ᔪᐊᓇᓯᐅᑉ ᑕᑯᑎᑕᐅᓂᖏᑦ 8:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐂᖏᓕᑦᑕᐅᖅ ᐊᓯᐊ ᑕᒪᐅᓐᖓᕐᐳᖅ ᑐᓂᕐᕈᓯᕐᕕᐅᑉ ᓵᖓᓄᐊᕐᓗᓂ ᒎᓗᒥᒃ ᐳᔫᑦᑎᑦᓯᕕᖕᒥᒃ ᑎᒍᒥᐊᕐᑐᖅ; ᑐᓂᓯᕕᐅᕗᕐᓗ ᐳᔫᕐᑎᑕᒃᓴᖏᓐᓂᒃ ᐊᒥᓱᓂᒃ ᐃᓚᓕᐅᑎᔭᐅᖁᓪᓗᒋᑦ ᐃᑦᔪᕐᓁᑎᑕᐅᓯᒪᔪᓕᒫᑦ ᑐᒃᓯᐊᕐᓂᖏᓐᓄᑦ ᑐᓂᕐᕈᑕᐅᖁᓪᓗᒋᑦ ᒎᓗᒧᑦ ᑐᓂᕐᕈᓯᕐᕕᖕᒧᑦ ᐃᒃᓯᕙᐅᑕᕐᔪᐊᑉ ᓵᖓᓃᑦᑐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 8:3 Iomraidhean Croise

ᐊᑕᓃᑦ ᓯᕗᓪᓖᑦ 7:50

ᐃᕐᖑᓰᓪᓗ, ᖁᓪᓕᕐᒥᒡᓗ ᖃᒥᑦᓯᑦᔪᑏᑦ, ᐴᒍᑍᓪᓗ, ᑎᐱᑦᓯᐊᕆᒃᓴᐅᑏᓪᓗ ᐊᓪᓕᕋᖏᑦ, ᐊᓪᓕᕋᐅᔧᓪᓗ ᕿᔪᒃᓴᓄᑦ ᐴᕆᔭᐅᕙᒃᑐᑦ; ᕿᕕᕐᑕᔫᓪᓗ ᐃᑦᔪᕐᓁᓐᓂᕐᐹᑉ ᐅᒃᑯᐊᖓᑕ ᑎᒍᓕᖏᑦ, ᐃᓗᓪᓕᕐᐹᓪᓗ ᐃᑦᔪᕐᓁᓐᓂᕐᐹᑉ ᐅᒃᑯᐊᖓᑕ ᑎᒍᓕᖏᑦ ᒎᓗᓪᓚᕆᐅᔪᑦ, ᓱᓇᒃᑯᑎᓕᒫᖏᑦ ᑐᒃᓯᐊᕐᕕᒡᔪᐊᓪᓗ ᐃᓗᓪᓚᕆᖓᑕ ᐅᒃᑯᐊᖏᑕ ᑎᒍᓕᖏᑦ ᒎᓗᓪᓚᕆᐅᕗᑦ.

ᐃᓐᖏᕈᑎᑦ 141:2

ᑐᒃᓯᐊᕐᓂᕋ ᐃᓕᖕᓄᑦ ᑐᓂᕐᕈᑎᑐᑦ ᑎᐱᑦᓯᐊᕆᒃᑐᑎᑐᑦ ᑍᒤᓚᐅᕐᓕ, ᐊᒡᒐᖕᒪᓗ ᖁᒻᒧᑦ ᐃᓵᖓᓂᖏᑦ ᐅᓐᓄᒃᑯᑦ ᑐᓂᕐᕈᓯᕈᑕᐅᔪᑎᑐᑦ ᑍᒤᓪᓗᑎᒃ.

ᒨᓯᓯ ᐂᑉᐸᖏᑦ 40:26

ᑐᓂᕐᕈᓯᕐᕕᒡᓗ ᒎᓗ ᑐᐱᐅᑉ ᐃᓗᐊᓄᑦ ᐃᓕᒋᕚ, ᑖᓗᑕᐅᑉ ᓯᕗᕌᓄᑦ,

ᐂᓮᐊᓯᐅᑉ ᐊᒡᓚᖏᑦ 6:6

ᓯᕌᕖᓪᓗ ᐃᓚᖓᑦᑕ ᖃᖓᑕᓪᓗᓂ ᐅᐸᒃᐹᖓ, ᑎᒍᒥᐊᕈᑏᖕᓄᑦ ᕿᔪᒃᓴᒥᒃ ᐊᐅᒪᒥᒃ ᑎᒍᒥᐊᕐᓗᓂ ᑎᒍᒥᐊᕈᑏᖕᓄᑦ ᑐᓂᕐᕈᓯᕐᕕᖕᒥᑦ ᑎᒍᔭᒥᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 41:22

ᕿᔪᐃᓐᓇᕐᒥᒃ, ᑕᓪᓕᒪᓂᒃ ᐃᑎᒐᖕᓂᒃ ᐳᕐᑐᓂᖃᕐᐳᖅ, ᑕᑭᓂᖃᕐᓗᓂ ᓯᑕᒪᓂᒃ ᐃᑎᒐᖕᓂᒃ, ᓯᓕᖕᓂᖃᕐᓗᓂᓗ ᓯᑕᒪᓂᒃ; ᑎᕆᖅᑯᖏᑦ ᑐᓐᖓᕕᖓᓗ, ᓴᓂᕋᓕᒫᖏᓪᓗ ᕿᔪᐃᓐᓇᐅᕗᑦ. ᑖᑦᓱᒪ ᐅᖃᐅᑎᕚᖓ, “ᑖᓐᓇ ᑕᕝᕙ ᓵ ᐊᑕᓂᐅᑉ ᓯᕗᕌᓃᑦᑐᖅ.”

ᐂᒨᓯᐅᑉ ᐊᒡᓚᖏᑦ 9:1

ᐊᑕᓂᖅ ᑕᑯᓚᐅᕐᐸᕋ ᓇᖏᕐᑐᖅ ᑐᓂᕐᕈᓯᕐᕕᐅᑉ ᓴᓂᐊᓂ, ᐅᖃᕐᓗᓂᓗ, “ᑐᒃᓯᐊᕐᕕᒡᔪᐊᑉ ᓱᑲᖏᑕ ᓄᕗᖏᑦ ᐊᓇᐅᒃᑭᑦ ᑐᓐᖓᕕᖓ ᓴᔪᖁᓪᓗᒍ, ᑖᒃᑯᓄᖓᓗ ᐃᓄᓕᒫᑦ ᓂᐊᖁᖏᑦ ᓯᖁᒥᑕᐅᖁᓪᓗᒋᑦ, ᐊᒥᐊᒃᑯᖏᓪᓗ ᑐᖁᑦᓱᒫᕐᐸᒃᑲ ᓴᕕᒡᔪᐊᒧᑦ; ᐊᑕᐅᓯᕐᒥᒡᓘᓐᓃᑦ ᕿᒫᔪᖃᕐᓂᐊᓐᖏᓚᑦ, ᓇᓪᓕᐊᓐᓂᒡᓘᓐᓃᑦ ᐊᓐᓇᒃᑐᖃᕐᓂᐊᕋᓂ.

ᒪᓚᑬᑉ ᐊᒡᓚᖏᑦ 1:11

ᓯᕿᓂᐅᑉ ᓄᐃᕕᐊᓂᑦ ᓂᐱᕕᐊᓄᑦ ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓂ, ᓇᓂᓕᒫᖅ ᑎᐱᑦᓯᐊᕆᒃᑐᓂᒃ ᐳᔪᕐᓂᒃ ᑐᓂᕐᕈᓯᕐᐳᑦ ᐊᑎᓐᓄᑦ, ᐃᑦᔪᕐᓁᑦᑐᓂᒡᓗ ᑐᓂᕐᕈᑎᓂᒃ; ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓄᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒨᓯᓯ ᓯᑕᒪᖏᑦ 4:11

“ᑐᓂᕐᕈᓯᕐᕕᒃ ᒎᓘ ᐅᓕᒋᐊᖃᕐᐹᑦ ᖃᓪᓗᓈᕐᑕᒥᒃ ᑐᖑᔪᕐᑕᒥᒃ, ᖄᖓᒍᑦ ᐆᒪᔪᐃᑦ ᐹᑦᔪᕆᑦ ᐊᒥᖏᓐᓂᒃ ᐅᓕᒡᓗᒋᑦ; ᐊᑭᕋᕐᕕᖏᓪᓗ ᑕᑭᔪᑦ ᐃᓕᓗᒋᑦ.

ᒨᓯᓯ ᓯᑕᒪᖏᑦ 7:62

ᐊᑕᐅᓯᕐᒥᒡᓗ ᐴᒍᑕᕐᒥᒃ ᒎᓗᒥᒃ 0.8 ᐊᐅᓐᓯᔅᒥᒃ ᐅᖁᒤᓐᓂᖃᕐᑐᒥᒃ, ᑕᑕᓪᓗᓂᓗ ᐃᓐᓴᓐᓯᒥᒃ ᑎᐱᑦᓯᐊᕆᒃᑐᒥᒃ;

ᓘᑲᓯᐅᑉ ᐊᒡᓚᖏᑦ 1:10

ᐃᓄᒋᐊᒃᑐᕐᔪᐊᑦ ᓯᓚᑖᓂ ᑐᒃᓯᐊᕐᑎᓪᓗᒋᑦ ᑎᐱᑦᓯᐊᕆᒃᑐᖅ ᐳᔫᕐᑎᑕᐅᑎᓪᓗᒍ,

ᕉᒪᒥᐅᓄᑦ 8:34

ᑭᓇ ᐃᒋᑕᒃᓴᓐᖑᕐᑎᑦᓯᔪᓐᓇᕐᐹ ᑕᑯᒋᑦ ᙭ᔅᑑᓯ ᔩᓱᓯᐅᑉ, ᑐᖁᓚᐅᕐᑑᑉ, ᑐᖁᒥᓪᓗ ᒪᑭᓚᐅᕐᑑᑉ, ᒎᑎᐅᓪᓗ ᑕᓕᕐᐱᐊᓃᑦᑑᑉ, ᑖᑦᓱᒪ ᑕᕝᕙ ᑐᒃᓯᐅᑎᖃᑦᑕᕐᐹᑎᒍᑦ.

ᐄᑉᕈᐃᓄᑦ 7:25

ᑍᒤᒻᒪᑦ ᑖᑦᓱᒨᓇ ᒎᑎᒧᐊᕐᑐᑦ ᑕᒪᕐᒥᒃ ᐱᐅᓕᔪᓐᓇᑦᓯᐊᕐᐰᑦ, ᐃᓅᑦᓮᓐᓇᕋᒥ ᐃᓱᖃᖏᑦᑐᒧᑦ ᑐᒃᓯᐅᑦᔩᓐᓇᕐᓗᓂ ᑖᒃᑯᓂᖓ.

ᐄᑉᕈᐃᓄᑦ 9:4

ᑕᕝᕙᓂ ᒎᓗᒥᒃ ᑐᓂᕐᕈᓯᕐᕕᒃᑕᖃᕐᐳᖅ ᐃᓯᕐᓗᐊᕐᓂᑎᑦᓯᕕᖕᒥᒃ ᑎᐱᑦᓯᐊᕆᒃᓴᐅᒥᒃ; ᐊᖏᖃᑎᒌᒍᑏᓪᓗ ᐃᓂᖓ ᐃᒃᖠᕐᕕᒃ ᓯᓚᑎᓕᕐᓯᒪᔪᖅ ᒎᓗᒥᒃ. ᐃᓗᐊᓂ ᒎᓗᒥᒃ ᐃᒥᖃᐅᑎᑕᖃᕐᐳᖅ ᒫᓇᒥᒃ ᐃᓗᓕᓕᖕᒥᒃ, ᐂᕉᓂᐅᓪᓗ ᐊᔭᐅᑉᐱᐊᖓ ᐱᕈᕐᕕᐅᓯᒪᔪᖅ ᐅᖃᐅᔭᕐᓂᒃ, ᐅᔭᕌᒡᓗ ᓵᑦᑐᔮᖅ ᐊᖏᖃᑎᒌᒍᑎᖕᓂᒃ ᑎᑎᕋᕐᕕᒋᓯᒪᔫᒃ ᐃᓗᐊᓃᒃᑭᕗᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 10:1

ᑕᕝᕙ ᐂᖏᓕᒥᒃ ᐱᔪᓐᓇᕐᑐᕐᔪᐊᒥᒃ ᑕᑯᒋᕗᖓ ᕿᓚᖕᒥᑦ ᐊᖅᑲᕐᑐᒥᒃ, ᓄᕗᔭᐅᑉ ᐃᓗᐊᓃᑦᑐᒥᒃ, ᓂᐊᖁᖓᑕᓗ ᖁᓛᒍᑦ ᐊᔭᒍᑕᖃᕐᐳᖅ, ᑮᓇᖓᓗ ᓯᕿᓂᕐᑐᑦ ᑍᒤᑉᐳᖅ, ᓂᐅᖏᒡᓗ ᐃᑯᒪᔪᑎᑐᑦ ᓱᑲᕐᑎᑐᑦ ᑍᒤᑉᐴᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:18

ᐂᖏᓕᐅᑦᑕᐅᖅ ᑖᑦᓱᒪ ᐊᓯᐊ ᓴᖅᑭᒃᑭᕗᖅ ᑐᓂᕐᕈᓯᕐᕕᖕᒥᑦ ᐊᓂᔪᖅ, ᑖᓐᓇ ᐃᑯᒪᒧᑦ ᐱᔪᓐᓇᕐᓂᖃᕐᑐᖅ, ᓂᐱᖅᑯᕐᑐᓪᓗᓂᓗ ᐂᖏᓕᒧᑦ ᐃᐱᒃᑐᒥᒃ ᓇᑲᑎᕆᑦᔪᑎᓕᔭᕐᑐᒧᑦ ᐅᖃᕐᐳᖅ, “ᓇᑲᑎᕆᑦᔪᑎᖕᓄᑦ ᐸᐅᕐᒊᑦ ᑲᑎᓐᖓᔪᑦ ᑲᑎᕐᓱᓕᒃᑭᑦ ᓄᓇᕐᔪᐊᑉ ᐱᕈᕐᓰᕕᖏᓐᓃᑦᑐᑦ, ᐸᐅᕐᒊᑦ ᐱᕈᕇᕐᓗᑎᒃ ᓇᑲᑎᕐᑕᐅᑐᐃᓐᓇᕆᐊᖃᓕᕐᒪᑕ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:8

ᐊᒡᓔᑦ ᐃᒧᓯᒪᔪᑦ ᑎᒍᖕᒪᒋᑦ, ᐆᒪᔪᑦ ᓯᑕᒪᑦ ᐊᖓᔪᖅᑳᓪᓗ 24 ᓄᕐᕋᐅᔭᐅᑉ ᓵᖓᓄᑦ ᐹᒻᒪᒡᓗᑎᒃ ᐅᑯᕗᑦ, ᐊᑐᓂᑦ ᑯᑭᑦᑕᐸᐅᑎᐅᔭᓂᒃ ᕼᐊᐱᓂᒃ ᑎᒍᒥᐊᕐᐳᑦ, ᐴᒍᑕᕐᓂᒡᓗ ᒎᓗᓂᒃ ᐃᓯᕐᓗᐊᕐᓂᑎᑦᓯᑦᔪᑎᓂᒃ ᑕᑕᑦᑐᓂᒃ, ᑕᒪᑦᔭ ᐃᑦᔪᕐᓁᑎᑕᐅᓯᒪᔪᑦ ᑐᒃᓯᐊᕐᓂᖏᑦ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 6:9

ᓄᕐᕋᐅᔭᐅᓪᓗ ᓇᕿᑦᔪᑏᑦ ᑕᓪᓕᒪᖓᑦ ᒪᒃᐱᕐᒪᒍ, ᑕᑯᕗᖓ ᑐᓂᕐᕈᓯᕐᕕᐅᑉ ᐊᑖᓂ ᑐᖁᑕᐅᔪᕕᓃᑦ ᑕᕐᓂᖏᓐᓂᒃ ᒎᑎᐅᑉ ᐅᖃᐅᓯᖏᓐᓂᒃ ᐅᖃᓪᓚᖕᓂᕐᒧᑦ ᓇᓗᓁᕐᓯᓂᕐᒥᒡᓗ ᑲᔪᓯᑦᓯᐊᕐᓂᕐᒧᑦ ᑐᖁᑕᐅᔪᕕᓂᕐᓂᒃ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:2

ᐂᖏᓖᒥᒡᓗ ᑕᑯᒋᕗᖓ ᓯᕿᓂᐅᑉ ᓄᐃᕕᐊᓂᑦ ᐱᔪᒥᒃ, ᒎᑎᐅᑉ ᓇᕿᑦᑎᑦᔪᑎᖓᓂᒃ ᐱᓯᒪᔪᒥᒃ, ᓂᐱᖅᑯᕐᑐᓪᓗᓂᓗ ᓂᓪᓕᕐᐳᖅ ᐂᖏᓖᓄᑦ ᓯᑕᒪᓄᑦ ᒎᑎᒧᑦ ᐱᔪᓐᓇᕐᓯᑎᑕᐅᓯᒪᔪᓄᑦ ᐊᓯᕈᐃᖁᓪᓗᒋᑦ ᓄᓇᕐᔪᐊᕐᒥᒃ ᐃᒪᕕᖕᒥᒡᓗ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 8:4

ᐳᔫᕐᑎᑕᐅᔪᑦ ᐳᔪᖓ ᐃᑦᔪᕐᓁᑎᑕᐅᓯᒪᔪᑦ ᑐᒃᓯᐊᕐᓂᖏᓐᓄᑦ ᖁᒻᒧᐊᖃᑕᐅᕗᖅ ᐂᖏᓕᐅᑉ ᐊᒡᒐᖏᓐᓂᑦ ᒎᑎᐅᑉ ᓵᖓᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 8:5

ᑕᕝᕙ ᐂᖏᓕᐅᑉ ᐳᔪᕐᑎᑦᓯᕕᐅᑉ ᐃᓂᖓ ᑎᒍᓪᓗᒍ ᐃᓗᓪᓕᕐᓱᕐᐹ ᐃᑯᒪᓂᒃ ᑐᓂᕐᕈᓯᕐᕕᖕᒥᑦ ᐱᔪᓂᒃ ᐃᒋᓪᓗᒋᓪᓗ ᓄᓇᕐᔪᐊᕐᒧᑦ; ᑕᕝᕙ ᓂᐱᕐᔪᐊᕐᑕᖃᓕᕐᐳᖅ ᐃᒃᑐᓚᐅᕐᑐᒥᒃ, ᑲᓪᓕᕐᕙᓗᒃᑐᒥᒡᓗ, ᖃᐅᒻᒪᓪᓚᖕᒥᒡᓗ, ᓄᓇᐅᓪᓗ ᓴᔪᒃᐱᓪᓚᖕᓂᖓᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:13

ᑕᕝᕙ ᐂᖏᓕᐅᑉ ᐱᖓᓲᔪᕐᑐᖓᑦᑕ ᑎᑦᑐᓚᐅᑦ ᓂᓪᓕᕐᑎᒃᑭᕚ, ᓂᐱᒥᒡᓗ ᑐᓴᕐᐳᖓ ᑐᓂᕐᕈᓯᕐᕕᐅᑉ ᒎᓘᑉ ᑎᕆᖅᑯᖏᓐᓂᑦ ᓯᑕᒪᓂᑦ ᐱᔪᒥᒃ ᒎᑎᐅᑉ ᓵᖓᓃᑦᑐᒥᑦ,