᑎᖏᑦ ᐅᖃᐅᑎᓯᒋᒃ, ‘ᑕᑯᒋᑦ, ᑕᕝᕙ ᒎᑎᓯ.’

ᐂᓮᐊᓯᐅᑉ ᐊᒡᓚᖏᑦ 52:7

ᖁᕕᐊᓇᕐᐳᖅ ᖃᖅᑲᑎᒍᑦ ᐊᓚᒃᑲᕐᑐᖃᖃᑦᑕᓕᕌᖓᑦ ᐅᓪᓚᒃᑐᒥᒃ ᑐᓴᕈᒥᓇᕐᑐᒥᒃ ᐅᖃᕆᐊᕐᑐᕐᑐᒥᒃ, ᓮᒪᓇᕐᑐᒥᒃ ᑐᓴᕐᑎᑦᓯᔭᕐᑐᕐᑐᒥᒃ, ᐊᓕᐊᓁᑦᑐᓂᒃ ᐅᖃᕆᐊᕐᑐᕐᑐᒥᒃ ᐱᐅᔪᓂᒃ, ᐱᐅᓕᔭᐅᓛᕐᓂᕅᔪᓂᒃ, ᐅᖃᕐᓗᑎᒡᓗ ᓮᐅᓂᒧᑦ, “ᒎᑎᓯ ᐊᐅᓚᑦᓯᔨᐅᕗᖅ.”

ᐂᓮᐊᓯᐅᑉ ᐊᒡᓚᖏᑦ 57:19

ᓮᒪᓂᕐᑕᖃᕐᓕ, ᓮᒪᓂᕐᑕᖃᕐᓕ, ᖃᓂᑦᑐᒦᑦᑐᓄᑦ ᐅᖓᓯᒃᑐᒦᑦᑐᓄᓪᓗ, ᐊᑕᓂᖅ ᐅᖃᕐᐳᖅ; ᑕᕝᕙ ᐋᖅᑭᒍᒫᕐᐸᒃᑲ.

ᐂᓮᐊᓯᐅᑉ ᐊᒡᓚᖏᑦ 61:1

ᐊᑕᓂᐅᑉ ᒎᑎᐅᑉ ᐊᓂᕐᓂᖓᑕ ᓇᔪᕐᐹᖓ, ᐊᑕᓂᐅᑉ ᐅᕐᓱᕐᑎᓚᐅᕐᒪᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᓵᓚᐅᓯᒪᔪᓄᑦ; ᑎᓕᓚᐅᕐᐹᖓᓗ ᒪᒥᑎᑦᓯᖁᓪᓗᖓ ᐆᒻᒪᑎᒥᒍᑦ ᓯᖁᒥᓯᒪᔪᓂᒃ, ᑎᒍᔭᐅᓯᒪᔪᓂᒡᓗ ᐅᖃᐅᑦᔨᖁᓪᓗᖓ ᐊᓂᕕᒃᓴᖏᓐᓂᒃ, ᑎᒍᔭᐅᓯᒪᕕᖕᒦᑦᑐᓂᒡᓗ ᐊᓂᑎᑦᓯᖁᓪᓗᖓ.

ᔨᕆᒤᐊᐅᑉ ᐊᒡᓚᖏᑦ 23:32

ᑕᑯᒋᑦ, ᐊᑭᕋᕐᑐᕐᐸᒃᑲ ᐱᔪᖃᓛᕐᑐᒥᒃ ᐅᖃᕐᑎᐅᓂᕋᕐᑐᑦ ᓱᓕᖏᑦᑐᓂᒡᓗ ᓯᓐᓇᒃᑐᕐᓂᕋᖃᑦᑕᕐᑐᑦ, ᐊᑕᓂᖅ ᐅᖃᕐᐳᖅ, ᐅᖃᐅᓯᕐᒥᖕᓄᑦ ᐃᓄᖁᑎᒃᑲ ᑕᒻᒪᕐᑎᑉᐰᑦ ᓱᓕᖏᑦᑐᓂᒃ ᐅᖃᐅᓯᖃᕐᓂᕐᒥᖕᓄᑦ ᐱᐅᔪᕆᑦᔪᑎᒋᓪᓗᒋᓪᓗ, ᑎᓕᓯᒪᓐᖏᓚᒃᑲ ᐅᖃᖁᓗᒋᑦ; ᑍᒤᒻᒪᑦ ᐅᖃᓪᓚᖃᑦᑕᕐᓂᖏᑦ ᐃᓄᖁᑎᓐᓄᑦ ᐱᕚᓪᓕᕈᑕᐅᖏᑦᓯᐊᕐᐳᑦ, ᐊᑕᓂᖅ ᐅᖃᕐᐳᖅ.”

ᓇᕼᐅᒥᐅᑉ ᐊᒡᓚᖏᑦ 1:15

ᑕᑯᒋᑦ, ᐅᖃᕆᐊᕐᑐᕐᑐᖅ ᕾᓕᕐᐳᖅ ᖃᖅᑲᑎᒍᑦ ᐅᖃᕆᐊᕐᑐᕐᑐᖅ ᑐᓴᕈᒥᓇᕐᑐᒥᒃ, ᓵᓚᖃᕐᓂᕐᒥᒃ ᐅᖃᕆᐊᕐᑐᕐᐳᖅ! ᐃᓕᑦᓯ ᔫᑕᐅᑦ ᐃᓄᖏᑦ, ᓇᓪᓕᐅᓐᓂᕐᓯᐅᓕᕆᑦᓯ ᓇᓪᓕᐅᑎᕙᒃᑐᓂᒃ, ᐊᖏᕈᑎᒋᓯᒪᔭᓯᓗ ᑲᔪᓯᑎᓪᓗᒋᑦ, ᐱᐅᖏᑦᑐᓄᑦ ᓄᓇᓯ ᓵᓚᒋᔭᐅᒃᑲᓐᓂᕐᓂᐊᕈᓐᓃᕐᐳᖅ, ᑕᒪᑐᒪ ᑭᖑᕐᖓᒍᑦ ᐱᕕᒃᓮᕈᑦᔭᐅᖕᒪᑕ.

ᒫᑎᐅᓯᐅᑉ ᐊᒡᓚᖏᑦ 9:38

ᑍᒤᒻᒪᑦ ᐱᕈᕐᑐᑦ ᑲᑎᕐᓱᒐᒃᓴᑦ ᐊᑕᓂᖓᑦ ᑐᒃᓯᐊᕐᕕᒋᓯᐅᒃ ᑎᓕᓯᖁᓪᓗᒍ ᐱᓇᓱᐊᕐᑐᒃᓴᓂᒃ, ᑲᑎᕐᓱᐃᓂᐊᕐᑐᓂᒃ ᐱᕈᕐᑐᓂᒃ ᓇᑲᑎᕆᕕᖕᒥ.”

ᓘᑲᓯᐅᑉ ᐊᒡᓚᖏᑦ 10:1

ᑕᒪᑐᒪ ᑭᖑᓂᖓᒍᑦ ᐊᑕᓂᖅ ᓂᕈᐊᓚᐅᕆᕗᖅ 72ᓂᒃ, ᑎᓕᓪᓗᒋ ᒪᕐᕉᓈᕐᑎᕐᓗᒋᑦ ᓄᓇᓕᓕᒫᓄᑦ ᐅᐸᓛᕈᒪᔭᒥᓄᑦ.

ᓘᑲᓯᐅᑉ ᐊᒡᓚᖏᑦ 2:10

ᐂᖏᓕᐅᑉ ᐅᖃᐅᑎᕔᑦ, “ᑲᑉᐱᐊᓱᖏᓪᓗᓯ; ᑕᑯᒋᑦ, ᑐᓴᕈᒥᓇᕐᑐᒥᒃ ᐅᖃᐅᑎᔭᕐᑐᕐᐸᑦᓯ ᖁᕕᐊᓇᕐᑐᕐᔪᐊᒥᒃ ᐃᓄᓕᒫᓄᑦ ᑎᑭᓐᓂᐊᕐᑐᒥᒃ;

ᓘᑲᓯᐅᑉ ᐊᒡᓚᖏᑦ 2:14

“ᒎᑎ ᓂᕐᑐᕐᑕᐅᓕ ᖁᑦᓯᖕᓂᕐᐹᖑᔪᖅ, ᓮᒪᓇᕐᓂᖃᕐᓗᓂᓗ ᓄᓇᕐᔪᐊᕐᒥ ᐃᓄᖕᓄᑦ, ᒎᑎᒧᑦ ᖁᕕᐊᒋᔭᐅᔪᓄᑦ!”

ᓘᑲᓯᐅᑉ ᐊᒡᓚᖏᑦ 8:1

ᑕᒪᑐᒪ ᑭᖑᕐᖓᒍᑦ ᔩᓱᓯ ᐃᖏᕐᕋᓚᐅᕐᐳᖅ ᓄᓇᓕᒃᑎᒍᑦ ᐃᒡᓗᒐᓴᒃᑎᒍᓪᓗ, ᐊᔪᕆᕐᑐᐃᓪᓗᓂ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᐅᑉ ᐊᑕᓂᐅᕕᖓᓂᒃ. ᐃᓕᓐᓂᐊᕐᑎᓂ 12 ᐃᓚᒋᓪᓗᒋᑦ,

ᔪᐊᓇᓯᐅᑉ ᐊᒡᓚᖏᑦ 20:21

ᔩᓱᓯᐅᑉ ᐅᖃᐅᑎᒃᑲᓐᓂᕐᐰᑦ, “ᓮᒪᓂᐅᑉ ᐃᓚᒋᓕᓯ. ᓲᕐᓗ ᐊᑖᑕᐅᑉ ᑎᓕᓚᐅᕐᒪᖓ, ᑍᒫᒃᑕᐅᖅ ᑎᓕᒋᕙᑦᓯ.”

ᐋᐴᓯᑕᓖᑦ ᐱᓂᐊᕐᓂᖏᑦ 10:36

ᖃᐅᔨᒪᒐᑦᓯ ᐅᖃᐅᓯᕆᓚᐅᕐᑕᖏᓐᓂᒃ ᐃᓴᕆᐊᓕᒥᐅᓄᑦ, ᐊᔪᕆᕐᑑᓰᑦ ᐅᖃᐅᓰᑦ ᑐᓴᕈᒥᓇᕐᑐᑦ ᓮᒻᒪᕐᑎᑕᐅᓇᕐᑐᖅ ᔩᓱᓯ ᙭ᔅᑑᓯᒃᑯᑦ, ᑕᒤᓐᓄᑦ ᐊᑕᓂᐅᔪᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 13:26

“ᐃᓴᕆᐊᓕᒥᐅᖑᖃᑎᒃᑲ, ᐂᑉᕋᕼᐋᒻ ᑭᖑᕚᖏᑦ, ᐃᓕᑦᓯᓗ ᐅᕙᓃᑦᑐᓯ ᒎᑎᒥᒃ ᓯᕘᕋᔪᓯ, ᐅᕙᑦᑎᓐᓄᑦ ᐅᖃᐅᓰᑦ ᑕᒪᒃᑯᐊ ᐱᐅᓕᔭᐅᓇᕐᑐᑦ ᑐᓂᔭᐅᓯᒪᕗᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 22:21

ᐊᑕᓂᐅᑉ ᐅᖃᐅᑎᓚᐅᕐᐹᖓ, ‘ᐊᐅᓪᓚᓕᕆᑦ; ᑎᓕᔪᒪᒐᒃᑭᑦ ᐅᖓᓯᒃᑐᒦᑐᓄᑦ ᔫᑎᐅᖏᑦᑐᓄᑦ.’”

ᐋᐴᓯᑕᓖᑦ ᐱᓂᐊᕐᓂᖏᑦ 9:15

ᐊᑕᓂᐅᑉ ᐅᖃᐅᑎᕚ, “ᐂᓕᕆᑦ, ᑖᓐᓇ ᓂᕈᐊᕋᒃᑯ ᐅᕙᓐᓂᒃ ᐱᔨᑦᓯᖁᓪᓗᒍ, ᐊᑎᕋ ᑐᓴᕐᑕᐅᖁᓪᓗᒍ ᔫᑎᐅᖏᑦᑐᓄᑦ, ᐊᖓᔪᖅᑳᕐᔪᐊᓄᑦ, ᐃᓄᖕᓄᓪᓗ ᐃᓴᕆᐊᓕᒥᐅᓄᑦ;

ᕉᒪᒥᐅᓄᑦ 1:15

ᑍᒤᒻᒪᑦ ᑲᔪᖏᕐᐳᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐊᔪᕆᕐᑐᐃᑦᔪᒪᓪᓗᖓ ᐃᓕᑦᓯᓐᓄᑦ ᕉᒪᒦᑦᑐᓄᑦ.

ᕉᒪᒥᐅᓄᑦ 15:20

ᑍᒪᓐᖓᑦ ᐊᒃᓱᕈᕈᑎᖃᕐᐳᖓ ᐊᔪᕆᕐᑐᐃᔪᒪᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᙭ᔅᑑᓯᐅᑉ ᖃᐅᔨᒪᔭᐅᕕᒋᓐᖏᑕᓕᒫᖏᓐᓄᑦ, ᐃᒡᓗᓕᐅᕈᒪᓇᖓ ᐊᓯᒪ ᑐᓐᖓᕕᓕᐊᕆᓯᒪᔭᖓᓄᑦ.

ᐃᐱᓯᒥᐅᓄᑦ 2:17

ᑎᑭᓚᐅᕆᕗᖅ ᐅᖃᐅᓯᖃᕐᓗᓂ ᑕᒤᓐᓄᑦ ᐃᓅᖃᑎᒌᑦᓯᐊᓕᕐᓇᕐᑐᒥᒃ ᐃᓕᑦᓯᓐᓄᑦ ᐅᖓᓯᒃᑐᒦᓚᐅᕐᑐᓄᑦ ᖃᓂᑦᑐᒦᓚᐅᕐᑐᓄᓪᓗ;

ᐃᐱᓯᒥᐅᓄᑦ 3:8

ᐅᕙᖓ ᒎᑎᐅᑉ ᐃᓄᖁᑎᓕᒫᖏᓐᓂᑦ ᒥᑭᓐᓂᕐᐸᐅᒐᓗᐊᕐᑐᖓ, ᒎᑎᐅᑉ ᑐᓂᓯᕕᒋᓚᐅᕐᐹᖓ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᒍᑦ; ᔫᑎᐅᖏᑦᑐᓄᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᙭ᔅᑑᓯᐅᑉ ᐊᒥᒐᕐᓯᖏᓐᓂᖓᓂᒃ ᑭᒡᓕᖃᖏᑦᑐᒥᒃ,

ᐃᐱᓯᒥᐅᓄᑦ 6:15

ᑲᒥᒃᓯᒪᒋᑦᓯᓗ ᐅᖃᐅᓰᑦ ᑐᓴᕈᒥᓇᕐᑐᑦ ᓮᒻᒪᕐᑎᑕᐅᓇᕐᑐᑦ ᐅᖃᐅᓯᕆᔪᓐᓇᕐᓗᒋᑦ ᐊᑐᐃᓐᓇᐅᖁᓪᓗᓯ;

ᐲᑦᑐᕉᓯ ᓯᕗᓪᓖᑦ 1:12

ᓴᖅᑭᑎᑦᓯᕕᐅᓚᐅᕐᐳᑦ ᓇᖕᒥᓂᖅ ᐱᕙᓪᓕᕈᑎᒃᓴᒥᖕᓄᑦ ᑍᒤᓕᐅᖏᓐᓂᖏᓐᓂᒃ ᐃᓕᑦᓯᓕ ᐱᕙᓪᓕᕈᑎᒃᓴᑦᓯᓐᓄᑦ, ᒫᓐᓇ ᐃᓕᑦᓯᓐᓄᑦ ᐅᖃᐅᓯᐅᓯᒪᓕᕐᐳᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᒃᑎᓄᑦ, ᐊᓂᕐᓂᖅ ᐃᑦᔪᕐᓁᑦᑐᒃᑯᑦ ᕿᓚᖕᒥᑦ ᐱᓯᒪᔪᒃᑯᑦ. ᑕᒪᓐᓇᑦᑕᐅᖅ ᐊᒡᓛᑦ ᐂᖏᓖᓄᑦ ᑐᑭᓯᔭᐅᔪᒪᕗᖅ.