6 ᐃᓕᑦᓯᑦᑕᐅᖅ ᐃᓚᒋᔭᐅᕗᓯ ᕾᖁᔭᐅᔪᓄᑦ ᔩᓱᓯ ᙭ᔅᑑᓯᒧᑦ ᐃᓄᖁᑎᒋᔭᐅᖁᓪᓗᓯ.
ᐅᕙᒍᑦᑕᐅᖅ ᕾᖁᓯᒪᕚᑎᒍᑦ, ᔫᑎᓂᑐᐊᖑᖏᑦᑐᖅ ᔫᑎᐅᖏᑦᑐᓂᓪᓕᑦᑕᐅᖅ.
ᒎᑎ ᓱᖁᓯᔪᐃᑦᑑᖕᒪᑦ, ᕾᖁᔨᓯᒪᔪᖅ ᐃᓕᑦᓯᓐᓂᒃ ᐃᓅᖃᑎᖃᖁᔨᓪᓗᓂ ᐃᕐᓂᖓᓂᒃ, ᔩᓱᓯ ᙭ᔅᑑᓯᒥᒃ ᐊᑕᓂᕐᒥᒃ.
ᑲᒪᓂᐊᕈᑎᒋᕙᑦᓯ ᕿᒤᓯᒪᓕᕇᕋᑦᓯ ᕾᖁᔭᐅᓂᕆᓚᐅᕐᑕᑦᓯᓐᓂᒃ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᐊᓯᖏᓐᓂᒡᓗ ᐅᖃᐅᓯᕐᓂᒃ ᑐᓴᕈᒥᓇᕐᑑᓂᕋᕐᑕᐅᖕᒥᔪᓂᒃ ᐃᓚᓕᐅᕐᓯᓪᓗᓯ.
ᑖᑦᓱᒨᓇ ᐱᑎᑕᐅᕗᒍᑦ ᑭᖑᕐᖑᑎᔭᒃᓴᑦᑎᓐᓂᒃ, ᐃᓱᒪᒋᓯᒪᔭᑐᖃᕆᓪᓗᒍ ᐊᑐᕈᒪᓯᒪᔭᓐᖓ ᒪᓕᒡᓗᒍ, ᑐᓐᖓᕕᖃᕐᑎᓪᓗᒍ ᓱᓇᓕᒫᓂᒃ ᐱᓇᓱᐊᕐᓯᒪᔫᑉ ᐱᔪᒪᔭᖓ ᒪᓕᒃᓗᒍ.
ᐃᓕᑦᓯᓗ, ᐅᖓᓯᒃᑐᒦᓚᐅᕐᑐᓯ ᐊᑭᕋᕐᑐᕐᑎᐅᓪᓗᓯᓗ ᑖᑦᓱᒧᖓ ᐃᓱᒪᑦᓯᒍᑦ ᐊᔪᕐᑐᓕᓂᑦᓯᓐᓄᓪᓗ,
ᐅᖃᐅᓰᑦ ᑐᓴᕈᒥᓇᕐᑐᑦ ᑎᑭᐅᑎᓯᒪᖕᒪᑕ ᐃᓕᑦᓯᓐᓄᑦ, ᓯᓚᕐᔪᐊᕐᒥᐅᓕᒫᓄᓪᓗ ᓯᐊᒻᒪᓕᕐᒪᑕ ᐱᕈᕐᑎᑦᓯᓪᓗᑎᒃ ᐊᖏᓕᕙᓪᓕᐊᑎᑦᓯᓪᓗᑎᒡᓗ, ᑍᒫᒃᑕᐅᖅ ᐃᓕᑦᓯᓐᓂ ᐱᒋᐊᕐᓯᒪᒋᕗᑦ, ᑍᒪᓐᖓᓂᑦ ᑐᓴᕋᑦᓯᐅᒃ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓱᓕᓂᖓᓗ ᑐᑭᓯᓪᓗᒍ.
ᐃᓅᓯᖃᖁᓪᓗᓯ ᒎᑎᐅᑉ ᓈᒻᒪᒋᔭᖓᓂᒃ, ᑖᑦᓱᒪ ᕾᖁᓚᐅᕐᒪᓯ ᐊᑕᓂᐅᕕᖕᒥᓄᑦ ᐱᓐᓇᕐᓇᕐᓂᕐᔪᐊᒥᓄᓪᓗ.
ᑕᒪᑐᒧᖓ ᕾᖁᓚᐅᕐᒪᓯ ᐅᖃᐅᓯᕐᓄᑦ ᑐᓴᕈᒥᓇᕐᑐᓄᑦ ᐅᖃᐅᓯᕆᓚᐅᕐᑕᑦᑎᒍᑦ, ᑖᑦᓱᒪ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐱᓐᓇᕐᓇᕐᓂᕐᔪᐊᖓᓂᒃ ᐃᓚᖏᐅᑎᖃᑕᐅᖁᓪᓗᓯ.
ᑖᑦᓱᒪ ᐱᐅᓕᓚᐅᕐᒪᑎᒍᑦ ᕾᖁᓪᓗᑕᓗ ᕾᖁᔨᓂᕐᒧᑦ ᐃᑦᔪᕐᓁᑦᑐᒧᑦ, ᐱᓇᓱᐊᕈᓐᓇᕐᓂᕗᑦ ᐱᑦᔪᑎᒋᓇᒋᑦ ᐱᓇᓱᐊᕈᒪᔭᓂᓕ ᐱᑦᔪᑎᒋᓪᓗᒍ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᑐᓂᕐᕈᑎᒋᓯᒪᔭᖓ ᙭ᔅᑑᓯ ᔩᓱᓯᒃᑯᑦ ᓱᓇᓕᒫᑦ ᐱᒋᐊᓚᐅᖅᑳᕐᑎᓐᓇᒋᑦ.
ᑍᒤᒻᒪᑦ, ᐅᒃᐱᖃᑎᕗᑦ ᐃᑦᔪᕐᓁᑦᑐᓯ, ᒎᑎᒧᑦ ᕾᖁᔭᐅᖃᑕᐅᓯᒪᔪᓯ, ᔩᓱᓯ ᐃᓱᒪᒋᓚᐅᕐᓯᐅᒃ, ᐋᐴᓯᑕᓕᐅᔪᖅ ᑐᓂᕐᕈᓯᕐᑎᑦᓯᔨᓄᓪᓗ ᐊᖓᔪᖅᑳᖑᓪᓗᓂ ᐅᒃᐱᕐᓂᑦᑎᓐᓄᑦ.
ᑕᒪᑐᒧᖓ ᕾᖁᔭᐅᓯᒪᒐᑦᓯ, ᙭ᔅᑑᓯᑦᑕᐅᖅ ᐋᓐᓂᐊᓚᐅᕐᒪᑦ ᐱᑦᔪᑎᒋᓪᓗᓯ, ᒪᓕᒐᒃᓴᑦᓯᓐᓂᒃ ᕿᒤᓚᐅᕐᒪᑦ, ᒪᓕᖁᓪᓗᓯ ᑖᑦᓱᒪ ᑐᒥᖏᓐᓂᒃ.
ᐃᓕᑦᓯᓕ ᐃᓅᖃᑎᒌᖑᔪᓯ ᓂᕈᐊᕐᑕᐅᓯᒪᕗᓯ, ᐊᖓᔪᖅᑳᕐᔪᐊᒧᑦ ᑐᓂᕐᕈᓯᕐᑎᑦᓯᔨᖁᑎᒋᔭᐅᓪᓗᓯ, ᐃᓅᖃᑎᒌᑦ ᐃᑦᔪᕐᓁᑦᑐᑦ, ᒎᑎᐅᑉ ᐃᓄᖁᑎᖏᑦ, ᐅᖃᐅᓯᖃᖁᓪᓗᓯ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᑖᑦᓱᒪᓗ ᕾᖁᓚᐅᕐᒪᓯ ᑖᕐᔪᐊᕐᒥᑦ ᓇᖕᒥᓂᖅ ᖃᐅᒪᓂᕐᔪᐊᒥᓄᑦ.
ᑍᒤᒻᒪᑦ ᐅᒃᐱᖃᑎᒃᑲ, ᐊᒃᓱᕈᒃᑲᓐᓂᕆᐊᖃᕐᐳᓯ ᕾᖁᔭᐅᓯᒪᓂᓯ ᓂᕈᐊᕐᑕᐅᓯᒪᓂᓯᓗ ᑲᔪᓯᑎᓐᓇᓱᐊᕐᓗᒋᑦ, ᑍᒤᒃᑯᑦᓯ ᐅᒃᐱᕐᓂᕐᒥᑦ ᑲᑕᖕᓂᐊᓐᖏᒻᒪᕆᒃᐳᓯ;
ᔫᑎᒥᑦ, ᔩᓱᓯ ᙭ᔅᑑᓯᐅᑉ ᐱᔨᖓᓂᑦ ᔧᒥᓯᐅᑉ ᓄᑲᖓᓂᑦ, ᑎᑎᕋᕐᐳᖓ ᕾᖁᔭᐅᓯᒪᔪᓄᑦ, ᒎᑎᒥ ᐊᑖᑕᒥ ᓇᒡᓕᖕᓇᕐᑐᓄᑦ ᓴᐳᑎᔭᐅᓯᒪᔪᓄᓪᓗ ᔩᓱᓯ ᙭ᔅᑑᓯᒧᑦ:
ᑖᒃᑯᐊᓗ ᐅᓇᑕᕈᒫᕐᐳᑦ ᓄᕐᕋᐅᔭᒥᒃ, ᓄᕐᕋᐅᔭᕐᓕ ᓵᓚᖃᕈᒫᕐᐳᖅ ᑖᒃᑯᓂᖓ, ᐊᑕᓂᐅᒐᒥ ᐊᑕᓂᕐᓄᑦ ᐊᖓᔪᖅᑳᕐᔪᐊᖑᓪᓗᓂᓗ ᐊᖓᔪᖅᑳᕐᔪᐊᓄᑦ, ᐃᓚᖃᕈᒫᕐᒪᑦ ᕾᖁᔭᐅᓯᒪᔪᓂᒃ ᓂᕈᐊᕐᑕᐅᓯᒪᔪᓂᒡᓗ ᓱᕐᕋᔪᐃᑦᑐᒥᒃ ᒪᓕᒃᑎᐅᔪᓂᒃ ᑖᑦᓱᒥᖓ.”
