ᕉᒪᒥᐅᓄᑦ 1:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐅᖃᐅᓰᑦ ᑐᓴᕈᒥᓇᕐᑐᑦ ᑲᓐᖑᓲᑎᒋᖏᓐᓇᒃᑭᑦ: ᒎᑎᐅᑉ ᐱᔪᓐᓇᕐᓂᕆᖕᒪᒋᑦ ᐅᒃᐱᕐᑐᓕᒫᓄᑦ ᐱᐅᓕᔭᐅᑦᔪᑕᐅᖁᓪᓗᒋᑦ, ᔫᑎᑦ ᓯᕗᓪᓕᐅᓗᑎᒃ ᒍᕇᑭᓄᓪᓗᑦᑕᐅᖅ.

ᕉᒪᒥᐅᓄᑦ 1:16 Iomraidhean Croise

ᐃᓐᖏᕈᑎᑦ 110:2

ᐊᑕᓂᐅᑉ ᑎᒃᑯᐊᕐᓯᑦᔪᑎᒥᒃ ᑐᓂᓯᕕᒋᓂᐊᕐᐹᑎᑦ ᓮᐅᓂᒥᑦ ᐱᔪᒥᒃ ᐊᐅᓚᑦᓯᔪᓐᓇᐅᑎᒃᓴᕐᓂᒃ. ᐊᐅᓚᑦᓯᖁᓪᓗᑎᑦ ᐆᒥᒋᔨᕕᑦ ᐊᑯᕐᖓᓐᓂ.

ᐃᓐᖏᕈᑎᑦ 119:46

ᐃᓕᓮᑦᔪᑎᒋᔭᑎᑦ ᐅᖃᐅᓯᕆᓂᐊᕐᐸᒃᑲ ᐊᖓᔪᖅᑳᕐᔪᐊᓄᑦ, ᑕᒪᑐᒧᖓᓗ ᑲᓐᖑᓱᒃᑎᑕᐅᓂᐊᕐᓇᖓ.

ᐂᓮᐊᓯᐅᑉ ᐊᒡᓚᖏᑦ 53:1

ᑭᒃᑯᑦ ᐅᓂᒃᑲᐅᑎᒋᔭᑦᑎᓐᓂᒃ ᐅᒃᐱᕈᓱᓚᐅᕐᐸᑦ? ᑭᒃᑯᓐᓄᓪᓗ ᐊᑕᓂᐅᑉ ᐱᔪᓐᓇᕐᓂᖓ ᓴᖅᑭᓯᒪᕚ?

ᔨᕆᒤᐊᐅᑉ ᐊᒡᓚᖏᑦ 23:29

ᐅᖃᐅᓯᕋ ᐃᑯᒪᔪᑎᑐᑦ ᑍᒤᑦᑑᓐᖏᓛᖅ, ᐊᑕᓂᖅ ᐅᖃᕐᐳᖅ, ᑲᑦᔫᑎᔪᕐᔪᐊᑎᑐᓪᓗ ᐅᔭᖅᑲᒥᒃ ᓯᖁᑦᑎᕆᔪᓐᓇᕐᑐᑎᑐᑦ?

ᒫᑯᓯᐅᑉ ᐊᒡᓚᖏᑦ 8:38

ᓇᓪᓕᐊᑦ ᐅᕙᓐᓂᒃ ᑲᓐᖑᓲᑎᖃᕐᐸᑦ ᐊᔪᕆᕐᑐᐃᑦᔪᑎᒋᔭᓐᓂᒡᓗ ᐅᕙᓂ ᓯᓚᕐᔪᐊᕐᒥ ᒎᑎᖃᖏᑦᑐᓂ ᐱᐅᖏᑦᑐᓕᔪᓂᓗ, ᐃᓅᑉ ᐃᕐᓂᖓᑕ ᑲᓐᖑᒋᔪᒫᕆᕚ, ᑎᑭᓕᕈᓂ ᐊᑖᑕᖓᑕ ᓂᕐᑐᕐᓇᕐᓂᕐᔪᐊᖓᓂ ᐂᖏᓖᓂ ᐃᑦᔪᕐᓁᑦᑐᑦ ᐱᖃᑎᒋᓗᒋᑦ.”

ᓘᑲᓯᐅᑉ ᐊᒡᓚᖏᑦ 9:26

ᐃᓅᑉ ᓇᓪᓕᐊᑦᑕ ᑲᓐᖑᓲᑎᒋᒃᐸᖓ ᐃᓄᖕᓄᑦ ᐊᔪᕆᕐᑐᐃᑦᔪᑎᒋᔭᒃᑲᓗ, ᑖᓐᓇᑦᑕᐅᖅ ᐃᓅᑉ ᐃᕐᓂᖓᑕ ᑲᓐᖑᓲᑎᒋᔪᒫᕆᕚ ᓂᕐᑐᕐᓇᕐᑐᕐᔪᐊᖑᓗᓂ ᑎᑭᒃᑯᓂ ᐊᑖᑕᐅᑉ ᓂᕐᑐᕐᓇᕐᓂᕐᔪᐊᖓᓂ ᐂᖏᓖᓪᓗ ᐃᑦᔪᕐᓁᑦᑐᑦ ᐃᓚᒋᓗᒋᑦ.

ᔪᐊᓇᓯᐅᑉ ᐊᒡᓚᖏᑦ 7:35

ᔫᑎᓪᓕ ᐊᖓᔪᖅᑳᖏᑦ ᐃᒻᒥᖕᓄᑦ ᐅᖃᖃᑎᒌᓕᕐᐳᑦ, “ᓇᒧᓐᖓᐅᓂᐊᕋᒥᐅᓇ ᐅᕙᑦᑎᓐᓄᑦ ᓇᓂᔭᐅᔪᓐᓁᓪᓕᓂᐊᕐᓂᕋᕐᐸ? ᐅᓇ ᒍᕇᑭᑦ ᓄᓇᖏᓐᓄᐊᕈᒪᓕᕐᑐᖅ ᒍᕇᑭᓂᒃ ᐊᔪᕆᕐᑐᐃᔭᕐᑐᕈᒪᓪᓗᓃ?

ᐋᐴᓯᑕᓖᑦ ᐱᓂᐊᕐᓂᖏᑦ 3:26

ᒎᑎᐅᑉ ᐱᔨᓂ ᓂᕈᐊᕋᒥᐅᒃ ᑎᓕᓚᐅᕐᐹ ᐃᓕᑦᓯᓐᓄᑦ ᓯᕗᓪᓕᕐᐹᒥᒃ, ᓮᒻᒪᕐᑎᑦᓯᓂᖓᒍᑦ ᑕᒪᑦᓯ ᐊᑐᓂᑦ ᐊᔪᕐᑐᓕᓂᕐᒥᒃ ᕿᒤᖁᓪᓗᓯ.”

ᕉᒪᒥᐅᓄᑦ 10:17

ᑕᕝᕙ ᐅᒃᐱᕐᓂᖅ ᐱᒋᐊᕐᐳᖅ ᑐᓴᕐᑎᑕᐅᓂᒃᑯᑦ, ᑐᓴᕐᑎᑕᐅᓂᕐᓗ ᐱᒋᐊᕐᐳᖅ ᙭ᔅᑑᓯᐅᑉ ᐊᔪᕆᕐᑐᐃᑦᔪᑕᐅᓂᖓᓂᑦ.

ᕉᒪᒥᐅᓄᑦ 15:19

ᓇᓗᓁᒃᑯᑍᑦ ᑲᒪᓇᕐᑐᓕᓃᓪᓗ ᐱᔪᓐᓇᕐᓂᖏᑎᒍᑦ, ᐊᓂᕐᓂᐅᓪᓗ ᐃᑦᔪᕐᓁᑦᑑᑉ ᐱᔪᓐᓇᕐᓂᖓᒍᑦ, ᔨᕉᓴᓕᒻᒥᑦ ᐱᒋᐊᕐᓗᖓ ᐃᓔᕆᑲᒻ ᑎᑭᓪᓗᒍ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᙭ᔅᑑᓯᒥᒃ ᐅᖃᐅᓯᖃᕐᓯᒪᕗᖓ ᑕᒤᓐᓄᑦ.

ᕉᒪᒥᐅᓄᑦ 15:29

ᖃᐅᔨᒪᒐᒪ ᐃᓕᑦᓯᓐᓄᐊᕈᒪ ᙭ᔅᑑᓯᐅᑉ ᓮᒻᒪᕐᑎᑦᓯᓂᖓ ᓈᒻᒪᑦᓯᐊᕐᓗᒍ ᓮᒻᒪᕐᑎᑕᐅᑦᔪᑎᒋᒐᔭᕋᒃᑯ.

ᕉᒪᒥᐅᓄᑦ 2:9

ᐅᖁᒤᓐᓇᕐᑐᖃᕈᒫᕐᐳᖅ ᐃᓱᒫᓗᓇᕐᑐᖃᕈᒫᕐᓗᓂᓗ ᐃᓄᓕᒫᓄᑦ ᐊᔪᕐᑐᓕᔪᓄᑦ, ᔫᑎᓄᑦ ᓯᕗᓪᓕᕐᒥᒃ ᒍᕇᑭᓄᓪᓗ,

ᕉᒪᒥᐅᓄᑦ 4:11

ᑭᐱᔭᐅᓂᖓᓕ ᓇᓗᓁᒃᑯᑕᐅᓚᐅᕐᐳᖅ ᓇᓗᓁᕐᓯᑦᔪᑕᐅᓪᓗᓂᓗ ᐃᓗᐊᕐᑑᓂᕋᕐᑕᐅᖕᒪᑦ ᐅᒃᐱᕐᓂᖅ ᐱᑦᔪᑎᒋᓪᓗᒍ, ᑭᐱᔭᐅᓚᐅᕋᓂ ᓱᓕ ᐱᓚᐅᕐᑕᒥᓄᑦ ᑕᒤᓐᓄᑦ ᐅᒃᐱᕐᑐᓄᑦ ᐊᑖᑕᒋᔭᐅᖁᓪᓗᒍ ᑭᐱᔭᐅᓯᒪᖏᑦᑑᒐᓗᐊᓄᑦ ᐃᓗᐊᕐᑑᓂᕋᕐᑕᐅᓂᕐᒥᒃ ᐱᖃᑕᐅᖁᓪᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:2

ᑕᒪᒃᑯᑎᒎᓇᖅ ᐱᐅᓕᔭᐅᓯᒪᒐᑦᓯ, ᐅᖃᐅᓰᑦ ᐱᓯᒤᓐᓇᕈᑦᓯᐅᒃ, ᐅᒃᐱᓕᕐᓂᓯ ᑕᒪᐅᖕᒊᓐᓈᓚᐅᖏᑉᐸᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 2:2

ᐃᓕᑦᓯᓐᓃᑎᓪᓗᖓ ᖃᐅᔨᒪᓇᓱᒋᓗᖓ ᐱᓚᐅᓐᖏᓚᖓ ᔩᓱᓯ ᙭ᔅᑑᓯᐅᑉ ᑭᑭᐊᒃᑐᕐᑕᐅᓯᒪᓂᖓ ᐅᖃᐅᓯᕆᔭᑐᐊᕆᓚᐅᕐᐸᕋ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 2:4

ᐅᖃᐅᓯᒃᑲ ᐊᔪᕆᕐᑐᐃᓂᒃᑲᓗ ᐃᓄᐃᑦ ᓯᓚᑐᓂᖏᑦ ᐊᑐᕐᓗᒋᑦ ᐅᖃᓪᓚᓚᐅᓐᖏᓚᖓ, ᓴᖅᑭᑎᑦᓯᓚᐅᕐᐳᖓᓕ ᒎᑎᐅᑉ ᐊᓂᕐᓂᖓᑕ ᐱᔪᓐᓇᕐᓂᖓᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:12

ᐊᓯᕗᑦ ᐃᓕᑦᓯᓐᓂᑦ ᐃᑲᔪᕐᑕᐅᔪᓐᓇᕐᐸᑕ, ᐅᕙᒍᓪᓕ ᐃᑲᔪᕐᑕᐅᔭᕆᐊᖃᕐᓂᕐᓴᐅᓐᖏᓚᒎᑦ? ᑍᒤᓕᐅᕋᓱᐊᕐᐸᖏᑦᑐᒍᑦ, ᐅᖁᒤᓐᓇᕐᑐᒦᑉᐸᒃᑲᓗᐊᕐᓗᑕ ᐊᒡᕕᐊᕈᑕᐅᔪᒪᓇᑕ ᙭ᔅᑑᓯᐅᑉ ᐅᖃᐅᓯᖏᓐᓄᑦ ᑐᓴᕈᒥᓇᕐᑐᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:18

ᓱᓇᒥᒡᓕ ᑍᒪ ᐊᑭᓕᕐᑕᐅᔪᒃᓴᐅᕗᖔ? ᐃᒫ ᑭᓯᐊᓂ: ᐊᔪᕆᕐᑐᐃᓂᒃᑯᑦ ᐅᖃᐅᓰᑦ ᑐᓴᕈᒥᓇᕐᑐᑦ ᐊᑭᖃᖏᑦᑐᒥᒃ ᐱᓇᓱᐊᕈᑎᒋᔪᒪᕙᒃᑲ, ᐱᔭᕆᐊᖃᕐᑕᕋᓗᐊᒃᑲᓗ ᑎᒥᒃᑯ ᐱᖏᓪᓗᒋᑦ ᐊᔪᕆᕐᑐᐃᖃᑦᑕᕐᓂᓐᓄᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:12

ᑐᕈᐊᓯᒧᑦ ᑎᑭᓐᓇᒪ ᐊᔪᕆᕐᑐᐃᔭᕐᑐᕐᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᙭ᔅᑑᓯᒥᒃ, ᐱᓇᓱᐊᕐᕕᒃᓴᖅ ᐅᕙᓐᓄᑦ ᒪᑐᐃᕐᑕᐅᓚᐅᕐᐳᖅ ᐊᑕᓂᕐᒥ;

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:4

ᑕᒪᑐᒪ ᓯᓚᕐᔪᐊᑉ ᒎᑎᖓᑕ ᐅᒃᐱᖏᑦᑐᑦ ᐃᓱᒪᖏᑦ ᑐᑭᓯᔪᓐᓇᕐᑎᓐᖏᓔᑦ, ᐅᖃᐅᓰᑦ ᑐᓴᕈᒥᓇᕐᑐᑦ ᖃᐅᒪᓂᖓᓂᒃ ᑕᑯᖁᓇᒋᑦ ᙭ᔅᑑᓯᐅᑉ ᓂᕐᑐᕐᓇᕐᓂᕐᔪᐊᖓᓂᒃ, ᑖᑦᓱᒥᖓ ᒎᑎᐅᑉ ᐊᑦᔨᖓᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 9:13

ᑕᒪᑐᒨᓇ ᐃᑲᔪᕐᓂᑦᓯᓐᓂᒃ ᓇᓗᓁᕐᓯᒐᑦᓯ, ᐅᓄᕐᑐᓪᓗ ᒎᑎᒥᒃ ᓂᕐᑐᐃᓂᐊᕐᐳᑦ ᓈᓚᑦᓯᐊᕐᓂᑦᓯᓐᓄᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᙭ᔅᑑᓯᒥᒃ, ᐋᓐᓂᕈᓱᒐᓯᓗ ᑐᓂᓯᓂᑦᓯᒍᑦ ᐊᓯᓯ ᐱᓇᓱᐊᖃᑎᒋᒐᑦᓯᐅᒃ.

ᒐᓔᑎᐊᒥᐅᓄᑦ 1:7

ᐅᖃᐅᓰᑦ ᑐᓴᕈᒥᓇᕐᑐᑦ ᐊᓯᖃᓐᖏᒃᑲᓗᐊᕐᑎᓪᓗᒋᑦ, ᐃᓄᖃᑎᑦᓯᓕ ᐃᓚᖏᓐᓄᑦ ᐃᓱᒪᔮᕐᑎᑕᐅᕗᓯ ᙭ᔅᑑᓯᒥ ᑐᓴᕈᒥᓇᕐᑐᑦ ᓇᕐᕈᓇᕐᓯᑎᓐᓇᓱᐊᕐᓗᒋᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:13

ᒎᑎᒧᑦᑕᐅᖅ ᖁᔭᓕᖃᑦᑕᕐᐳᒍᑦ ᑕᒪᒃᑯᐊ ᐱᑦᔪᑎᒋᓪᓗᒋᑦ, ᒎᑎᐅᑉ ᐅᖃᐅᓯᖏᓐᓂᒃ ᐅᖃᐅᓯᖃᕐᑎᓪᓗᑕ, ᑐᓵᑦᓯᐊᕐᓗᓯ ᐃᓚᓕᐅᕐᓗᓯᐅᒡᓗ ᐱᓚᐅᕋᑦᓯ, ᐃᓄᖕᒥᑦ ᐱᓯᒪᔪᑎᑑᖏᑦᑐᖅ ᒎᑎᒥᓪᓕ ᐱᓯᒪᔪᑎᑐᑦ, ᐃᓛᒃ ᑕᒪᒃᑯᐊ ᒎᑎᒥᑦ ᐱᖕᒪᑕ, ᒎᑎᐅᑉ ᐅᖃᐅᓯᖓ ᐱᓇᓱᐊᕐᒪᑦ ᐃᓗᑦᓯᓐᓂ ᐅᒃᐱᕐᑐᓯ.

ᑎᒧᑎᒧᑦ ᓯᕗᓪᓖᑦ 1:11

ᑕᒪᓐᓇ ᐊᔪᕆᕐᑑᓯᖅ ᐅᖃᐅᓯᕐᓂ ᑐᓴᕈᒥᓇᕐᑐᓃᑉᐳᖅ ᐅᖃᐅᓯᕆᔭᐅᖁᔭᐅᓯᒪᔪᓂᑦ ᐅᕙᓐᓄᑦ, ᐱᓐᓇᕐᓇᕐᑐᕐᔪᐊᕐᒥᑦ ᒎᑎᒥᑦ ᓂᕐᑐᕐᑕᐅᔪᒃᓴᐅᔪᒥᑦ.

ᑎᒧᑎᒧᑦ ᐂᑉᐸᖏᑦ 1:12

ᑍᒤᒻᒪᑦ ᐊᒃᓱᕈᕐᑎᑕᐅᕗᖓ. ᑕᒪᓐᓇᓕ ᑲᓐᖑᓲᑎᒋᓐᖏᓚᕋ, ᐅᒃᐱᕐᕕᒋᔭᕋ ᖃᐅᔨᒪᒐᒃᑯ, ᖁᓚᖏᓐᓇᒪ ᐅᕙᓐᓄᑦ ᐱᓂᐊᕐᑕᐅᖁᓯᒪᔭᓂ ᓴᐳᑎᓯᒪᔪᓐᓇᕐᓂᐊᕐᒪᒍ ᐅᓪᓗᖅ ᑍᓐᓇ ᓇᓪᓕᐅᑎᔪᒃᓴᖅ ᑎᑭᓪᓗᒍ.

ᑎᒧᑎᒧᑦ ᐂᑉᐸᖏᑦ 1:16

ᐊᑕᓂᐅᑉ ᓈᒃᑭᒋᓕᒋᑦ ᐅᓂᓯᐳᕋᓯᒃᑯᑦ ᐃᓚᒌᑦ, ᑖᑦᓱᒪ ᐅᓄᕐᑐᐃᕐᓱᕐᓗᖓ ᐱᕙᓪᓕᕐᑎᖃᑦᑕᕐᓯᒪᖕᒪᖓ; ᑎᒍᔭᐅᓯᒪᕕᖕᒦᓐᓂᓐᓂᒃ ᑲᓐᖑᓲᑎᖃᓚᐅᖏᒻᒪᑦ.

ᑎᒧᑎᒧᑦ ᐂᑉᐸᖏᑦ 1:8

ᑍᒤᒻᒪᑦ ᐊᑕᓂᕐᒥᒃ ᓇᓗᓁᕐᓯᔨᐅᓃᑦ ᑲᓐᖑᓲᑎᒋᓂᐊᕐᓇᒍ, ᑎᒍᔭᐅᓯᒪᕕᖕᒦᓐᓂᕋᓗ ᑖᓐᓇ ᐱᓪᓗᒍ. ᐊᒃᓱᕈᕐᓇᕐᑐᒥᒡᓕ ᐱᓇᓱᐊᖃᑕᐅᓕᕆᑦ ᐅᖃᐅᓰᑦ ᑐᓴᕈᒥᓇᕐᑐᑦ ᐱᑦᔪᑎᒋᓗᒋᑦ ᒎᑎᐅᑉ ᐱᔪᓐᓇᕐᓂᖓᓂ.

ᐄᑉᕈᐃᓄᑦ 4:12

ᒎᑎᐅᑉ ᐅᖃᐅᓯᖓ ᐆᒪᖕᒪᑦ ᐱᓇᓱᐊᕐᓗᓂᓗ, ᐃᒡᓗᒃᑐᑦ ᑮᓇᓕᖕᒥᑦ ᓴᕕᒡᔪᐊᒥᑦ ᐃᐱᖕᓂᕐᓴᐅᓪᓗᓂ, ᑭᓪᓕᒍᑎᔪᓐᓇᕐᐳᖅ ᑕᕐᓂᖅ ᐊᓂᕐᓂᕐᓗ ᑎᑭᓪᓗᒋᒃ, ᓇᒡᒍᐊᓪᓗ ᐸᑎᕐᓗ ᑎᑭᓪᓗᒋᒃ, ᓴᖅᑭᑎᑦᓯᔪᓐᓇᕐᓗᓂᓗ ᐃᓅᑉ ᐃᓱᒪᖓᓂᒃ ᐱᔪᒪᔭᖏᓐᓂᒡᓗ.

ᐲᑦᑐᕉᓯ ᓯᕗᓪᓖᑦ 4:16

ᐅᖁᒤᑐᕐᔪᐊᕐᒥᑎᑕᐅᓕᕈᑦᓯᓕ ᙭ᔅᑑᓯᒥᐅᑕᐅᓂᓯ ᐱᑦᔪᑎᒋᓗᒍ, ᑕᒪᓐᓇ ᑲᓐᖑᓲᑎᒋᑦᑍᓕᓯᐅᒃ, ᒎᑎᓕ ᓂᕐᑐᕐᓯᐅᒃ ᑖᑦᓱᑐᓇᖅ ᐱᔭᐅᓂᓯ ᐱᑦᔪᑎᒋᓗᒍ.