ᔪᐊᓇᓯᐅᑉ ᑕᑯᑎᑕᐅᓂᖏᑦ 9:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᑕᑯᑎᑕᐅᓂᒃᑯᓪᓗ ᑕᑯᕙᒃᑲ ᕿᒻᒥᕐᔪᐊᑦ ᖄᖓᓂᓗ ᐃᑭᒪᔪᑦ; ᓴᒡᕕᖕᒥᐅᑕᖃᕐᐳᑦ ᐃᑯᐊᓚᔪᑎᑐᑦ ᐊᐅᐸᕐᑎᒋᔪᓂᒃ ᐅᔭᕋᒃᑎᑐᓪᓗ ᓴᐰᕋᑎᑐᑦ ᑐᖑᔪᕐᑎᒋᔪᓂᒃ, ᐃᑭᓴᕅᑦᑐᑎᑐᓪᓗ ᖁᕐᓱᕐᑎᒋᓪᓗᑎᒃ ᓲᓪᕙᑎᑐᑦ, ᕿᒻᒥᕐᔪᐊᖏᓪᓗ ᓂᐊᖁᖃᕐᐳᑦ ᓔᔭᓐᐅᑉ ᓂᐊᖁᖏᑎᑐᑦ, ᖃᓂᖏᓐᓂᓪᓗ ᐊᓂᔪᖃᕐᐳᖅ ᐃᑯᒪᒥᒃ, ᐃᓯᕐᓗᖕᒥᒡᓗ, ᐳᔪᕐᒥᒡᓗ ᑍᔭᐅᔪᒥᒃ ᓲᓪᕙᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:17 Iomraidhean Croise

ᒨᓯᓯ ᓯᕗᓪᓖᑦ 19:24

ᑕᕝᕙᓕ ᐊᑕᓂᖅ ᑲᑕᒐᕐᑎᑦᓯᓕᕐᐳᖅ ᐃᒃᑭᕆᒃᑐᓂᒃ ᐃᑯᒪᒥᒡᓗ ᐃᒡᓗᒐᓴᖕᓄᑦ ᓱᑑᒪᒧᑦ ᒍᒨᕋᒧᓪᓗ ᐊᑕᓂᕐᒥᑦ ᕿᓚᖕᒥᑦ ᐱᔪᓂᒃ.

ᑯᕉᓂᑲ ᓯᕗᓪᓖᑦ 12:8

ᒑᑎᒥᐅᓂᑦ ᐃᓚᓕᐅᑎᔪᖃᓚᐅᕆᕗᖅ ᑍᕕᑎᒧᑦ ᐱᔭᐅᑦᑍᓕᕕᖓᓂ ᐃᓄᖃᔪᐃᑦᑐᒥ ᐊᔪᖏᑦᑐᕐᔪᐊᓂᒃ ᓯᕘᕋᖏᑦᑐᓂᒃ, ᐅᓇᑕᓕᒪᑦᓯᐊᕐᑐᓂᒃ, ᓴᐴᓗᑕᕐᓂᒃ ᑲᓗᒋᐊᓂᒡᓗ ᐊᑐᕆᐊᒃᓴᖅ ᖃᐅᔨᒪᑦᓯᐊᕐᑐᓂᒃ, ᑮᓇᖏᑦ ᓛᔭᑎᑐᑦ ᑕᐅᑦᑐᓕᖕᓂᒃ, ᑐᒃᑑᔮᕐᑐᑎᑐᓪᓗ ᖃᖅᑲᒥᐅᑕᑎᑐᑦ ᐊᐅᓚᑦᔭᑦᑎᐊᕆᒃᑎᒋᔪᓂᒃ:

ᐃᓐᖏᕈᑎᑦ 11:6

ᓯᓚᓗᒃᑐᑎᑐᑦ ᑲᑕᒐᕐᑎᑦᓯᔪᒫᕐᐳᖅ ᐊᐅᒫᓗᖕᓂᒃ; ᐃᑯᒪᓗ ᐅᕐᓱᕈᑎᖃᕐᑐᖅ ᐊᓄᕆᓗ ᐃᑯᐊᓚᔪᖅ ᐃᕐᖑᓯᖏᑕ ᐃᒪᒃᓴᕆᕔᑦ.

ᐂᓮᐊᓯᐅᑉ ᐊᒡᓚᖏᑦ 30:33

ᑍᑦᓱᒪᓂᐊᓗᖕᓂᑦ ᐊᑐᐃᓐᓇᕈᐃᓯᒪᓚᐅᕐᒪᑦ ᐃᑯᐊᓚᑦᓯᕕᒃᔪᐊᒃᓴᒥᒃ; ᐃᓛᒃ ᐊᖓᔪᖅᑳᕐᔪᐊᖓᑦᑕ ᐃᑯᐊᓪᓚᒃᑕᐅᕕᒃᓴᖓᓂᒃ, ᐃᓗᑐᔫᓪᓗᓂ ᓴᓂᒧᑐᔫᓪᓗᓂᓗ, ᐃᑯᐊᓪᓚᖅᑯᑎᒃᓴᖏᑦ ᕿᔪᐃᑦ ᐊᒥᒐᕋᑎᒃ; ᐊᑕᓂᐅᑉ ᐊᓂᕐᓵᕐᓂᖓᑕ ᐃᑯᒪᕐᔪᐊᒥᒃ ᑰᒃᑐᑎᑐᑦ ᐃᑯᐊᓪᓚᒃᑎᑦᓱᒫᕐᐹ.

ᐃᓯᑭᐊᓕᐅᑉ ᐊᒡᓚᖏᑦ 33:22

ᐊᖑᑎᐅᑉ ᕾᕕᒋᓂᐊᕐᑕᖓᑕ ᓯᕗᓂᖓᓂ, ᐅᓐᓄᒃᑯᑦ ᐊᑕᓂᐅᑉ ᐱᔪᓐᓇᕐᓂᖓᓄᑦ ᓇᔪᕐᑕᐅᓚᐅᕐᐳᖓ; ᐊᖑᑦ ᐅᓪᓛᓐᖑᕐᑎᓪᓗᒍ ᐅᕙᓐᓄᑦ ᕾᖕᒪᑦ ᐊᑕᓂᐅᑉ ᖃᓂᕋ ᒪᑐᐃᕐᐹ; ᑕᕝᕙ ᖃᓂᕋ ᒪᑐᐃᓚᐅᕐᐳᖅ ᐅᖃᕈᓐᓁᓪᓕᓯᒪᔪᓐᓃᕐᓗᖓᓗ.

ᑖᓂᐊᓕᐅᑉ ᐊᒡᓚᖏᑦ 8:2

ᑕᑯᑎᑕᐅᓪᓗᖓ, ᐅᕙᓐᓂᒃ ᑕᑯᓚᐅᕐᐳᖓ ᐊᖓᔪᖅᑳᕐᔪᐊᑉ ᐃᒡᓗᖓᓃᓪᓗᖓ ᓄᓇᒥ ᓲᓴᒥ ᓄᓇᐅᑉ ᐊᕕᒃᑐᕐᓯᒪᓂᖓᑕ ᐃᓚᖓᓂ ᐊᑎᖃᕐᑐᒥ ᐃᓛᒥᒥᒃ, ᑕᑯᑎᑕᐅᓪᓗᖓ ᑰᑉ ᐊᑎᖃᕐᑑᑉ ᐅᓔᒥᒃ ᓯᓈᓂᓚᐅᕐᐳᖓ.

ᑖᓂᐊᓕᐅᑉ ᐊᒡᓚᖏᑦ 9:21

ᑐᒃᓯᐊᕐᑎᓪᓗᖓ ᓱᓕ, ᒊᐳᕆᐅᓕ, ᐊᖑᑦ ᑕᑯᓚᐅᕐᑕᕋ ᑕᑯᑎᑕᐅᓂᕐᒥ ᓯᕗᓪᓕᕐᒥᒃ, ᕾᕗᖅ ᓱᒃᑲᓕᔪᒥᒃ ᖃᖓᑕᓪᓗᓂ, ᐅᓐᓄᒃᓯᐅᑎᒥᒃ ᑐᓂᕐᕈᓯᕐᓂᖅ ᓇᓪᓕᐅᑎᓪᓗᐊᕐᑎᓪᓗᒍ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:5

ᑖᒃᑯᐊᒡᓕ ᓇᓪᓕᐊᓐᓄᑦ ᐊᓯᕈᕐᑕᐅᓇᓱᐊᕐᐸᑎᒃ, ᐃᑯᒪᒥᒃ ᐋᓐᓂᑎᑦᓯᔪᓐᓇᕐᐴᒃ ᖃᓂᕐᒥᖕᓂᑦ ᐊᑭᕋᕐᑐᕐᑎᑎᒃ ᓄᖑᓪᓗᒋᑦ; ᓇᓪᓕᐊᑦ ᑖᒃᑯᖕᓂᖓ ᐊᓯᕈᐃᓇᓱᐊᕐᑐᖅ ᑍᒫᒃ ᑐᖁᑕᐅᔪᒃᓴᐅᕗᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:10

ᑖᓐᓇᑦᑕᐅᖅ ᐃᒥᕐᑐᒃᓴᐅᕗᖅ ᐅᐂᓂᒥᒃ ᒎᑎᐅᑉ ᓂᓐᖓᐅᓯᖓᓂᒃ ᐃᒪᓕᖕᒥᒃ, ᑯᕕᔭᐅᓯᒪᔪᒥᒃ ᓴᓐᖐᓕᒋᐊᕐᓯᒪᖏᑦᑐᒥᒃ ᒎᑎᐅᑉ ᓂᓐᖓᐅᓯᖓᑕ ᖃᓪᓗᑎᖓᓄᑦ, ᐋᓐᓂᐊᑎᑕᐅᔪᒫᕐᐳᖅ ᐃᑯᒪᒧᑦ ᐳᔪᕐᒧᓪᓗ ᐃᑯᐊᓪᓚᕆᒃᑐᒧᑦ ᖃᒃᑭᓐᓇᕐᑐᒧᑦ ᐂᖏᓖᑦ ᐃᑦᔪᕐᓁᑦᑐᑦ ᓄᕐᕋᐅᔭᐅᓪᓗ ᓵᖓᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:20

ᐆᒪᔪᐊᓗᒡᓗ ᓵᓚᐅᓪᓗᓂ ᑎᒍᔭᐅᕗᖅ ᐊᑦᓱᖏᕐᑕᐅᓪᓗᓂᓗ, ᓇᓚᐅᑦᑍᓂᕐᓗᒃᑐᓪᓗ ᑎᒍᔭᐅᖃᑕᐅᕗᑦ ᑖᑦᓱᒪ ᓵᖓᓂ ᑲᒪᓇᕐᑐᓕᖃᑦᑕᐅᓚᕐᑐᑦ ᑲᒪᓇᕐᑐᓕᓂᕐᒥᓄᓪᓗ ᑕᒻᒪᕐᑎᑦᓯᓚᐅᕐᑐᑦ ᐆᒪᔪᐊᓘᑉ ᓇᓗᓁᒃᑯᑕᖓᓂᒃ ᓇᓗᓁᒃᑯᓯᕐᓯᒪᔪᓂᒃ ᑐᒃᓯᐊᕐᕕᖃᖃᑦᑕᓚᐅᕐᑐᓪᓗ ᐆᒪᔪᐊᓘᑉ ᐊᑦᔨᖓᓂᒃ ᓴᓇᓯᒪᔪᒥᒃ. ᑖᒃᑯᐊᒡᓗ ᑕᒪᕐᒥᒃ ᐃᒋᑕᐅᕘᒃ ᐆᒪᑎᓪᓗᒋᒃ ᑕᓯᕐᒧᑦ ᐃᑯᒪᕐᔪᐊᕐᒧᑦ ᐃᒃᑭᕆᒃᑐᕐᔪᐊᕐᒥᒃ ᓲᓪᕙᒥᒃ ᐃᑯᒪᔪᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:10

ᑕᕝᕙ ᓵᑖᓇᓯ ᑖᒃᑯᓂᖓ ᑕᒻᒪᕐᑎᑦᓯᓚᐅᕐᑐᖅ ᐃᒋᑕᐅᔪᒫᕐᐳᖅ ᑕᓯᕐᔪᐊᒧᑦ ᐃᒃᑭᕆᑦᑐᕐᔪᐊᒥᒃ ᓲᓪᕕᕆᒧᑦ ᐃᑯᒪᔪᒧᑦ ᑕᕝᕙᓂ ᐆᒪᔪᐊᓘᑉ ᓇᓚᐅᑦᑍᓂᕐᓗᒃᑑᓪᓗ ᐃᒋᑕᐅᕕᒋᓯᒪᔭᖓᓄᑦ, ᑖᒃᑯᐊᓗ ᑕᕝᕙᓂ ᐋᓐᓂᐊᑎᑕᐅᔪᒫᕐᐳᑦ ᐅᓪᓗᖅ ᐅᓐᓄᐊᕐᓗ ᓈᓗᒋᒃ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:20

ᑕᓪᓕᒪᖓᑦ ᓴᕐᑑᓂᒃᓯᐅᕗᖅ, ᐱᖓᓲᔪᕐᑐᖓᑦ ᑳᕐᓃᓕᐊᖑᕗᖅ, 7ᖓᑦ ᑯᕌᓱᓔᑎᐅᕗᖅ, ᓯᑕᒪᐅᔪᕐᑐᖓᑦ ᐱᕅᓕᐅᕗᖅ, 9ᖓᑦ ᑑᐹᑦᓯᐅᕗᖅ, ᖁᓕᖓᑦ ᑯᕅᓱᐸᕅᓯᐅᕗᖅ, 11ᖓᑦ ᔮᓯᓂᑎᐅᕗᖅ, 12ᖓᑦ ᐋᒥᑎᔅᑎᐅᕗᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:8

ᓯᕘᕋᓂᕐᒧᓪᓕ ᓯᕗᒧᒍᓐᓃᕐᑐᑦ, ᐅᒃᐱᖏᑦᑐᑦ, ᐃᒃᓯᒎᕐᓂᕐᒧᑦ ᓱᕈᕐᑎᕐᓯᒪᔪᑦ, ᐃᓄᐊᕐᑏᑦ, ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐊᖓᒃᑰᓇᓱᐊᕐᑏᑦ, ᒎᑎᐅᓐᖑᐊᓖᑦ, ᓴᒡᓗᑐᔪᓪᓗ, ᑖᒃᑯᐊ ᐃᓂᖃᕈᒫᕐᐳᑦ ᑕᓯᕐᒥ ᐃᑯᒪᕐᔪᐊᕐᒥ ᐃᒃᑭᕆᒃᑐᕐᔪᐊᕐᒧᑦ ᓲᓪᕕᒧᑦ ᐃᑯᒪᔪᒧᑦ, ᑕᒪᓐᓇ ᑕᕝᕙ ᑐᖂᑉ ᐂᑉᐸᖓ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:18

ᓯᓚᕐᔪᐊᒥᐅᓪᓗ ᐃᓄᖏᑦ ᐱᖓᓲᓕᒐᔭᕐᐸᑕ ᐱᖓᔪᖏᑦ ᑐᖁᑕᐅᕗᑦ ᑖᒃᑯᓄᖓ ᐊᓯᕈᕐᓇᕐᑐᓄᑦ ᐱᖓᓱᓄᑦ; ᐃᑯᒪᒧᑦ, ᐃᓯᕐᓗᖕᒧᓪᓗ, ᐳᔪᕐᒧᓪᓗ ᓲᓪᕙᒧᑦ ᕿᒻᒥᕐᔪᐊᑦ ᖃᓂᖏᓐᓂᑦ ᐊᓂᔪᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:9

ᓴᒡᕕᖕᒥᒃᑎᒍᓪᓗ ᓴᕕᕋᔭᐅᔮᕐᑐᒥᒃ ᓴᒡᕕᖕᒥᐅᑕᖃᕐᐳᑦ, ᐃᓴᕈᖏᑕᓗ ᐃᓴᕈᕐᓱᕐᓂᖏᑦ ᑐᓴᕐᓴᐅᓂᖃᕐᐳᑦ ᐊᒃᓴᓗᐊᓖᑦ ᑲᓕᒊᑦ ᐊᒥᓱᑦ ᕿᒻᒥᕐᔪᐊᒐᓴᒡᔪᐊᓪᓗ ᐅᓇᑕᕆᐊᓕᕐᓂᖏᑎᑐᑦ.