ᕉᒪᒥᐅᓄᑦ 1:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᕉᒪᒥᐅᑕᓕᒫᖑᔪᓯ ᑎᑎᕋᕐᕕᒋᕙᑦᓯ ᒎᑎᐅᑉ ᓇᒡᓕᒋᔭᖏᑦ, ᐃᑦᔪᕐᓁᑦᑑᓗᑎᒃ ᐃᓄᖁᑎᒋᔪᒪᓪᓗᓂᒋᑦ ᕾᖁᔭᖏᑦ: ᒎᑎᐅᑉ ᐊᑖᑕᑦᑕ ᐊᑕᓂᑦᑕᓗ ᔩᓱᓯ ᙭ᔅᑑᓯᐅᑉ ᑐᓂᓯᕕᒋᓕᓯ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᕐᒥᓂᒃ ᖃᓄᐃᖏᑦᓯᐊᕐᑎᑦᓯᓂᖓᓂᒡᓗ.

ᕉᒪᒥᐅᓄᑦ 1:7 Iomraidhean Croise

ᐃᓐᖏᕈᑎᑦ 60:5

ᓵᓚᖃᕐᑎᑎᒍᑦ ᐊᒡᒐᖕᓄᑦ ᑕᓕᕐᐱᖕᓄᑦ ᑭᐅᓗᑕᓗ! ᓇᒡᓕᒋᔭᑎᑦ ᓴᐳᑎᔭᐅᖁᓪᓗᒋᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 5:1

ᐱᕈᕐᓰᕕᖁᑎᓐᓄᑦ ᕾᕗᖓ, ᓇᔮᒃ, ᓄᓕᐊᒃᓵᒃ, ᒨᕆᖁᑎᒃᑲ ᓂᕿᓄᓪᓗ ᒪᒪᕐᓴᐅᑎᖁᑎᒃᑲ ᑲᑎᑉᐸᒃᑲ; ᕼᐊᓂᐅᑉ ᐃᓂᖏᑦ ᓂᕆᕙᒃᑲ ᕼᐊᓂ ᓂᕆᖃᓯᐅᑎᓪᓗᒍ, ᕔᓂᖁᑎᓐᓂᒃ ᐃᒥᕐᐳᖓ ᐃᒻᒧᖁᑎᓐᓂᒡᓗ. ᐃᓚᓐᓇᕆᔭᒃᑳ, ᓂᕆᒋᑦᓯ! ᐃᒥᕐᓗᓯᓗ, ᐊᖏᔪᒥᒃ ᐃᒥᕆᑦᓯ, ᓇᒡᓕᒋᔭᐅᔪᓯ.

ᒨᓯᓯ ᓯᑕᒪᖏᑦ 6:25

ᐊᑕᓂᐅᑉ ᑮᓇᕐᒥᓄᑦ ᖃᐅᒪᒃᓴᕐᓕᓯ ᐱᑦᓯᐊᕐᕕᒋᓕᓯᓗ;

ᒫᑎᐅᓯᐅᑉ ᐊᒡᓚᖏᑦ 5:16

ᑍᒫᒃᑕᐅᖅ ᖃᐅᒻᒪᖁᑎᓯ ᐃᓄᖕᓄᑦ ᖃᐅᒪᑎᓯᐅᒃ, ᐱᓂᐊᑦᓯᐊᕐᓂᑦᓯᓐᓂᒃ ᑕᑯᖁᓪᓗᒋᑦ, ᐊᑖᑕᓯ ᕿᓚᖕᒦᑦᑐᖅ ᓂᕐᑐᕐᑕᐅᖁᓪᓗᒍ.”

ᔪᐊᓇᓯᐅᑉ ᐊᒡᓚᖏᑦ 20:17

ᔩᓱᓯᐅᑉ ᐅᖃᐅᑎᕚ, “ᐊᒃᑐᕐᓂᐊᕐᓇᖓ, ᓱᓕ ᑕᑉᐸᐅᓐᖓᓚᐅᖏᓐᓇᒪ ᐊᑖᑕᓐᓄᑦ; ᐃᓅᖃᑎᒃᑲᓕ ᐅᐸᓕᒃᑭᑦ ᐅᖃᐅᑎᓗᒋᑦ, ᑕᑉᐸᐅᓐᖓᕐᓂᐊᕐᐳᖓ ᐊᑖᑕᓐᓄᑦ ᐊᑖᑕᑦᓯᓐᓄᓪᓗ, ᒎᑎᓐᓄᑦ ᒎᑎᑦᓯᓐᓄᓪᓗ.”

ᐋᐴᓯᑕᓖᑦ ᐱᓂᐊᕐᓂᖏᑦ 15:23

ᑖᒃᑯᑎᒎᓇᖅ ᑎᑎᖅᑲᓂᒃ ᓇᒃᓴᕐᑎᑦᓯᕗᑦ ᐃᒤᓕᔪᓂᒃ: “ᐅᒃᐱᕐᑑᖃᑎᑦᑎᓐᓄᑦ, ᐋᐴᓯᑕᓖᑦ ᐅᒃᐱᕐᑑᖃᑎᒌᓪᓗ ᓯᕗᓕᕐᑎᖏᑦ, ᑎᑎᕋᕐᐳᑦ ᐅᒃᐱᕐᑐᓄᑦ ᔫᑎᐅᖏᑦᑐᓄᑦ ᐊᓐᑎᐅᑭᐊᒦᑦᑐᓄᑦ ᓯᕆᐊᒦᑦᑐᓄᓪᓗ ᓯᓕᓯᐊᒦᑦᑐᓄᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 9:13

ᐊᓇᓁᐊᓯ ᑭᐅᕗᖅ, “ᐊᑕᓃᖅ, ᑖᑦᓱᒥᖓ ᑐᓴᐅᒪᒐᒪ ᐃᓄᖕᓂᑦ ᐅᓄᕐᑐᓂᑦ, ᑖᓐᓇ ᐃᓄᖁᑎᖕᓄᑦ ᔨᕉᓴᓕᒻᒥ ᐊᖏᔪᐊᓗᖕᒥᒃ ᐱᐅᖏᑦᑐᓂᒃ ᐱᓇᓱᐊᖃᑕᕐᓯᒪᓂᖓᓂᒃ;

ᕉᒪᒥᐅᓄᑦ 1:6

ᐃᓕᑦᓯᑦᑕᐅᖅ ᐃᓚᒋᔭᐅᕗᓯ ᕾᖁᔭᐅᔪᓄᑦ ᔩᓱᓯ ᙭ᔅᑑᓯᒧᑦ ᐃᓄᖁᑎᒋᔭᐅᖁᓪᓗᓯ.

ᕉᒪᒥᐅᓄᑦ 5:1

ᑍᒤᒻᒪᓪᓕ ᒫᓐᓇ ᒎᑎᒧᑦ ᐸᓯᔭᒃᓴᐅᖏᓐᓂᕋᕐᑕᐅᔪᒍᑦ ᐅᒃᐱᕐᓂᒃᑯᑦ, ᒎᑎᒧᑦ ᐃᓱᒫᓘᑎᖃᕈᓐᓃᕐᐳᒍ ᐊᑕᓂᑦᑎᒍᑦ ᔩᓱᓯ ᙭ᔅᑑᓯᒃᑯᑦ.

ᕉᒪᒥᐅᓄᑦ 5:5

ᓂᕆᐅᖕᓂᐅᓪᓗ ᑕᒪᑐᒪ ᐅᒡᒍᐊᕐᑎᓐᖏᓛᑎᒍᑦ, ᒎᑎᐅᑉ ᓇᒡᓕᖕᓂᓂ ᐃᓗᑦᑎᓐᓄᑦ ᑯᕕᖕᒪᒍ ᐊᓂᕐᓂᒃᑯᑦ ᐃᑦᔪᕐᓁᑦᑐᒃᑯᑦ ᑖᑦᓱᒨᓇ ᑐᓂᕐᕈᓯᐊᕆᔭᑦᑎᒍᑦ.

ᕉᒪᒥᐅᓄᑦ 8:28

ᖃᐅᔨᒪᒐᑦᑕ ᑭᓱᑐᐃᓐᓁᑦ ᒎᑎᒥᒃ ᓇᒡᓕᒋᔭᖃᕐᑐᓄᑦ ᐱᐅᔪᒧᑦ ᐋᖅᑭᒃᑕᐅᕙᖕᒪᑕ, ᕾᖁᔭᐅᓯᒪᔪᓄᑦ ᒎᑎᐅᑉ ᐱᓇᓱᐊᕈᒪᔭᖓᓄᑦ.

ᕉᒪᒥᐅᓄᑦ 8:39

ᐳᕐᑐᓂᕐᔫᓪᓘᓐᓃᑦ, ᐃᑎᓂᕐᔫᓪᓘᓐᓃᑦ, ᐱᓐᖑᕐᑎᓯᒪᔪᓄᓪᓘᓐᓃᑦ ᓱᓇᑐᐃᓐᓇᕐᓄᑦ, ᑕᒪᒃᑯᓄᖓᑦ ᐊᕕᑎᑕᐅᔪᓐᓇᓐᖏᓐᓇᑦᑕ ᒎᑎᐅᑉ ᓇᒡᓕᖕᓂᖓᓂᑦ ᙭ᔅᑑᓯ ᔩᓱᓯᒥ ᐊᑕᓂᑦᑎᓐᓃᑦᑐᒥᑦ.

ᕉᒪᒥᐅᓄᑦ 9:25

ᕼᐆᓯᐊᒃᑯᑦ ᐅᖃᕐᓯᒪᖕᒪᑦ, “ᐃᓄᖁᑎᒋᓚᐅᓐᖏᑕᒃᑲ ᐃᓄᖁᑎᓐᓂᒃ ᑍᓕᕈᒫᕐᐸᒃᑲ, ᓇᒡᓕᒋᔭᐅᓚᐅᕐᓯᒪᖏᑦᑐᓪᓗ ᓇᒡᓕᒋᔭᓐᓂᒃ ᑍᓕᕈᒫᕐᐸᒃᑲ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:24

ᒎᑎᐅᓪᓕ ᕾᖁᓯᒪᔭᖏᓐᓄᑦ, ᑕᒤᓐᓄᑦ ᔫᑎᓄᑦ ᒍᕇᑭᓄᓪᓗ, ᙭ᔅᑑᓯ ᒎᑎᒧᑦ ᐱᔪᓐᓇᕐᓂᐅᕗᖅ ᓯᓚᑐᓂᐅᓪᓗᓂᓗ ᒎᑎᒧᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:23

ᐊᑕᓂᐅᑉ ᔩᓱᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐃᓚᒋᓕᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 13:14

ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᒎᑎᐅᓪᓗ ᓇᒡᓕᖕᓂᖓᑕ ᐊᓂᕐᓂᐅᓪᓗ ᐃᑦᔪᕐᓁᑦᑑᑉ ᐃᓚᖃᕐᓂᖓᑕ ᐃᓚᒋᓕᓯ ᑕᒪᑦᓯ.

ᒐᓔᑎᐊᒥᐅᓄᑦ 6:18

ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐃᓚᒋᓕᓯ ᑕᒪᑦᓯ, ᐅᒃᐱᕐᑑᖃᑎᒃᑲ. ᐂᒥᓐ.

ᐃᐱᓯᒥᐅᓄᑦ 1:2

ᒎᑎᐅᑉ ᐊᑖᑕᑦᑕ ᐊᑕᓂᑦᑕᓗ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᕐᒥᓄᑦ ᐱᔪᓐᓇᕐᑎᑦᓯᓂᒥᓂᒃ ᓮᒻᒪᕐᑎᑦᓯᓂᕐᒥᓂᒡᓗ ᑐᓂᓯᕕᒋᓕᓯ.

ᐃᐱᓯᒥᐅᓄᑦ 6:23

ᐅᒃᐱᕐᑑᖃᑎᒌᑦ ᑕᒪᕐᒥᒃ ᓮᓕᓂᖃᕐᓕᑦ, ᓇᓪᓕᖕᓂᕐᒧᑦ ᐅᒃᐱᕐᓂᖃᕐᓕᑦ, ᒎᑎᒥᑦ ᐊᑖᑕᒥᑦ ᐊᑕᓂᕐᒥᓪᓗ ᔩᓱᓯ ᙭ᔅᑑᓯᒥᑦ.

ᒨᓯᓯ ᑕᓪᓕᒪᖏᑦ 33:12

ᐱᓐᔭᒥᓂᐅᓪᓕ ᑭᒍᕚᖏᑦ ᐱᑦᔪᑎᒋᓪᓗᒋᑦ ᐅᖃᓚᐅᕐᐳᖅ: “ᐊᑕᓂᐅᑉ ᓇᒡᓕᒋᔭᖏᑦ ᐃᓂᖃᕐᐳᑦ ᓴᐳᑦᔭᐅᓯᒪᓂᕐᒥ ᑖᑦᓱᒧᖓ; ᑬᕙᓪᓚᒃᓯᒪᓪᓗᒋᑦ ᓴᐳᑎᓯᒪᕔᑦ ᐅᓪᓗᓕᒫᖅ ᓈᓪᓗᒍ, ᑖᒃᑯᓇᓂᓗ ᐃᓂᖃᕐᓗᓂ.”

ᐱᓕᐱᒥᐅᓄᑦ 1:2

ᒎᑎᐅᑉ ᐊᑖᑕᑦᑕ ᐊᑕᓂᑦᑕᓗ ᔩᓱᓯᐅᑉ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᖃᓄᐃᖏᑦᓯᐊᕐᑎᑦᓯᓂᖓᑕᓗ ᐃᓚᒋᓕᓯ.

ᐱᓕᐱᒥᐅᓄᑦ 4:13

ᓱᓇᓕᒫᓂᒃ ᐱᔪᓐᓇᕐᐳᖓ ᙭ᔅᑑᓯᒥ ᐱᔪᓐᓇᕐᑎᑦᓯᔨᓐᓂ.

ᐱᓕᐱᒥᐅᓄᑦ 4:20

ᒎᑎᕗᑦ ᐊᑖᑕᕗᓪᓗ ᓂᕐᑐᕐᑕᐅᓕ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒥᓐ.

ᐱᓕᐱᒥᐅᓄᑦ 4:23

ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐃᓚᒋᓕᒋᑦ ᐊᓂᕐᓂᓯ. ᐋᒥᓐ.

ᑯᓘᓯᐊᒥᐅᓄᑦ 1:2

ᐃᑦᔪᕐᓁᑎᑕᐅᓯᒪᔪᓄᑦ ᑯᓘᓯᐊᒦᑦᑐᓄᑦ, ᐅᒃᐱᕐᑑᖃᑎᑦᑎᓐᓄᑦ ᐅᒃᐱᕐᓂᕐᒥᑦᓯᐊᕐᑐᓄᑦ: ᒎᑎᐅᑉ ᐊᑖᑕᑦᑕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐃᓚᒋᓕᓯ ᖃᓄᐃᖏᑦᓯᐊᕐᑎᓪᓕᓯᓗ.

ᑯᓘᓯᐊᒥᐅᓄᑦ 3:12

ᑍᒤᒻᒪᑦ ᐊᓐᓄᕌᕐᓯᒪᓕᕆᑦᓯ ᒎᑎᐅᑉ ᓂᕈᐊᕐᓯᒪᔭᖏᑎᑐᑦ, ᐃᑦᔪᕐᓁᑦᑐᑎᑐᑦ, ᓇᒡᓕᒋᔭᐅᔪᑎᑐᓪᓗ, ᐊᓐᓄᕌᕐᓯᒪᓗᓯ ᓇᒡᓕᖕᓂᕐᒥᒃ, ᐱᑦᓯᐊᕐᓂᕐᒥᒃ, ᒥᑭᒡᓕᑎᕐᓯᒪᓂᕐᒥᒃ, ᐱᐅᔪᕆᖏᓐᓂᕐᒥᒃ, ᕿᓄᐃᓵᕐᓂᕐᒥᒡᓗ.

ᑯᓘᓯᐊᒥᐅᓄᑦ 3:15

᙭ᔅᑑᓯᐅᑉ ᓮᒻᒪᕐᑎᑦᓯᓂᖓᑕ ᐆᒻᒪᑎᓯ ᐊᐅᓚᓪᓕᒋᑦ, ᕾᖁᔭᐅᓯᒪᒐᑦᓯ ᑎᒥᐅᖁᓪᓗᓯ ᐊᑕᐅᓯᕐᒥ. ᑕᒪᓐᓇᓗ ᖁᔭᓕᑦᔪᑎᒋᓯᐅᒃ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:1

ᐸᐅᓗᓯᒥᑦ, ᓯᓪᕙᓅᓯᒥᓪᓗ, ᑎᒧᑎᒥᓪᓗ, ᐅᒃᐱᕐᑑᖃᑎᒌᓄᑦ ᑎᓴᓗᓁᑲᒥᐅᓄᑦ, ᒎᑎ ᐊᑖᑕᒥ ᐊᑕᓂᕐᒥᓗ ᔩᓱᓯ ᙭ᔅᑑᓯᒥ: ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᓮᓕᓇᕐᑑᓪᓗ ᐃᓚᒋᓕᓯ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:3

ᐃᖅᑲᐅᒪᒐᑦᑕ ᒎᑎᑦᑕ ᐊᑖᑕᑦᑕᓗ ᓵᖓᓂ ᐅᒃᐱᕐᓂᖃᕐᓗᓯ ᐱᓂᐊᕐᓂᑦᓯᒍᑦ ᓴᖅᑭᑎᑕᐅᖕᒪᑦ ᓇᒡᓕᖕᓂᕐᒧᓪᓗ ᐊᒃᓱᕈᕐᓗᓯ ᐱᓇᓱᐊᕐᓂᑦᓯᓐᓂᒃ, ᓂᕆᐅᖕᓂᓯᓗ ᓱᕐᕋᔪᐃᑦᑑᓂᖓ ᐊᑕᓂᑦᑎᓐᓂᒃ ᔩᓱᓯ ᙭ᔅᑑᓯᒥ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:4

ᐅᒃᐱᕐᑑᖃᑎᕗᑦ, ᖃᐅᔨᒪᒐᑦᑕ ᒎᑎᐅᑉ ᓇᒡᓕᒋᖕᒪᓯ, ᑖᑦᓱᒪᓗ ᓂᕈᐊᕐᓯᒪᖕᒪᓯ;

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:7

ᒎᑎᐅᑉ ᕾᖁᓚᐅᖏᒻᒪᑎᒍᑦ ᐊᑐᕈᒥᓇᖏᑦᑐᓂᒃ ᑕᒪᒃᑯᓂᖓ ᐃᓕᖅᑯᓯᖃᖁᓗᑕ, ᐃᑦᔪᕐᓁᖁᓪᓗᑕᓕ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:28

ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐃᓚᒋᓕᓯ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:2

ᒎᑎᐅᑉ ᐊᑖᑕᑦᑕ ᐊᑕᓂᑦᑕᓗ ᔩᓱᓯᐅᑉ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕᓗ ᖃᓄᐃᖏᑦᓯᐊᕐᓂᐅᓪᓗ ᐃᓚᒋᓕᓯ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 3:16

ᐊᑕᓂᐅᓪᓕ ᓇᖕᒥᓂᖅ ᓮᓕᓂᕐᒥᓄᑦ ᓮᒪᓇᕐᑐᒥᒃ ᑐᓂᓯᕕᒋᓕᓯ ᑍᒪᓐᖓᓕᒫᖅ ᓱᓇᑐᐃᓐᓇᕐᑎᒍᑦ. ᐊᑕᓂᐅᑉ ᐃᓚᒋᓕᓯ ᑕᒪᑦᓯ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 3:18

ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐃᓚᒋᓕᓯ ᑕᒪᑦᓯ.

ᑎᒧᑎᒧᑦ ᓯᕗᓪᓖᑦ 1:2

ᑎᒧᑎᒧᑦ, ᐅᒃᐱᕐᓂᒃᑯᑦ ᐃᕐᓂᓪᓚᕆᒋᔭᓐᓄᑦ: ᒎᑎ ᐊᑖᑕᐅᑉ ᙭ᔅᑑᓯ ᔩᓱᓯᐅᓪᓗ ᐊᑕᓂᑦᑕ ᑐᓂᓯᕕᒋᓕᑎᑦ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᕐᒥᓂᒃ, ᓂᑲᒍᓱᖕᓂᕐᒥᓂᒡᓗ, ᓮᓕᑎᑦᓯᓂᕐᒥᓂᒃᓗ.

ᑎᒧᑎᒧᑦ ᓯᕗᓪᓖᑦ 6:2

ᐱᔨᑲᑖᕆᔭᐅᔪᖅ ᐅᒃᐱᕐᑐᓂᒃ ᐊᖓᔪᖅᑳᓖᑦ ᐊᖓᔪᖅᑳᒥᖕᓂᒃ ᓇᕐᕈᔪᒃᓴᐅᓐᖏᓚᑦ ᐅᒃᐱᕐᑑᖃᑎᒋᖕᒪᒋᑦ; ᐱᔨᑦᓯᑦᓯᐊᖔᕐᓗᒋᓪᓕ ᐱᓇᓱᐊᕐᑐᒃᓴᐅᕗᑦ ᐱᓇᓱᐊᕐᓂᖏᑎᒍᑦ ᐃᑲᔪᕐᑕᐅᔪᑦ ᐅᒃᐱᕐᒪᑕ ᓇᒡᓕᒋᔭᐅᓪᓗᑎᒡᓗ. ᑕᒪᒃᑯᐊ ᐊᔪᕆᕐᑐᐃᑦᔪᑎᒋᔭᒃᓴᕆᕙᑎᑦ ᐃᓕᓮᑦᔪᑎᒋᓗᒋᓪᓗ.

ᑎᒧᑎᒧᑦ ᐂᑉᐸᖏᑦ 1:2

ᐃᕐᓂᓐᓄᑦ ᑎᒧᑎᒧᑦ ᓇᒡᓕᒋᒻᒪᕆᒃᑕᓐᓄᑦ: ᒎᑎᐅᑉ ᐊᑖᑕᐅᑉ ᙭ᔅᑑᓯ ᔩᓱᓯᐅᓪᓗ ᐊᑕᓂᑦᑕ ᑐᓂᓯᕕᒋᓕᑎᑦ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ, ᓂᑲᒍᓱᖕᓂᖓᓂᒃ, ᓮᒻᒪᕐᑎᑦᓯᓂᖓᓂᒃᓗ.

ᑎᒧᑎᒧᑦ ᐂᑉᐸᖏᑦ 4:22

ᐊᑕᓂᐅᑉ ᐊᓂᕐᓃᑦ ᐃᓚᒋᓕᐅᒃ. ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᐃᓚᒋᔭᐅᒋᑦ.

ᑍᑑᓯᒧᑦ 1:4

ᑍᑑᓯᒧᑦ, ᐅᒃᐱᕐᓂᑯᑦ ᓱᓕᔪᒥᒃ ᐃᕐᓂᓐᓄᑦ ᑕᒪᑐᒧᖓ ᐊᑕᐅᓯᐅᑦᔪᑎᒋᔭᑦᑎᓐᓄᑦ. ᒎᑎᐅᑉ ᐊᑖᑕᐅᑉ ᔩᓱᓯᐅᓪᓗ ᙭ᔅᑑᓯᐅᑉ ᐱᐅᓕᔨᑦᑕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᓮᒻᒪᕐᑎᑦᓯᓂᖓᓂᒡᓗ ᑐᓂᓯᕕᐅᖁᕙᒋᑦ.

ᐰᓕᒨᓂᒧᑦ 1:25

ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐊᓂᕐᓂᓯ ᐃᓚᒋᓕᒋᑦ.

ᐰᓕᒨᓂᒧᑦ 1:3

ᒎᑎᐅᑉ ᐊᑖᑕᑦᑕ ᐊᑕᓂᐅᓪᓗ ᔩᓱᓯ ᙭ᔅᑑᓯᐅᑉ ᑐᓂᓯᕕᒋᓕᓯ ᐱᔪᓐᓇᕐᑎᑦᓯᓂᕐᒥᓂᒃ ᓮᒻᒪᕐᑎᑦᓯᓂᕐᒥᓂᒡᓗ.

ᔧᒥᓯᐅᑉ ᐊᒡᓚᖏᑦ 1:1

ᔧᒥᓯ, ᒎᑎᐅᑉ ᐊᑕᓂᑦᑕᓗ ᔩᓱᓯᐅᑉ ᙭ᔅᑑᓯᐅᑉ ᐱᔨᖓ, ᑭᖑᕚᕇᓄᑦ 12ᓄᑦ ᓯᓚᕐᔪᐊᕐᒥ ᓇᓂᑐᐃᓐᓈᕐᑐᓄᑦ; ᑐᓐᖓᓱᒋᑦᓯ.

ᐲᑦᑐᕉᓯ ᓯᕗᓪᓖᑦ 1:15

ᑖᓐᓇ ᐃᓕᑦᓯᓐᓂᒃ ᕾᖁᔨᓯᒪᔪᖅ ᐃᑦᔪᕐᓁᑦᑑᖕᒪᑦ, ᑍᒤᒻᒪᑦ ᐃᑦᔪᕐᓁᑦᑑᔭᕆᐊᖃᕆᕗᓯ ᖃᓄᐃᓕᐅᕐᓂᕆᔭᓯᓂᒃ ᑕᒤᓐᓂᒃ.

ᔪᐊᓇᓯ ᓯᕗᓪᓖᑦ 3:1

ᖃᐅᔨᒋᑦᓯ ᖃᓄᐃᑦᑐᒥᒃ ᓇᒡᓕᖕᓂᕐᒥᒃ ᐊᑕᑖᐅᑉ ᑐᓂᓯᕕᒋᖕᒪᖔᑎᒍᑦ, ᒎᑎᐅᑉ ᕿᑐᕐᖓᖏᓐᓂᒃ ᑍᔭᐅᔪᓐᓇᕐᓯᖁᓪᓗᑕ; ᑕᕝᕙ ᕿᑐᕐᖓᐅᓕᕐᐳᒍᑦ! ᑍᒤᒻᒪᑦ ᓯᓚᕐᔪᐊᕐᒥᐅᑦ ᐃᓕᑕᕆᓐᖏᓛᑎᒍᑦ ᑖᓐᓇ ᐃᓕᑕᕆᖏᓐᓇᒥᑦᔪᒃ.

ᔪᐊᓇᓯᐅᑉ ᐂᑉᐸᖏᑦ 1:3

ᒎᑎᐅᑉ ᐊᑖᑕᐅᑉ ᔩᓱᓯᐅᓪᓗ ᙭ᔅᑑᓯᐅᑉ, ᐊᑖᑕᐅᑉ ᐃᕐᓂᖓᑕ, ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ, ᓂᑲᒍᓱᖕᓂᖓᓄᑦ, ᓮᒻᒪᕐᑎᑦᓯᓂᖓᓄᓪᓗ ᐃᓚᒋᔭᐅᑦᓮᓐᓇᕐᑕ, ᓱᓕᔪᒥ ᓇᒡᓕᖕᓂᕐᒥᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:1

“ᐃᐱᓲᓯᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓐᓄᑦ ᑎᑎᕋᕆᑦ: “‘ᐅᑯᐊ ᐅᖃᐅᓰᑦ ᐅᓪᓗᕆᐊᓂᒃ 7ᓂᒃ ᑕᓕᕐᐱᖕᒥᓄᑦ ᑎᒍᒥᐊᕐᑐᒥᑦ ᐱᕗᑦ, ᖃᐅᒻᒪᖅᑯᑏᓪᓗ ᒎᓗᐃᑦ ᐃᓂᖏᑦᑕ 7 ᐊᑯᕐᖓᑦᑎᒍᑦ ᐱᓱᒃᑐᒥᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:12

“ᐴᕐᒐᒪᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓐᓄᑦ ᑎᑎᕋᕆᑦ: “‘ᐅᑯᐊ ᐅᖃᐅᓰᑦ ᐱᕗᑦ ᐃᒡᓗᒃᑐᑦ ᑮᓇᓕᖕᒥᒃ ᓴᕕᒡᔪᐊᖃᕐᑐᒥᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:18

“ᑍᐊᑍᕋᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓄᑦ ᑎᑎᕋᕆᑦ: “‘ᐅᖃᐅᓰᑦ ᐅᑯᐊ ᐱᕗᑦ ᒎᑎᐅᑉ ᐃᕐᓂᖓᓂᑦ, ᐃᔨᖅᑲᕐᑑᑉ ᐃᑯᒪᔪᑎᑐᑦ ᑍᒤᑦᑑᖕᓂᒃ, ᐃᑎᒐᖃᕐᑑᓪᓗ ᑲᓐᓄᔭᑎᑐᑦ ᕿᓪᓚᕆᒃᓴᕐᑕᐅᓯᒪᔪᑎᑐᑦ ᑍᒤᑦᑑᖕᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:29

“‘ᓯᐅᑎᖃᕐᑑᑉ ᑐᓴᓕᕐᒋᑦ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᐅᓯᖏᑦ ᐅᒃᐱᕐᑑᖃᑎᒌᓄᑦ.’”

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:8

“ᓯᒨᕐᓇᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓐᓄᑦ ᑎᑎᕋᕆᑦ: “‘ᐅᑯᐊ ᐅᖃᐅᓰᑦ ᐱᕗᑦ, ᓯᕗᓪᓕᕐᐹᖑᔪᒥᑦ ᑭᖑᓪᓕᕐᐹᖑᔪᒥᓪᓗ, ᑐᖁᓚᐅᕐᓗᓂ ᒪᑭᓚᐅᕐᑐᒥᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:21

ᐊᑕᓂᑦᑕ ᔩᓱᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐃᓚᒋᓕᓯ ᐃᑦᔪᕐᓁᑦᑐᓕᒫᑦ. ᐋᒦᓐ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:14

“ᓚᐅᑏᓯᐊᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓐᓄᑦ ᑎᑎᕋᕆᑦ: “‘ᐅᖃᐅᓰᑦ ᐅᑯᐊ ᐂᒦᓐᖑᔪᒥᑦ ᐱᕗᑦ, ᓱᖁᓯᔪᐃᑦᑑᓪᓗᓂ ᓱᓕᔪᒥᒃ ᓇᓗᓁᕐᓯᔨᒥᑦ, ᐱᒋᐊᕐᓂᐅᔪᒥᑦ ᒎᑎᐅᑉ ᐱᓐᖑᕐᑎᓯᒪᔭᖏᓐᓂᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:22

“‘ᓯᐅᑎᖃᕐᑑᑉ ᑐᓴᕐᓕᒋᑦ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᐅᓯᖏᑦ ᐅᒃᐱᕐᑑᖃᑎᒌᓄᑦ.’”

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:7

“ᐱᓚᑕᐅᓪᕕᐊᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓄᑦ ᑎᑎᕋᕆᑦ: “‘ᐅᖃᐅᓰᑦ ᐅᑯᐊ ᐱᕗᑦ ᐃᑦᔪᕐᓁᑦᑑᔪᒥᑦ, ᓱᓕᔪᒥᑦ, ᐅᒃᑯᐃᕈᑎᒥᒃ ᐱᓯᒪᔪᒥᑦ ᑍᕕᑎᐅᑉ ᐅᒃᑯᐃᕈᑎᖓᓂᒃ, ᐅᒃᑯᐊᖅ ᐅᒃᑯᐃᕐᐸᒍ ᑭᓇᒧᓪᓘᓐᓃᑦ ᐅᑯᐊᕐᑕᐅᓂᐊᓐᖏᓚᖅ, ᐅᒃᑯᐊᕐᐸᒍ ᑭᓇᒧᓪᓘᓐᓃᑦ ᐅᒃᑯᐃᕐᑕᐅᓂᐊᓐᖏᓚᖅ.