ᔪᐊᓇᓯᐅᑉ ᑕᑯᑎᑕᐅᓂᖏᑦ 8:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᑖᓐᓇ ᐅᓪᓗᕆᐊᖅ ᐊᑎᖃᕐᐳᖅ ᖃᒃᑭᓐᓇᕐᑐᒥᒃ. ᐃᒪᐅᓪᓗ ᐊᕝᕙᖓᑕ ᐅᖓᑖᓃᑦᑐᖅ ᖃᒃᑭᓐᓇᕐᓯᕗᖅ, ᐃᓄᐃᓪᓗ ᐃᒥᕐᑐᑦ ᐊᒥᓱᑦ ᑐᖁᕗᑦ, ᐃᒪᐅᑉ ᑕᒪᑐᒪ ᖃᒃᑭᓐᓇᕐᓯᓯᒪᓂᖓᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 8:11 Iomraidhean Croise

ᒨᓯᓯ ᐂᑉᐸᖏᑦ 15:23

ᓄᓇᒧᓪᓕ ᒫᕋᒥᒃ ᐊᑎᓕᖕᒧᑦ ᑎᑭᓐᓇᒥᒃ, ᑖᑦᓱᒪ ᐃᒪᖓᓂᒃ ᐃᒥᕈᓐᓇᓚᐅᓐᖏᓚᑦ ᐃᒪᖓ ᖃᓯᓕᓇᕐᑑᓚᐅᕐᒪᑦ; ᑍᒤᒻᒪᑦ ᑕᕝᕙ ᓄᓇ ᐊᑎᖃᕐᑎᑕᐅᓕᕐᐳᖅ ᒫᕋᒥᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 5:4

ᐱᔭᕇᕐᓂᖓᓕ ᓱᖓᕐᑎᑐᑦ ᖃᒃᑭᓐᓇᕐᑎᒋᕗᖅ, ᓴᕕᒡᔪᐊᑎᑐᑦ ᐃᒡᓗᒃᑐᑦ ᑮᓇᓕᒃᑐᑦ ᐃᐱᒃᑎᒋᓪᓗᓂ.

ᔨᕆᒤᐊᐅᑉ ᐊᒡᓚᖏᑦ 23:15

ᑍᒤᒻᒪᑦ ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ ᔨᕉᓴᓕᒦᑦᑐᑦ ᐱᓪᓗᒋᑦ: “ᑕᑯᒋᑦ, ᓂᕆᑎᑦᓱᒫᕐᐸᒃᑲ ᓂᕿᒥᒃ ᖃᒃᑭᓐᓇᕐᑐᒥᒃ, ᐃᒥᕐᑎᓪᓗᒋᓪᓗ ᐃᒪᕐᒥᒃ ᑐᖁᓐᓇᕐᑐᒥᒃ, ᒎᑎᒧᑦ ᐱᔪᖃᓛᕐᑐᒥᒃ ᐅᖃᕐᑎᐅᔪᑦ ᔨᕉᓴᓕᒥ ᐱᒋᐊᕐᕕᐅᓪᓗᑎᒃ ᐅᒃᐱᖏᓐᓂᖅ ᓯᐊᒻᒪᕐᐸᓪᓕᐊᓕᕐᒪᑦ ᓄᓇᓕᓕᒫᓄᑦ.”

ᔨᕆᒤᐊᐅᑉ ᐊᒡᓚᖏᑦ 9:15

ᑍᒤᒻᒪᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐃᒫᒃ ᐅᖃᕐᐳᖅ, ᑕᑯᒋᑦ, ᐃᓄᐃᑦ ᑖᒃᑯᐊ ᓂᕆᑎᓐᓂᐊᕐᐸᒃᑲ ᒪᒤᑦᑐᓂᒃ, ᑐᖁᓐᓇᕐᑐᒥᒡᓗ ᐃᒥᕐᑎᓪᓗᒋᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:19

ᐅᑯᒤᒃᓴᕐᓂᕋ ᐃᓱᒪᒋᓕᕌᖓᒃᑯ, ᓇᒧᓐᖓᕐᕕᒃᓴᖃᖏᓐᓂᕋᓗ, ᓱᖓᕐᑎᑐᑦ ᖃᒃᑭᓐᓇᕐᑐᑎᑐᑦ ᑍᒤᑉᐳᖅ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:5

ᐊᔪᓕᕐᑎᑉᐹᖓ ᑎᒍᔭᐅᓯᒪᔪᑎᑐᑦ ᖁᕕᐊᓇᖏᑦᑐᒧᑦ ᐅᖁᒤᒃᓴᕐᓇᕐᑐᒧᓪᓗ.

ᐂᒨᓯᐅᑉ ᐊᒡᓚᖏᑦ 5:7

ᐃᖅᑲᕐᑐᐃᑦᓯᐊᕐᓂᕐᒥᒃ ᒧᒥᒃᑎᑦᓯᒐᑦᓯ, ᖁᐱᕐᕈᑎᑐᑦ ᓇᐹᕐᑐᓂᒃ ᓂᕆᔪᑎᑐᑦ, ᐃᓱᐊᕐᑐᓕᓂᕐᓗ ᐊᑐᑦᓯᐊᖏᓐᓇᑦᓯᐅᒃ ᓄᓇᒧᑦ ᐃᒋᑕᐅᔪᑎᑐᑦ.

ᐂᒨᓯᐅᑉ ᐊᒡᓚᖏᑦ 6:12

ᕿᒻᒥᕐᔪᐊᑦ ᐸᖓᓕᓲᖑᕚᑦ ᐅᔭᖅᑲᑎᒍᑦ? ᐊᖑᑏᑦ ᐃᒪᕕᖕᒥᒃ ᒪᒃᐱᕐᑎᕆᓲᖑᕚᑦ ᐃᒻᒧᒃᓯᐅᒐᕐᓄᑦ? ᐃᖅᑲᕐᑐᐃᑦᓯᐊᕐᓂᖅ ᑐᖁᓐᓇᕐᑐᓐᖑᕐᑎᑉᐸᓯ, ᐃᓱᐊᕐᑐᓕᓂᐅᓪᓗ ᐱᕈᕐᑐᖓ ᖁᐱᕐᕈᓐᖑᕐᑎᑉᐸᓯ ᓇᐹᕐᑐᓂᒃ ᓂᕆᓲᑎᑐᑦ.

ᓴᑲᕅᐊᐅᑉ ᐊᒡᓚᖏᑦ 13:8

ᓄᓇᒥ ᑕᒫᓂ ᓄᓇᖃᕐᑐᓕᒫᑦ, ᐊᑕᓂᖅ ᐅᖃᕐᐳᖅ, ᐱᖓᓱᐃᓕᓗᒋᑦ, ᒪᕐᕉᒃ ᐊᓇᐅᔭᐅᕘᒃ ᑐᖁᓪᓗᑎᒡᓗ; ᐱᖓᔪᖓᓪᓕ ᐊᒥᐊᒃᑰᔪᒫᕐᐳᖅ.

ᓴᑲᕅᐊᐅᑉ ᐊᒡᓚᖏᑦ 13:9

ᑖᒃᑯᐊ ᐱᖓᔪᖏᑦ ᐃᑯᒪᒃᑰᕐᑎᓱᒪᕙᒃᑲ, ᓯᐅᓪᕕᕆᑎᑐᓪᓗ ᐊᐅᒃᑎᓪᓗᒋᑦ ᓴᓗᒻᒪᕐᓴᕈᒪᕙᒃᑲ, ᐆᒃᑐᕐᓗᒋᓪᓗ ᒎᓗᐃᑦ ᐆᒃᑐᕐᑕᐅᑦᔪᓯᖏᑎᑐᑦ: ᐊᑎᓐᓄᓪᓗ ᓂᓪᓕᐊᔪᒫᕐᐳᑦ ᑭᐅᔪᒫᕐᐸᒃᑲᓗ, ᐅᖃᓕᕐᓗᖓᓗ, ‘ᐅᑯᐊ ᑕᕝᕙ ᐃᓄᖁᑎᒃᑲ,’ ᑖᒃᑯᐊᓗ ᐅᖃᓕᕐᓗᑎᒃ, ‘ᐊᑕᓂᖅ ᒎᑎᒋᕙᕗᑦ.’”

ᒨᓯᓯ ᑕᓪᓕᒪᖏᑦ 29:18

ᐅᓗᕆᐊᓱᒋᑦᓯ ᐃᓕᑦᓯᓐᓃᑦᑐᖃᖁᓇᒍ ᐊᖑᒻᒥᒃ, ᐊᕐᓇᒥᒡᓘᓐᓃᑦ, ᕿᑐᕐᖓᕇᓂᒡᓘᓐᓃᑦ, ᑭᖑᕚᕇᓂᒡᓘᓐᓃᑦ, ᐅᓪᓗᒥ ᐆᒻᒪᑎᒥᒍᑦ ᐊᑕᓂᕐᒥᑦ ᒎᑎᑦᑎᓐᓂᑦ ᓴᖑᓯᒪᔪᒥᒃ ᐃᓅᖃᑎᒌᒡᔪᐊᓪᓗ ᒎᑎᓐᖑᐊᖏᓐᓄᑦ ᑐᒃᓯᐊᕐᕕᖃᖔᕈᒪᓕᕐᑐᓂᒃ; ᑕᒪᓐᓇ ᑍᒤᑦᑐᖅ ᐱᕈᕐᓯᐊᒃᓴᐅᑉ ᓄᓇᒧᑦ ᒪᖒᒪᓂᖓᑐᑦ ᑍᒤᑉᐳᖅ ᐱᕈᕐᑐᖃᕈᒫᕐᓗᓂ ᖃᓯᓕᓇᕐᑐᒥᒃ ᑐᖁᓐᓇᕐᑐᒥᒡᓗ.

ᐄᑉᕈᐃᓄᑦ 12:15

ᖃᐅᔨᓴᕆᑦᓯ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᐊᓐᓁᔪᖃᖁᓇᒍ; ᐱᕈᕐᑐᑎᑐᑦ ᒪᒤᓕᔪᑎᑐᑦ ᑍᒤᓕᔪᖃᕐᑍᓕᓕ ᐊᑭᕋᕐᑐᕐᑎᒌᖕᓂᕐᒥᒃ ᓴᖅᑭᑎᑦᓯᔪᒥᒃ, ᐅᓄᕐᑐᓪᓗ ᑕᒪᑐᒧᖓ ᓱᒃᑯᑎᕐᑕᐅᖁᓇᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:4

ᐅᓪᓗᕆᐊᓪᓗ ᐱᖓᓱᐃᓕᓪᓗᒋᑦ ᐱᖓᔪᖏᑦ ᐸᒥᐅᕐᒥᓄᑦ ᑏᒐᕐᐰᑦ ᕿᓚᖕᒥ, ᓄᓇᕐᔪᐊᕐᒧᓪᓗ ᑲᑕᒃᑎᓪᓗᒋᑦ. ᑐᕌᒎᓂᓗ ᐊᕐᓇᐅᑉ ᐃᕐᓂᓱᒃᑑᑉ ᓵᖓᓃᓕᕐᐳᖅ, ᐃᕐᓂᐊᕆᔭᖓᓂᒃ ᓂᕆᔪᒪᓪᓗᓂ ᐊᓂᑐᐊᕐᐸᑦ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 8:7

ᓯᕗᓪᓕᕐᐹᓪᓗ ᐂᖏᓕᐅᑉ ᑎᑦᑐᓚᐅᑦ ᓂᓪᓕᕐᑎᒻᒪᒍ, ᓇᑕᖅᑯᕐᓁᑦ ᐃᑯᒤᓪᓗ, ᐊᐅᒥᒃ ᐃᓚᖃᕐᓗᑎᒃ, ᓄᓇᕐᔪᐊᕐᒧᑦ ᑲᑕᒐᓕᕐᐳᑦ; ᓄᓇᕐᔪᐊᕐᓗ ᐊᕝᕙᖓᑕ ᐅᖓᑖᓄᑦ ᐃᑭᑕᐅᕗᖅ, ᓇᐹᕐᑐᐃᓪᓗ ᐊᕝᕙᖏᑕ ᐅᖓᑖᓄᑦ ᐃᑯᐊᓪᓚᒃᑭᕗᑦ, ᐃᕕᒃᓱᒐᓕᒫᓪᓗ ᑐᖑᔪᕐᑐᑦ ᐃᑯᐊᓪᓚᒃᑕᐅᒋᕗᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:15

ᑕᕝᕙ ᐂᖏᓖᑦ ᓯᑕᒪᑦ ᕿᓚᕈᑦᔮᕐᑕᐅᕗᑦ, ᐅᐸᓗᖕᒊᕈᑕᐅᓯᒪᔪᑦ ᐃᑲᕐᕋᕐᒥ ᑕᕝᕙᓂ; ᐅᓪᓗᕐᒥ; ᑕᖅᑭᕐᒥ; ᐊᕐᕌᒍᒥᓗ ᑕᕝᕙᓂ; ᑐᖁᑦᓯᖁᓪᓗᒋᑦ ᓯᓚᕐᔪᐊᑉ ᐃᓄᖏ ᑕᒪᕐᒥᒃ ᐱᖓᓲᓕᓗᒋᑦ ᐊᑕᐅᓯᖅ ᐱᖓᓲᑦᔪᑎᖏᑦ ᑐᖁᑉᐰᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:18

ᓯᓚᕐᔪᐊᒥᐅᓪᓗ ᐃᓄᖏᑦ ᐱᖓᓲᓕᒐᔭᕐᐸᑕ ᐱᖓᔪᖏᑦ ᑐᖁᑕᐅᕗᑦ ᑖᒃᑯᓄᖓ ᐊᓯᕈᕐᓇᕐᑐᓄᑦ ᐱᖓᓱᓄᑦ; ᐃᑯᒪᒧᑦ, ᐃᓯᕐᓗᖕᒧᓪᓗ, ᐳᔪᕐᒧᓪᓗ ᓲᓪᕙᒧᑦ ᕿᒻᒥᕐᔪᐊᑦ ᖃᓂᖏᓐᓂᑦ ᐊᓂᔪᓄᑦ.

ᕉᑎᐅᑉ ᐅᓂᒃᑲᐅᓯᓂᖓ 1:20

ᓁᐅᒥᐅᓪᓕ ᐅᖃᐅᑎᕔᑦ, “ᓁᐅᒥᒥᒃ ᑍᔭᐅᔪᒪᔪᓐᓃᕐᑐᖓ; ᐃᒫᖔᕐᓕ ᒫᕋᒥᒃ, ᒎᑎᐅᑉ ᐊᔪᒐᖃᖏᑦᑑᑉ ᕿᒃᓵᖕᓇᕐᑐᐊᓗᖕᒥᒃ ᐱᑎᓚᐅᕐᒪᖓ.