ᔪᐊᓇᓯᐅᑉ ᑕᑯᑎᑕᐅᓂᖏᑦ 7:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐂᖏᓖᒥᒡᓗ ᑕᑯᒋᕗᖓ ᓯᕿᓂᐅᑉ ᓄᐃᕕᐊᓂᑦ ᐱᔪᒥᒃ, ᒎᑎᐅᑉ ᓇᕿᑦᑎᑦᔪᑎᖓᓂᒃ ᐱᓯᒪᔪᒥᒃ, ᓂᐱᖅᑯᕐᑐᓪᓗᓂᓗ ᓂᓪᓕᕐᐳᖅ ᐂᖏᓖᓄᑦ ᓯᑕᒪᓄᑦ ᒎᑎᒧᑦ ᐱᔪᓐᓇᕐᓯᑎᑕᐅᓯᒪᔪᓄᑦ ᐊᓯᕈᐃᖁᓪᓗᒋᑦ ᓄᓇᕐᔪᐊᕐᒥᒃ ᐃᒪᕕᖕᒥᒡᓗ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:2 Iomraidhean Croise

ᐊᑕᓃᑦ ᐂᑉᐸᖏᑦ 19:4

ᐃᒻᒪᖄ ᐊᑕᓂᐅᑉ ᒎᑎᑦᓯ ᑐᓵᓚᐅᕐᐹ ᕌᑉᓴᑭᐅᑉ ᐅᖃᐅᓯᖏᑦ, ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᐅᖃᐅᓯᐅᖁᓚᐅᕐᑕᖏᑦ ᒎᑎᒥᒃ ᐆᒪᔪᒥᒃ ᒥᑕᐅᑎᖃᕐᑐᓂᒃ, ᐊᑕᓂᐅᑉ ᒎᑎᕕᑦ ᑕᒪᒃᑯᐊ ᐅᖃᐅᓯᐅᔪᑦ ᐅᕙᑦᑎᓐᓄᑦ ᒥᑕᐅᑎᖃᕐᓗᑎᒃ ᓱᒋᐊᕐᓕᒋᑦ ᑍᒤᑦᑐᓂᒃ ᐅᖃᓪᓚᒃᑐᕕᓃᒃ, ᑍᒤᒻᒪᑦ ᐃᓄᖁᑎᑦᑕ ᐊᒥᐊᒃᑯᖏᑦ ᒎᑎᒧᑦ ᑐᒃᓯᐅᑎᒃᑭᑦ.”

ᓲᓗᒨᓂᐅᑉ ᐃᓐᖏᕈᓯᖏᑦ 8:6

ᐆᒻᒪᑎᖕᓄᑦ ᓇᕿᑦᔪᑎᑐᑦ ᐅᒃᑯᐃᕐᑕᐅᑦᔧᒃᑯᑎᑐᑦ ᑍᒤᓚᐅᓐᖓ, ᑕᓕᕐᓄᓪᓗ ᐊᓯᓐᓂᒃ ᐃᕿᑦᓯᑦᑍᓕᑦᔪᑎᑐᑦ; ᓇᒡᓕᖕᓂᖅ ᑐᖁᒧᑦ ᐃᓕᖓᔫᔮᕐᒪᑦ, ᓯᖕᓇᓂᕐᑐᓪᓗ ᐃᓗᕕᐅᑉ ᑲᑉᐱᐊᓇᕐᓂᖓᑐᑦ ᑍᒤᑦᑐᑐᑦ; ᐃᑯᒪᖓ ᐃᑯᐊᓚᕗᖅ ᐃᑯᒪᕐᔪᐊᑐᑦ.

ᐂᓮᐊᓯᐅᑉ ᐊᒡᓚᖏᑦ 41:2

ᑭᐊ ᑎᑭᑎᓚᐅᕐᐸᐅᒃ ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐱᔪᖅ ᓵᓚᖃᕆᐊᕐᑐᕐᑐᖅ, ᓇᒧᑐᐃᓐᓇᕐᓗ ᐂᕕᒋᔭᓂ ᓵᓚᒌᓐᓇᕈᓐᓇᓚᐅᕐᐰᑦ? ᑖᑦᓱᒪ ᓵᓚᒃᓴᕐᑎᖃᑦᑕᓚᐅᕐᐹ ᐃᓅᖃᑎᒌᒡᔪᐊᓂᒃ, ᐊᖓᔪᖅᑳᕐᔪᐊᓪᓗ ᓵᓚᒋᓪᓗᒋᑦ ᐊᐅᓚᑦᓯᖃᑦᑕᓚᐅᕐᐳᖅ, ᓴᕕᒡᔪᐊᖓᑕ ᐱᒋᐊᕐᑕᕐᓂᖓᓄᑦ ᓱᓇᐅᑎᓚᐅᓐᖏᓔᑦ ᐳᔪᕋᕐᑎᑐᑦ, ᖃᕐᔪᖏᓪᓗ ᓯᐊᒻᒪᒃᑎᑎᕆᓚᐅᕐᐳᑦ ᐃᕕᒐᕐᑎᑐᑦ ᐊᓄᕆᒧᑦ ᑎᒃᑕᐅᕋᕐᑐᑎᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 9:4

ᐊᑕᓂᐅᓪᓗ ᐅᖃᐅᑎᕚ, “ᔨᕉᓴᓕᐅᑉ ᐃᒡᓗᒐᓴᖏᑎᒍᑦ ᐃᖏᕐᕋᒋᑦ, ᖃᐅᖏᑎᒍᑦ ᓇᓗᓁᒃᑯᓯᕐᓱᐃᓗᑎᑦ ᐊᓂᕐᓴᐅᒥᑦᔪᑎᓕᖕᓂᒃ ᐅᒡᒍᐊᕈᑎᓕᖕᓂᒡᓗ ᓇᕐᕈᓇᕐᑐᓂᒃ ᐱᓂᐊᕐᓂᐅᕙᒃᑐᓂᒃ.”

ᒪᓚᑬᑉ ᐊᒡᓚᖏᑦ 3:1

“ᑕᑯᒋᑦ, ᐅᖃᕆᐊᕐᑐᕐᑎᑕᕋ ᑎᓕᕙᕋ ᑖᑦᓱᒪ ᐊᖅᑯᑎᒃᓴᕋ ᓯᕗᓂᓐᓂ ᐅᐸᓗᖎᔭᕐᓂᐊᕐᐹ, ᐊᑕᓂᖅ ᕿᓂᕐᑕᓯ ᑕᕝᕔᓐᓇᖅ ᓴᖅᑭᓐᓂᐊᕐᐳᖅ ᑐᒃᓯᐊᕐᕕᒡᔪᐊᒥᓂ; ᐊᖏᖃᑎᒌᖕᓂᐅᑉ ᐅᖃᕐᑎᖓ ᑖᓐᓇ ᖁᕕᐊᒋᔭᓯ, ᑕᑯᒋᑦ, ᑎᑭᓕᕐᐳᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒪᓚᑬᑉ ᐊᒡᓚᖏᑦ 4:2

ᐊᑎᓐᓂᒡᓕ ᓯᕘᕋᔪᓯ ᐃᓱᐊᕐᑐᓕᓂᐅᑉ ᓯᕿᓂᖓᓄᑦ ᓄᐃᕕᐅᔪᒫᕐᐳᓯ, ᐃᓴᕈᕐᒥᒍᑦ ᐋᖅᑭᒃᑕᐅᓂᕐᒥᒃ ᐱᑕᓕᖕᒧᑦ. ᐊᓂᔪᒫᕐᐳᓯ ᒥᓯᒃᑕᕐᓗᓯ ᓄᕐᕋᕐᑎᑐᑦ ᐆᒪᔪᒃᑯᕕᖕᒥᑦ ᐊᓂᔪᑎᑐᑦ.

ᒫᑎᐅᓯᐅᑉ ᐊᒡᓚᖏᑦ 16:16

ᑕᕝᕙ ᓮᒨᓂ ᐲᑦᑐᕉᓯᐅᑉ ᑭᐅᕚ, “ᒥᓮᐊᓯᐅᕗᑎᑦ, ᒎᑎᐅᑉ ᐆᒪᔫᑉ ᐃᕐᓂᖓ.”

ᒫᑎᐅᓯᐅᑉ ᐊᒡᓚᖏᑦ 26:63

ᔩᓱᓯᓕ ᓂᓪᓕᓐᖏᓚᖅ. ᑕᕝᕙ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᒻᒪᕆᖓᑦᑕ ᐅᖃᕐᕕᒋᒃᑲᓐᓂᕐᐹ, “ᒎᑎᐅᑉ ᑐᖁᓱᐃᑦᑑᑉ ᐊᑎᖓᓂ ᐅᖃᖁᓪᓚᕆᓕᕐᐸᒋᑦ, ᐅᖃᐅᑎᓚᐅᕐᑎᒍᑦ ᙭ᔅᑑᓯᐅᖕᒪᖔᕐᐱᑦ, ᒎᑎᐅᑉ ᐃᕐᓂᖓ.”

ᔪᐊᓇᓯᐅᑉ ᐊᒡᓚᖏᑦ 6:27

ᓂᕿᒃᓴᒥᒃ ᓄᖑᓴᕅᑦᑐᒥᒃ ᐱᓇᓱᐊᕐᓂᐊᕋᓯ, ᓂᕿᒃᓴᒥᒡᓕ ᐱᓇᓱᐊᓕᕆᑦᓯ ᐃᓅᓯᕐᑖᕐᓇᕐᑐᒥᒃ ᓄᖑᓱᐃᑦᑐᒧᑦ, ᐃᓅᑉ ᐃᕐᓂᖓᑕ ᑐᓂᓂᐊᕐᑕᖓᓂᒃ ᐃᓕᑦᓯᓐᓄᑦ; ᑖᓐᓇ ᒎᑎᐅᑉ ᐊᑖᑕᐅᑉ ᓇᓗᓁᒃᑯᓯᕐᓯᒪᖕᒪᒍ ᓈᒻᒪᒃᓴᕐᓂᕐᒥᓂᒃ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:22

ᓇᓗᓁᒃᑯᓯᕐᐹᑎᒍᓪᓗ ᓇᕿᑦᔪᑎᒥᓄᑦ ᐅᕙᑦᑎᓐᓂᒃ ᐱᖃᕐᓂᕐᒥᓂᒃ ᓇᓗᓁᕐᓯᔪᒥᒃ, ᐊᓂᕐᓂᕐᓗ ᐃᑦᔪᕐᓁᑦᑐᖅ ᐃᓗᑦᑎᓐᓄᑦ ᐱᑎᑉᐹ, ᓇᓗᓇᖁᓇᒍ ᐊᖏᕈᑎᒋᓯᒪᔭᖏᓐᓂᒃ ᐱᑖᓛᕐᓂᕗᑦ ᑖᑦᓱᒪᓐᖓᑦ.

ᐃᐱᓯᒥᐅᓄᑦ 1:13

ᑖᑦᓱᒨᓇ ᐃᓕᑦᓯᑦᑕᐅᖅ ᑍᒤᒃᑭᕗᓯ, ᓱᓕᔫᑉ ᐅᖃᐅᓯᐅᓂᖓᓂᒃ ᑐᓴᕐᓯᒪᔪᓯ, ᐅᖃᐅᓯᕐᓄᑦ ᑐᓴᕈᒥᓇᕐᑐᓄᑦ ᐱᐅᓕᔭᐅᕕᒃᓴᕐᑖᑎᑕᐅᓯᒪᕗᓯ, ᑖᑦᓱᒧᖓᓗ ᐅᒃᐱᓕᕋᑦᓯ, ᑕᕝᕙ ᒎᑎᐅᑉ ᓇᓗᓁᒃᑯᓯᓚᐅᕐᐹᓯ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐊᖏᕈᑕᐅᓯᒪᔪᒥᒃ.

ᐃᐱᓯᒥᐅᓄᑦ 4:30

ᒎᑎᐅᓪᓗ ᐊᓂᕐᓂᖓ ᐃᑦᔪᕐᓁᑦᑐᖅ ᕿᒃᓵᒃᑎᓐᓂᐊᕋᓯᐅᒃ, ᑖᑦᓱᒧᖓ ᓇᓗᓁᒃᑯᓯᕐᑕᐅᓯᒪᒐᑦᓯ ᐅᓪᓗᒧᑦ ᐱᐅᓕᔭᐅᕕᒃᓴᒧᑦ.

ᒨᓯᓯ ᑕᓪᓕᒪᖏᑦ 5:26

ᐃᓄᖕᒥᒃ ᐆᒪᔪᖃᓚᐅᕐᓯᒪᕚ? ᒎᑎᐅᑉ ᐆᒪᔫᑉ ᓂᐱᖓᓂᒃ ᑐᓵᓯᒪᔪᒥᒃ ᐅᖄᑎᓪᓗᒍ ᐃᑯᒪᒥᑦ? ᐅᕙᑦᑎᑐᑦ, ᑐᓵᓯᒪᒐᑦᑕ ᓂᐱᖓᓂᒃ ᐆᒪᓪᓗᑕ?

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:9

ᐃᓄᓕᒫᑦ ᐃᓕᑦᓯᓐᓂᒃ ᐅᓐᓂᕐᓯᐅᑎᖃᕐᒪᑕ ᐅᕙᑦᑎᓐᓂᒃ ᑐᓐᖓᓱᒃᑎᑦᓯᓂᕆᓚᐅᕐᑕᑦᓯᓐᓂᒃ ᑎᑭᑎᓪᓗᑕ, ᖃᓄᕐᓗ ᒎᑎᓐᖑᐊᖃᕐᓂᒥᒃ ᕿᒤᓪᓗᓯ ᒎᑎᒧᑦ ᓵᒋᐊᓚᐅᕐᓂᑦᓯᓐᓂᒃ, ᒎᑎ ᓱᓕᔪᑐᐊᖅ ᐱᔨᑦᓯᓕᕐᓗᒍ.

ᑎᒧᑎᒧᑦ ᐂᑉᐸᖏᑦ 2:19

ᒎᑎᐅᓪᓕ ᑐᓐᖓᕕᓕᐊᕆᓯᒪᔭᖓ ᐊᐅᓚᖏᑦᑐᖅ ᓱᕐᕋᒃᑕᐅᔪᓐᓇᓐᖏᓚᖅ; ᐃᒤᑦᑐᓂᒃ ᓇᓗᓁᒃᑯᑕᓕᒃ: “ᐊᑕᓂᐅᑉ ᐃᓄᖁᑎᓂ ᖃᐅᔨᒪᕔᑦ,” ᐊᒻᒪᓗ, “ᑕᒪᕐᒥᒃ ᐊᑕᓂᕐᒧᑦ ᐃᓄᖁᑕᐅᔪᑦ ᐱᐅᖏᑦᑐᓕᓂᕐᓂᒃ ᐊᑐᕈᓐᓁᕐᓕᑦ.”

ᐄᑉᕈᐃᓄᑦ 12:22

ᐃᓕᑦᓯᓕ ᖃᖅᑲᒧᑦ ᓮᐅᓂᒧᑦ ᑎᑭᓯᒪᕗᓯ ᒎᑎᐅᑉ ᑐᖁᓱᐃᑦᑑᑉ ᐃᒡᓗᒐᓴᒡᔪᐊᖁᑎᖏᓐᓄᑦ, ᔨᕉᓴᓕᒧᑦ ᕿᓚᖕᒦᑦᑐᒧᑦ, ᐂᖏᓕᒐᓴᒡᔪᐊᓄᑦ ᓈᓴᕐᑕᐅᔪᓐᓇᖏᑦᑐᓄᑦ ᖁᕕᐊᓱᖃᑎᒌᒡᓗᑎᒃ ᑲᑎᒪᔪᓄᑦ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:3

ᓮᒪᓇᕐᑐᒦᑉᐳᖅ ᑖᒃᑯᓂᖓ ᐅᖃᓕᒫᕐᑐᖅ ᓇᓚᐅᑦᑍᔪᑕᐅᓯᒪᔪᓂᒃ, ᓮᒪᓇᕐᑐᒦᑭᕗᑦ ᑕᒪᒃᑯᓂᖓ ᐱᔪᒫᕐᑐᒃᓴᓂᒃ ᑐᓴᕐᑐᑦ, ᓈᓚᒃᑐᓪᓗ ᑕᕝᕙᓂ ᑎᑎᕋᕐᑕᐅᓯᒪᔪᓂᒃ, ᓇᓪᓕᐅᓐᓂᒃᓴᖏᑦ ᖃᓂᑦᑑᓕᕐᒪᑕ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 10:1

ᑕᕝᕙ ᐂᖏᓕᒥᒃ ᐱᔪᓐᓇᕐᑐᕐᔪᐊᒥᒃ ᑕᑯᒋᕗᖓ ᕿᓚᖕᒥᑦ ᐊᖅᑲᕐᑐᒥᒃ, ᓄᕗᔭᐅᑉ ᐃᓗᐊᓃᑦᑐᒥᒃ, ᓂᐊᖁᖓᑕᓗ ᖁᓛᒍᑦ ᐊᔭᒍᑕᖃᕐᐳᖅ, ᑮᓇᖓᓗ ᓯᕿᓂᕐᑐᑦ ᑍᒤᑉᐳᖅ, ᓂᐅᖏᒡᓗ ᐃᑯᒪᔪᑎᑐᑦ ᓱᑲᕐᑎᑐᑦ ᑍᒤᑉᐴᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 10:4

ᑲᓪᓗᐃᓪᓗ 7 ᓂᓪᓕᕐᒪᑕ ᑎᑎᕋᕈᒪᓕᓚᐅᕐᐳᖓ, ᓂᐱᒥᒡᓕ ᕿᓚᖕᒥᑦ ᑐᓴᕐᐳᖓ ᐅᖃᕐᑐᒥᒃ, “ᑲᓪᓗᐃᑦ 7 ᐅᖃᐅᓯᖏᑦ ᓇᕿᑦᔪᓯᒃᑭᑦ, ᑎᑎᕋᕐᑍᓕᓗᒋᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:12

ᐂᖏᓖᓪᓗ ᐱᖓᓲᔪᕐᑐᖓᑦᑕ ᖃᓪᓗᑎᓂ ᑯᕕᒋᕚ ᑰᒑᓗᖕᒧᑦ ᐃᕗᕅᑎᒧᑦ, ᑰᒐᓗᒡᓗ ᐃᒤᕐᑎᑉᐳᖅ, ᐊᖅᑯᑕᐅᔪᓐᓇᕐᓯᓪᓗᓂᓗ ᐊᖓᔪᖅᑳᕐᔪᐊᓄᑦ ᓯᕿᓂᐅᑉ ᓄᐃᕕᐊᑕ ᓇᓛᓂᓐᖔᕐᑐᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:2

ᑕᑯᕗᖓᓗ ᐱᔪᓐᓇᕐᑐᕐᔪᐊᒥᒃ ᐂᖏᓕᒥᒃ ᓂᐱᖅᑯᕐᑐᓪᓗᓂ ᐅᖃᕐᑐᒥᒃ, “ᑭᓇ ᐊᒡᓚᖕᓂᒃ ᐃᒧᓯᒪᔪᓂᒃ ᐃᓯᕕᑦᓯᔪᓐᓇᕐᑎᑕᐅᕚ, ᓇᕿᑦᔪᑎᖏᓪᓗ ᐲᔭᕐᓗᒋᑦ?”

ᔪᐊᓇᓯᐅᑉ ᑕᑯᑎᑕᐅᓂᖏᑦ 8:3

ᐂᖏᓕᑦᑕᐅᖅ ᐊᓯᐊ ᑕᒪᐅᓐᖓᕐᐳᖅ ᑐᓂᕐᕈᓯᕐᕕᐅᑉ ᓵᖓᓄᐊᕐᓗᓂ ᒎᓗᒥᒃ ᐳᔫᑦᑎᑦᓯᕕᖕᒥᒃ ᑎᒍᒥᐊᕐᑐᖅ; ᑐᓂᓯᕕᐅᕗᕐᓗ ᐳᔫᕐᑎᑕᒃᓴᖏᓐᓂᒃ ᐊᒥᓱᓂᒃ ᐃᓚᓕᐅᑎᔭᐅᖁᓪᓗᒋᑦ ᐃᑦᔪᕐᓁᑎᑕᐅᓯᒪᔪᓕᒫᑦ ᑐᒃᓯᐊᕐᓂᖏᓐᓄᑦ ᑐᓂᕐᕈᑕᐅᖁᓪᓗᒋᑦ ᒎᓗᒧᑦ ᑐᓂᕐᕈᓯᕐᕕᖕᒧᑦ ᐃᒃᓯᕙᐅᑕᕐᔪᐊᑉ ᓵᖓᓃᑦᑐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:14

ᓂᐱᓗ ᐂᖏᓖᑦ ᐱᖓᓲᔪᕐᑐᖓᓐᓄᑦ ᑎᑦᑐᓚᐅᑎᖃᕐᑐᒧᑦ ᐅᖃᕐᐳᖅ, “ᐂᖏᓖᑦ ᓯᑕᒪᑦ ᕿᓚᕈᑦᔮᒃᑭᑦ ᐊᑦᓱᖏᕐᑕᐅᓯᒪᔪᑦ ᑰᒑᓗᖕᒥ ᐃᕗᕅᑎᒥ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:4

ᐅᖃᐅᑎᔭᐅᕗᓪᓗ ᐊᓯᕈᐃᖁᓇᒋᑦ ᐃᕕᒃᓱᒐᕐᓂᒃ ᓄᓇᕐᔪᐊᕐᒦᑦᑐᓂᒃ ᑐᖑᔪᕐᑐᓕᒫᓂᒃ ᓇᐹᕐᑐᓂᒡᓗ ᐱᕈᕐᑐᓂᒡᓗ, ᐃᓄᖕᓂᒡᓕ ᑭᓯᐊᓂ ᐊᓯᕈᐃᖁᓪᓗᒋᑦ ᒎᑎᐅᑉ ᓇᕿᑦᔪᑎᖓᓂᒃ ᖃᐅᕐᒥᒍᑦ ᓇᓗᓁᒃᑯᑕᖃᖏᑦᑐᓂᒃ;

ᓴᒧᐃᓕ ᓯᕗᓪᓖᑦ 17:26

ᑍᕕᑎᐅᓪᓗ ᐊᖑᑏᑦ ᓇᖏᖃᑎᓂ ᐅᖃᐅᑎᕔᑦ, “ᖃᓄᐃᑕᐅᔪᒫᕐᐹ ᐊᖑᑦ ᑍᓐᓇ ᑐᖁᑦᓯᔪᖅ ᑖᑦᓱᒥᖓ ᐱᓕᔅᑍᓂᒥᐅᒥᒃ, ᐃᓴᕆᐊᓕᒥᐅᓪᓗ ᑲᓐᖑᓇᕐᑐᒦᑎᐅᓂᖓᓂᒃ ᐲᕐᓯᔪᖅ? ᑖᓐᓇ ᖃᓄᐃᑦᑑᕙ ᑭᐱᔭᐅᓯᒪᖏᑦᑐᖅ ᐱᓕᔅᑏᓂᒥᐅᑖᖅ, ᒥᑕᐅᑎᖃᕐᑐᖅ ᒎᑎᐅᑉ ᐆᒪᔫᑉ ᐅᓇᑕᕐᑐᒃᓴᖁᑎᖏᓐᓂᒃ?”

ᓴᒧᐃᓕ ᓯᕗᓪᓖᑦ 17:36

ᐱᔩᑦ ᑐᖁᑦᑎᓯᒪᕗᖅ ᓛᔭᓂᒃ ᓇᓄᕐᓂᒡᓗ; ᑖᓐᓇᓗ ᑭᐱᔭᐅᓯᒪᖏᑦᑐᖅ ᐱᓕᔅᑍᓂᒥᐅᑕᖅ ᑖᒃᑯᑎᑐᓇᖅ ᐊᑦᔨᑐᐃᓐᓇᐅᓂᐊᕐᐳᖅ, ᒥᑕᐅᑎᖃᕐᒪᑦ ᒎᑎᐅᑉ ᐆᒪᔫᑉ ᐅᓇᑕᕐᑐᒃᓴᖁᑎᖏᓐᓂᒃ.”