8 ᓄᔭᖃᕐᐳᓪᓗ ᐊᕐᓇᑎᑐᑦ, ᑭᒍᑎᖃᕐᓗᑎᒡᓗ ᓔᔭᓐᑎᑐᑦ;
ᔨᕼᐆᓕ ᔨᔭᕆᐅᓪᒧᐊᕋᒥ ᔨᔨᐱᐊᓕᒧᐊᕐᐳᖅ, ᔨᔨᐱᐊᓕ ᑐᓴᕐᑎᑕᐅᒐᒥ ᑎᑭᑦᑐᒥᒃ, ᐃᔩᖕᓂ ᐱᐅᓴᓚᐅᕐᐹᒃ ᓄᔭᓂᓗ ᐋᖅᑭᒃᓱᕆᐊᕇᕋᒥᒋᑦ ᐃᒐᓛᒃᑯᑦ ᐃᑦᓱᐊᕐᐳᖅ.
ᓛᔭᑦ ᐊᑯᓐᓂᖓᓂ ᓇᓚᕗᖓ ᐃᓄᐃᑦ ᕿᑐᕐᖓᖏᑕ ᐊᑯᕐᖓᓐᓂ ᓛᔭᑎᑐᑦ ᑳᒃᑐᑎᑐᑦ; ᑖᒃᑯᐊ ᑭᒍᑎᖃᕐᐳᑦ ᓇᐅᒃᑯᑎᓂᒃ ᖃᕐᔪᓂᒡᓗ, ᐅᖃᖃᕐᐳᓪᓗ ᓴᕕᒡᔪᐊᓂᒃ ᐃᐱᒃᑐᓂᒃ.
ᑎᐱᑦᓯᐊᕆᒃᓴᐅᑎᐅᑉ ᑎᐱᖓ ᑭᖑᕝᕕᕐᑕᐅᔪᒫᕐᐳᖅ ᐃᒍᓇᕐᓂᒥᒃ; ᑕᑦᓯᕈᑏᓪᓗ ᐱᐅᔪᑦ ᑭᖑᕝᕕᕐᑕᐅᓗᑎᒃ, ᐊᒃᓱᓈᒧᑦ; ᓄᔭᕐᓂᒃ ᐋᖅᑭᑦᓯᐊᕐᓯᒪᓂᖏᑦ ᑭᖑᕝᕕᕐᑕᐅᓗᑎᒃ ᓄᔧᕈᑎᓂᕐᒧᑦ; ᐊᔪᕐᓴᖏᑦᑐᕐᓯᐅᑎᓂᒃ ᐊᓐᓄᕌᕐᓯᒪᓂᖅ ᑭᖑᕝᕕᕐᑕᐅᓗᓂ ᐳᑐᕐᓛᓂᒃ ᐊᓐᓄᕌᕐᓯᒪᓂᕐᒧᑦ; ᐃᓂᖁᓇᕐᑑᓂᖅ ᑭᖑᕝᕕᕐᑕᐅᓗᓂ ᑲᓐᖑᓱᖕᓂᕐᒧᑦ.
ᐱᒡᓕᕐᑕᐅᔮᕐᑐᑦ ᐃᓅᖃᑎᒌᒡᔪᐊᑎᑐᑦ ᐊᓯᕈᐃᒋᐊᕐᑐᕐᒪᑕ ᓄᓇᖁᑎᑦᑎᓐᓂᒃ, ᐅᓄᓗᐊᕐᒪᑕ ᐊᔪᖏᑦᑑᓗᐊᕐᓗᑎᒡᓗ ᓈᓴᒐᒃᓴᐅᖏᑦᑐᑦ; ᑭᒍᑎᖃᕐᐳᑦ ᓛᔭᑎᑐᑦ, ᑐᓗᕆᐊᖏᑦ ᓛᔭᐅᑉ ᐊᕐᓇᓪᓗᖏᑎᑐᑦ ᑍᒤᑉᐳᑦ.
ᐂᓮᐊᓯᓗ ᓇᓚᐅᑦᓯᓚᐅᕐᐳᖅ ᐅᖃᕐᓗᓂ, “ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᑭᖑᕚᕇᒃᓴᓕᐊᕆᓚᐅᖏᑉᐸᑎᒍᑦ, ᓱᑑᒪᒥᐅᑎᑐᑦ ᒍᒨᕋᒥᐅᑎᑐᓪᓗ ᑍᒤᑕᐅᒐᔭᓚᐅᕐᐳᒍᑦ.”
ᐊᕐᓁᑦᑕᐅᖅ ᐊᑐᕐᑕᒥᖕᓂᒃ ᐃᒃᐱᒍᓱᑦᓯᐊᕐᑐᒃᓴᐅᕗᑦ ᐊᓐᓄᕌᕐᓯᒪᑦᓯᐊᕐᓗᑎᒃᓗ, ᓄᔭᕐᒥᖕᓂᒃ ᑕᑯᒥᓇᕐᓮᓗᐊᖏᓪᓗᑎᒃ, ᒎᓗᓂᒃ, ᓴᐸᖓᕐᓂᒃ, ᐊᑭᑐᔪᓂᒃ ᐊᑎᔭᒃᓴᕐᓯᐅᑐᐃᓐᓇᕋᑎᒃ.
ᑕᐅᑦᑐᓯᒍᑦ ᐱᐅᓴᕐᓯᒪᓗᓯ ᐱᐅᒋᔭᐅᑎᓐᓇᓱᐊᕐᑐᒃᓴᐅᓐᖏᓚᓯ ᓄᔭᓯ ᐱᐅᓴᕐᓗᒋᑦ, ᑕᑯᒥᓇᕐᓴᐅᑎᓂᒡᓗ ᒎᓗᓂᒃ ᐊᑐᕐᓗᓯ, ᐊᓐᓄᕌᑦᓯᐊᓂᒡᓗ ᐱᐅᓴᐅᑎᖃᕐᓗᓯ,
