ᔪᐊᓇᓯᐅᑉ ᑕᑯᑎᑕᐅᓂᖏᑦ 9:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐅᓪᓗᕆᐊᓪᓗ ᐃᑎᕐᓴᕐᔪᐊᖅ ᓇᑎᖃᖏᑦᑐᖅ ᐅᒃᑯᐃᕐᐹ, ᐃᓯᕐᓗᒡᓗ ᓴᖅᑭᑉᐳᖅ ᐃᓗᐊᓂᑦ ᐃᑯᐊᓚᑦᓯᕕᒡᔪᐊᕐᒥᑦ ᐳᔫᕐᑐᑎᑐᑦ ᑍᒤᑦᑐᖅ, ᓯᕿᓂᕐᓗ ᓯᓚᓗ ᑖᕐᓯᑎᑕᐅᕘᒃ ᐃᑎᕐᓴᕐᔪᐊᑉ ᐃᓯᕐᓗᖓᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:2 Iomraidhean Croise

ᒨᓯᓯ ᓯᕗᓪᓖᑦ 15:17

ᓯᕿᓂᕐᓕ ᓂᐱᓯᒪᓕᕐᑎᓪᓗᒍ ᑖᕐᓯᖕᒪᑦ, ᑕᑯᒋᑦ, ᐃᑯᒪᔪᒥᒃ ᐳᔫᕐᑐᒥᒡᓗ ᐃᑯᐊᓚᔪᒥᒃ ᓇᓂᕈᐊᕐᒥᒃ ᓴᖅᑭᑦᑐᖃᕐᐳᖅ ᐆᒪᔪᕕᓃᓪᓗ ᐊᒡᒍᕐᓯᒪᔪᑦ ᖁᓛᑦᑎᒎᕐᓗᓂ.

ᒨᓯᓯ ᓯᕗᓪᓖᑦ 19:28

ᐳᕐᑐᔪᒥᑦ ᐊᒻᒧᑦ ᑕᑯᓐᓇᕋᒥᒋᑦ ᓱᑑᒪ ᒍᒨᕋᓗ ᓄᓇᓕᒫᕐᓗ ᓇᕐᓴᖅ, ᑕᑯᕚ ᐳᔪᖅ ᖁᒻᒧᐊᒃᑐᖅ ᓲᕐᓗ ᐃᑯᐊᓚᑦᓯᕕᐊᓗᖕᒥᑦ ᐳᔫᕐᑐᖅ.

ᒨᓯᓯ ᐂᑉᐸᖏᑦ 19:18

ᖃᖅᑳᓘᓪᓗ ᓮᓁᑉ ᖄᖓ ᐳᔪᕐᒧᑦ ᐅᓕᒃᓯᒪᕗᖅ ᐊᑕᓂᐅᑉ ᐊᖅᑲᕐᕕᒋᖕᒪᒍ ᐃᑯᐊᓚᔪᒧᑦ. ᐳᔪᖓᓗ ᖁᒻᒧᐊᒃᐳᖅ ᐃᒐᐅᑉ ᐳᔪᖓᑎᑐᑦ, ᐃᓄᐃᓪᓗ ᓴᔪᒃᐳᑦ ᐊᖏᔪᒥᒃ.

ᐂᓮᐊᓯᐅᑉ ᐊᒡᓚᖏᑦ 14:31

ᓂᐱᖃᕐᓗᓯ ᕿᐊᓕᕆᑦᓯ, ᐃᑎᕐᑕᕐᕕᐅᔪᓯ ᐃᒡᓗᒐᓴᒡᔪᐊᓄᑦ, ᕿᐊᒋᑦᓯ ᐃᒡᓗᒐᓴᒡᔪᐊᖑᔪᓯ; ᓯᕘᕋᓕᕆᑦᓯ, ᐱᓕᔅᑎᐊᒥᐅᖑᔪᓯ, ᐳᔪᖅ ᐅᓐᓄᐊᓪᓗᐊᑉ ᓇᓛᓂᑦ ᓴᖅᑭᑦᓱᒫᕐᐳᖅ, ᐅᓇᑕᕐᑐᒃᓴᒐᓴᒡᔪᐊᑦ ᓯᕘᕋᒋᔭᖃᖏᑦᑐᑦ ᐳᔫᕐᑎᑕᖓᑦ.”

ᑖᓂᐊᓕᐅᑉ ᐊᒡᓚᖏᑦ 3:6

ᓇᓪᓕᐊᑦ ᐹᒻᒪᒃᑎᖏᑦᑐᖅ ᑐᒃᓯᐊᕐᓇᓂᓗ, ᑕᕝᕔᓐᓇᖅ ᐃᒋᑕᐅᓂᐊᕐᐳᖅ ᐃᑯᒪᒧᑦ ᐃᑯᐊᓚᔪᒧᑦ.”

ᔪᐃᓕᐅᑉ ᐊᒡᓚᖏᑦ 2:10

ᓄᓇᕐᔪᐊᕐᓗ ᓴᔪᒃᑎᑉᐹᑦ, ᕿᓔᓪᓗ ᓴᔪᒃᐳᑦ; ᓯᕿᓂᕐᓗ ᑕᖅᑭᕐᓗ ᑖᕐᓯᕘᒃ, ᐅᓪᓗᕆᐊᓪᓗ ᖃᐅᒪᔫᓐᓃᕐᐳᑦ.

ᔪᐃᓕᐅᑉ ᐊᒡᓚᖏᑦ 2:2

ᐅᓪᓗᖅ ᑖᕐᓯᔪᒫᕐᒪᑦ ᑲᑉᐱᐊᓇᕐᓗᓂᓗ, ᐅᓪᓗᖅ ᑖᕐᓯᔪᒫᕐᒪᑦ ᓄᕗᔭᓗᓂᓗ. ᐱᒡᓕᕐᑕᐅᔮᕐᑐᑦ ᐅᓄᕐᑐᕐᔪᐊᑦ ᑖᕐᓯᑎᑦᓯᔪᒫᕐᐳᑦ ᖃᖅᑲᒥᒃ, ᐊᔪᖏᑦᑐᕐᔪᐊᑦ ᐱᔪᓐᓇᕐᑐᕐᔪᐊᓪᓗ ᐊᑭᕅᑦ ᑎᑭᑦᓱᒫᕐᐳᑦ, ᑍᒫᒃ ᐱᔪᖃᓚᐅᕐᓯᒪᓐᖏᓚᖅ ᑍᒤᑦᑐᖃᓚᐅᕐᓯᒪᓂᐊᕋᓂᓗ ᒪᑐᒪ ᑭᖑᓂᐊᒍᑦ.

ᔪᐃᓕᐅᑉ ᐊᒡᓚᖏᑦ 2:30

ᑲᒪᓇᕐᑐᓂᒃ ᓇᓗᓇᕐᑐᓂᒡᓗ ᑕᑯᒃᓴᐅᑎᑦᓯᔪᒫᕐᐳᖓ ᕿᓚᖕᒥ ᓄᓇᒥᓗ, ᐊᐅᖕᒥᒃ ᐃᑯᒪᒥᒃ ᐃᓯᕐᓗᒡᔪᐊᒥᒡᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 2:19

ᑲᒪᓇᕐᑐᓂᒡᓗ ᑕᑯᒃᓴᐅᑎᑦᓯᔪᒫᕐᐳᖓ ᐹᓂ ᕿᓚᖕᒥ ᓇᓗᓁᑯᑕᖃᕐᑎᑦᓯᓗᖓᓗ ᒫᓂ ᓄᓇᒥ, ᐊᐅᖕᒥᒃ, ᐃᑯᒪᒥᒡᓗ, ᐃᓯᕐᓗᒡᔪᐊᒥᒡᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:11

ᐳᔪᕐᓗ ᐋᓐᓂᐊᑎᑕᐅᑦᔪᑎᒋᔭᖓᑦ ᖁᒻᒧᐊᖕᓂᐊᕐᐳᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ; ᑕᕾᕐᓯᕐᕕᒃᓴᖃᕐᓂᐊᓐᖏᓚᑦ, ᐅᓪᓗᒃᑯᑦ ᐅᓐᓄᐊᒃᑯᓪᓗ, ᐆᒪᔪᐊᓗᖕᒥᒃ ᐊᑦᔨᖓᓂᒡᓗ ᓴᓇᓯᒪᔪᒥᒃ ᑐᒃᓯᐊᕐᕕᖃᕐᐸᒃᑐᑦ, ᓇᓗᓁᒃᑯᓯᕐᑕᐅᓯᒪᔪᓕᒫᑦ ᐆᒪᔪᐊᓘᑉ ᐊᑎᖓᑕ ᓇᓗᓁᒃᑯᑕᖓᓂᒃ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:10

ᐂᖏᓖᓪᓗ ᑕᓪᓕᒪᖓᑦᑕ ᖃᓪᓗᑎᓂ ᑯᕕᒋᕚ ᐆᒪᔪᐊᓘᑉ ᐃᒃᓯᕙᐅᑕᕐᔪᐊᖓᓄᑦ, ᐆᒪᔪᐊᓘᓪᓗ ᐊᑕᓂᐅᕕᖓ ᑖᕐᑐᕐᔪᐊᕐᒦᓕᕐᐳᖅ; ᐃᓄᐃᓪᓗ ᐅᖃᕐᒥᖕᓂᒃ ᑭᖕᒥᐊᓕᕐᐳᑦ ᐋᓐᓂᐊᓂᕐᒧᑦ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 8:12

ᑕᕝᕙ ᐂᖏᓕᐅᑉ ᓯᑕᒪᖓᑦᑕ ᑎᑦᑐᓚᐅᑦ ᓂᓪᓕᕐᑎᒻᒪᒍ, ᑕᕝᕙ ᓯᕿᓂᖅ ᐊᕝᕙᖓᑕ ᐅᖓᑖᓄᑦ ᐊᒃᑐᕐᑕᐅᕗᖅ, ᑕᖅᑭᕐᓗ ᐊᕝᕙᖓᑕ ᐅᖓᑖᓄᑦ, ᐅᓪᓗᕆᐊᓪᓗ ᐊᕝᕙᖏᑕ ᐅᖓᑖᓄᑦ, ᖃᐅᒪᓂᖏᓪᓗ ᐃᓚᓐᖓᕐᐳᑦ ᐊᕝᕙᓪᓗᐊᖏᑦᑕ ᐅᖓᑖᓄᑦ ᖃᐅᒪᓂᕆᕙᒃᑕᒥᖕᓂᑦ; ᐅᓪᓘᓪᓗ ᐊᕝᕙᓪᓗᐊᖓᑕ ᐅᖓᑖᓄᑦ ᖃᐅᒪᓂᖓ ᐃᓚᓐᖓᕐᐳᖅ, ᐅᓐᓄᐊᕐᓗᑦᑕᐅᖅ ᐊᕝᕙᖓᑕ ᐅᖓᑖᓄᑦ ᐃᓚᓐᖓᕆᓪᓗᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:1

ᐂᖏᓖᓪᓗ ᑕᓪᓕᒪᖓᑦᑕ ᑎᑦᑐᓚᐅᑦ ᓂᓪᓕᕐᑎᒻᒪᒍ, ᑕᑯᕗᖓ ᐅᓪᓗᕆᐊᒥᒃ ᑲᑕᒃᑐᒥᒃ ᓄᓇᕐᔪᐊᕐᒧᑦ, ᑖᓐᓇᓗ ᑐᓂᔭᐅᕗᖅ ᐃᑎᕐᓴᕐᔪᐊᑉ ᓇᑎᖃᖏᑦᑑᑉ ᐅᒃᑯᐃᕈᑎᖓᓂᒃ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:11

ᑖᒃᑯᐊᓗ ᐊᖓᔪᖅᑳᕐᔪᐊᖃᕐᐳᑦ ᐂᖏᓕᒥᒃ ᐃᑎᕐᓴᕐᔪᐊᕐᒥᑦ ᓇᑎᖃᖏᑦᑐᒥᑦ ᐱᔪᒥᒃ; ᐄᑉᕉᑎᑐᑦ ᐊᑎᖃᕐᐳᖅ ᐊᐸᑖᓐ, ᒍᕇᑭᑎᑐᓪᓗ ᐊᑎᖃᕐᐳᖅ ᐊᐴᓕᐊᓐᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:17

ᑕᑯᑎᑕᐅᓂᒃᑯᓪᓗ ᑕᑯᕙᒃᑲ ᕿᒻᒥᕐᔪᐊᑦ ᖄᖓᓂᓗ ᐃᑭᒪᔪᑦ; ᓴᒡᕕᖕᒥᐅᑕᖃᕐᐳᑦ ᐃᑯᐊᓚᔪᑎᑐᑦ ᐊᐅᐸᕐᑎᒋᔪᓂᒃ ᐅᔭᕋᒃᑎᑐᓪᓗ ᓴᐰᕋᑎᑐᑦ ᑐᖑᔪᕐᑎᒋᔪᓂᒃ, ᐃᑭᓴᕅᑦᑐᑎᑐᓪᓗ ᖁᕐᓱᕐᑎᒋᓪᓗᑎᒃ ᓲᓪᕙᑎᑐᑦ, ᕿᒻᒥᕐᔪᐊᖏᓪᓗ ᓂᐊᖁᖃᕐᐳᑦ ᓔᔭᓐᐅᑉ ᓂᐊᖁᖏᑎᑐᑦ, ᖃᓂᖏᓐᓂᓪᓗ ᐊᓂᔪᖃᕐᐳᖅ ᐃᑯᒪᒥᒃ, ᐃᓯᕐᓗᖕᒥᒡᓗ, ᐳᔪᕐᒥᒡᓗ ᑍᔭᐅᔪᒥᒃ ᓲᓪᕙᒥᒃ.