ᔪᐊᓇᓯᐅᑉ ᑕᑯᑎᑕᐅᓂᖏᑦ 9:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᖃᕿᐊᓕᓚᐅᓐᖏᓚᑦᑕᐅᖅ ᐃᓄᐊᕐᓂᕐᒥᑦ ᐊᖓᒃᑰᓇᓱᐊᕐᓂᕐᒥᑦ ᐅᕝᕙᓗ ᓄᓕᐊᕐᓂᕐᒥᑦ ᑎᒡᓕᖕᓂᕐᒥᓪᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:21 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 47:12

ᐃᓕᓰᕐᓯᓇᓱᖕᓂᕐᒥᒃ ᑲᔪᓯᑐᐃᓐᓇᕆᑦᓯ, ᐊᖓᒃᑰᓵᕐᓂᕐᓂᒡᓗ ᐅᓄᕐᑐᓂᒃ, ᐱᓇᓱᐊᕐᓯᒪᔭᑦᓯᓐᓂᒃ ᓄᑕᕋᐅᓂᑦᓯᓐᓂᑦ; ᑕᒪᒃᑯᓂᖓ ᐃᒻᒪᖄ ᓵᓚᖃᕈᒫᕐᐳᓯ, ᐃᒻᒪᖄ ᑲᑉᐱᐊᓇᕐᑐᒥᒃ ᓴᖑᑎᑦᓯᔪᒫᕐᐳᓯ.

ᐂᓮᐊᓯᐅᑉ ᐊᒡᓚᖏᑦ 47:9

ᐅᑯᓄᖓ ᒪᕐᕉᖕᓄᑦ ᑎᑭᑕᐅᔪᒫᕐᐳᑎᑦ ᐅᓪᓗᑦᓮᓐᓇᖅ; ᕿᑐᕐᖓᑎᑦ ᓄᖑᑦᓱᒫᕐᐳᑦ, ᐅᐃᒡᒐᕐᓗᑎᓪᓗ, ᑕᒪᒃᑯᐊ ᐃᓕᖕᓄᑦ ᑎᑭᐅᑎᔪᒫᕐᐳᑦ ᐊᒃᓱᕈᕐᓇᓪᓚᕆᒡᓗᑎᒃ, ᐊᖓᒃᑯᖁᑎᑎᑦ ᐅᓄᕐᑑᒐᓗᐊᕐᑎᓪᓗᒋᑦ, ᐊᖓᒃᑰᓵᕐᓂᖏᑦ ᐱᔪᓐᓇᕐᓂᓕᐊᓘᒐᓗᐊᕐᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 57:3

ᐃᓕᑦᓯᓕ ᕾᒋᑦᓯ ᒪᐅᖓ, ᐃᕐᓂᕆᔭᐅᔪᓯ ᐊᖓᒃᑯᓄᑦ, ᑭᖑᕚᖑᔪᓯᓗ ᐊᓯᓐᓂᐊᕐᑎᓄᑦ ᐊᑭᓕᕐᑕᐅᓗᑎᒡᓗ ᐊᖑᑎᓂᐊᕐᑎᓄᑦ.

ᑖᓂᐊᓕᐅᑉ ᐊᒡᓚᖏᑦ 11:33

ᑐᑭᓯᒪᑦᓯᐊᕐᑐᑦ ᐃᓕᓐᓂᐊᕐᑎᑦᓯᔪᒫᕐᐳᑦ ᑖᑦᓱᒪ ᐱᐅᓯᖓᓂᒃ, ᐅᓪᓗᓂᒃ ᐅᓄᕐᑐᓂᒃ ᓴᕕᒡᔪᐊᒧᑦ ᐃᓚᖏᑦ ᑐᖁᑕᐅᒐᓗᐊᕐᑎᓪᓗᒋᑦ, ᐃᑭᑕᐅᓗᑎᒡᓘᓐᓃᑦ, ᑎᒍᔭᐅᓗᑎᒡᓘᓐᓃᑦ, ᐱᖁᑍᕈᑦᔭᐅᓗᑎᒡᓘᓐᓃᑦ.

ᒪᓚᑬᑉ ᐊᒡᓚᖏᑦ 3:5

“ᑕᕝᕙ ᓴᖅᑭᑦᓱᒫᕐᐳᖓ ᐃᖅᑲᕐᑐᕆᐊᕐᑐᕐᓗᓯ; ᐱᒋᐊᑦᓴᐅᑎᒋᔪᒫᕐᐳᖓ ᐊᑭᕋᕐᑐᓪᓗᖓ ᐊᖓᒃᑰᓇᓱᐊᕐᑐᓂᒃ, ᐊᓯᓐᓂᐊᕐᑎᓂᒃ, ᓱᓕᖏᑦᑐᒥᒡᓗ ᐊᖏᕈᑎᓕᖕᓂᒃ, ᓯᓔᕐᕆᒃᓯᓗᑎᒡᓗ ᐊᑭᓕᕐᓱᐃᔪᓂᒃ ᐃᖅᑲᓁᔭᕐᑎᓂᒃ, ᐅᐃᒡᒐᕐᓂᕐᓂᒃ ᐃᓕᐊᕐᔪᖕᓂᒡᓗ ᐊᒃᓱᕈᕐᑎᑦᓯᔪᓂᒃ, ᓄᓇᓕᑐᖃᐅᖏᑦᑐᓂᒡᓗ ᑐᓐᖓᓱᒃᑎᑦᓯᖏᑦᑐᓂᒃ, ᐅᕙᓐᓂᒃ ᐃᓕᕋᓱᖏᑦᑐᓂᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.”

ᒫᑎᐅᓯᐅᑉ ᐊᒡᓚᖏᑦ 15:19

ᐃᓅᑉ ᐆᒻᒪᑎᖓᓂᑦ ᐃᓱᒤᑦ ᐱᐅᖏᑦᑐᑦ ᓴᖅᑭᑉᐳᑦ, ᐱᔮᕆᓗᓂ ᑐᖁᑦᓯᓂᖅ, ᓄᓕᐊᕇᖕᓂᕐᒥᒃ ᐊᓯᓐᓂᐊᕐᓂᖅ, ᑲᑎᑎᑕᐅᓯᒪᖃᑎᒋᓐᖏᑕᒥᒃ ᐃᓐᓇᖓᖃᑎᖃᕐᓂᖅ; ᑎᒡᓕᖕᓂᖅ, ᐃᓅᖃᑎᒥᒃ ᓴᒡᓗᑎᖃᕐᓂᖅ, ᐅᖃᐅᑎᖃᕐᓗᖕᓂᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:21

ᓯᕘᕋᕗᖓ ᐃᓕᑦᓯᓐᓄᑦ ᑎᑭᒍᒪ ᒎᑎᒧᑦ ᒥᑭᒡᓕᑎᕐᑕᐅᓂᐊᕋᓱᒋᓪᓗᖓ ᐃᓕᑦᓯ ᓵᖓᓐᓂ, ᕿᒃᓵᒍᑎᖃᕐᓂᐊᕋᓱᒋᓪᓗᖓᓗ ᐅᓄᕐᑐᓄᑦ ᐊᔪᕐᑐᓕᓚᐅᕐᑐᓄᑦ ᖃᕿᐊᓕᓚᐅᖏᑦᑐᓄᑦ ᐱᐅᖏᑦᑐᓕᐊᕆᓚᐅᕐᑕᒥᖕᓂᑦ, ᓄᓕᐊᕐᓂᒃᑯᑦ, ᐱᔪᒪᓂᕐᔪᐊᒃᑯᓪᓗ ᐱᓕᕆᓂᕆᓚᐅᕐᑕᒥᖕᓄᑦ.

ᒐᓔᑎᐊᒥᐅᓄᑦ 5:20

ᒎᑎᓐᖑᐊᖃᕐᓂᖅ, ᐊᖓᒃᑰᓇᓱᐊᕐᓂᖅ, ᐊᑭᕋᕐᑐᕐᑎᒌᖕᓂᖅ, ᐂᕙᖃᑦᑕᐅᑎᓂᖅ, ᐱᔪᑑᔪᒪᓂᖅ, ᓂᓐᖓᐅᒪᓂᖅ, ᐊᖏᖃᑎᒌᒍᓐᓇᖏᓐᓂᖅ, ᑕᐱᕇᓕᓪᓗᑎᒃ ᐊᕕᒃᑐᕐᓂᖅ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:13

ᐆᒪᔪᐊᓗᒃ ᑭᖑᓪᓕᖅ ᑲᒪᓇᕐᑐᕐᔪᐊᓂᒃ ᐱᓇᓱᐊᕈᓐᓇᕐᐳᖅ, ᐊᒡᓛᑦ ᕿᓚᖕᒥᑦ ᐃᑯᒪᒥᒃ ᓄᓇᕐᔪᐊᕐᒧᑦ ᑲᑕᒃᑎᑦᓯᔪᓐᓇᕐᐳᖅ ᐃᓄᐃᑦ ᑕᒃᑯᐊᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:15

ᐆᒪᔪᐊᓘᒃ ᓯᕗᓪᓕᐅᑉ ᐊᑦᔨᓐᖑᐊᖓ ᐊᓂᕐᓵᕐᕕᒋᕚ ᓴᓇᓯᒪᔪᕐᓗ ᐅᖃᕈᓐᓇᕐᓯᕗᖅ, ᑐᖁᑕᐅᑎᑦᓯᔪᓐᓇᕐᓯᓪᓗᓂᓗ ᑐᒃᓯᐊᕐᕕᖃᕈᒪᖏᑦᑐᓕᒫᓂᒃ ᑖᑦᓱᒥᖓ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:7

ᐃᑦᔪᕐᓁᑦᑐᓂᒡᓗ ᐅᓇᑕᕈᓐᓇᕐᑎᑕᐅᕗᖅ ᓵᓚᖃᕈᓐᓇᕐᑎᑕᐅᓪᓗᓂᓗ. ᐱᔪᓐᓇᕐᓂᖃᕐᑎᑕᐅᕗᕐᓗ ᑭᖑᕚᕇᓕᒫᓄᑦ ᐃᓄᓕᒫᓄᓪᓗ ᐅᖃᐅᓯᖃᖃᑎᒌᖏᑦᑐᓄᓪᓗ ᐃᓅᖃᑎᒌᒡᔪᐊᓄᓪᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:8

ᑕᕝᕙ ᐂᖏᓕᐅᑉ ᐂᑉᐸᖓ ᑭᖑᓂᖓᒍᑦ ᓴᖅᑭᒃᑭᕗᖅ, ᐅᖃᕐᓗᓂᓗ, “ᑲᑕᒃᓯᒪᓕᕐᐳᖅ, ᑲᑕᒃᓯᒪᓕᕐᐳᖅ ᐹᐱᓘᓂ ᐊᔪᖏᑦᑐᕐᔪᐊᖅ, ᐃᓅᖃᑎᒌᒡᔪᐊᓕᒫᓂᒃ ᐃᒥᕐᑎᑦᓯᓯᒪᔪᖅ ᐅᐂᓂᒥᒃ ᓴᓐᖏᔪᒥᒃ ᐃᒃᓯᒎᕐᑎᑦᓯᔪᒥᒃ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:6

ᑖᒃᑯᐊ ᐊᐅᓈᕐᑎᑦᓯᓚᐅᕐᒪᑕ ᐃᑦᔪᕐᓁᑦᑐᑦ ᓇᓚᐅᑦᑍᔪᑦ ᐊᐅᖏᓐᓂᒃ, ᑕᕝᕙ ᐊᐅᖕᒥᒃ ᐃᒥᒐᒃᓴᖏᓐᓂᒃ ᑐᓂᓯᕕᒋᕙᑎᑦ. ᑍᒤᑕᐅᔭᕆᐊᖃᕐᒪᑕ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:2

ᐊᖓᔪᖅᑳᕐᔪᐊᓪᓗ ᓄᓇᕐᔪᐊᕐᒦᑦᑐᑦ ᐊᕐᓇᕐᓂᐊᖃᑦᑕᓚᐅᕐᐹᑦ, ᓄᓇᕐᔪᐊᕐᒥᐅᓪᓗ ᐋᖓᔮᓕᕐᑎᓚᐅᕐᐰᑦ ᐊᓯᓐᓂᐊᕐᓂᐅᑉ ᐅᐂᓂᖓᓂᒃ ᐃᒥᕐᑎᓪᓗᒋᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:4

ᐊᕐᓇᕐᓗ ᐊᓐᓄᕌᕐᓯᒪᕗᖅ ᓵᑦᑐᒥᒃ ᐊᐅᐸᓪᓚᕆᒃᑐᒥᒃ ᐊᐅᐸᕐᑐᒥᒡᓗ, ᒎᓗᓂᒡᓗ ᐅᔭᕋᖕᓂᒡᓗ ᐱᐅᔪᓂᒃ ᓴᐸᖓᕐᓂᒡᓗ ᐊᓐᓄᕌᒥ ᖄᖓᒍᑦ ᐱᐅᓴᐅᑎᖃᕐᐳᖅ, ᑎᒍᒥᐊᕐᓗᓂᓗ ᖃᓪᓗᑎᒥᒃ ᒎᓗᒥᒃ ᐃᒪᖃᕐᑐᒥᒃ ᓇᕐᕈᓇᕐᑐᓂᒃ ᐊᖑᓐᓂᐊᖃᑦᑕᕐᓂᖓᑕᓗ ᓴᓗᒤᓐᓂᖏᓐᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:5

ᖃᐅᖓᒍᓪᓗ ᑎᑎᕋᕐᓯᒪᔪᖃᕐᐳᖅ ᐊᑎᕐᒥᒃ ᓇᓗᓇᕐᑐᒥᒃ: “ᐹᐱᓘᓂ ᐊᔪᖏᑦᑐᕐᔪᐊᖅ, ᐊᖑᓐᓂᐊᕐᑏᑦ ᐊᓈᓇᖓᑦ ᓄᓇᕐᔪᐊᒥ ᓇᕐᕈᓇᕐᑐᓕᓃᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:3

ᐃᓄᒐᓴᒡᔪᐊᓕᒫᑦ ᐃᒥᕐᓯᒪᖕᒪᑕ ᐅᐂᓂᖁᑎᖓᓂᒃ ᐃᒃᓯᒎᕐᓂᖓᑕ ᓴᓐᖏᓂᖓᓂᒃ, ᓄᓇᕐᔪᐊᓪᓗ ᐊᖓᔪᖅᑳᕐᔪᐊᖏᑦ ᑖᑦᓱᒥᖓ ᐊᕐᓇᕐᓂᐊᓚᐅᕐᐳᑦ, ᓄᓇᕐᔪᐊᕐᒥᐅᓪᓗ ᑮᓇᐅᔭᓕᐅᕋᓱᐊᕐᑐᖁᑎᖏᑦ ᐊᔪᕐᓴᕈᓐᓃᓚᐅᕐᐳᑦ ᐃᒃᓯᒎᕐᓂᖓᑕ ᓄᖅᑲᕈᓐᓇᖏᓐᓂᖓᓄᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:2

ᑖᑦᓱᒪ ᐃᖅᑲᕐᑐᐃᓂᖏᑦ ᓱᓕᖕᒪᑕ ᓈᒻᒪᓈᑦᓯᐊᕐᓗᑎᒡᓗ; ᐃᖅᑲᕐᑐᓚᐅᕐᒪᒍ ᐊᖑᓐᓂᐊᕐᑎᕐᔪᐊᖅ ᓄᓇᕐᔪᐊᕐᒥᐅᓂᒃ ᐊᓯᕈᐃᓚᐅᕐᑐᖅ ᐊᖑᓐᓂᐊᕐᓂᕐᒥᓄᑦ, ᑖᑦᓱᒪᓗ ᐊᑭᓂᐊᕐᕕᒋᓚᐅᕐᐹ ᐱᔨᖏᑕ ᐊᐅᖏᑦ ᐱᑦᔪᑎᒋᓪᓗᒋᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:8

ᓯᕘᕋᓂᕐᒧᓪᓕ ᓯᕗᒧᒍᓐᓃᕐᑐᑦ, ᐅᒃᐱᖏᑦᑐᑦ, ᐃᒃᓯᒎᕐᓂᕐᒧᑦ ᓱᕈᕐᑎᕐᓯᒪᔪᑦ, ᐃᓄᐊᕐᑏᑦ, ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐊᖓᒃᑰᓇᓱᐊᕐᑏᑦ, ᒎᑎᐅᓐᖑᐊᓖᑦ, ᓴᒡᓗᑐᔪᓪᓗ, ᑖᒃᑯᐊ ᐃᓂᖃᕈᒫᕐᐳᑦ ᑕᓯᕐᒥ ᐃᑯᒪᕐᔪᐊᕐᒥ ᐃᒃᑭᕆᒃᑐᕐᔪᐊᕐᒧᑦ ᓲᓪᕕᒧᑦ ᐃᑯᒪᔪᒧᑦ, ᑕᒪᓐᓇ ᑕᕝᕙ ᑐᖂᑉ ᐂᑉᐸᖓ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:15

ᐃᒡᓗᒐᓴᒡᔪᐊᓪᓕ ᓯᓚᑖᓃᑉᐳᑦ ᕿᒻᒦᑦ ᐊᖓᒃᑰᓇᓱᐊᕐᑐᓪᓗ ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐃᓄᐊᕐᑏᓪᓗ, ᒎᑎᓐᖑᐊᓖᓪᓗ, ᓴᒡᓗᑐᔪᓪᓗ ᐅᖃᐅᓯᕐᒥᒃᑎᒍᑦ ᐱᓂᐊᕐᓂᕐᒥᒃᑎᒍᓪᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:20

ᓯᓚᕐᔪᐊᕐᒥᐅᓪᓕ ᐃᓄᖏᑕ ᐃᓚᖏᑦ, ᑖᒃᑯᓄᖓ ᐊᓯᕈᕐᓇᕐᑐᓄᑦ ᑐᖁᑕᐅᖏᑦᑐᑦ, ᓱᓕ ᖃᕿᐊᓕᓐᖏᓚᑦ ᓴᓇᓯᒪᔭᒥᖕᓂᑦ ᑐᒃᓯᐊᕐᕕᒋᕙᒃᑕᒥᖕᓂᓪᓗ ᐊᓂᕐᓂᕐᓗᖕᓄᑦ, ᒎᑎᓐᖑᐊᒥᖕᓂᓪᓗ ᒎᓗᓂᑦ ᓯᐅᓪᕕᕆᓂᑦ, ᑲᓐᓄᔭᓂᑦ, ᐅᔭᕋᖕᓂᑦ, ᕿᔪᖕᓂᓪᓗ, ᑕᑯᔪᓐᓇᖏᑦᑐᓂᑦ ᑐᓵᔪᓐᓇᖏᑦᑐᓂᑦ ᐱᓱᒍᓐᓇᖏᑦᑐᓂᓪᓗ;