ᔪᐊᓇᓯᐅᑉ ᑕᑯᑎᑕᐅᓂᖏᑦ 8:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᓯᕗᓪᓕᕐᐹᓪᓗ ᐂᖏᓕᐅᑉ ᑎᑦᑐᓚᐅᑦ ᓂᓪᓕᕐᑎᒻᒪᒍ, ᓇᑕᖅᑯᕐᓁᑦ ᐃᑯᒤᓪᓗ, ᐊᐅᒥᒃ ᐃᓚᖃᕐᓗᑎᒃ, ᓄᓇᕐᔪᐊᕐᒧᑦ ᑲᑕᒐᓕᕐᐳᑦ; ᓄᓇᕐᔪᐊᕐᓗ ᐊᕝᕙᖓᑕ ᐅᖓᑖᓄᑦ ᐃᑭᑕᐅᕗᖅ, ᓇᐹᕐᑐᐃᓪᓗ ᐊᕝᕙᖏᑕ ᐅᖓᑖᓄᑦ ᐃᑯᐊᓪᓚᒃᑭᕗᑦ, ᐃᕕᒃᓱᒐᓕᒫᓪᓗ ᑐᖑᔪᕐᑐᑦ ᐃᑯᐊᓪᓚᒃᑕᐅᒋᕗᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 8:7 Iomraidhean Croise

ᐃᓐᖏᕈᑎᑦ 105:32

ᓇᑕᖅᑯᕐᓇᕐᕕᐅᑎᓚᐅᕐᐰᑦ ᓯᓚᓗᒃᓯᐅᕐᑐᑎᑐᑦ, ᐃᑯᒤᓪᓗ ᐃᑯᐊᓚᔪᑦ ᓄᓇᖏᓐᓄᑦ ᑲᑕᒐᓚᐅᕆᕗᑦ ᑲᓪᓕᕐᑐᑎᑐᑦ.

ᒨᓯᓯ ᐂᑉᐸᖏᑦ 9:33

ᑕᕝᕙ ᒨᓯᓯ ᐰᕉᒥᑦ ᕿᒪᕉᑎᒐᒥ ᐃᒡᓗᒐᓮᑦ ᓯᓚᑖᓄᐊᕐᐳᖅ, ᑕᓕᓂᓗ ᐃᓴᒃᐹ ᑐᒃᓯᐊᕐᓗᓂ ᐊᑕᓂᕐᒧᑦ; ᑕᕝᕙ ᖃᐅᒻᒪᓪᓚᒃ ᓄᖅᑲᕐᐳᖅ ᓇᑕᖅᑯᕐᓇᕈᓐᓃᓗᓂᓗ, ᓯᓚᓗᒍᓐᓃᕐᐳᕐᓗ ᓄᓇᒧᑦ.

ᐂᓮᐊᓯᐅᑉ ᐊᒡᓚᖏᑦ 28:2

ᑕᑯᒋᑦ, ᐊᑕᓂᖅ ᓂᕈᐊᕐᓯᓯᒪᓕᕇᕐᐳᖅ ᓴᓐᖏᔪᕐᔪᐊᒥᒃ ᓯᕘᕋᔪᐃᑦᑐᒥᒃ; ᑎᑭᑲᓪᓚᒍᓐᓇᕐᑐᒥᒃ ᓇᑕᖅᑯᕐᓇᓕᕐᑐᑎᑐᑦ ᐊᖅᑯᓇᕐᔪᐊᑎᑐᓪᓗ, ᓯᓚᓗᕕᒡᔪᐊᕐᑐᑎᑐᓪᓗ, ᐅᓗᑦᔭᐅᔪᑐᓪᓘᓐᓃᑦ, ᑖᑦᓱᒪ ᓄᓇᕐᔪᐊᖅ ᑕᒪᒃᑯᓂᖓ ᑎᑭᑕᐅᑎᑦᓱᒫᕐᐹ ᑲᑉᐱᐊᓇᕐᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 29:6

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᑎᑭᕝᕕᒋᔪᒫᕐᐹᓯ ᑲᓪᓕᕐᒧᑦ, ᓄᓇᐅᓪᓗ ᓴᔪᒃᐱᓗᖕᓂᖓᓄᑦ, ᓂᐱᖅᑯᕐᑐᔪᕐᔪᐊᒧᓪᓗ, ᐊᓄᕆᕐᔪᐊᒧᓪᓗ ᑬᕙᑦᑐᒧᑦ, ᐊᖅᑯᓇᕐᔪᐊᒧᓪᓗ, ᐃᑯᐊᓚᔪᕐᔪᐊᒧᓪᓗ ᓄᖒᑦᓯᔪᒧᑦ.

ᐂᓮᐊᓯᐅᑉ ᐊᒡᓚᖏᑦ 30:30

ᐊᑕᓂᐅᑉ ᓂᐱᓂ ᑲᒪᓇᕐᑐᕐᔪᐊᖅ ᑐᓴᕐᓴᐅᑎᑦᓱᒫᕐᐹ, ᑕᓕᖓᑕᓗ ᑎᒡᓗᒃᓯᓂᖓ ᑕᑯᒃᓴᐅᑎᓪᓗᒍ, ᓂᓐᖓᐅᒪᓂᕐᔪᐊᒃᑯᑦ ᐃᑯᒪᒃᑯᓪᓗ ᓄᖒᑦᓯᔪᒃᑯᑦ, ᑕᑯᒃᓴᐅᓂᖃᕐᓗᓂ ᓄᕗᔭᕐᔪᐊᒥᒃ ᓯᓚᕐᓂᕐᓗᒡᔪᐊᒥᒡᓗ ᓇᑕᖅᑯᕐᓇᕐᔪᐊᕐᓗᓂᓗ.

ᐂᓮᐊᓯᐅᑉ ᐊᒡᓚᖏᑦ 32:19

ᓇᑕᖅᑯᕐᓇᓄᑦ ᓇᐹᕐᑐᒐᓴᒡᔪᐊᑦ ᐅᕉᕋᕐᑎᑕᐅᒐᓗᐊᕐᐸᑕ, ᐃᒡᓗᒐᓴᒡᔪᐊᓪᓗ ᓯᖁᑦᑎᕐᑕᐅᒐᓗᐊᕐᐸᑕ ᑲᓐᖑᓇᕐᑐᒦᑎᑕᐅᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 38:22

ᓱᒋᐊᕈᒫᕐᐸᒃᑲ ᖃᓂᒪᓇᕐᑐᓄᑦ ᑐᖁᕋᐅᑎᓂᕐᓄᓪᓗ; ᓯᓚᓗᒡᕕᐅᑎᑦᓱᒫᕐᐸᒃᑲ ᐅᓇᑕᕐᑎᖁᑎᖏᓪᓗ ᐃᓅᖃᑎᒌᒡᔪᐊᓂᓪᓗ ᑕᐱᕐᑖᕆᓯᒪᔭᖏᑦ ᐃᓚᒋᔭᖏᑦ, ᓯᓚᓗᒡᔪᐊᒧᑦ ᓇᑕᖅᑯᕐᓇᓄᓪᓗ, ᐃᑯᒪᓄᑦ ᐊᐅᒪᓄᓪᓗ.

ᔪᐃᓕᐅᑉ ᐊᒡᓚᖏᑦ 2:30

ᑲᒪᓇᕐᑐᓂᒃ ᓇᓗᓇᕐᑐᓂᒡᓗ ᑕᑯᒃᓴᐅᑎᑦᓯᔪᒫᕐᐳᖓ ᕿᓚᖕᒥ ᓄᓇᒥᓗ, ᐊᐅᖕᒥᒃ ᐃᑯᒪᒥᒃ ᐃᓯᕐᓗᒡᔪᐊᒥᒡᓗ.

ᔧᒥᓯᐅᑉ ᐊᒡᓚᖏᑦ 1:11

ᓯᕿᓂᖅ ᓴᖅᑭᒻᒪᑦ ᑭᐊᒃᐸᓗᒻᒪᕆᒡᓗᓂ ᐱᕈᕐᑐᑦ ᐆᑕᐅᕗᑦ; ᓄᓇᕋᖏᓪᓗ ᓄᕗᖏᓐᓃᑦᑐᑦ ᑲᑕᒐᕐᐳᑦ, ᑕᑯᒥᓇᕐᓂᖏᓪᓗ ᓄᖑᑕᐅᕗᑦ. ᑍᒫᒃᑕᐅᖅ ᐃᓄᒃ ᐊᔪᕐᓴᓐᖏᑦᑐᖅ ᐱᓇᓱᐊᒐᕐᒥᓂᒃ ᐱᓇᓱᐊᕐᑎᓪᓗᒍ ᑐᖁᓕᔪᒫᕆᕗᖅ.

ᔮᓱᐊᑉ ᐊᒡᓚᖏᑦ 10:11

ᐊᒧᕅᑎᒥᐅᑦ ᕿᒫᑎᓪᓗᒋᑦ ᐃᓴᕆᐊᓕᒥᐅᓂᒃ, ᐊᖅᑲᕐᑎᓕᕐᑎᓪᓗᒋᑦ ᐱᑦ-ᕼᐅᕋᓐᒥᑦ, ᐊᑕᓂᖅ ᓇᑕᖅᑯᕐᓇᕐᔪᐊᓂᒃ ᐊᖏᔫᑎᓂᒃ ᕿᓚᖕᒥᑦ ᑲᑕᒐᕐᑎᑦᓯᕗᖅ ᓄᓇ ᐊᔨᑲ ᑎᑭᓪᓗᒍ, ᑖᒃᑯᐊᓗ ᑐᖁᑕᐅᓚᐅᕐᐳᑦ ᑕᒪᒃᑯᓄᖓ; ᓇᑕᖅᑯᕐᓇᕐᔪᐊᓄᑦ ᑐᖁᑕᐅᔪᑦ ᐅᓄᕐᓂᕐᓴᐅᓚᐅᕐᐳᖅ ᐃᓴᕆᐊᓕᒥᐅᓂᑦ ᓴᕕᒡᔪᐊᒧᑦ ᑐᖁᑕᐅᔪᓂᑦ.

ᐲᑦᑐᕉᓯ ᓯᕗᓪᓖᑦ 1:24

ᐊᒡᓔᑦ ᐅᖃᕐᒪᑕ, “ᐃᓄᓕᒫᑦ ᐃᕕᒃᓱᒐᕐᑎᑐᑦ ᑍᒤᑉᐳᑦ, ᑕᑯᒥᓇᕐᓂᖏᓪᓗ ᓄᓇᕋᕐᑎᑐᑦ ᑍᒤᑦᑑᓪᓗᑎᒃ; ᐃᕕᒃᓱᒃᑲᑦ ᐸᓂᓕᕐᐳᑦ ᐱᕈᕐᑐᓪᓗ ᑐᖁᓕᓪᓗᑎᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:4

ᐅᓪᓗᕆᐊᓪᓗ ᐱᖓᓱᐃᓕᓪᓗᒋᑦ ᐱᖓᔪᖏᑦ ᐸᒥᐅᕐᒥᓄᑦ ᑏᒐᕐᐰᑦ ᕿᓚᖕᒥ, ᓄᓇᕐᔪᐊᕐᒧᓪᓗ ᑲᑕᒃᑎᓪᓗᒋᑦ. ᑐᕌᒎᓂᓗ ᐊᕐᓇᐅᑉ ᐃᕐᓂᓱᒃᑑᑉ ᓵᖓᓃᓕᕐᐳᖅ, ᐃᕐᓂᐊᕆᔭᖓᓂᒃ ᓂᕆᔪᒪᓪᓗᓂ ᐊᓂᑐᐊᕐᐸᑦ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:2

ᐂᖏᓕᐅᓪᓗ ᓯᕗᓕᕐᐹᑉ ᖃᓪᓗᑎᓂ ᑯᕕᕚ ᓄᓇᕐᔪᐊᕐᒧᑦ, ᑕᕝᕙ ᐃᓄᐃᑦ ᑕᑯᒥᓁᑦᑐᓄᑦ ᐊᔪᐊᕐᓄᓪᓗ ᐋᓐᓂᐊᓇᕐᑐᕐᔪᐊᓄᑦ ᑎᑭᑕᐅᕗᑦ ᐆᒪᔪᐊᓘᑉ ᓇᓗᓁᒃᑯᑕᖓᓂᒃ ᓇᓗᓁᒃᑯᑕᖃᕐᑐᑦ ᐊᑦᔨᓐᖑᐊᖓᓄᓪᓗ ᓴᓇᓯᒪᔪᒧᑦ ᑐᒃᓯᐊᕐᕕᖃᖃᑦᑕᕐᑐᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:21

ᓇᑕᖅᑯᕐᓇᕐᔪᐊᓪᓗ ᐊᑐᓂᑦ ᐅᖁᒤᓐᓂᖃᕐᑐᑦ 100ᓂᒃ, ᐃᓄᖕᓄᑦ ᑲᑕᒐᕐᐳᑦ ᕿᓚᖕᒥᑦ, ᑕᕝᕙ ᐃᓄᐃᑦ ᒎᑎ ᐅᖃᕐᓂᕐᓗᒡᕕᒋᓕᕐᐹᑦ ᓇᑕᖅᑯᕐᓁᑦ ᐋᓐᓂᕐᓇᕐᑐᐊᓘᓂᖏᑦ ᐱᑦᔪᑎᒋᓪᓗᒋᑦ, ᑕᒪᓐᓇ ᐊᖏᔪᒥᒃ ᐋᓐᓂᐊᓇᕐᑐᕐᔪᐊᖑᖕᒪᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 6:8

ᑕᑯᕗᖓᓗ, ᑕᑯᒋᑦ, ᕿᒻᒥᕐᔪᐊᒥᒃ ᑐᖁᖓᔪᑎᑐᑦ ᖃᑯᐊᖓᔪᒥᒃ, ᑕᕝᕙᓂᓗ ᐃᑭᒪᔪᖅ ᐊᑎᖃᕐᐳᖅ ᑐᖁᒥᒃ, ᑐᖁᖓᔪᓪᓗ ᐃᓂᖏᑕ ᑭᖑᓂᑦᓯᐊᖓᓂ ᒫᓕᒃᐹ; ᑖᒃᑯᐊᓗ ᐱᔪᓐᓇᕐᓂᕐᑖᕐᑎᑕᐅᕗᑦ ᓄᓇᕐᔪᐊᕐᒥᐅᑦ ᐃᓄᖏᑕ ᐊᕝᕙᖏᑕ ᓇᑉᐸᖏᓐᓂᒃ ᑐᖁᑎᑦᓯᖁᓪᓗᒋᑦ ᐅᓇᑕᕐᓂᒃᑯᑦ ᑳᖕᓇᕐᑐᕐᔪᐊᓄᑦ ᐋᓐᓂᐊᓇᕐᑐᓄᑦ ᐆᒪᔪᓄᓪᓗ ᐃᕐᓯᓇᕐᑐᑎᒍᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:1

ᑕᒪᑐᒪ ᑭᖑᕐᖓᒍᑦ ᑕᑯᒋᕗᖓ ᐂᖏᓖᓂᒃ ᓯᑕᒪᓂᒃ ᓇᖏᕐᑐᓂᒃ ᓄᓇᕐᔪᐊᑉ ᑎᓴᒤᓕᖃᖓᕕᖏᓐᓂ, ᑖᒃᑯᐊᓗ ᐊᓄᕆᓂᒃ ᓯᑕᒪᓂᒃ ᓄᓇᕐᔪᐊᑉ ᐊᓄᕌᕐᕕᒋᕙᒃᑕᖏᓐᓂᒃ ᓄᖅᑲᕐᑎᑦᓯᓯᒪᕗᑦ, ᐊᓄᕌᖁᓇᒍ ᓄᓇᕐᔪᐊᕐᒥ ᐃᒫᓂᓗ ᓇᐹᕐᑐᓂᓘᓐᓃᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:15

ᑕᕝᕙ ᐂᖏᓖᑦ ᓯᑕᒪᑦ ᕿᓚᕈᑦᔮᕐᑕᐅᕗᑦ, ᐅᐸᓗᖕᒊᕈᑕᐅᓯᒪᔪᑦ ᐃᑲᕐᕋᕐᒥ ᑕᕝᕙᓂ; ᐅᓪᓗᕐᒥ; ᑕᖅᑭᕐᒥ; ᐊᕐᕌᒍᒥᓗ ᑕᕝᕙᓂ; ᑐᖁᑦᓯᖁᓪᓗᒋᑦ ᓯᓚᕐᔪᐊᑉ ᐃᓄᖏ ᑕᒪᕐᒥᒃ ᐱᖓᓲᓕᓗᒋᑦ ᐊᑕᐅᓯᖅ ᐱᖓᓲᑦᔪᑎᖏᑦ ᑐᖁᑉᐰᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:18

ᓯᓚᕐᔪᐊᒥᐅᓪᓗ ᐃᓄᖏᑦ ᐱᖓᓲᓕᒐᔭᕐᐸᑕ ᐱᖓᔪᖏᑦ ᑐᖁᑕᐅᕗᑦ ᑖᒃᑯᓄᖓ ᐊᓯᕈᕐᓇᕐᑐᓄᑦ ᐱᖓᓱᓄᑦ; ᐃᑯᒪᒧᑦ, ᐃᓯᕐᓗᖕᒧᓪᓗ, ᐳᔪᕐᒧᓪᓗ ᓲᓪᕙᒧᑦ ᕿᒻᒥᕐᔪᐊᑦ ᖃᓂᖏᓐᓂᑦ ᐊᓂᔪᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:4

ᐅᖃᐅᑎᔭᐅᕗᓪᓗ ᐊᓯᕈᐃᖁᓇᒋᑦ ᐃᕕᒃᓱᒐᕐᓂᒃ ᓄᓇᕐᔪᐊᕐᒦᑦᑐᓂᒃ ᑐᖑᔪᕐᑐᓕᒫᓂᒃ ᓇᐹᕐᑐᓂᒡᓗ ᐱᕈᕐᑐᓂᒡᓗ, ᐃᓄᖕᓂᒡᓕ ᑭᓯᐊᓂ ᐊᓯᕈᐃᖁᓪᓗᒋᑦ ᒎᑎᐅᑉ ᓇᕿᑦᔪᑎᖓᓂᒃ ᖃᐅᕐᒥᒍᑦ ᓇᓗᓁᒃᑯᑕᖃᖏᑦᑐᓂᒃ;